大井町日式放題 (已結業)

位於荃灣大鴻輝（荃灣）中心3樓的大井町，主打日式放題。和朋友吃過旺角的放題，座位和空間較為狹窄，不是坐得太舒適。但大井町的座位頗闊落，感覺舒適。點餐紙約有十多款，包括刺身、創作壽司、燒物、炸物、天婦羅等，下單時把桌號和人數寫好後便可卡給店員。店員送上了一客刺身，是入座小吃，約有八座刺身。個人最喜愛的是帶子，味道頗鮮甜。如果蝦的用料能更優質便好了，賣相上有些失色。冷盤和水果是自由享用的，令人頗驚喜的有青口、熟蝦和翡翠螺，熟蝦質量爽口彈牙，味道不錯。其他冷盤小吃有較為常見的帶子裙邊、辣味螺肉等。用膳當天是平日六時入座，不算太多人，大部分食物約十分鐘便能送上。首先來到的是圓形碟的芝士菠菜忌廉焗帶子和橢圓形碟的廣島蠔北海燒。焗帶子芝士味頗香濃，而廣島蠔則能嘗到頗濃的黑椒味。炸物則點了芝麻雞翼、日式炸餃子和紫心香芋丸，炸物上桌時都時熱騰騰，十分新鮮。香芋丸的餡料更是熱得燙口，要靜待幾分鐘。芝麻雞翼炸得離骨，而且醃得頗入味。點了一客鐵板牛柳粒，剛剛上桌時，牛柳粒還在冒煙，醬汁十分香濃，牛柳粒的熟度也剛剛好，不會過生或過老。這款牛柳粒最好襯熱吃。朋友則覺得牛柳味道鹹了少許，所以點一客湯烏冬作配襯。這

朋友生日一行五人嚟食放題慶祝串燒牛脷~好味🤗🤗雞翼'炸物~香脆好味🤗🤗各款壽司 ~ 新鮮🤗🤗🤗手捲~ 紫菜脆'新鮮🤗🤗刺身~新鮮🤗🤗🤗三文魚，希靈魚，帶子，甜蝦 ，牡丹蝦 ，吞拿魚， 象拔蚌，劍魚， 北寄貝 雪糕~ 認真麻麻' 可能係佢嘅雪櫃有問題'啲雪糕溶左再雪返' 杯杯凹凹凸凸得一半' 我哋有食開這些雪糕唔係咁樣· 所以唔敢食基本上佢個放題係好味' 但雪糕伏了

刺身唔新鮮，熟食選擇唔多，又難食.辣雞煲，用碟上入面係四隻雞翼，咩味都無，只有雪味落咗兩次order已經唔想食牡丹蝦每次落4隻，只會嚟兩隻，仲要係黑色.平時懶得寫食評嘅我，今次都忍唔住，一定無下次.

平時好少食放題，但屋企人出咗糧想話想餐好既就食啦，呢間野係小妹屋企附近，於是就book Sunday brunch住得都幾闊落，空間感都大，可以坐底慢慢食。要開動了🥳一坐底就拎咗d前菜，青口好大好甜，唔會霉口，螺肉大隻無沙無雪味，大大隻跟住cocktail sauce同麻醬好正最令人驚喜既係呢個日式茶碗蒸，蛋有好香既魚味，應該加咗高湯去蒸煮，入面有香菇、蝦仁，秋葵等等 又細緻又好味，encore 咗兩轉。魚生都好新鮮，蝦類都有自然既甜味，，阿妹話除咗吞拿魚有少少腥其他都正。黎都炸物既部分，芝士年糕一如既往流心香口好邪惡！香芋丸奶味都濃，但最令我開心既係個榴連炸丸，出面無架，食面真係好creamy再帶一絲絲既果肉，真材實料又encore,必食！牛舌唔會難咬，羊架燒得香口多汁唔會太un,支少少檸檬汁錦上添花，一口腸都正常發揮榴連雪條都記得要食，另外仲有好多野飲同甜品，大家個胃夠大可以再食另外一題個海膽手卷都好食，唔係好多地方放題食到海膽，埋200蚊一個人就食到咁多野，而且好高質，侍應哥哥都好有禮貌，無咩漏單，下次再食過。

