大喜屋 (已結業)

早幾年朋友聚會，總有人提議食放題，平有平食，貴有貴食，但講到最穩陣嘅，我一定投大喜屋一票。以前真係好威水，食過嘅人都知道，一夠鐘，樓下排隊等電梯嘅人好洶湧。今時唔同往日，放題真係少人食左；換個角度睇，我覺得對食客而言係好事。就好似當日咁，我地兩個人都坐到好闊落嘅卡位、上菜速度快而準、成個場又唔會好嘈吵星期一至三晚市收費$238/位，任食3小時，8點半入座，可以食到11點3，真係咪話唔飽。如果7點半前埋單或9點3後入座，可以額外有85折，都算性價比好高了。上次黎都仲係手寫落單，原來而家好環保，入座時會俾張飛仔你，上面有枱號同一個二維碼，用手機掃一掃就可以落單，非常方便。一早都覺得啲放題真係唔應該大疊大疊紙咁浪費，希望其他放題都參考。手機落單一樣有圖片睇，基本野都有齊哂，刺身款式多，仲有壽司、手卷、卷物、小食、炸物、天婦羅、一品料理、甜品等。飲品可以自取，另外亦都好貼心，可以用手機點一啲冇冷藏嘅飲品。首先一定係點一盤刺身，因為我地得兩個人，就唔點太多，款款點少少淺嚐，啱食、正嘅先加單。三文魚、油甘魚、八爪魚、赤貝、甜蝦、帶子、北寄貝等，冰底上，整體都非常新鮮，唔會話雪到死實實，三文魚、油甘

食放題, D 人成日話食大喜屋係最正。剛好係尖沙咀有野處理，咁決定早早訂定位，因為怕午餐時間人多無位。大約12:30 入座，已經座無虛席，好彩有訂到位!呢到既選擇非常之多，點菜紙都有成兩疊厚，睇到我唔知從何入手。不過食得放題，第一樣當然要叫SASIMI，甜蝦同蝦又爽又彈，赤貝北寄貝非常鮮甜，食多幾件都唔膩。而且重點係好！鮮！甜！完全無雪味，特別推介非常鮮甜嘅帶子同埋好少放題有提供既松葉蟹腳，蟹肉都好豐富好鮮甜。除咗SASIMI，呢度絕對回本嘅必選order，一定係手卷，飯嘅份量唔多，紫菜即叫即包脆卜卜，重點係松葉蟹膏超級鮮甜肥美，滿滿的就黎溢出。芥末章魚手卷都係重頭劇，因為粒粒章魚好有咬口同芥末配埋係相得益彰。蟹籽沙律，青瓜絲好脆口，加埋沙律SAUCE有一份清新味。再加一個泰鳳爪，唔SPICY又酸酸地，好開胃呀!另外，SUSHI方面，蒲燒鰻魚好挺身，鰻魚汁功勞也不少。炸物方面 亦係必食之一，天婦羅上枱時還是熱辣辣 真係即叫即炸脆炸貓山王，唔係一般既炸榴果，竟然係用貓山王，咬開香脆既球面，入面全面都係香甜濃郁既貓山王，太幸福啦。食到差唔多最尾，STAFF比左一張雪糕紙，話每人可以點一杯貴

第一次去食，地方寬鬆，冷氣勁左D，食物水準O.K.,海膽手卷正，仲有蟹腳食，味道不錯，上菜也快，無漏單，梅酒淡，啤酒得ㄧ種。特別整體服務感覺良好。下次一定再去!!

