大小姐冰室

营业中

休息中

今日同朋友去開北角，順便想搵間餐廳食個晚飯, 見到依間大小姐冰室環境唔錯就試下🐰👉🏻碧綠龍躉球龍躉肉好新鮮同埋厚切，仲要好多塊，好嫩滑🐰👍🏻👍🏻👍🏻西蘭花都好爽嫩🐰🐰🐰👉🏻沙嗲金菇牛肉煲端上抬時，新鮮滾熱辣 入面有超多金菇牛肉同埋粉絲 好大煲好抵食🐰👍🏻👉🏻XO醬西芹炒豬頸肉幾有鑊氣，雖然豬頸肉比想像中細條，但XO 醬炒得幾香，餸飯唔錯是日燉湯 ：五指毛桃燉湯最感到驚喜嘅係個燉湯， 加十蚊就有 ，超多湯料 好滋補🐰👍🏻👉🏻西班牙特濃朱古力咖啡特飲好大杯 雖然冇特別叫小甜 但係都唔會好甜 上面仲有忌廉同埋口口嘅朱古力粉，好味👍🏻👍🏻👍🏻睇返佢個openrice 好似有啲麻麻地嘅評價， 不過食落其實覺得都唔錯， 特別係龍躉球，燉湯同埋特飲 都好有驚喜 ，見到隔離枱嘅嘅炒粉麵都好大碟幾香，下次再試先：3

今日去炮台山搵嘢食經過見到呢一間餐廳 個門面好光猛 又近地鐵站 餐廳名又特別 所以就入咗去試喇😋😋紅酒燴牛尾煲嚟呢度之前都係openrice度見到好多人介紹呢個紅酒燴牛尾煲 好似呢一到嘅signature嘅product 而我係超級鍾意食牛尾但係屋企呢煮嘅話就個步驟好多亦都好嘥時間咁所以呢我就嚟到特登係試咗呢個紅酒燴牛尾煲喇 食得出牛尾係有濃味嘅酒香 亦都冇搶過其他配料嘅味 食得出呢個煮法專業嘅 亦都軟淋適中椒鹽虎蝦虎蝦係非常之新鮮 新鮮到個頭亦都係非常之完整 仲有好大隻 有好香嘅蒜蓉味 唔會特別咸竹笙扒羅漢齋呢個餸非常之足料 嚟到大大碟之餘仲要好食 仲有嘅係聽到隔離枱都係叫呢一個餸 隔離枱叫呢個係小油小鹽 喺茶餐廳入面呢其實好少會見到係可以咁樣叫法 而餐聽都可以做到 真係好特別呀食到最尾真係好飽肚先發現佢哋嘅特飲係非常之有特色嘅 套餐價亦都幾平但係發現個肚真係太飽食唔落喇希望下次再嚟試嘅時候可以再試下個特飲啦

友人從外地返港，難得一聚，便揀了我們以前一直吃開，在他家附近嘅大小姐冰室。因為依度嘅消費性價比比較高，最重要嘅係唔會趕客走，冇限時😌我哋最鍾意嘅，仲有佢嘅大大杯飲品 - 爆珠雜果賓治及紅豆奶茶，真係勁多爆珠同埋紅豆，正！佢話喺外邊好耐冇食過有鑊氣嘅小炒，所以返到嚟嘅時候，繼續食我哋以往食開嘅乾炒牛河茄子飯同埋魚香茄子飯，我飲例湯，佢飲燉湯。唯一今次唔同嘅，就係叫多咗兩隻蟹鉗，一人一隻，Cheers~ (真係有啲無聊😅）乾炒牛河一上枱，因為超級香，我哋二話不說就已經起筷。到魚香茄子煲一上枱，佢就嘩嘩聲，嘩好耐冇食過啲有鑊氣嘅嘢，好懷念以前嘅日子…唉，我都好懷念以前一齊放學後成班人一齊去溫書，然後夜晚係依度食埋飯先返屋企嘅日子。

這裡的菜式很豐富，小菜可以單點可以套餐形式，簡直媲美大酒樓，完全不是茶餐廳的內容。我們今日來晚餐，選的是單點雲吞雞，套餐碧綠炒龍躉球，這兩個菜都是非常有水準，但價錢卻比酒樓平，今晚真是有點意外。之前聽街坊說這裡的菜式不怎麼樣，但今天發覺是出奇的好，所以人客不少，還有些客人在門口等位。雲吞雞是單獨的菜式 ，而碧綠龍躉球則是套餐，包一個湯一碗飯一杯飲品 ，今日的湯是海底椰藥材煲雞，味道鮮甜，湯渣又多 ，真材實料。炒龍躉球好大一碟，魚🐠肉新鮮，炒到剛剛斷生，配西蘭花，好睇又好食，連埋燉湯，白飯🍚，飲品都係＄168，超值之選。👍雲吞雞半隻，製作需時，保證新鮮，半隻肥雞🐔加大大的6粒鮮蝦雲吞，湯鮮雞🐔嫩雲吞滑，仲有鮮嫩，索曬雞湯的娃娃菜，食得心滿意足，這一餐2百幾蚊，好過酒樓多多聲。😋😋