剛剛阿仔考完試， 係時候輕鬆下食番餐好成日都出旺角食放題， 今次就想轉下地方其實我 睇到地點係 大鴻輝都有啲驚驚，因為樓上 真係太多食肆， 人又多 ，又多火鍋店但係走火通道 又唔明確， 搭𨋢又成日長爆滿但係我今次上openrice見到佢寫大鴻輝搭電梯上去三樓 就到啦， 起碼唔使搭𨋢上去，安全得多一入到去好空曠好大， lunch唔算多人食但係 食物質素ok， 尤其是三文魚同 馬刀貝我平時唔食吞拿魚我都覺得ok汽水及 雪條款式都多， 有隻大阪雪糕都仲有三隻味，嗰度最正有榴槤雪條食甜品方便都有兩個櫃擺放咗超過十款甜品炸物方面款式唔算多- 炸雞翼同埋榴槤波波球都好食但係炸鮮奶我就覺得個粉好厚另外有自助沙律吧同埋生果選擇蒸水蛋好滑， 但係燒蠔好難食， 下次唔會再叫整體方面 有少許溜單， 但係上菜速度算快座位好坐， 地點亦好價錢唔算貴

壽星指定生日去大井町. 我覺得大井町可算係荃灣數一數二好食又抵食嘅日本放題. 款式多, 而且地點好. 雖然同座大鴻煇, 但係唔使等高層𨋢, 撘扶手電梯就到達嘞.  星期一至四, 有六人同行一人免費, 抵呀. 好少漏單, 所以落單唔使double up. 叫啱份量, 食完再落都未遲. 刺身款式算多, 最值得推介係帶子. 唔係間間放題都會有帶子刺身嘛. 而且食材本身唔錯.   雪藏嘢我又唔敢用新鮮嚟形容樣樣刺身都ok壽司款式多, 舊飯細細粒, 可以試多幾款.  蟹棒壽司勁好食天婦羅有我最鍾意食嘅茄子&蕃薯天婦羅, 唔滴油, 上枱又夠熱. 熱食都有好多款, 最推介就係羊架&牛舌, 唔硬唔打渣.  仲有燒菠蘿, 多汁.  茶碗蒸啲蛋滑嘟嘟.生日仲會送你一個蛋糕同一支香檳, 最緊要你訂位時講低賀生日就有架嘞.

喺荃灣想同朋友聚舊又想食日式放題，Openrice搵到呢間食評不錯，都幾多就黎試下。餐廳好大，座位寬落，好埋一大班人坐底舒舒服服坐底食嘢傾計😬點餐紙好多選擇。有得拎熱飲，呢個值得讚，唔係到到有，照顧到唔同需要嘅人，特別係養生嘅女士們😬有冷盤拎，又係唔係到到有👍🏻竟然有得追加任飲生啤😍又係值得一讚，啱哂一大班朋友飲下酒吹下水，一路飲啤酒一路食串燒，正呀剌身選擇多，竟然有牧丹蝦，又有帆立貝同赤具，正呀👍🏻蝦大大隻，好鮮甜。油甘魚都好新鮮蟹粥好足糕又鮮甜，粥煲到好綿炸物都好唔錯，炸粉唔會太厚，送酒一流鍾意榴榴嘅朋友千祈唔好錯過呢個榴槤炸彈，估唔到入面咁多榴槤創作壽食幾特別，細細粒食落唔會頂胃，可以試其他嘢串燒燒得不錯。如果想同朋友飲下酒吹下水食下串燒，黎呢到剩食串燒都回返本啦推介牛舌同雞軟骨。返叫左幾次最後仲有名牌雪糕，有我只愛嘅開心果雪糕，好驚喜，雖然只可叫一次，但食一杯都夠哂數。唔夠可以出去拎其他甜品。總括，下次想去荃灣食放題，應該會再黎

見咁多好評就上黎試下，荃灣區放題唔算多。食完評價，入黎比2百幾蚊。走單勁 勁嚴重，走單仲要食物都勁耐先出，，試過等15minsd野食先黎，仲要唔齊單，野食又難食。貴價野就遲遲唔到。係咁出d平價野食 整飽你個肚。見到依度d食評 打多勁多。個個笑面好好食評。再講，食物款食又勁少。依個價錢真係大把出面ga放題店好好多。荃灣區黎講，放題寧願食漁屋 都唔會食依間。 真心對依間失望。竟然可以咁多食評！！！！！仲要讚好，失望