放題就食唔少喇，放題鋪既Lunch set你又食過未？😋大腹刺身盛配雪花牛肉鍋🐄 💲78咖喱豬扒飯配冬陰公海鮮跟黑松露油金魚壽司兩件🐖 💲62配御飯、湯、沙律、飲品及甜品*午市定食只限平日供應✅ 呢個價錢包咁多野🤤 食物味道唔錯🍣 收貨🉐✅ 咖哩豬排飯質素過得去😉要我食多幾碟都仲得🍛 至於牛肉鍋份量都唔少🍲❌ 冬陰功海鮮比想像中少🦐🦑🌶❌ 甜品都真係個敗筆🤦🏻‍♀️ 叫左綠茶大福點知比左原味🤪 而麻糬波波都真係好細件（放題尺寸）🔎👅Taste：3.5/5💰CP值：3.5/5🙋🏻‍♀️Service：3/5👁‍🗨Stylishness：3/5P.s. 如果唔想加💲15 食雪糕🍨就記得唔好點餐飲⚠️可同職員講想將飲品+甜品轉雪糕

食物質素好，今日一家人出來食放題。Around7點入座，食到9點120分鐘時間。全程落Order啲嘢黎得好快。刺身很乾淨新鮮。一開波我地就點刺身同壽司。小朋友話D壽司好味。啲燒物都好唔錯。佢必推嘅一口榴槤真心好食。我係一個生酮飲食者都破左少少戒。芝麻雞亦都好好味。但係人蔘雞湯就好一般。哩個真係要加強。小朋友食得好開心。到最後每人一杯哈根大師。真係MK放題嘅價錢，良心嘅質素。如果話可提升空間就係甜品可以多啲花款就更完美喇！

大喜屋其實食過好多次啦，每次都覺得係放題叫做數一數二，雖然價錢相對貴少少要300幾蚊，但因為太平嘅始終唔夠新鮮，曾經是第二間仲食到肚柯添！今次其實主要都係想食海鮮刺身，因為比較回本，質素十分之唔錯，海鮮全部都好新鮮，唔會好似放咗好耐，切得好薄好梅咁樣，我最鍾意就係甜蝦，大隻得來啖啖肉，而且蝦肉甜得來又唔會散口，爽口彈牙，放題嘅刺身質素來講真係算好好㗎啦！除咗刺身之外我覺得燒物都唔錯，牛肉真係好正！唔會用好多生粉拿過的牛仔面牛肉感，有牛味又外帶香脆，燒汁較到甜甜地好好味！雖然每次都唔會話叫好多款食物，好似浪費左放題嘅意義，但係其實食得鍾意嘅海鮮同埋燒物就已經開心！食得多嘅話計返一定平過喺出邊食！

平時食親放題都一定會叫好多壽司刺身，今次我就叫左好少刺身，我淨係叫咗啲我自己鍾意食嘅！唔再食三文魚，費事任食食到嘔😂今次嘅目標係熱食，大喜屋嘅芝麻雞翼點解可以咁好食？我一個人食咗四隻😍🐥雪花肥牛鍋🤤🤤呢個比我想像中出色，因為我諗住放題嘅熱食會唔好味，結果喜出望外☺️抹茶大福，正正常常啦🔆唔係我想像中嘅大福哈哈😂整體來講黎大喜屋食熱食係一個好選擇👍有好多野揀，而且味道唔錯💕💕邊個話放題一定要食壽司🍣？

近年越來越喜歡吃放題，原因很簡單，因為市面上其他自助餐的價錢越來越貴，相比之下放題真的很抵食。這家餐廳的食物新鮮，除了壽司魚生之外，我最愛吃他的燒蠔及燒完元貝，我的友人最愛吃燒雞翼。另外，飲品種類很多，同時也有甜品，喜歡吃榴槤的不妨試一試炸榴槤，包你一試難忘。😍😍

又到了節日的月份，當然不少得同朋友盡情食一番大班人就點選放題，大家喜歡食咩就點，好方便。   一早訂左位，樓下等了一會兒，好快就入得去點左輪刺身，同以往一樣好新鮮仲encore多輪，仲有燒雞翼，燒得好嫩滑而羊架都唔可以錯過  佢d壽司都唔係普通野，有最愛的燒左口魚，口腔滿滿油脂，十分美味，蟹捧分量十足但今次再到來就無左好味的鴨舌。唯有留肚食甜品，除左有haagen-dazs外，另外的甜點非常有水準，記得留肚食

