大壹燒鵝 (登輝大廈)

营业中

休息中

好啦，今晚又溜到我個味聚點試食，燒味控嘅我咋，唔使猜都知我已經預咗要大快朵頤。首先啊，嗰個叉燒，真係有啲正！外皮微微焦香，咬落去就係嫩滑又帶點燶邊，正到不得了！邊食邊都忍唔住要讚句：“勁呀叉燒！”再講吓嗰燒肉喇，脆皮燒肉口感超正！皮脆得黎又唔會太硬，肉汁豐富，入口即溶，簡直係食肉界嘅小蝦米變大龍蝦！當然啦，點可以錯過店名招牌——燒鵝呢？燒鵝皮嘅油光閃閃，一啖咬落去，肉質鮮嫩多汁，皮脆味美，真係得喇！而家諗返起嗰口感，都覺得口水直流三千尺，肚仔都開始唱歌喇！唔止咁，龍鳳檸樂甜甜酸酸，簡直係大人細路都啱飲，涼快透心！飲品加飯菜一齊嚟，真係無得輸，飽住肚帶住笑，滿足晒成個晚上！嘩，講到我都想再去一轉喇！洗唔洗預約枱位呢？🦢🍚🍊

放工後經過銅鑼灣的美食登龍街，看到非常多遊客到達店舖內用餐🍽️，大多是外國遊客以及中國的旅客，看來餐廳在國際間的知名度非常高～門店外掛着種種燒味，包括有烤得金黃色的燒雞、脆皮燒鵝、以及流着蜜糖汁的叉燒閃閃發光，所有燒味都充滿光澤感，看得我們垂涎三尺🤤！店內有卡位提供，店員也非常熱情地推介燒味，我們點選了大壹燒鵝套餐，有白飯、有菜、有老火靚湯湯、有飲品。 我們揀選了油雞、叉燒雙拼燒味，雞肉質柔嫩多汁，叉燒充滿烤焦的香味，咬下蜜汁四溢，烹調得入味，另外點選了瀨粉配餸，瀨粉彈牙，湯底鮮味濃郁。我們更額外點了燒腩仔配搭燻蹄，燒腩仔烤得恰度好處，外層脆皮內層，燻蹄齒頰留香。這次燒味餐吃得非常滿足

行過路過比佢個全日$60燒鵝飯吸引之後叫左個燒鵝叉燒飯 同齋燒鵝飯叉燒好入味 好出色 唔會乾👀 外皮脆 不過好肥😂 值7.5/10燒鵝就中等 唔算特別好😂8成都係骨 味道未必及其他燒鵝店出色 我比6/10分不過$60 有燒鵝飯食 仲要喺銅鑼灣都算係咁另外出奇地連杯華田都好飲 😂平時完全唔食榨菜嘅我都好味 用黎送飯一流唔會辣🙊環境都叫有d裝修 靚靚地望落企理服務就正常 一般香港茶記水準😂overall 值得下次再食過d叉燒😌

行街剛好見到，見到openrice另一個食評話「只有味道好的餐廳」，令我女朋友即刻話要入黎試下，原本仲以為個評論係「反串」….叫左一個燒鵝拼叉燒飯，侍應一擺上黎睇到個賣相（可以睇相…）已經知道呢個燒味飯一定好食….先講叉燒，肥得黎好入味，口感又有啲焦，係難得食到既好叉燒，9/10燒鵝嚟講，呢個價錢算真係俾得多，個醬好入味，不過唔算太多肉，口感中上，大約俾7/10意外係個炸菜，難得佢整得味道岩岩好，唔會太鹹亦唔會太淡，係難得好味既炸菜相當開胃，送飯一流 9/10最後杯熱華田，味道濃郁，係茶記少有既水準8.5/10Overall,，呢個價錢黎講，真係好_抵食已經擺左入一定會再黎食既餐廳list之一

香港食嘢越嚟越貴，有時花咗錢都唔一定好食。所以一啲收費中上，但係交足功課嘅餐廳我就成日幫襯。例如銅鑼灣登龍街大壹燒鵝：今次想試多幾種燒味，所以叫咗一個三拼另外再加多咗一個滋味全餐，個全餐都好豐富，包埋例湯白飯同油菜首先講吓個三拼，我哋揀咗半肥叉燒，燒腩仔同燒鵝：半肥叉燒屬於厚切，而師傅仲俾咗少少燶邊位，但又唔會太燶，唔會帶苦味。醃料鹹甜好平衡，成嚿叉燒非常高質👍燒腩仔完全做到肥瘦相間，皮脆就一定㗎啦，次次都冇失手燒鵝喺呢度嘅主打菜，師傅切嘅係胸嘅位置，亦都係我鍾意食嘅部位，因為呢個位較薄容易入味，皮一樣係好脆，果然係招牌菜滋味全餐就叫咗豉油雞，師傅特別俾咗雞髀位，雞生熟程度做得啱啱好，近骨位置啱啱熟。而玫瑰露豉油汁令到隻雞非常香甜，皮滑肉嫰好食雖然跟餐嘅例湯係送嘅，但飲得出係老火心機湯，煲湯料好足，雖然係例水，但反而有驚喜

