大壹燒鵝 (登輝大廈)

营业中

休息中

一次比一次煮得燶， 上次有兩三嚿都算，今次直頭每一塊都有黑邊， 好唔開心。 感覺店家因為係外賣生意，唔會即場檢查， 就特登俾啲唔靚嘅（雖然可能店內食都差唔多）。 枉我特登出去買佢的叉燒， 好失望， 無下次了。

之前一直想過海去試下大壹的燒鵝，今次去完動漫節終於可以過去試下。星期日下午茶時間時段去到即有位，原來下午茶燒味粉麵只係$48，不過熱飲另加$5，凍飲加$8。如果唔要粉麵要配飯的話就要$60，要燒鵝加$5，即$65。我地由於太肚餓，所以有4個叫左飯，只有1個叫下午茶粉麵。首先係叉燒飯同叉瀨先到，叉燒睇落晶瑩剔透，無論係下午茶$48粉麵或$60飯，叉燒份量和質素都一樣，叉燒肥瘦適中、味道出乎意料地正！跟住是燒鵝和油雞飯，賣相和味道都有水準，只係覺得叉燒更為出色！順帶一提是凍奶茶好有茶味，好似珍珠奶茶咁；熱杏霜都好香濃，有機會再會幫襯

依家都算係我嘅飯堂之一，每次去都會食佢個叉燒燒腩飯，佢嘅叉燒真係非常好食，肥瘦適中，仲要個窿邊燒得非常之好味，窿得來又唔會太過窿😂另外個燒腩仔又係好好食，皮脆肉嫩，呢個價錢我真係搵唔到第二間燒味可以做得咁好食有呢個質素。補充一下，佢個份量真係非常多，我覺得以呢個價錢嚟講真係好抵食。至於環境方面，我就覺得其實有少少污糟嘅，不過好多食燒味嘅舖頭都係咁上下，所以我都接受嘅。整體來講我都係會推薦呢一間燒味俾人嘅。推介指數9/10

專程去到銅鑼灣登龍街大壹燒鵝,叫了兩份套餐第一份燒鵝拼燒肉,第二份燒鵝拼叉燒,相片中兩碟都未食過,主打的燒鵝柴到咬唔開,大部份都是骨頭位,反而燒肉同叉燒不錯,燒肉皮脆叉燒夠淋入味,但我是衝著燒鵝而來,落單時心諗燒鵝不加錢都應該不會太差,我太天真了

大壹燒鵝呢幾年好多美食陸續進駐銅鑼灣登龍街，其中代表香港本土美食文化嘅，應該要數到呢間『大壹燒鵝』。呢晚行完街，老公話想食燒味，我二話不說就帶佢泥呢度。係門口攞左位，等左陣就可以入座。坐低之後，當然即刻睇下餐牌先啦。我地就叫左『肥叉瀨粉』，『燒鵝燒腩仔飯』。先講個『叉瀨』。肥叉燒肥瘦適中，咬落去一啲都唔乾唔柴，配埋蜜汁一啖放入口，再加埋一啖瀨粉，簡直係美味無窮。連阿女都讚不絕口。燒鵝同燒腩仔都毫不遜色，兩款燒味都做到皮脆肉嫩，原完發揮到港式燒味既精髓。總的來說，都好滿意呢間燒味既水準，絕對係水準以上，有機會一定會再番泥食過。燒味舖好多時都係坐得比較狹窄，但係大壹燒鵝嘅位置，坐得比較寬敞，而且有不少座位。所以就算要帶埋小朋友去食，都係一個唔錯嘅選擇。不過平日嘅夜晚都滿座，建議可以早少少去食😍😍😍😍

跟同事工作完畢，一同來吃晚飯。❣️ 燒鵝 (下庄)  燒鵝送上時香氣撲鼻。燒鵝皮脆肉嫩，入味多汁，甘香可口，越嚼越香。真是色香味俱全。❣️ 义燒飯厚切叉燒色澤鮮明，邊緣帶焦香。肉質軟腍，蜜味濃郁，十分美味。❣️ 燒腩仔拼瀨粉燒腩仔外皮酥脆，肉質鬆化，脂肪及瘦肉比例均勻。配上清甜湯底的瀨粉口感爽滑不韌，不錯。☕️ 熱咖啡同事喝了一口咖啡即說有意外驚喜，想不到這杯熱咖啡質素不錯，濃郁順喉。🍹 熱菜蜜清甜味道。燒味質素不錯，經常坐無虛席。另亦有不少顧客來買外賣，可見其受歡迎程度。

都唔係第一次喺呢間買外賣，尋日再喺openrice買左半隻燒鵝做晚餐，到夜晚在餐枱上看到真心嬲，買左半隻鵝，胸得2舊，半隻鵝好似左拼右拼咁出嚟，仲可以有2舊鵝脾最上果舊骨，真係唔洗再幫襯之前疫情，因為呢道味道唔錯，份量也很足，每星期都會喺呢間買一次外賣回家，2年來都從不間斷，疫情過後已面目全非，這已不是第一次，上次已試過是這樣，心想只是可能那天是星期六的關係，但這已是第二次，已經不只是師傅的關係，已可是餐廳的問題了!