又到常常來食嘅大喜屋食放題啦。蕃茄沙律前菜選了蕃茄，加上少少醋汁，微酸開胃。蕃茄很新鮮。鮮蟹粥蟹粥的蟹比預期大隻，蟹味不算太特出，粥底夠綿滑。豉椒汁炒蜆豉椒汁夠惹味，而且濃厚度剛剛好，汁料都滿滿的包著炒蜆，有點大排檔風味。鹽燒雞翼雞翼調味較淡，吃到雞翼本身的味道。雞皮香脆，已經沒有肥膩感，可以多吃幾隻呢！蒜片牛柳粒蒜片濃香，沒有炸成苦味。牛柳粒很juicy。燒溫室甜菠蘿燒菠蘿清新爽甜。燒製後的菠蘿往往比新鮮菠蘿更甜。雪花牛肉鍋最後上的牛肉鍋，以壽喜燒形式，還加上了生雞蛋，每片牛肉都沾上了雞蛋，令肉質更滑。

每次生日慶祝，都是去大喜屋的，食物質素有保證。今次選了近寫字樓的尖沙咀店，吃8:30 的檔，星期一至三是$238 一位，好像比以前便宜多了。刺身拼盤不用多說，放題就是來吃臨臨種種的刺身。這兒有14種刺身的選擇，我們不貪心，每款先來2客。池魚王、油甘魚、有頭甜蝦都是必點回本菜，由其是油甘魚，咬下去時魚油在口中溶化，油香極重。池魚王更是厚切，就說平時在壽司專門店都沒有這麼厚呢，大滿足。貴價的赤貝都是任點任吃。虎蝦油潤有光澤，蝦肉有啖啖甜味。飲品甜蜜回憶果汁飲品是任飲的，有罐裝、支裝水、啤酒等等。見每臺都是點特飲，我都試一杯甜蜜回憶，是蜜瓜味的雞尾酒，沒有酒澀味，甜甜的很適合女性。中華沙律吃到中段，吃個中華沙律，是清清口腔之選，清爽的口感。鹽燒牛舌經典日式料理，鹽燒跟汁醬的味道調較很好，不會過鹹。牛舌十分彈牙。沖繩黑糖網燒牛仔肉沖繩黑糖飲品就常常試，烹調食物就未見過。黑糖替代了蜜糖做燒烤菜式，分別不大，牛肉本身有牛味，加上燒烤，特別惹味。馬拉盞炒芥蘭苗放題都照顧到我們吃菜的需要，還用瓦煲上，夠熱夠風味。芥蘭苗因該是比較嫩的芥蘭，沒有苦澀味，菜身比較爽口，沒有焗淋。

今日放工和妹妹黎到尖沙咀行街，所以就係附近搵野食。最近天氣又暖番小小，就想食日本野，咁放題就係最好既選擇。刺身，壽司，炸物，同熟食都有！今日餐廳安排左我地坐卡位，好闊落，好舒服。首先，我地每樣刺身都叫左試下，赤貝同象拔蚌都好爽，好鮮味。帶子切到細細粒，岩岩好一口食哂。除左壽司，仲有手卷，細細地，唔太飽，可以叫多幾份。我地就食左海膽手卷，好多海膽，紫菜脆卜卜，舔舔脷！之後想點番啲熱野，牛肉鍋同炒菜。然後見到有個榴槤愛好者必食，即刻心心眼。個脆炸貓山王黎到係熱辣辣，個流心好滑，麵粉唔多，超好食，好勁榴槤味。食到咁上下，想食啲小食，好食又唔飽肚既！所以我地就叫左鳳爪，八爪魚同子薑。鳳爪去骨，甜甜地又辣辣地，加埋啲子薑，非常開胃，抖下又可以再食過啦！然後再叫左個雞湯，暖番個胃，正呀！咁食日本野，又點少得清酒呢，可以揀凍或熱。我覺得個清酒清清地，好易入口。menu仲有梅酒可以揀，不過今日就夠啦，下次再飲！最後埋單前，待應俾左張雪糕紙我地，每人只可叫一杯，我就要左季節限定，原來係沖繩海鹽味，好好食，鹹鹹地，勁有奶味，非常滿足。下次朋友或屋企人生日，一定會再黎，位置好大，可以叫多啲人！

