大戶屋

营业中

休息中

今日(10/10)莎莎梨(大家姐)過0黎同我食飯, 咁我就提議去太古食啦, 然後問一問實實梨有咩好介紹, 佢就提議0左我去呢間<大戶屋 Ootoya>, 跟住我睇下, 見到d 鳥冬好似不錯, 就出發啦!!! 1. 炸雞扒醬蓋飯 + 木盒烏冬套餐 ($70) ~ 成個套餐一齊0黎0架, 我0既焦點就即刻放係個盒鳥冬上面, 因為真係好似好正咁, 之後我就攪一攪個汁, 就夾條鳥冬0黎試下. Um.... 好有咬口, 加上個汁有洋蔥絲同薑, 令我食落去有一種好Fresh 0既感覺, 哈哈!!! 至於個炸雞飯都比想像中好喎, 雞肉夠嫩, 而且炸得個皮0岩0岩好, 唔會太硬, 不過如果個皮可以薄少少, 可能會更好, 個醬汁都好味的!!! 2. 三色雪糕 ($25) ~ 包括綠茶雪糕, 雲利拿雪糕同紅豆粒!!! 呢杯雪糕真係唔錯喎, 綠茶雪糕係我鐘意食個隻, 茶味係比較重的. 紅豆粒方面, 味道0岩0岩好, 唔會太甜, 而且軟硬度適中. 雲利拿雪糕都OK的!!! 莎莎梨就食0左個北海道南瓜雪糕, 南瓜味好重的, 都有水準的!!!P.s. 近排好少對食物有"正"0既評價, 今次呢間就有

上午到中環辦完點私事，又到了午飯煩惱的時候。正值一時多，諗唔到食乜之餘又唔想同一眾上班族爭位食飯。突然想起太古城美食廣場自翻新過後也未曾到訪，反正有時間，便慢慢搭叮叮落太古，去到應該剛過食飯時間。在乘車途中已想好來試大戶屋。差不多二時，店內還蠻多人，幸剛巧有一張空桌，唔洗等位。剛坐下來店員便很有禮貎地端上茶來，還說一句︰「請用茶」，先給人一種日本式的服務感覺，不錯﹗﹗餐廳店面不算很大，格局以西日風格為主調。環看四周，有不少日本人到此用膳，左右兩枱也是日本顧客，更為此加添日本氣氛。踏入初秋，正值秋刀魚最肥美的時期，就來個燒釧路產秋刀魚定食。定食包括前菜，味噌湯以及不同的飯。要不用加錢的珍珠白飯算了，下午茶時間還多送一杯汽水或茶，要了一杯凍檸檬茶。食物等了十五分鐘左右。先說周邊食物，前菜是三件小小的青瓜，很快便吃完，水準一般。味噌湯味道適中不太鹹，足料，有蘿蔔，蔥，豆腐…等，卻是少了我最喜愛的海藻。最失望反而是檸檬茶，細細杯的凍檸檬茶味道淡淡的，沒甜味也沒茶味，是甚麼來？喝了一點，還是喝茶更好。任添任飲的綠茶反而不錯，至少茶味夠濃。秋刀魚單看外表燒得剛剛好，吃起來外皮香脆，內裏肉質較乾身，

服務不錯，份量也十足。香飯還是以竹炭煮的，是任食的！可以o忝飯呀！招牌定食：我很愛那個伴碟的生菜絲沙律，還有旁邊的油醋沙律汁，不夠還可以加！我最愛的冷烏冬，口感十足，且以木盒盛載，很特別。

想食好耐, 不過次次行過見到咁多人等位就卻步了...終於平日下午有時間, 4點幾左右到, 唔駛等位又有卡位坐, 非常好!選了炸雞蓋飯+烏冬 (貪佢夠大份~) 下午時間有飲品送~由於沒有人, 所以很快便上菜!炸雞雖然好脆同唔油, 不過略嫌多左少少粉! 有椰菜絲係底, 白飯係日本米! 加埋個汁好好味~烏冬雖然冇料, 不過好大碗! 好彈牙! 係得杯檸茶唔掂...下次有機會值得再去~ 不過一定會趁唔駛等位既時候去囉...

Just found this restaurant when I walk pass on Sat. No reservation and looks like serving 'ordinary' Japanese style meal set. When I read the menu and I know it's not that 'simple'. No 'steak' but only 'hamberger' style in which telling me they should be the 'local' ones!Price is very....competitive with more than $100/set. 6 adults with 2 kids with the bill less than $600!!! Food portion is fair and VERY decent. Must try the fish and pork chop. Service is very good indeed!