非常差的叉燒！肥到入唔到口！落單指明其中一盒要林瘦叉收據同埋餐盒都寫明但係出到嚟3盒都係無分別！都係肥到啊媽都唔認得！完全食唔到！吐咗2/3肥膏出嚟！叉燒又太甜！好差好嬲的經歷！未食過咁差嘅叉燒連鎖快餐店都好過佢！仲要收得唔係平完全大失所望講明要瘦叉！都可以比大量肥膏既叉燒直情離曬大譜雖則叉燒肥d好食d，但客人講明瘦叉，你比唔到咪直接講！肥到漏到呑都呑唔落又唔健康吐曬出嚟浪費食物！可謂食過最差的叉燒！

大壹燒鵝在香港也有幾間分店，自己平時較多去開藍田這間。今天來到銅鑼灣，點了一碗义燒粉加凍奶茶！說實在，义燒粉加凍奶茶質素雖然唔錯，但一定不及藍田這間分店。但價錢就貴過藍田這間！另外，食物款式較少，店舖也比較細，當然也只租金也較貴。Anyway, 這間的食物質素唔錯，只是藍田分店更為出色！若日後過去銅鑼灣，都仍有機再去，因為不是唔好，只是另一間分店更出色而已！ 若可以做到與另一間分店同一質素，應該會更多客人！

叉燒飯👍🏻一碗大約有10舊厚切叉燒分量好多👍🏻👍🏻另外再配榨菜叉燒蜜味重 我自己略嫌叉燒太甜 不過肥瘦適中送飯一流😋😋不過覺得下次食叉燒飯可以嗌小汁🙈因為本身d叉燒已經好重味好甜再淋太多汁成件事就好咸見佢下午茶都好似幾抵 下次可以再試下

最近去左大壹燒鵝，本身以為係普通燒味餐廳，原來以精緻的燒鵝為主打，無論係燒鵝定係其他燒味，都非常出色，超級驚喜！燒味雙拼飯 - 叉燒油雞瀨粉 $60配凍檸檬茶 +$8叉燒外皮酥脆，甜蜜多汁。而油雞則嫩滑美味，雞皮爽滑，油雞仲要係雞脾添！瀨粉湯底好香白胡椒味，口感彈牙，係銅鑼灣地段仲要係高質燒味，都幾抵食。一人餐(套餐) - 燒鵝熏蹄 $80配例湯油菜燒鵝皮脆肉嫩，仲要咁啱比左鵝脾我！搭配爽口熏蹄，整體唔會太膩。例湯係合掌瓜煲豬展，冇味精好足料，送埋白飯啱啱好。上庄燒鵝例牌 $148好大隻鵝！燒鵝香氣撲鼻，鵝味濃郁，燒鵝皮燒得好脆，點少少酸梅醬可去膩。鵝油可以配埋白飯食！

之前好多次經過見到都好想試，今日咁啱去南華會打保齡球，打完一於試吓。餐廳用得燒鵝做名，燒鵝一定要試吓，燒鵝皮脆，有光澤，唔太肥，鵝肉入口肉質唔韌，唔加酸梅醬都已經好好味。老公點了個燒味雙拼飯（燒煵+叉燒），2款燒味都烤得好香。未入口，賣相已經吸引。燒煵外皮烤得好脆，肥瘦相間，外脆內軟。燶邊叉燒蜜汁夠，微焦香口，食入口都鬆化，好唔錯。最後再點了一個燒味三拼（燒煵+叉燒+油雞）打包番去俾爹哋媽咪試吓，油雞當然試吓，火喉剛好，剛剛熟，雞肉嫩滑，雞皮爽口。