依家日式放題店舖相當多, 今次食呢間位於荃灣嘅大井町係物有所值的。 首先環境真係唔錯, 坐位夠闊, 所以食得好舒服。 食物選擇都算多,上菜速度都好快, 而且無漏單, 好抵讚。 先講刺身, 一開始只係叫咗三文魚,吞拿魚同帶子試, 三樣都夠新鮮, 帶子亦好鮮甜,所以之後再encore 壽司呢, 試咗火炙三文魚同和牛壽司, 都唔錯的,飯嘅份量少,燒過嘅三文魚比較香,和牛都唔錯。 另外個蟹柳都好大條,而且唔係好粉果款,唔錯。 天氣凍凍地,所以都叫咗壽喜燒, 大大塊牛肉舖係面,個鍋仲有冬菇,娃娃菜,豆腐等嘅配料,壽喜燒湯底甜甜地都好夠味。 天婦羅都幾好食, 個炸漿夠脆又唔算厚, 叫嘅份量唔多,但上碟都有排好佢 個炸餃我覺得硬咗小小,有啲難咬 。 呢個焗蠔味道都唔錯, 有個沙律醬連埋冬菇粒一齊焗,都幾特別。 甜品方面可以一人揀一個movenpick 雪糕,其他例如蛋糕仔,雪米磁呢啲就任拎。 另外飲品種類都好多, 青酒梅酒任飲, 仲有熱維他奶熱茶供應,所以冬天去食都幾暖心。

荃灣這個地方已經很久沒有來，如果吾係朋友book 左位，我都吾知道有這間店喔要謝謝他,下次我又有多個選擇了可愛喔😍😍😍地方算舒適先㸃刺身先,刺身新鮮的味道鮮甜，我食了2轉😳😳😳刺身，飲品在飲品區自己拿的。清酒🍶，梅酒，都可以任飲🥰👏🏻👏🏻👏🏻正✌🏻當然汽水、茶都是任飲啦！我飲清酒🍶配刺身✌🏻嘩爽呀😳這個紅酒牛肉麻麻地,吾喜歡食焗的食物做得不錯👍🏻日式燉蛋👌🏻滑身的海膽手卷，紫菜夠脆，如果海膽可以多少少就好啦燒烤好味👍🏻樣樣都不錯👍🏻燒菠蘿好多汁又好味，吾會酸。因為好味所以再㸃多三件菠蘿🍍我朋友嚇親，我係咁食，😂😂😂其實我平時吾係咁😳仲有其他小食有粟米粒，鍋物料理、下次影比大家。

今日朋友帶左我黎呢間放題，佢話食過質素幾好。價錢幾平。7:30前或宵夜時段都係$208。正價就$248。加少少錢仲可以任飲生啤，岩哂啲飲酒人士！環境相當之大，坐得闊落。仲可以出面拎野食，前菜小食，海鮮，甜品雪糕雪條。又多飲品選擇。最欣賞係天氣咁凍唔想飲凍野，佢有暖櫃飲品，真係太好了！😺點餐紙亦有好多張，放得整齊，夠哂清晰。一次過點左好多野，諗住啲野會好慢先黎到，點知無幾耐啲野已經黎齊哂，速度相當之快！！真係值得一讚。刺身選擇都好多，每款都夠新鮮肥美。尤其三文魚，油甘魚，帶子，馬刀貝，牡丹蝦，我地好鐘意食，質素幾好！😻壽司亦好多種類:推薦 火炙三文魚，火炙比目魚，花之戀，海膽手卷！叫完又再叫🤭壽司🍣細細舊，唔怕飽肚！海膽新鮮，份量都多架。好creamy ！炸物天婦羅🍤都炸得好香脆，又熱辣辣！最令人驚喜係 ，蒲汁鰻魚天婦羅，餃子，雙皮鮮奶卷，芝麻雞翼，榴連炸彈，都好好味！燒物串燒:牛舌好厚肉爽口。燒菠蘿好解膩，多汁清甜。燒羊架，雞軟骨，豚肉都不錯！仲有燒鯖魚，好開胃🤤我地仲叫左碗牛肉湯烏冬，意想不到的好味！稻庭烏冬口感好味彈牙，配上濃郁湯底，好味！肥牛都好嫩肉，牛味重的。👍食到超飽！最後仲

