大慶燒味飯店 (已結業)

這一間呢時呢我幫襯多年的燒味店，雖然這間店呢就比較舊沒有什麼裝修啦，但係呢佢哋都未到呢仍然都係依舊的好味，今日呢我就叫咗一個四寶飯，這個四寶飯呢就有叉燒啦鹹蛋啦生腸同埋紅腸還有好好味嘅例湯味道到不需要多講啦總之非常之好味如果最出名呢就是食燒肉叉燒燒雞燒鵝都各具特色全部都係自己燒，不是一般的中央廚房的貨品而且呢價錢亦都大眾化。

來光顧的時間是11月17日中午12時左右，寬敞的店內客人只有六七人。此店以先付款後取食物方式營運，客人在門口收銀處點餐再自行到燒臘檔窗口排隊等候，為的是省去樓面人手吧。本人點了燒肉叉燒飯跟例湯，盛惠41元，價錢算是抵食了。燒肉：分到半肥瘦燒腩位，油份相當充足，咬下去的豬油香味，非一般的感覺。燒肉皮是脆而偏硬的，燒肉沒有刻意保溫所以處於室溫，還算中上質素。叉燒：肉質夠淋夠滑，沒有過量的調味但吃不到蜜糖味。唯太多半透明啫喱狀不明物體附著，可能本人見識少吧，反正我就撥開沒有吃下。白飯：太多太多的水份，煮得過份黏軟，糯米飯般的口感，飯桶如我亦沒有吃完。配菜是椰菜，比一般的菜心感覺較乾淨，可以安心食用。例湯是冬瓜湯，入口便知加了不少味精，化學味十足，不敢飲太多。總結燒味的質素算中等，白飯例湯強差人意，亦可能只是本人幸運值太低罷了。順帶一提，店舖內冷氣非常強勁且很大風，各位來開飯要注意保暖。

本來，因為見到深水埗某家相熟的麵包店要倒閉，因此想再去買一次它的鹽焗美食，但是下班去到，老闆娘卻說一早已經賣光☹️😤🤦🏾‍♀️。於是，又越行越遠，結果走到來長沙灣這兩間著名的燒味舖，於是就叫了＄40叉燒。果然，出名的叉燒，的確有其道理，故意點了肥叉燒。因為，如果就咁叫普通的叉燒，肉質通常極瘦，而叫肥叉燒，之後自己將過於肥膩的部分除走，肉質仍然夠嫩， 肥瘦更均勻。結果，四十多元，不欺場，大大盒，肥瘦有致，肉多而均勻，不韌不太咸，也不會太橙色太多色素。

今日媽媽知我因為一啲嘢唔開心，所以買左燒鴨俾我諗住氹我開心。 我最鍾意食長沙灣大慶既燒鴨。 媽媽話依間啲燒鴨係現燒的，佢拎上手仲係熱手既，店員指俾媽媽睇燒既地方, 係響附近的，話現燒當然熱啦！返嚟打開時燒鴨都係脹卜卜。 很大部份的肉都係肥大厚肉既，而且一路食一路流著肉汁，平時唔食皮既我，都被撲鼻既香味吸引住，都要破戒食牠的皮,脆卜卜，接二連三咁食。 雖然大家話灣仔的再興，金牌燒味好味，我就覺得大慶啱我口味啲！

長沙灣雖然係細少舊區，但不乏人情味同美食。太耐無食燒味飯，黎到我最愛既燒味老店 - 大慶!一入門口見到雙拼堂食已經要40蚊，雖然左預料之中，但都不禁慨嘆百物騰貴既香港，有時候真係食個普通既燒飯都要諗過度過。但大慶所有燒味都係店內工場自己燒制，應該算係成平較低了。可能真係材料同人工升得多叉雞飯堂食可揀餐湯或汽水，我就跟湯。為何舊區總係人情味滿載?始終老區會比較多老人家，而呢度既叉燒唔會燒得太乾太脆，食落比較林同鬆軟。加埋半肥瘦既比例，入口甘香，一絕!而今日又咁岩切中雞脾!有福了!走薑油少汁!雖然只係雪雞，但雞肉味道唔錯，又夠滑多汁