學完畫畫喺附近搵嘢食， 成日都經過，今日終於夾岩食飯時間入去試下！竟然有驚喜！ 無論係食物同飲品都比我想像中好！有中西cross over 既感覺。小菜都有好多選擇特飲就呢幾款我哋兩個人，叫咗個豉汁蒸白鱔+五柳黃花魚晚市小菜套餐， 可以$10加個是日燉湯，再加特飲都係加$9，好優惠！個燉湯材料十足！豉汁蒸白鱔夠晒味，蒸得岩岩好！爽脆好味！五柳黃花魚絕對係用心制作，外脆內滑！個汁甜甜酸酸好開胃！飲咗杯特濃朱古力咖啡同埋華田爆龍脆脆，同係西餐廳飲既視覺同味覺感覺一樣！餐廳多數係卡位，坐得舒服。估唔到外面好似食西餐餐既地方竟然有咁出色既中菜食，咁既價錢，係酒樓一間定食唔到，今次太飽冇食個蟹鉗，下次再定要去食番！

今次一行4個女人仔係炮台山，想傾計，有人提意大小姐😄 想起自己都係大小姐，所以都好夾，今次都第N次食啦～ 今次叫左中式牛柳（今次大失水準啦～ 有好大陣雪氣味，所以大家都只咬了一口便沒有食了，其實個中式汁係好好味架，真可惜，友人都做呢行，諗為係啤水唔夠，沖唔走血水味所以便有這陣雪味）另外叫左一條鼓汁蒸倉魚～ 呢個唔錯好食，還有叫了竹笙扒羅漢齋😄呢個都幾入味～3個餸Hkd 320蚊，另外 重叫多左一個外賣福建炒飯，加1杯野飲，比家人食Hkd112） 貴唔貴就見仁見智啦～因為都明白英皇道租金都比較貴～ 相片都忘記影了😅一個月都可能食4次😂😂😂下次再影吧

午餐叫咗牛扒意粉，牛扒好硬幾乎切唔開，意粉冇咩味，諗住撈汁落去會好d，結果好咸，食到一半真係食唔落，係得杯凍檸茶叫做放得入口，而且職員態度差，呼呼喝喝，唔會再幫襯

今日返完教會計埋自己3個靚女一齊食晚餐，A小姐話想食叫小菜～ 所以我就提議左大小姐冰室～ 因為近來返完教會都係食呢間～ Y小姐一聽到大小姐冰室🤗🤭她話覺得好襯我地3個大小姐既身份～ 入去一坐低～ 問下有咩午餐😛 靚仔哥哥抖正我係晚餐🤪🤪🤪 呢度既晚餐都好大碟🤭 A小姐同Y小姐都比較細食， 所以我提議都係叫2個餸，3個人分享～ 當中只有我係小吃貨😎但食極唔見係我既祈禱🥳🥳咁我地就叫左一個鼓汁蒸倉魚🐡🐠🐟一個鹽焗雞🐔🐓🦃，另外餐可以加10蚊例湯轉海底椰燉雞湯，我地加左2個燉湯總共加左20～ 飲品方面今次都只是普通叫了2杯熱檸檬水～ 我平時會加錢叫紅豆奶茶或者阿華田暴龍～不過因為2個餐，今次我無叫飲品😃首先黎左2個湯～ 我感覺都幾足料架～ 幾滋潤～ 鼓汁蒸倉魚都好正～ 好嫩滑～ 唔會蒸得過曬時間👍～ 鹽焗雞都好滑～ 無血水～ 岩岩好熟左～ 唔太生，又唔會太熟，一點都唔靭😄 唔錯👍

今日同朋友3個人一齊晚餐，其中一個想叫小菜食飯～ 所以就提議左大小姐冰室～ 我一聽大小姐冰室覺得幾襯我地3個靚女，都係大小姐身份～ 呢度既晚餐好大碟，所以我地都係決定可以叫2個餸，3個人分享～ 叫左一個鼓汁蒸倉魚🐟一個鹽焗雞🐔，另外例湯轉左跟海底椰燉雞湯，每一個燉湯加10蚊～ 飲品方面都只是普通叫了熱檸檬水～ 首先黎左2個湯～ 感覺都幾足料～ 飲落都幾滋潤～ 個鼓汁蒸倉魚唔錯～ 火喉岩岩好～ 好嫩滑～ 唔會蒸得太老👍～ 鹽焗雞方面都唔錯～ 因為前面好多都見血～ 呢度岩岩好～ 無血，而且岩岩好熟～ 因為過熟就會變靭😄 Good👍2個晚餐都只係200左右👍👍

尋晚又捱夜睇奧運自由式游泳決賽, 恭喜何詩蓓再攞銅牌. 為左賀一賀佢, 哽係要嘆個Good Morning 啦. 今日去左北角大小姐冰室食個靚早餐. 8點零鐘就已經要搭枱. 醒晨早餐正路有通粉, 沙爹牛麵, 三文冶D基本野. 話左賀一賀佢就食豪D, 叫左個全日扒餐, 有雞扒, 豬扒, 吉列魚柳, 牛扒可選, 配煙肉, 炒蛋, 雜菜, 蕃茄, 粟米粒, 薯餅, 多士. 加埋杯凍啡就爽了.呢個全日扒餐都幾重份量, 雞扒好大塊, 熱辣辣， 重好有肉汁, 煎到外脆內軟. 蕃茄爽甜多汁, 夠新鮮. 炒蛋好Cremy, 蛋味香濃, 炒得夠軟滑. 食完非常飽肚, 我估Lunch 都唔洗食了.

