大喬日本料理 (已結業)

上星期同3個同事上去食午飯. 我們共4人叫了4個定食加一個壽司拼盆. 一打開menu俾價錢嚇親. 最平的要$160, 加埋一都要$180啦. 既然來到, 就貴多少少, 4個人點了1份網燒牛定食+1份鐵板牛定食+2份壽司定食. 因為其中一人勁愛壽司, 服務員提議我們加多個壽司拼盆~OK啦! 信你!牛扒牛肉一般, 沒牛味, 鐵板牛醬汁有點怪.壽司OK, 但略嚴太少.壽司拼盆共8件左右, 用料有平有貴無乜特別也不過不失, 三文魚,海膽,魚子,油甘魚等各1.埋單: 各人$350! 原來推介的壽司拼盆$450. 嘩, 一次就夠喇.

尋日同客開會兼食lunch，佢介紹去佢响灣仔office 附近新開的【大喬日本料理】食晏，話係近期幾有水準嘅新店喎........呢間日本野好似啱啱開咗無幾耐, 裝修都仲好新,分別有鐵板燒枱、bar枱同卡位;午餐有鐵板燒、刺身、天富羅同壽司,嘩~ 個客請食開年飯，梗係要試佢最豪果個LUNCH - 海鮮鐵板燒啦!燒大蝦+三文魚+帶子+銀雪魚,仲有炒野菜,炒飯同甜品,份量好夠,食得出啲海鮮好新鮮彈牙,特別係隻大蝦,唔係啲死死實嘅雪藏貨,三文魚燒得啱啱熟,帶子好厚好彈,原隻新鮮即開,都幾"dum"本。我就最li ki 銀雪魚喇,質地好似牛油咁入口即溶,香口又有魚味,最緊要唔腥嘛!佢個餐仲有炒野菜同炒飯+麵豉湯,本來已經好飽,但佢個珍珠米炒飯粒粒都有淡淡豉油香,唔覺唔覺都食哂成碗。都好夠份量。好彩甜品係柚子雪芭,清新感覺好fresh.......呢餐真係食得超滿足,臨走仲送咗張15%折扣卡俾我地下次用,下次又有機會可以再去encore喇!

前幾日去左灣仔lee間大喬食日本野，一入到去就覺得環境好好，仲要有條小橋，咁都俾佢諗到，唔錯!! 環境舒服~座低之後，個waiter好細心咁介紹，結果就聽佢講，試左個剌身Lunch Set。對於勁鍾意食日本野既小弟，對刺身既要求都特別高，結果都無令我失望，樣樣野都好精緻，味道當然唔使講，而主角刺身都非常新鮮~~~拍得住酒店既水準，值得一讚!!! 個餐有晒我最喜歡既甜蝦同海膽，若果帶埋條女黎食, 實開心死佢!順帶一提，甜品雪糕入面有一粒粒既柚子，雖然本人唔鍾意食甜野，不過都覺得ok，幾清新，大家可以一試~

今日同同事經過灣仔電車路, 因為小弟生日,所以朋友便帶我去一間高級日本餐廳吃午飯三人行一起進入餐廳, 小木橋加流水感覺環境非常清靜整潔, 起初以為高級日本餐廳一定會好貴, 但睇真D個餐牌HK$138定食,還有85折, 價錢吸引, 我便點了一份薄燒和牛定食HK$250, 朋友們點了鐵板燒雞扒HK$138定食, 大家share食, 前菜沙律, 跟住有剌身, 主菜薄燒和牛質感好好, 味道濃郁, 炒飯夠乾身, 並不油膩, 還有雪糕送, 最後3個人一共結帳HK$492 以食物質素及環境, 我覺得好低食 最值得欣賞是每道菜之presentation, 因為好靓好有心思, 因為環境清靜方便傾計, 兄弟們帶女朋友出街食飯直得推薦

上星期收工近近地走去集成中心一帶找美食，見到間曰本餐廳終於開咗！一心諗住食好的啦~~(同事開頭話食板前,我話唔好)點知......一上到佢只有少貓三兩枱..算啦新開應該係好正常！俾安排座卡位,待應都好有禮.叫咗少少寿司同刺身(因為想試多幾樣hehe)-海膽寿司唔似上次去見城到個啲,有少少怪味‧我估可能係加拿大！因為都幾大片~~但係俾見城貴,三文魚同油甘魚都一般啦.無特別ｏA5牛肉刺身.正.牛脂分佈平均,入口溶化,好食但就幾貴幾小片盛惠600大元！尤於太貴了,小妹都唔敢叫太多ｏ最後叫埋嗰天麩羅同鐵板炒飯走人！總括:寿司材枓鮮度一般(可能人太少啦,但小妹始終係消費者ma!!),飯太淋冇粒粒嫁口感......失敗~~天麩羅ok唔太油爽身ｏ鐵板炒飯外貌幾好但冇味.....好淡.....鹽都慳番?最後走果時見到個師傅同個客講嘢！佢可能係大厨因為佢好特別~金毛~留鬍鬚~人地話日本師自身都好整潔嫁,算啦!都唔會再來,當買個好貴嫁教訓!(離開店後仲俾個姊姐駡,sorry ar baby)

