大壹燒鵝 (登輝大廈)

营业中

休息中

見同事係藍田分店食完大讚燒鵝好味之後，今日即刻係銅鑼灣分店試試夜晚都吾算多人，一個人都入到卡位坐。坐低即刻order左個燒味雙拼瀨粉，一上菜其實都幾失望下，見到燒鵝幾dry下，皮其實係脆既但就係冇咩油水。叉燒反而好大舊半肥瘦好香口，大啖食落口好滿足，仲有少少燶邊💕 另外瀨粉好彈牙，煮得岩岩好！有驚喜！如果好肚餓既話建議食飯，因為份量真係比瀨粉多好多，見到對面枱叫左少飯份量都係多。成餐食左$68偏貴，呢個價會有更好選擇。

今日去時代廣場睇聖誕燈飾,  之後去食晚餐.   近日假期多食了西餐, 總想要食燒味飯.    女友選擇了 大壹燒鵝.  看見玻璃櫥窗內,  掛著巨型大燒鵝, 顏色令立立,  叉燒也好醒神, 大家好想食.大壹燒鵝 設整潔雅座, 座位闊落, 燈飾設計時尚,  拍拖同朋友食飯好合心意.  銅鑼灣不容易找間舒適又抵食的地舖餐廳, 真係好難得.  侍應招呼有禮,   我們坐梳化卡位,  彩色餐牌,  食品選擇多, 有全日套餐連飲品. 我們點了：燒鵝脾/油雞脾雙拚 (套餐), 配白飯.    白飯粒粒完整, 雪白分明, 靚米.燒鵝 熱辣辣,  香噴噴,   味香四溢,    配有炸菜,  好理想.  備有秘制燒鵝酸梅醬,  點些醬汁很滋味, 送飯一流.    鵝肉厚而肉不肥.  鵝皮脆脆,  鵝肉厚厚,  少脂肪.  入口肉質腍香, 沒有半點膻味,  脆皮底下的鵝肉好鬆軟, 極滿意. 油雞 調味好, 少骨, 有雞味. 餐茶:   熱檸檬茶 +$5 .   熱檸檬茶,   解渴去膩.又加點了三拼:  貴妃雞,  燒煵仔 拼叉燒,叉燒, 賣相真不錯.  用了五花腩肉, 燒工和調味, 絕對可以同一哥比

大壹燒鵝————————————今日去咗銅鑼灣食咗晚飯，裝修簡單企理，係坐得舒服嘅燒味店～叫咗半隻豉油雞，皮爽肉嫩，好入味，豉油唔會死鹹，幾好食。另外叫咗一個例牌嘅燒鵝拼燻蹄冇事太耐同燒鵝拼燒肉，鵝係暖暖地，皮脆脆地，有油香，幾juicy~ 燻蹄同燒肉都正常水準。例牌跟餐會有飯同例湯，幾抵食，諗唔到食咩嘅話都可以嚟普通食一餐～————————————大壹燒鵝 (登輝大廈) (銅鑼灣)📍銅鑼灣登龍街36-48號登輝大廈地舖

朋友介紹銅鑼灣有間著名燒鵝店，咁啱喺銅鑼灣，即刻叫佢帶我去。餐廳位於銅鑼灣登龍街。掛滿一隻隻肥美燒鵝。大壹燒鵝主打當然係燒味。大壹燒鵝滋味全餐配郊外油菜、老火靚湯、及絲苗白飯。燒鵝，肥瘦均勻，外皮香脆，入口鬆化。郊外油菜纖維細，口感鮮嫩。老火靚湯烹調時間足，味道甘濃，用料新鮮。燒味雙拼燻蹄口感結實，雞肉嫩滑，豉油味香濃。米粉大大碗，質地柔韌，富彈性。叉燒肉質軟腍，肥瘦均等，蜜汁濃郁，帶焦香味，絕對推介。口水雞味道層次豐富，辣中帶香，香中帶麻，令人再三回味。鹹檸檬七喜入口清爽甘甜，鮮潤清新。龍鳳檸樂風靡香港飲料，味道集甜酸咸。