在太古城行完街, 想起附近開了間大戶屋, 之前未試過, 早D去食. 1. 取號碼約6:00PM, 已要等10多個號碼, 約6:30才能入座, 比想像中快. (到我入內時, 新取號碼之朋友要等30多個號碼, 好彩早了DD到.....) 2. 價錢 - 我覺得可接受, 當然不算平啦. 3. 食物 - 選擇不多, 但質素尚可以. 叫了一個豬柳醬汁飯 及 一個豬柳蛋鍋配飯, 前者70分左右, 後者80分左右啦. 4. 服務 - 一般啦5. 地方 - 裝修不錯, 幾好如果愛試日本食物之朋友, 有機會可以試一下.

Jusco翻新後，傳媒效應下結果遲遲都不敢來，就算來亦特別揀了閒日的下午茶時間。星期一，三時左右無須等位，驟眼所見是間只能招呼廿人左右的小店，定食平均價錢近百元，加個小吃每人平均消費動輒百三，唔平的。以吉列為主的簡單和食店，同行的一來就是特選大戶屋招牌定食，自問食量不多，也吃不下重量級的吉列豬扒定食，簡單地來個冷蕎麥麵，不要套餐，淨麵再加納豆山芋蓉小吃已很滿足，又貪得意的在小吃中選了蘿蔔白魚仔。即叫即製招牌定食，想吃也要有心理準備等上近十五分鐘，是吉列雞塊併吉列薯餅套餐，伴著日本米、三款醬汁、漬物及小吃，是很認識的配套。主菜吉列雞塊以鐵網隔去油漬，伴以細切的椰菜絲及蘿蔔蓉，規格有板有眼，雞件塗以生粉、蛋醬最後加上麵包糠而成，不油膩而鬆化，雞肉細嫩美味，蘸些帶甜的燒汁吃，很有水準。炸薯餅亦是日式風格，薯蓉夾著免治豬肉，炸得酥化香滑，喜歡西日式小品的話，此品絕不可錯過。自己的蕎麥麵，要等上近廿分鐘，用大杉木盒盛載，麵夠冰涼乾爽，木盒不著水漬，這一等也是值得的。胃口不佳時總會想起此品的好，蕎麥獨特的口感配上濃口的麵汁，三扒兩撥將之清掉，事前功夫及事後處理也做得很好的認真麵食。純吃蕎麥麵未免清

8月16日, 行完超市再食埋包包都仲未有位. 真係諗唔明點解要等咁耐, 不過50個number實際都係大慨20張枱, 好多人走咗, 最後等咗50分鐘終於到我地, 入到去我地先明白要等既原因, 就係間格問題, 好多擺設同裝飾, 加上有唔少間房, 令到座位比較少, 淨係牆都已經佔咗唔少位~::: 大戶屋招牌定食 ::: $70定食同單品既分別係多咗前菜, 漬物, 湯, 同白飯… 飯都有幾種揀, 都係要番唔駛加錢既珍珠米白飯~ 真係好豐富! 前菜好特別, 有一隻勁辣既青椒, 有幾粒蝦仁加蔬菜, 都好好味~漬物既青瓜就麻麻地~ 湯原來係麵豉肉湯, 豬肉加蘿蔔, 好中式, 不過我地都係鍾意淨麵豉湯多d~招牌定食有炸雞, 炸薯餅, 一隻太陽蛋, 加大量椰菜絲~ 同埋有幾條長通粉, 幾有新意~ 跟餐有2隻醬, 近醬d既食物就點番個隻醬. 稀d酸酸地就配炸雞, 杰嗰隻好似bbq醬就點炸薯餅~ 2樣炸野都冇乜油, 幾香口, 尤其係炸薯餅, 唔係一舊粉團, 薯蓉入面仲加左牛肉碎, 好好味~ 炸雞就普普通通~ 隻太陽蛋就幾的適, 啱啱好遮住晒碗飯~ 珍珠米飯就普通, 有d一舊舊… ::: 雞肉蔬菜燴黑醋醬定

六時四十分去到，八時十分才坐下，等到憔悴！！！！叫了1.吉列雞拼木板冷麵定食---雞肉不鬆化, 不鞋，但味很淡，看來住家口味偏淡淡。冷麵有在日本吃的風味，不錯！2.昆布蛋吉列豬柳飯`----味道仍偏淡，肉質不鬆化，沒甚特別，不過也有在日本吃的丼feel3.吉列豬柳飯------同樣味道仍偏淡，肉質不鬆化，沒甚特別，所給用來撈菜絲的汁叫了兩次仍不夠、何必吝嗇那些汁呢老細？不明白！總‧鼯味道太清淡，賣相不錯，但我不會再去第二次，排隊太久，食物只算一般，不值得！

第二次食啦...都係叫番上次有叫ge其中兩樣...就係...1. 雞肉蔬菜燴黑醋醬定食 $75- 好正呀! 上次食我只係單叫, 唔係叫定食, 今次叫定食, 多左個飯、一碟青瓜、麵鼓湯同埋一麵菜+菇ge野!幾好食，定食都係多$25，唔錯"!仲有佢d雞肉真係好好味!!! 2. 自家製薯仔炸餅 $21 - 好大舊，唔會好似出面個d有薄有硬咁...

