壽司方面，鰻魚壽司我個人最喜歡，特別係個鰻魚汁，師傅事先將鰻魚片燒到脆口，加上壽司飯微微醋味令人覺得開胃。麻辣左口魚壽司絕對係開胃,好好食,有麻既感覺！冬蔭公壽蝦壽司一定要點，因為創意壽司方面佢都算相當成功，做型同味道都非常出眾，有冬蔭公既微辣，壽蝦上面個一細塊既青檸絕對係加分位，好有泰國風。
燒牛舌，好快呈上，食落口仲熱熱地，不過略為鹹左少少，不過不失。
燒牛肉，薄切牛肉顯得師傅既刀功絕對一流水準，牛肉煮到五成熟，再加上辣汁，牛肉多汁肉嫩，肉擺盤以扇狀排開，開胃菜黎講絕對成功，值得大家一試。
一口牛，炸蒜香味帶出我既食欲，食落口唔會有煮過頭既感覺，煮既時間恰到好處，絕對好食，份量足夠二人食。
飲料方面，梅酒我第一次飲，非常好飲，飲落口完全唔似飲緊酒，仲可以無限咁飲，冇咩放題餐廳有，我同女朋友一人都飲左兩杯，女朋友飲完第二杯既時間都開始微醺，酒量唔好既朋友就留意啦。
最後以一杯雪糕結束今日既放題！好多謝女朋友安排呢個行程！
我們準時到達，人不算多。香港地，寸金尺土，放題店的座位較狹窄實在見怪不怪，不過大喜屋在裝修上已盡量為顧客考慮，在有限的資源下，提供舒適座位，誠意十足。
先來特式壽司，特別欣賞海膽魷魚、鵝肝帶子及黑松露油甘魚。海贍鮮甜、鵝肝甘香，黑松露濃郁芬芳，配以各種新鮮海鮮食材，層次豐富，令人食指不動。
接著是特式卷物，Double芝士鰻魚卷和牛油果軟殼蟹卷都是不能錯過的。芝士和鰻魚永遠都是好朋友，芝士入口即溶與鰻魚混合在一起，令人無限滿足。而牛油果軟殼蟹卷，則是外軟內脆，十分滋味。
主角出場﹗﹗﹗各款刺身，新鮮爽甜。大愛赤貝，咬下去「嗦嗦聲」，口感一流！
雖然怕肥怕熱氣，但實在忍不住要了一些炸物。朋友是榴槤控，榴槤波波是必叫之選。雞翼也是我的大愛，外脆內軟，十分惹味﹗
提提大家，餐廳提供免費充電服務，有需要的，可詢問職員，非常細心。
影片