今日星期日午餐去咗大壹燒鵝食，1點幾唔洗等。餐牌有燒味單雙拼飯，燒鵝單雙拼飯。飯可轉米粉，瀨粉，河粉。可加錢要飲品。燒鵝 半隻 $248上次無原隻燒鵝賣，今次終於有。燒鵝半隻賣相不俗，可惜唔暖，凍凍地上枱。食落皮都有少少脆，脂肪都算唔太多，不過油脂豐富，食完塊皮就成口油。鵝髀肉最好食，夠嫩。鵝胸多肉食，其他部位就偏韌。另上甜醬。總括而言，唔夠熱，失望。燒味雙拼瀨粉 $58今次叫咗叉燒同燒腩仔瀨粉，叉燒同燒腩仔會分開上。半客叉燒有5舊，係燶邊既，食落質感味道都唔錯，又淋又蜜味，肥位唔少。燒腩仔半客有5件，非常肥美，半肥瘦，所以好淋，塊皮都有少少薄脆，點黃色芥末更好味。伴有少少鹹菜。瀨粉大碗，滑溜彈牙，有葱花。燒味雙拼飯 $58燒味雙拼飯叉燒同燒腩仔飯質素都差唔多，不過個人唔鍾意白飯，飯量好多。總括而言，普通燒味比燒鵝好食。

今日去咗呢間係銅鑼灣登龍街的燒味店食晚飯，外邊見到裝修簡單，入到去有啲卡位裝修都幾摩登。見到餐牌其實$78一個人套餐，可以單拼或雙拼，有菜及例湯及加$5飲品。同朋友想食好啲，今日要個三拼，其實只係$91，叫了半肥瘦叉燒，豉油雞及燒鵝。上枱見到份量都幾大碟，叉燒外皮燒得勁焦香，有燒燶邊，厚厚麥芽糖外皮，味道好濃郁，咬開半肥瘦叉燒，好彈牙有肉香，油脂豐富，勁邪惡，入口仲少少暖暖地，非常出色！燒鵝外皮燒得都夠顏色，夠香脆，唔算太多肥膏，醃料味道唔會太過分，食得出鵝肉的味道。豉油雞，皮脆肉嫩，帶少少粉紅，有中間嗰層啫喱，豉油味道剛剛好，不會死鹹。個米粉及瀨粉份量夠大份，男仔都夠飽，而湯底味道都好清澈味濃。食到一半唔夠喉，再加了個燒腩仔的例牌$68，每件細細粒，外皮鬆化又香脆，肉味香甜，肥瘦相間，可以再肥少少（純粹個人意見），就更加nice。估唔到登龍街有間臥虎藏龍嘅燒味店，每種燒味都好出色，價錢又公道實惠。

同事上次外賣了燒鵝及叉燒回來，一試難忘，放工懶得煮飯，就去左大壹燒鵝食晚餐。餐廳主張以QR CODE自助下單，但燒味例牌卻要人手點餐，可以改進一下系統，侍應與客人同樣無所適從。叫了兩個一人套餐，包括老火湯、油菜、燒味單/雙拼，以及飯或麵。先上桌的老火湯，很夠熱，湯煮得濃郁，很足料。半肥瘦叉燒拼油雞胸，轉瀨粉+5蚊為了叉燒而來，仍舊沒有失望，超正蜜汁叉燒，最愛香脆燶邊位，肥瘦得宜，入口香軟，油雞胸亦是上佳，胸位不柴，外皮亦豉油味十足！燒鵝拼油雞，轉瀨粉+5蚊燒鵝鵝皮帶光澤，皮肉飽滿，鵝皮要酥香，油脂豐盈不膩，肉質嫩滑。配上滑溜瀨粉，食到停唔到口！為食左加點了燒腩仔肉質鬆化、軟腍無渣！外皮脆卜卜！咬落好似食薯片咁，皮下沒有太多脂肪，正！

唔好去，我食完行出門口幾分鐘就肚痛，懷疑食物唔乾淨🤬大壹燒鵝滋味全餐 ($78)套餐既湯同白飯都正常既，叉燒幾奇怪，外皮太燶同埋唔知點解會甩左出黎，正常食叉燒紅色外皮唔會甩架嗎🤔肉就太肥，叫左半肥瘦但同肥叉差唔多，亦唔夠入味，唔太食得出叉燒醃料既味道。燒鵝就正常好多，肉味唔錯，只係有小小膻同埋皮唔夠脆最大問題就係佢地既生菜，第二張相會見到碟生菜好黃，賣相又差，然後食落去係有魚腥味架🤮🤮🤮邊有生菜有魚腥味架，咁我就同店員講碟生菜有怪味，叫佢換過碟，第三張相就係換左既生菜，望落去好青綠，諗著冇野啦，食左一條，又係有魚腥味既🤮🤮🤮我幾肯定佢地既淥菜水本身就有呢種魚腥味，無論換多幾多碟都係咁，所以放棄左🫠食完出門口三分鐘到，我已經好肚痛，應該就係生菜既問題，千祈唔好去價錢: $86/位環境: 5/10味道: 2/10性價比: 2/10