大小姐冰室之前不嬲都有幫襯開既，係炮台山都算出名，（差嫁喇），之前果排啲早餐都幾好食，啲茶都唔錯，咁一心諗住再食啦，但估唔到係，中午結果係另一樣野黎，真係比之前難食咗好多，  真係得啲相靚冇用，我哋食客唔係食相，係食質素，比啲咩人哋食。有時見到佢地係度影相。 根本影相同食既係兩樣野。真係冇下次，好心有良心既老闆 留意下返食物質素同員工招呼既素質。咁樣真係好難有客幫襯，難怪香港既飲食一落千丈，只可奉勸一句，加油啦。🤷🏽‍♂️🤷🏽‍♂️

每日放工出地鐵站都會睇到馬路對面呢間冰室，真係好方便! 終於嘗試晚市。最驚喜嘅一定係安格斯乾炒牛河（108 hkd）! 平時食開普通牛河，但第一次睇到有安格斯風味，驚喜之處在於有很濃嘅燒烤味道!好似去咗間燒烤店，聞到已經被吸引!牛肉醃製非常入味，份量很足。可以叫小辣。另外亮點係紅酒燴牛尾煲，牛尾切塊大小適中，醬汁很濃郁，酸甜口感，可以搭配白飯仲有洋蔥等配菜，性價比很高。鮮茄腐竹浸時菜，蔬菜種類很多，但睇著做法好敷衍，番茄味道很濃。如果唔係蔬菜重度愛好者就唔推薦喇。喺炮台山地鐵站出口對面好容易揾到，鋪頭都很精緻整潔，出面係外賣專區。晚餐時段都未見太多人，服務都很熱情! 晚市很適合朋友聚會!

經過諗住食個下午菜 行行下見到間小本經營既茶記 咪支持下 我地叫左香蔥豬扒雙蛋飯 個豬扒竟然係3成 豬3成有蟲架 食落去一大陣梳打味 睇黎塊豬扒浸得太耐同埋乾炒牛河 而個牛肉係一啲咪都冇 似就咁用水煮完咁 難食到出唔到聲之後同樓面反映左 都冇咩表示 所以係道講出黎所以話唔怪得香港人北上消費 連出品都整唔好 點樣同人地競爭 唔好講服務 出品對得住顧客先講最基本食物基本質數都冇 點樣支持本土餐廳有時真係唔係價錢嘅問題，只係大家都要互相尊重大家作為餐廳嘅一方基本嘅出產水準都維持唔到咁究竟我點解仲要支持呀？

經過門口見到比較光鮮再望下個menu鮮魷魚一下再行多幾間睇完之後決定返轉頭其中一個被吸引嘅地方就係有蟹鉗食下午茶時間到問了侍應攞menu睇他說晚餐時間由五點半開始當時係5點23分所以心諗都應該可以叫到點知叫了兩隻炸蟹鉗後說今天虾膠未整好 沒有有點失望之後再食了兩個下午茶餐 咖哩牛腩飯同焗肉醬意粉咖哩牛腩飯很快就到想不到牛肉很多另外有別於大部分茶餐廳牛腩同咖哩是分開煮所以非常入味另外肉醬意粉嘅意粉亦唔會淋bet bet相信係即煮所以等候時間都較長料同味道都合格餐加九蚊飲紅豆冰好大杯另外紅豆都好多紅豆好淋另外唔會太甜從以上產品可見小店誠意忽然之間被職員問是否想食蟹鉗現在有打當然即時叫了兩隻也是即時炸起由新鮮肉都好鬆化簡直有大酒樓水準下次去開嗰頭一定會再幫襯

大小姐冰室位置非常方便，就喺炮台山地鐵站對面👍🏻環境比普通茶餐廳乾淨整齊，卡位都幾闊落，但座位都有好多🪑晚菜選擇都有好多唔同小菜選擇，奉送白飯及是日例湯，仲配飲品！🔸惹味單骨雞翼炸得好香脆，外脆內嫩，調味適中，有啲似避風塘風味🤤🔸䜴汁蒸黃立倉倉魚大條又唔腥，因為即叫即蒸，都要等一等。食落油香鮮甜，又冇咩骨，好食！白飯乾身，粒粒分明，配上豉汁黃立倉嘅香蔥豆豉同豉油，真係停唔到好。🔸+$10升級燉湯大家一定要加10蚊升級，賣晒就冇！老火燉湯非常足料，湯頭順喉無味精。濃香黑蒜，配上鮮雞瘦肉，正！🔸青檸梳打爆檸嘅味道，一飲透心涼🔸華田爆龍脆脆華田控一定要試！勁重華田味，加上脆脆，口感好神奇