大榮華圍村菜 (已結業)

凉訂了3月22日10位(8大2小) 6奌半晚反又见到韜韜坐鎮,我們 encore 叫了以下幾味(*):-(*) 大斑2味(枝竹炆頭腩加凉瓜/雲耳蒸斑片) $320 +$30 (加凉瓜) - 枝竹炆頭腩 : 今次吾系好大碟, 枝竹好明顯有d好深色好入味, 有d就好淺色吾夠入味, 凉瓜得幾件, 頭腩先炸後炆, 沒有太多汁, 都ok. 雲耳蒸斑片: 今次好多葱粒及芫茜在魚上面, 時間蒸得刚刚好, 加上有幾粒紅棗及大量雲耳, 金針在底, 都好好味.(*) 九莱花炒鸽片 $120 : size ok, 亦都不太大碟,但好多鸽片, 鸽片炒得好滑, 九莱花亦都好嫩, 加上有ｄ菇菇, 好味.燒鹅半隻 $200 : size 不太大, 皮脆, 肉汁也丰富,不用奌酱也十分可口, 好味.五味雞 $82 : 皮滑肉嫩, 汁夠味道, 水準亦都保持到.咕噜肉 $82 : 這个好差, 可能是用ｄ万年油, d肉食到油炸"益" 味, 馬拉羔1籠/８件 $82 : 新派做法, 吉士夾在中間, 不用多説, 一定要叫的, 好飽, 但也食了一件. (见到有2位女仕, 也 order 了一客, 但只食剩2件, 厲害) 白反4客

過年前Book 定初八 Dinner,  6位6奌半, 同德国朋友餞行.叫左 :-1. 生魚2味 (芫茜豆付魚骨腩湯/西芹炒生魚片) $158 - 芫茜豆付魚骨腩湯 : 湯好甜好香芫茜味, 大約有8碗, 好家庭 feel, 不俗. 西芹炒生魚片 : 生魚片炒得剛剛好有獲氣, 有少少椒鹽包著鱼片, 好味.2. 山根扒豆苗 $82 : 這味是上个月我在這裏晚反, 韜 韜介紹的, 今次仍然咁好味, 但豆苗老左少少.3. 酥炸鯪魚球 $82 : 大大个有8-9个, 剛炸起, 好香口, 内裡鱼肉比例也多, 抵食.4. 吉列 酥炸鲜尤 $82 : 這个好失败, 鲜尤好細件, 炸得不夠火候.5. 五味雞 $82 : 皮滑肉嫩, 不用奌薑蓉也夠味, 个汁調得好好味, 這个冇得输.6.吉士馬拉羔8件 $82 : 熱辣辣, 中間有一層一層吉士夾住, 食了2件, 好滿足.送紅豆沙/麥米粥 : 紅豆沙煲到起沙, 吾錯, 雖然好飽, 也食了大半碗.  麥米粥 : 冇食, 朋友話淡左ｄ, 冇乜味.下次都系叫待应给全部都是紅豆沙, 雖然我知是免费, 不能要求太高.另外一碗豬油撈反, 共 $689.-總括來説, 好味

訂了1月26日12位(10大2小) 6奌半与澳洲返港的表弟一家吃反.见到韜韜坐鎮, 他介绍了以下幾味(*):-(*) 大斑2味(枝竹炆頭腩/雲耳蒸斑片) $320 - 枝竹炆頭腩 : 好大碟, 枝竹入味, 頭腩先炸後炆, 沒有太多汁, 韜韜説是干炆, 好味. 雲耳蒸斑片: 時間蒸得刚刚好, 加上有幾粒紅棗及大量雲耳在底, 亦都好好味.(*) 九莱花炒鸽片 $105 : 亦都好大碟好多鸽片, 鸽片炒得好滑, 九莱花亦都好嫩, 好有特色的一味. 蹈蹈説此味是以前湾仔英京酒家的招牌菜.燒鵝半隻 $200 : 微暖, 皮脆, 肉汁也丰富,不用奌酱也十分可口,  不是太大隻,好味.糯米反 $82 : 色水不太夠, 但食落口又不太差, 要熱食.五味雞 $82 : 皮滑肉嫩, 汁夠味道, 水準保持到.(*) 山根豆苗 $82 : 豆苗有奌老, 冇乜特别的一味.(*) 猪面青炒芥蘭 $82 : 有獲氣, 芥蘭炒得好惹味, 猪面青冇試, 但家人話口感有趣, 試下冇妨.(*) 荔茸煎并 $82/6件 x 2份 = $164 : 好大件好厚, 个人不太喜好荔芋, 試了少少, 熱食時, 只可説好香口, 好飽肚