銅鑼灣食街之一登龍街，有不少不同種類的餐廳，經常見到一間是以食燒鵝為主的燒味餐廳，於是今晚就約埋姐姐放工後一齊去食晚餐👍🏻👏餐廳座位夠舒服，員工招呼好有禮貌👍🏻值得一讚👍🏻👍🏻一人套餐$78，真心覺得勁抵食，三個字型容，平！靚！正！order了兩份一人套餐一份雙拼：燒腩仔拼叉燒，燒腩仔皮脆卜卜，而叉燒半肥瘦剛剛好，味道非常出色👍🏻勁鍾意依間叉燒💛。另一份雙拼：油雞雞胸拼貴妃雞雞胸，最開心係可以指定揀雞胸😍😍因我地都超鍾意雞胸位✌🏻✌🏻套餐仲有老火靚湯。而我地仲加$5，將白飯轉為米粉，米粉超大碗🤭😆當然唔少得燒鵝啦！我地叫左一份例牌上庄燒鵝，皮脆內軟，咬落皮與肉之間仲會爆汁，非常香口👍🏻味道質素好好！總結報告叉燒、雞胸、燒鵝都係必食之選👍🏻下次加餸帶返屋企比爸爸媽媽試下先🤭

眾所周知，大壹燒鵝的燒鵝很有名，但這次和友人決定試試這裏其他的燒味，我們兩個一共叫了兩份套餐及一份燒味雙拼。老火靚湯非常足料，不是一般茶餐廳的味精湯，是媽媽的感覺😋隨手也可以兜起很多湯料，有瘦肉、南北杏、雪耳、果皮等，是真正的老火靚湯😆我們沒有特別選擇，來了半肥瘦的燶邊叉燒，但放心吃的時候不會有燶味，而且蜜汁香甜帶脆，肉質嫩滑😋而雞肉的肉質也不乾柴。因為喜歡吃叉燒，另一份套餐也叫了叉燒，套餐可以選雙拼，我們想試多些所以也選了燻蹄，燻蹄也是啖啖肉的。口水雞是一隻大雞髀，口水汁麻香不太辣，口味剛好👍🏼，下單的時候職員也有貼心提醒我們燒腩會沾上口水汁，但我們不介意，所以照要雙拼，燒腩仔的皮燒得香脆，而且肥瘦適中，咸味也恰到好處。今天的油菜是生菜，綠油油的附有蠔油。個人認為燒味配瀨粉是個絕配呢，所以加錢也要吃！熱奶茶是茶餐廳的質素，茶香奶滑，還要用黑白淡奶杯裝著的。凍檸茶的檸檬有五片，絕不吝嗇。

晚飯時間正身處這條銅鑼灣區內食街, 忽然起了食廣東燒味的念頭, 便決定幫襯這家專造燒鵝及燒味的食店👏侍應安排在卡座, 然後力推一人燒味套餐：內包燒味自選單/雙拼（燒鵝, 义燒, 燒腩仔, 貴妃雞, 油雞, 燻蹄）, 是日靚湯, 油菜, 白飯各一客😀點了兩個單拼餐：义燒及油雞, 本想叫燒腩仔但原來一早售罄, 可見其受歡迎程度🤗燒味食店以速度出名, 餸菜不到幾分鐘已全部上枱👏义燒是半肥瘦, 肥瘦均勻,濃淡適中, 頗有港式燒烤風味, 肉質亦佳, 入口有咬感😋油雞是下庄及雞肶部份, 皮甘肉滑, 加上葱油, 特別顯出雞肉味🤭套餐中最搶分是是日靓湯（今日是木瓜煲唐排）, 清甜鮮味, 一試便知無人造味素, 用料盡心, 南北杏果皮皆有, 值得一讚👍意猶未盡再追加倒牌燒鵝上庄, 份量夠斤兩, 肉嫩皮鬆化, 忍不住再多來了一客白米飯😋好一次港式燒鵝,燒味經驗👏