今日加班🥲，離開公司都已經8點鐘🕗，同事話好肚餓，約我係附近食埋晚飯先返屋企。佢提意去登龍街的燒味店“大壹燒鵝”，話快靚正🥰。店舖裝修是一般茶餐廳格局，座位比較少但幾企理整齊🤗。由於肚餓，我地叫了2️⃣個1️⃣人餐及散叫了1️⃣份雙拼。跟餐有例湯及油菜例湯🍲味濃味清甜，油菜🥬正常水準。燻蹄拼燒鵝肉飯 $80燻蹄入味豬皮爽脆，鵝肉🦢皮香肉厚，啖啖肉食得零舍開心😋。油雞拼燒鵝河粉 $80油雞🐓浸得入味肉質嫩滑，燒鵝🦢皮脆肉嫩，同樣調得入味。雙拼燒味 $98燒腩仔 - 🐖表皮燒得非常香脆，肉質軟腍🥰，肉味香又有肉汁，好好食😋。叉燒 - 叉燒燒得非常靚有燶邊😍，同樣肉質軟腍帶蜜糖🍯甜味😋。即磨咖啡 (+$5)即磨咖啡☕️無苦澀味，咖啡味幾香，幾好飲。總括而言，無論食物、服務都快靚正，價錢又合理，好適合要求快速的香港人醫肚。

Lunch 揀咗大壹燒鵝飯(雙拼，拼叉燒)，配熱奶茶，合共$65。燒鵝同叉燒份量多，好入味，叉燒少少燶邊仲脆口，燒鵝入味但食唔到脆皮口感，單食燒鵝或者配梅子醬一齊食都好好味，所有燒味都好味，美中不足之處係肉唔夠熱，食落有只係微暖，飯仲有啲炸菜，竟然炸菜都好味！熱奶茶味道一般，太多奶。雙拼飯嚟講65蚊有呢個水準叫幾抵食，叉燒唔係出面染到勁紅色，燒得幾好斬得好大舊，第一次覺得原來燒味可以咁好食。整體味道不錯，下次會再嚟食，如果食剛出爐燒味應該仲正。

同朋友👩🏻‍🦰一齊喺銅鑼灣，佢話想食燒鵝🦢，我話我唔識邊度有燒鵝專門店🤣，朋友👩🏻‍🦰上網睇一睇，就帶咗我嚟呢間餐廳開餐😆咁梗係要叫燒鵝啦🤣，我哋叫咗 $168「大壹燒鷯 例牌 - 下庄」：餐牌上邊寫住呢幾個字：「外脆内嫩．油而不膩．垂涎欲滴」，都算形容得幾貼切🤣 - 燒鵝皮真係脆脆哋😋，燒鵝肉不同部位有不同口感，不過都係好惹味😋，燒鵝皮底下有一層薄薄哋嘅油脂，真係好甘香😋$80「大壹燒鵝滋味全餐 - 貴妃雞+燒腩仔」，套餐配：郊外油菜、絲苗白飯、老火靚湯 各一客，熱飲要咗「熱檸茶🍋☕️」&「熱檸水🍋💧」，兩杯都係 +$5 😋「貴妃雞+燒腩仔」：「燒腩仔」半肥瘦，燒豬皮脆卜卜😋；「貴妃雞」肉質幾軟滑😋「老火靚湯」似乎係節瓜煲豬展😋$30「郊外油菜」：係生菜🥬，幾新鮮，幾爽脆😋；連埋套餐嘅「油菜」，一共有兩碟菜🥬，一人一碟🤩「熱檸茶🍋☕️」&「熱檸水🍋💧」

去咗銅鑼灣時代廣場買嘢，已經天都黑晒加上肚仔有啲餓，行過去登龍街食晚餐。一見到大壹燒鵝就進入，幸運哋有卡位坐，點咗個一人一個套餐，有例湯有雙拼飯有杯嘢飲還有碟菜，加多個燒鵝上庄例牌。好快就嚟到例湯，係木瓜雪耳南北杏排骨湯，夠晒火候老火湯，清甜滋潤我連湯料都食埋！熏蹄拼燒腩仔，熏蹄點咗白醋皮爽脆酸酸地好醒胃。燒腩仔肥一層瘦一層，食落口皮燒到卜卜脆肉又香。另一碟雙拼叉燒&貴妃雞，半肥瘦叉燒還有燒燶邊，夠晒味又夠腍好好食，貴妃雞皮香肉嫩又夠滑，好有鮮味，燒鵝賣相好吸引。一食 果然出色，皮脆油香肉嫩，再加上點埋酸梅醬，酸甜開胃真係絕配。飲埋杯香濃熱咖啡，完結咗美味的晚餐，大壹燒鵝啲服務員態度非常好，環境衛生乾淨，又坐得舒服，值得推介俾大家。