真係非常失望，用了一個半小時去排隊，oreder了吉列豬柳、昆布蛋吉列豬柳、冷麵拼吉列雞，所有的食物賣相佳，但所有的肉頗實，欠鬆化感，口味是極為清淡，但冷麵面質比一些酒店的好。路過不用排隊是可以一試，特登去兼等咁耐是不值的，沒有下次的了。

今日同大秘書姐姐加韓深一心諗住食呢間大戶屋，所以一到12:30即刻嘭嘭聲碌去新新吉之島.....一去到已經一大堆人企晒喺門口，攞咗飛仔都係等咗三四個字，好開心。一打開本menu，嘩~花多眼亂.....不過我哋都五分鐘做咗決定....我哋叫咗3個set:1. 吉炸豬定食 - 首先會有一碗芝麻俾你自己磨碎(其實同Donichi一樣)，之後有漬物(青瓜)、麵豉湯、一大堆椰菜沙律、豬扒一份切成五件，份量ok。豬扒好鬆脆，比Donichi差少少，不過真係一至認為都好掂。2. 亞拉斯加產紅魚定食 - 又係有漬物(青瓜)、麵豉湯，不過多一個海澡漬物。個魚質地ok，不過好似冇咩味同好多骨，個人覺得麻麻。3. 豬柳拼雞定食 - 又係有漬物(青瓜)、麵豉湯、一大堆椰菜沙律，仲有一堆長通粉再多一個前菜(有蝦、辣椒一條、茄子、雞脾菇一大舊同蘿蔔蓉)。個前菜味道唔錯，雞扒好滑同好入味、豬柳我冇食，不過同行兩位都話好味同好腍，好正喎~~以上所有定食都白飯任裝，所以我哋三個人都叫咗成六碗，日本米都幾甜，好滿足!!食物總括都幾好....不過服務就.....話說我哋叫3個set一心係share嚟食，第一個到就係吉炸豬定

最近JUSCO新開張裡頭的食店都來過大改革了所以一家人都去試試看本來是想試火頭山的可是人太多 就來這間了(其實仍是很多人......)家人各自叫了豬肉定食(忘了叫啥) 鯖魚定食 漢堡扒 黑醋雞肉外加小食兩客 豆腐和泡菜豆腐的話我比較愛吉列豬扒專門店的.....泡菜沒什麼特別其實很少日本食店的魚類定食是可以作得好的....當然 這間也不例外.....豬肉定食倒是一般吧.....漢堡扒的話 如果有吃過FRESHNESS BURGER的話 味道好似差不了多少推介的是黑醋雞肉本來有點擔心是否受不了那種咪道可是卻是最好吃的一味菜了我想因為這間店"請"的WAITERESS都是新手的問題吧所以當天服務是不太行的但既然是新手 那就不要太有要求了

開張至今一直無機會試，原來是中午12時許就開始出現長龍，仲要人唔齊唔俾入座。真係幾串，所以今日未夠12點就到達此店，很快就安排入座。食物種類唔算多，但個餐牌上的食物都幾吸引。結果叫了一款雞扒+烏冬定食，備有青瓜前菜和一大堆椰菜在飯面，雞扒炸得很鬆，脆漿不錯，烏冬亦烟韌湯底很清。另外叫了一個鯖魚定食，魚就真係一般，就點腥，而且太過焦，跟湯和白飯(可以再添)。整體來說我覺得炸物做得不錯，另備有兒童餐，侍應服務亦唔錯。不過想吃午餐就要早點來試，要不然排到放完lunch都無得食。

由我一入門口0個下我就知lee間野唔掂!我男友先入左去等我來吃lunch, 我行到門口又冇人問我几位或者幫我帶位, 但係門口又有staff見到我企左0向度wor, 佢地當我透明, 咁我只好自己入去搵人la...男友同我之前0向電話溝通過知道lee間野d食物唔平, 不過佢都坐低左la, 所以就試下la...點知睇完餐牌覺得d野食款式係差不多, a, b, c, d, e, 你0既選擇來來去去都係a, b, c, d, e...講真, 附近0既italian tomato好過佢la, 款多d, 又平d...不過我都希望lee間0既味道係好到值番個價, 於是我叫左個最覺得唔俾人搵笨gai鯖魚定食(好奇妙ga, 佢地有兩個鯖魚定食, 其中一個多兩個字叫和風鯖魚定食, 我問waiter有mac分別, 佢唔知問人, 答案原來係, 和風定食d魚少d, 另外0個個多d...真係令人O咀!)因為2p.m.後係下午茶時間, 本來以為有d特別野, 可能會平d la, 點知原來係送飲品, 我男友先order左凍奶茶, 點知杯野細到嚇死人, d冰又多到暈, 奶茶得d冰水味, 真係好失敗ga! 好心佢地雖然係送都