每逢放學乘車經過灣仔集成中心一帶, 總會看到這一楝內的食肆, 原因很簡單, 每一間店肆會佔據一層, 很簡潔. 而且外牆還會發光轉顏色, 很特別.早前跟朋友約吃聖誕餐, 我提議到這裡吃日本菜, 喜歡試新店子的朋友當然嚷著叫好.雖然店子身處商業樓宇內, 但門口不難找, 乘巴士行幾步便到了, 不過看來宣傳不多, 要加把勁哩!門口有幾株竹, 黑色裝修, 感覺 cozy, 間隔也很闊落; 靜靜的感覺也很私穩. 卡位景色也好, 可以望到街景, 不過友人喜歡看師傅手勢, 所以還是轉到鐵板燒的 bar 檯.給友人發辦, 想試多幾款不同的食物, 就來一個大山鐵板燒 set 再加一個 sushi course, 吃完應該會剛剛好, lam lam 脷. 三文魚沙律, 酸酸地好醒胃, 可以令胃納吃多一點, 三文魚也非常新鮮.兩個 set 的前菜, 三文魚子配立魚壽司: 三文魚子是粒粒卜卜脆沒花假, 不過可能浸久了一點, 皮是有少許偏硬; 立魚壽司據報略握得鬆了少許, 不過之後的壽司就很對辦的了!! 那壽司套餐的薄切魚生是右口魚, 肉質實淨，味道鮮甜, 我欣賞~~ 先吃鐵板燒的鵝肝, 三文魚和蝦, 雖然細細許

和一般中環上班族一樣, 常四處找好地方吃飯. 在雜誌認知灣仔有新張大喬日本料理, 遂訂位和女朋友試試. 電話訂座中, 侍應禮貌詢問喜歡壽司枱或卡座. 大喬坐落於新裝修的W Square 3樓, 一進餐廳門口, 啲裝修幾cyber. Reception引領我們至一張窗口卡座, 陽光由窗外滲入, 正是大快朵頤時刻. 經理Nick介紹了剌身及鉄板牛肉定食. 前菜的菠菜極其爽甜, 油甘魚, 海膽,賣相比三星米之連有過之而無不及, 嘗試後如置身日本築地市場. 魚生極度鮮味, 擺設精美, 超值. 鉄板餐的沙律, 清新脆口, 多年吃日本菜的我, 從未試過如此好味的沙律汁, 問他們是怎樣做到如此好, 祕製當然是Nick的回答. 主菜薄燒牛肉, 入口軟滑, 比美日本和牛, 我還以為他們送錯, 經理說這是澳洲M5級牛肉, 我問他這麼貴的成本, 怎樣賺錢, 他解釋老板及大廚認為質量最重要, 食物好的話, 客人自然會回來. 甜品, 柚子牛奶凍, 無得彈. 埋單時經理詢問關心食品質數及快慢速度, 我對他說這麼超值的正宗日本餐午膳, 我會推薦給我的朋友.

大喬位於小弟工作地點附近，苦等他們裝修工作多月，上月終於一嘗淺味。與公司同事一行三人，從W Square地下乘電梯去大喬出發，門一打開，由一位笑容尚算甜美之服務員安排入座。始終是新開張，少不免一大陣"油漆味"，嗯，算得上是中等以上的裝潢。我們選擇了"卡位"，一打開Menu，不得了，被價錢嚇了一跳！Lunch Set 最便宜也要$160！天呀，在灣仔這個地方吃$160的午餐會不會有點過份呢！可是，小弟深信一分錢一分貨這個道理，就和大喬拼了吧！點了一個刺身定食 ($230) - 小弟不吃三文魚，在落單時要求要轉其他款式，慘被拒絕 和兩個銀鱈魚定食($180)前菜是一個salad, 唔好食, 用本地原料, 無誠意, 仲衰過金太郎！主菜,，先說刺身定食：賣相一般，不吸引，看到材料也知道不新鮮，果然不出我所料，選材差：吞拿魚很鯹，血味重，不新鮮；甘蝦是最cheap那種"純白色"帶有一陣漂白味；三文魚更差，百佳級數！伴碟的"紅蘿白絲"也是機切，不是日本貨，沒誠意！整個刺身盤只有4款共12件刺身！鱈魚定食，size跟iphone差不多，薄而細，味道報稱一般！湯，仲衰過自己沖既，無言！甜品ok! 雪糕