大喜屋絕對可以話喺日式放題嘅始祖呀~開左咁耐仲越開越多分店。 今日放工同朋友黎到呢間尖沙咀嘅大喜屋食放題。選擇依舊非常多, 有大量刺身，鍋物，燒物，蔬菜，甜品飲品等選擇! 刺身嘅選擇都非常多，仲有唔係所有放題都有嘅帆立貝刺身。啲帆立貝刺身雖然係角切，但係非常厚肉同埋鮮甜。另外非常推介希靈魚刺身，新鮮唔醒得黎夠好爽口。赤貝亦喺我另一推介，鮮味爽甜之選。燒物叫左個蒜片牛柳粒。味道好有驚喜，好香同埋牛味重，口感唔韌，一份嘅份量都唔少，但我地2個人一口氣就食晒啦~ 放題必點嘅雞翼一串有2隻，燒得好香口。通常去放題好少叫菜，但見到呢個芥蘭苗好吸引 。芥蘭夠嫩， 用馬拉盞炒，好惹味。飲品方面都有好多款，有我最中意嘅解茶! 飲完消滯之餘仲減少罪惡感😆。 冬瓜茶都好好味，不過就適合鍾意飲比較甜嘅朋友。 羊架都喺我必點嘅燒物。食完羊架 叫燒菠蘿絕對係消滯之選， 味道酸酸甜甜,食完感覺再可以食多啲嘢呀😂 最後當然要食埋個甜品做收尾啦~有幾款movenpick同haagendazs 可以揀。

節日到，幾個大食積想唔太貴食餐日式放題，揀咗尖沙嘴地鐵出口傍方便到爆嘅大喜屋，平日經過都見到大約八九點左右就會見一眾食客於彌敦道大排長龍上去大快朵頤。為避開大排長龍所以選食6:30較早時段。坐低填完一輪餐紙，食物好快就上檯。第一輪先食沙律，相信因為第一輪晚飯時段蟹子沙律及蕃茄沙律嘅蔬菜都好新鮮，碗底亦唔見有蔬菜水。炒黃金蝦一定唔係是晚焦點，不過都唔差。開始食入直路， 壽司大小可能較細，不過正正因為放題可以食多幾件又變相食少啲飯。 刺身甜蝦、帶子、三文魚樣樣都十分新鮮甜美。天婦羅上碟亦唔覺油淋淋，欣賞廚師無因為放題就揸流灘。枝豆、中華沙律小食醒胃。魚籽鮮露筍三文魚有特色，味道亦唔差。燒物沖繩黑糖燒牛仔肉超多肉汁。鍾意食燒羊鞍只要食兩塊已經覺得回本。欣賞燒雞翼剁開骨骹方便易食。燒廣島蠔上檯即食唔等得。每次入單見甜品都唔會落單住，最後變成全餐最期待落嘅 order 。 泡芙、馬卡龍都唔差。但提拉米蘇杯 及 朱古力杯真係有食兩杯都唔夠嘅感覺。希望大家都可以開開心心食下食下又過一年。

前幾日，約左朋友食晚餐，見大家好耐冇食過好野，所以就決定食放題，為生活減減壓！ 一食放題就必定要叫最愛既刺身啦，北寄貝，三文魚，鮑魚片，赤貝，甜蝦等等，食黎d先值回票價，哈哈！d 刺身尚算新鮮，好yummy: )之後我係榴槤愛好者，榴槤炸彈又點走得甩呢，佢外脆內仲暖暖地，食完一粒又一粒。再者，食放題必叫燒波蘿同細細粒蕃薯，菠蘿juicy ,但蕃薯仔就有dd失水準。而今次試左好多放題餐廳都冇既冬陰公海鮮湯，出奇地好好飲，好比去泰國旅行時飲既冬陰公既味道。So far 全部都冇屚到單同埋員工服務都okay, 值得一試再試。最後最驚喜係可以食限定味道既Milk Top or Haagen Dazs雪糕，我選擇左Haagen Dazs既焦糖脆餅味，雪糕作ending，好滿足黎一餐放題