傳統港式燒味店幾時都咁受歡迎。喺銅鑼灣登龍街的「大壹燒鵝」，更加係人氣熱點，皆因附近都係以食日本菜、西餐等。餐牌主要都係圍繞店舖名菜，馳名燒鵝。下午茶時間，人流超多。燒鵝瀨幾抵食。瀨粉好大碗，幼滑又唔碎。幾件燒鵝應該係併上。燒鵝皮薄身脆口，鵝肉嫩滑多汁，味道有層次不會很重調味。旁邊以榨菜絲代替油菜，爽口美味。鵝片飯另一款試咗鵝片飯。起咗骨，鵝片肉比較薄身，鵝肉味道芳香，有淡淡的炭燒味道。白飯比較乾身，唔算太吸引，不過好大碗。鹹檸七配燒味都幾夾😋大壹燒味三併（例牌）仲想試吓其他嘅燒味😋揀咗叉燒，燻蹄，燒腩仔叉燒厚切特別有口感，肉質夠腍，少少燶邊，偏少少肥就最正。燻蹄正常，沾醋汁酸酸甜甜最好吃。燒腩仔皮脆卜卜。但偏瘦，冇咗肥瘦相間嘅肥美～跟餐加嘅油菜好大碟!一次過食咗幾款馳名燒味相當滿足😋👍🏻🌟

這天晚上我約了朋友在銅鑼灣吃晚飯，經過網上的介紹，我們便決定來到這間燒鵝專門店試一試，店內環境明亮和清潔衛生，店內座位是坐滿的，需要輪候一會才能入座大壹燒鵝例牌下庄($168)燒鵝是自家製，燒的時間控制得很好，皮燒得非常脆，肉非常嫩滑，非常新鮮，配上酸梅醬，味道酸酸甜甜，令人非常開冑，份量非常多大壹燒鵝滋味全餐($80)厚身叉燒非常香稔軟嫩，燻蹄嫩滑細密，配上酸甜的醬汁，唐生菜十分爽口和新鮮，南北杏冬瓜瘦肉湯，十分足料，而且不放味精，飲完不會口渴整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的定價相對合理，每張枱都有紙巾供應，而店員亦有良好的服務態度和有禮貌，所以我認為這間餐廳是值得再去惠顧

這附近其實都有挺多間不同的燒鵝店，所以要在這站穩也是挺困難的。不過這間應該沒有壓力了，我來到的時間已是7點了，仍然要排隊進去，而且人來人往的，生意非常好！燒味雙拼飯（60元）我們去到的時候燒腩仔已經賣光光了，真的挺遺憾的！所以我們把餘下的都選了，分別有豉油雞，貴妃雞，叉燒，燻蹄！兩款雞裡面，我比較喜歡豉油雞，因為味道比較濃，豉油香味很足，不過兩種雞的肉質都很滑嫩，而且肉都挺厚的！然後是叉燒，這裡的是帶點焦的叉燒，這個非常吸引，而且是採用了帶皮的豬腩肉來燒製的，所以油香比平常用梅頭的叉燒更多，肉質更嫩滑，有種入口即化的口感，但又有一點豬皮來增加了一份煙韌的口感，質素挺高！燻蹄就吃起來爽滑，而且帶點酒香，味道比較清淡，不油膩。燒鵝上庄（148元）燒鵝就選了個比較多肉的上庄來吃，這裡的質素真的挺不錯，燒鵝皮脆肉嫩，鵝胸也保留到不少的肉汁，吃起來很嫩滑，一口咬下去全是肉，真的挺爽！

這裡的叉燒燒鵝飯和叉燒油雞飯都是非常美味的。首先是叉燒燒鵝飯，這裡的燒鵝非常香脆，鵝皮酥脆，肉質鮮嫩，非常美味。叉燒也非常好吃，口感豐富，加上香噴噴的米飯，非常開胃。接下來是叉燒油雞飯，這個菜品也非常受歡迎。油雞肉質鮮嫩，味道醇厚，加上叉燒的香味和米飯，非常美味。整體來說，大壹燒鵝的叉燒燒鵝飯和叉燒油雞飯都非常美味，值得一試。如果您喜歡燒鵝、叉燒和油雞等港式料理，我強烈推薦您到大壹燒鵝品嚐一下他們的美食，相信您一定會愛上這裡的菜色。