近年越來越多燒鵝專門店開設，今晚看到食評，便來到這裏一試。下庄燒鵝例牌$168，燒鵝外皮香脆可口，內裏肉質鮮嫩，脂肪甘香無比，非常肥美。下裝的燒鵝腩部份，有濃烈的配料香味，甘香可口。如果加些酸梅醬，可以減少油膩感。燒鵝的質素不錯，果然是這裏的名物。一人餐$80，叉燒燒腩仔，包白飯，例湯，油菜，餐飲。叉燒燒腩仔，叉燒屬於半肥瘦，而又不會過肥，軟腍可口，非常有廣東燒味特色。燒腩仔皮脆肉嫩，肥瘦均勻，聽店員解說，如果不是今晚下雨，就早已沽清。例湯用佛手瓜煲豬骨，清甜可口，加上熱騰騰的溫度，非常喜歡。油菜伴上蠔油碟邊，不會放在生菜上邊，非常窩心。唐生郊外油菜另加$30，追加的生菜，份量都算頗多。跟餐可樂加檸檬$11

蜜汁叉燒必食!!!! 試咗，你應該唔會後悔的！barbeque pork is very juicy!!! might be the best in hong kong good price to value💜💜💜 give it a try!!🏷️ 大壹燒鵝 📍 銅鑼灣登龍街36-48號登輝大廈地舖📍 藍田啟田道51-67號啟田大廈地下1A, 2-4及6A號舖📍 馬鞍山鞍誠街8號新港城3期N座地下7-9號舖😋味道　：8.0 / 10💰性價比：8.5 / 10💕回頭　：8.5 / 10🍴 燒味雙拼 • 叉燒油雞瀨粉 - $60🍴 大壹燒鵝拼叉燒飯 - $65

今時今日銅鑼灣的飲食價格越來越貴，我非常喜歡這家燒味店，他們的$80套餐包括燒味、單點和雙拼同價，還有配菜，例湯和飲品，令人驚喜！今晚我點了一份雙拼，有油雞和叉燒，還有燒肉和燒腩仔。這裡的燒味不使用冷凍貨，所以肉質非常鮮嫩多汁，現場製作，入口即化。叉燒真是美味到讓人無法形容，半肥瘦的口感香滑無比，調味剛剛好，肉汁香甜。燒鵝的外皮酥脆，一入口還帶著溫暖的感覺，新鮮出爐的味道真是與眾不同。燒腩仔的外觀精緻，外皮酥脆，五花肉入口肥瘦均勻，再加上一點點芥辣，好味！油雞的外皮薄而不膩，肥肉部分適中，雞肉非常嫩滑。之後仲嗌咗一個例牌燻蹄，豬皮脆到不得了，肉沒有躁味。這家燒味店現場製作，你可以不斷聽到廚房裡傳來新鮮燒味出爐的聲音。如果不知道該點什麼，可以請店員推薦。

銅鑼灣登龍街有好多美食選擇，天氣熱熱地食燒味都唔錯，燒鵝唔係度度好食，《大壹燒鵝》嘅燒鵝屬於上品，其他燒味都好出色，今日同朋友嚟試先得，只恨遲咗，燻蹄賣曬，俾機會下次再嚟過。餐廳環境唔算好大，會見到一個掛滿鵝嘅地方，準備拎去烤。燒鵝(上莊)例牌~果然令大家都好滿意，皮脆肉香，皮下脂肪唔多，不會太肥膩，肉質軟淋，有口感得嚟唔會韌，味道調教得好理想，自設烤爐自家製作。叉燒油雞飯，+$20跟餐有油菜、例湯~叉燒都係呢度招牌菜，睇落瘦咬落夠淋，燒得夠香口；油雞也不錯，雞胸也夠滑；今日例湯合掌瓜豬肉湯，清甜可口，跟餐仲有西生菜。燒腩貴妃雞瀨粉~燒腩仔外皮卜卜脆，層層腩肉令人垂涎欲滴；貴妃雞(切雞)做得唔錯；湯底味道啱啱好，瀨粉夠爽口。跟凍飲- 凍奶茶(+$8)~茶香奶滑，凍飲正常甜度我最喜歡。跟特飲- 咸檸七(+$11)~ 呢個價錢抵飲。

大壹燒鵝 (登輝大廈) (銅鑼灣)銅鑼灣登龍街36-48號登輝大廈地舖好多人排隊嘅大壹燒鵝，慕名而來，晚餐套餐，只係$80就有雙拼燒鵝或其他燒味，真係超級抵食，又有老火豬展湯，有生菜，飯都特別香甜。仲可以配嘢飲，晚餐嚟講喺銅鑼灣真係超抵食。今日我哋就叫咗燒鵝、叉燒、燒腩仔。超級好味，叉燒蜜甜甜，燒鵝油甘，燒腩仔皮脆肉嫩。送飯真係一流，夠晒飽。特飲叫咗鹹檸七同龍鳳呈祥，潤喉涼爽清新。性價比極高，食餐好嘅燒味，值得。一定係食過番尋味系列。