又係日式放題時間, 今晚同朋友試左荃灣嘅大井町日式方題, 想講嘅係依間絕對係有水準嘅一間。皆因平時同朋友食開嘅放題有唔少都係伏黎, 試過迫爆等餐死嘅有, 坐得迫迫夾嘅又有, 當然都試過出嘢食超慢或漏單, 食完想打人嘅放題啦！朋友知我對放題有啲要求, 所以就帶我嚟依度開餐, 先講環境, 第一個感覺係好大同好光猛, 可能坐位夠多, 我地兩個人, 坐四人卡位, 勁舒服。 睇下柯打紙, 選擇超多呢, 根本唔會試得哂啲嘢食, 我同朋友每一round都好小心咁揀自己嘅最愛, 盡可能試多啲唔同嘅嘢。 除左柯打紙, 餐廳中間位置有個自助區, 除飲品外, 我都見到有好多嘢食, 凍盤如青口及蝦之類, 沙律吧, 甜品櫃, 雪糕櫃, 飲酒嘅朋友仔要特別留意, 依度有部機可以任倒清酒同梅酒嘅, 本人試過都真係唔錯下, 剩飲都可以回本, 笑!另一個溫馨提示係柯打嘅嘢食上檯速度好快, 一次過叫太多感覺上係食唔切嘅, 所以各位點下一輪嘅時候, 最好自己已經清左枱面上八成嘅嘢先好再叫。 至於味道, 我朋友就一路食一路讚果種啦 (我就冇佢咁多嘢講啦, 專心食好嘢啦緊係。。。) 刺身我地叫左兩round, 回本美食之一,

今日臨時臨急約咗朋友食飯，晏就就book定放題食盡佢😋人流唔算多，可能我地比較早地方都算闊落，2人比左張4人枱餐牌都多選擇坐底仲會比一張movenpick 同埋dryer’s 雪糕雖然款式唔算多出面仲有個自助形式既吧，有野飲，前菜同甜品不過依間放題就無中華沙拉個d，但有海鮮🦞甜品就有好多唔同種類既蛋糕同泡芙（雲呢拿同朱古力味）放題必叫一定係刺身😋刺身都新鮮，串燒都好食另外仲有灸燒三文魚腩同左口魚壽司，佢地既壽司同出面唔同比較細粒，無甘飽肚可以食得多d野

老公好鐘意食放題琴晚收工約埋一齊食之前試過幾間荃灣既放題覺得大井町係值得回頭既，無論價錢與品質但經過今晚後應該冇下次了由於星期六既夜晚，人比較多但無礙兩公婆興緻始終坐位坐得舒適入正題了叫左兩客八爪魚壽司，一食落去有骨既其中一件八爪魚壽司充滿碎骨食完呢件【極品】後已再冇興緻再食落去其實唔知咩原因會令八爪魚壽司有骨都幾驚訝嫁不過員工既反應令我仲驚訝因為佢只係答左我一句【下，有骨】，希望會好好檢討一下因為身邊唔小朋友佢地既小朋友都好鐘意食八爪魚壽司幸好今次係大人食到如果小朋友食到就不堪設想了

12月29日星期六，約咗朋友見面，所以訂咗呢間食晚飯。已經食咗幾次大井町，因為鍾意佢啲嘢新鮮好食，性價比又高，寫咗嘅落單紙永遠唔會被神隱。我哋一入座，即刻叫咗一盤刺身，啲刺身好新鮮好好食，我哋好快清咗。😋之後就落其他嘢，一樣好快好足數量咁上，不過啲燒物就無乜味道，天婦羅就夠熱夠脆。😋😋😋就算食到中間時間叫刺身，啲數量都唔會俾人減咗，最欣賞佢哋呢點。👍🏻食到飽哂，就食甜品，雖然每位只可點一份貴價雪糕或雪條，但出面都有一啲平價雪糕雪條雪米糍任食，都滿足到鍾意食凍嘢嘅我。大井町已成為我約朋友聚會首選嘅地方，遇啱呢排佢哋有兩周年優惠，滿$400減$100，仲抵食咗。🤤