香港有好多燒味店都係由中央工場製造，味道總不及現場即做好。在銅鑼灣旺區內，竟然有間新開不久的「大壹燒鵝」，內部茶餐廳格局沒有大驚驚喜，亮點絕對是店鋪內設有烤爐，即製燒味保證新鮮熱辣辣。筆者剛好坐正風乾房前，一隻隻肥滿的鵝掛在眼前，乳豬掛在後排。今日到訪因為之前有晚去買車仔麵，發現這間燒味店。見到這個套餐有燒味飯而且單/雙併同價、還有青菜及老火靚湯，都只是$78，非常抵食。以為午餐都有這套餐，點知沒有這個抵食套餐。午餐、下午茶Menu。加料返企Menu。最後揀左「午餐燒鵝賴粉$58」，雙併燒腩仔+$5，凍奶茶+$8。餐廳名字有「燒鵝」二字，就知道燒鵝係餐廳嘅名物，冇可能唔叫。幸運地沒有加 $ 轉鵝脾下都可以有鵝脾食！燒鵝皮夠薄但不夠香脆，少量的肥膏帶點油香，略嫌肉汁不夠豐腴。燒腩仔賣相平凡，沒有一層肥一層瘦、層次分明的賣相。但是咬下去燒腩皮燒到脆卜卜，肉質嫩滑，肉味濃郁，味道比賣相吸引，值得推介。

朋友推薦呢度嘅燒味好好味，今日特登過嚟試吓。下午茶單拼$45，燒鵝+$5，熱飲+$5。叫咗叉瀨+燒鵝瀨，諗住下午茶會細份啲，點知嚟到，都幾大份👍🏻叉燒望落有啲白，以為會比較乾身，點知咬落去，係淋身同有丁點肥肉夾喺中間，但唔會覺得油膩果種，好味。燒鵝都好好味，好入味又唔肥。呢個燒味下午茶我都食到好飽！

燈籠街出名多嘢食，每次去銅鑼灣都必定黎呢道揾好嘢食，朋友鍾意食港式燒味，於是黎到大壹燒鵝🦢餐廳嘅整潔程度理想，唔同一般茶餐廳有油煙味。因為我哋唔係繁忙時間入座，所以店員貼心安排咗卡位俾我哋。餐廳用手機落單，上菜速度好快。上菜時，店員亦好主動問我哋需唔需要額外碗筷，服務爽快貼心。🦢大壹燒鵝套餐（$78）晚市主打燒鵝套餐，$78一人套餐黎講性價比高，可以自選兩種燒味，仲包油菜、老火湯、白飯同飲品，抵食得黎又飽肚🤰🏼🦢燒鵝•油雞🐓燒鵝係大壹招牌燒味之一👑 燒鵝外皮充滿油香，鵝肉油潤，唔會太嚡😋油雞厚肉嫩滑，雞皮唔肥膩，帶有豉油香味又唔會太鹹🍗🦢燒鵝•燒腩仔🐖燒腩仔外皮燒得香脆，肥膏唔會太多，成嚿食晒都唔怕肥🤣配：🥬郊外油菜•🍚絲苗白飯•🍲老火靚湯套餐嘅老火湯非常足料，用左冬瓜、雞腳、豬肉熬煮，味道清甜🍲🍜轉瀨粉（+$5）燒味除左配飯之外，配瀨粉都係一個唔錯嘅選擇😛🥂特飲（+$11）🥤鹹檸檬七喜🍋龍鳳檸樂🐖皇牌叉燒 例牌 （$68）叉燒亦係大壹嘅招牌燒味之一✨叉燒可以選擇半肥瘦、肥或瘦，燶邊叉燒相當誘人，肉質鬆軟，叉燒醬香甜惹味，送飯一流😍比起燒鵝個人更加喜歡叉燒～🐖燻蹄 例牌 （雙拼+$20

今晚同朋友放工喺附近食燒味飯，外邊望到一排排燒鵝燒得好靚，仲有好多人外賣，相信質素唔錯揀咗兩個燒鵝套餐，好抵食，$78有晒燒味雙拼、白飯、可以加錢轉河粉或瀨粉等等，另外仲有老火湯同油菜，可惜今日餐廳話爐頭壞咗，未試到老火湯，但聽到附近有客人專登為咗老火湯嚟，相信老火湯一定好吸引我揀咗燻蹄同燒腩仔，兩樣都好出色，燻蹄外皮爽，肉質鮮嫩，而燒腩仔外皮香脆，保持到肉汁，唔會太咸，配上芥末食一流瀨粉份量算多好夠飽，生菜都好新鮮，加咗錢叫杯熱朱古力，味道唔會太甜朋友就揀咗叉燒同燒腩仔，欣賞叉燒唔會過度染色，配上蜜糖好香，燒得剛剛好，肉唔會太瘦亦唔會太肥，送飯一流另外叫咗碟燒鵝上庄，餐廳仲俾咗燒鵝脾我，外皮燒得香脆，肉質飽滿，份量都算多餐廳員工嘅招呼一流，好有禮貌，座位係卡位坐得好舒服，如果想食靚燒味可以試試，性價比唔錯