常常路過這燒味老店, 郤很少進去堂食, 只有買燒味回家加料, 已經覺得這裡的出品不錯, 價錢屬於中上吧.有時給這店門口大張標榜著下午茶時間, 抵食燒味瀨粉只售二十五大元的告示吸引著. 心想, 唔係嘛, 在店邊的燒味檔所賣的貨式並非很便宜的貨式, 廿五元會給些甚麼貨呢? 因為常常買回家的消費要差不多一百元上下, 份量是可以的, 只因本人面皮薄, 不敢輕試.今天忽然勇敢起來, 要會一會這店的堂食質素.下午三時半, 專程駕車到附近泊好, 長驅直入這店, 郤給門口收銀處的大姐叫停, 原來堂食要先買票, 於是掏出百元大鈔一張, 郤忽然轉了主意, 因為想吃燒鵝和叉燒, 於是要了叉鵝飯一碟. 三十九大元.拿了收條直趨燒味柜口, 交了給刀手師傅後, 四周張望一番, 這裡都是自助方式, 筷子, 匙更, 飲品(包括汽水, 樽庄水, 等等.) 後來知道原來正價餐品是送飲品的. 又可以要原味老火湯. 當下要了湯. 才找位置坐下.舉目四望, 人客只有幾位, 有進食碟頭飯, 亦有吃特價瀨粉的, 看來份量和燒味都份量都很大, 並不因為平價而縮小件頭. 本人的食量不大, 看見這碟頭也大為震驚, 一大排燒鵝和叉燒, 加

年初四，祝各位開工大吉！大魚大肉之後，和繼續大魚大肉之前，吃頓簡單的午餐。第一時間就想到大慶。據聞它的叉燒尤其好吃，一直都想去試試。新的一年，就先實現下自己的願望。遠遠已見到位於街市旁的燒味店，十分舊式的大慶。先在收銀處買票，然後把票遞給身後的師傅。自行拿餐具和飲品，有罐裝飲品和樽裝水。同一時間，師傅已把叉燒飯放到盤子上。叉燒飯都幾大份。叉燒份量很多，望上去偏瘦。蜜汁濃度剛好，甜度適中。有幾塊連著肥的，慢慢咀嚼，香口的油脂溢出，穿梭在齒縫之間，跟蜜味混在一起，又甜又香。可惜，太瘦的叉燒實在太韌，即使味道不錯，口感破壞了整體印象，邊吃邊想起大學年代在飯堂吃$17叉燒飯的時光。白飯腍又濕，飯粒黏在一起。平時愛吃偏乾煙韌的白飯，這次卻全靠白飯提高濕度，水份功不可沒。淺色的豉油，輕輕地調味，不會太咸，伴飯不錯。或許當初太大期望，有點失望。

話說有日公司無啦啦搞大食會, 有人投票要食乳豬, 開頭我地個個都諗住係太興ORDER, 點知有一日我經過呢間鋪頭, 見佢掛出黎個樣好似好正, 同埋好香, 俾佢吸引左, 於是就影低睇下D同事有無意見價錢合理最後同事們都無意見, 驚喜..!!! 真係好驚喜!!! 完全係比意料中仲好味!!!!! 我唔係咩食家! 但依家能夠食到一隻個皮好似薯片咁脆既乳豬真係買少見少!! 個個都大讚, 好彩無介紹錯, 如果唔係,, 我應該會俾我班同事圍趙, 好靚呀!服務都OK打包完番屋企之後. 呀媽第2日將D乳豬加D煻爆香佢炒黎食, 估唔到個味又唔差WO! 誠意推介大家考慮下買隻番屋企做下節! 哈哈, 但呢間鋪頭其他野都未試過, 有機會可以試埋

第1次來這裡, 被吸引來的是餐牌上的價錢, 即管入去看看什麼一回事這裡的價錢比較便宜, 食過佢既下午茶之後想影影鋪頭內既餐牌.益下大家^^忍唔住問老闆可否影影, 食完堂食,買了些外賣回家給家人試! 味道一流,燒腩既肉汁好juicy!!下次試埋佢地個豬手!平到震!個人推介: 最好味都係叉燒!!呢個海哲依家真係食唔到!!!我會encore!!!第一次打食評,識食既話, 一定會捐loan捐la去搵d老字號鋪頭, 環境方面一定不能與現在舒適的餐廳比美, 但勝在食物質素, 如真的嫌地方不夠舒適, 本人建議外賣! 享受左個食物先係最重要, 呢間餐廳原來灣仔有分店, 下次試埋灣仔o個間先, 總括而言! 推介!

好多香港人都好鍾意食燒味飯, 今日經過試下位於深水埗既大慶, 入面陳設古舊, 亦有點兒逼, 大家目的只有一個, 快快趣趣食個燒味飯醫完肚走人, 我叫左個叉燒燒肉飯, 估吾到有好高既質素燒肉皮脆, 夾住1MM 既脂肪, 不肥得黎肉又夠軟身.! 叉燒更佳, 半肥瘦, 而且充滿住蜜汁味好開心又多一個食燒味既選揀!!!

這間燒臘店，其實我已幫襯過十幾廿次，但每次都是賣外賣飯盒，帶回家吃；今日下晝，反正有時間，索性在店內坐低慢慢食，下午茶時間，原來咁歡樂叫了叉鴨瀨粉，一睇就知，足料大碗，叉燒及燒鴨各6件；半肥瘦叉燒，蜜汁味香甜，正！燒鴨皮薄香脆，多肉少骨，鴨肉鮮嫩，點些酸梅醬，味道更佳！瀨粉也很爽口，份量亦不少，與燒味的比例均等，配以少許椰菜，食吓食吓，就成碗食晒，超好味，超滿足！

唔好以為學生餐就又細又唔抵單，雙併都係22蚊，燒鵝唔駛加錢添。包例湯，汽水，而茶就任飲都得，都好多以自助形式進行。咩筷子，醬都係自己嚟比出面，甚至後面街間廣x燒味平左一倍價錢，質素可能仲好d添呢碟飯比既全部係胸肉，啖啖肉，叫師傅比肥d瘦d都可以。呢隻絕不呃稱既學生餐難怪都幾受歡迎

平時經過都是外面企滿人，可以用人山人海形容，大家都外賣斬料拿走，反而堂食的人就好少，冷冷清清，但它的燒味真的好味，附近咁多燒味店，大慶燒味必入三甲之內，當日叉燒多瘦少肥，肉質軟嫩，岩哂我。

別看我拽文，講俗了，就是「爛船尚有三斤釘」。長沙灣區兩家「慶」字輩燒臘老店──大慶和洪慶，一街頭尾，並駕齊驅。大慶如快餐店，往門邊櫃台購票再拿食物，但我久未堂食或外帶盒飯，不清楚價格了，在店側「斬料」加菜倒是常事。一家五口，我通常要半隻燒鴨 ($120╱隻)，偶爾也來條半斤多點的叉燒 ($70╱斤)。專挑出爐時間來 (下午五時左右)，燒鴨到手時十居其九是冒熱的，稱得上皮脆肉嫩，臊香討好，鹹淡得宜 。今天不巧，給我碰著了「貨不對辦」 ！相對叉燒，燒鴨「失手」情況甚罕──就我每月最少光顧一次的經驗而言：皮色仍算光鮮，卻微微起皺──那是火候不均之結果。肉身 (胸部) 呈現橫紋，意味油脂過量流失，質感粗糙，只一條腿「倖免於難」。味道雖如常不俗，唉，回天乏力矣…… 不得不提此店近年有一「怪」現象：每次來買半肥瘦叉燒，師傅總挑瘦的 (其實，師傅是否…… )；我必須「金睛火眼」地盯梢著，在他動刀切肉之前一刻，大聲喊停：「阿師傅你又揀哂啲瘦嘅俾人？我要肥啲呀！」如是者三四回，我不得不「聰明」起來── 一開口就要肥的！告訴你，屢試不爽，唯有如此我才買到肥瘦相間的叉燒。豬沒從前「胖」麼？肥等於半肥瘦，半肥

總共五十多元, 盒內有2件燒排骨及半斤肥瘦义 燒排骨蜜味足尤其是骨邊位, 咬落鬆化並且肉味一流；肥瘦义其實肥膏不多, 只是肉質較腍, 义燒千萬不要預期是很蜜味, 反而調味較輕, 吃就是吃豬梅頭肉的味道