行完街, 超肚餓, 去到大榮華一睇個菜牌, 花多眼亂, 因為實在太多餸揀喇, 搞到我有少少選擇困難症添 最後擾攘完一輪, 終於叫咗三樣餸: 圍頭五味雞(1隻) - 睇同食都似豉油雞, 雞嘅肉質並不太稔, 而且都好入味, 並略帶豉油嘅甜味, 雞係以汁浸住, 所以食嘅時候點上一D汁, 就更好味!!金莎鮮魷 - 脆漿薄, 鹹蛋黃亦遍滿每件鮮魷, 鮮魷很新鮮, 食落都好爽口!酸梅蒸鱔 - 豉汁蒸鱔就食得多, 用酸梅蒸就真係第一次試, 入口感覺幾清新, 酸酸甜甜的, 有D似酸甜骨嘅味, 汁裡面亦加入咗芹菜同草菇去煮, 其實個汁都算濃, 可惜嘅係同個鱔唔係好夾, 而且個鱔吸收唔到個汁嘅味, 所以食落會有D淡口, 要每食一啖都點多D汁先可以有番D味, 唔係難食嘅, 不過個人而言, 都係鍾意豉汁蒸鱔多D~~~加了個馳名嘅砵仔豬油撈飯, 豬油同頭抽都會隨砵仔飯一同奉上, 自己想落幾多就幾多, 食落好香, 同埋唔會覺得肥膩, 頭抽亦唔太鹹, 一句講晒「正」!!!!!飯後亦有糖水送, 紅豆沙, 有陳皮味, 而且煲到起沙, 好味道~~~

又係每週一次同仔仔出街食飯既時候喇，今日去左灣仔大榮華酒樓開餐，柱候牛筋腩炆伊麵，伊麵軟硬適中、唔油、牛筋腩入未夠淋好味，不過就咸左少少喇，豉椒鳳爪獻汁杰左d，哎呀！太肚餓喇食晒先發覺唔記得影相添，因為蘿蔔糕最遲黎所以影到相喇！而蘿蔔糕煎到金黃色熱辣辣唔錯！

要數最具特色的圍村菜, 那就非食神韜韜的大榮華莫屬, 在心癮下總要嘗一嘗, 去元朗總店太遠, 灣仔已有更就腳的分店, 筆者相約友人到此一試。因下午荼時間, 食客非常多, 但生客不多, 看得出街坊嘆茶比較多, 可能週末關係。入內看到地方不大, 一般菜館形式, 也有點新界圍村風味。在入口當眼處貼上米芝蓮推介的海報, 米芝蓮車胎人美食只推介元朗總店, 此店水準又如何 ?因下午茶關係, 只叫了點心, 下次先試其他。燒味雙拼瀨粉 :bowl $20), 燒味水準中下, 同桌街坊表示已前比較好。甜品中紅豆沙:bowl $13)必試, 吃碗熱騰騰起沙的紅豆沙, 非常窩心, 其他水準不高, 可以不理。馬拉糕:bowl $16)雞蛋味不濃, 比想像中差, 但都算好吃, 印象中元朗總店比較好；臘味糯米包:bowl $16)很多酒樓已沒有供應, 一向是筆者心頭好, 糯米包內臘味足, 好吃有水準；榮華白蓮包:bowl $16)跟其月餅同樣高水平, 白蓮蓉清香細滑, 吃得滿足。陳皮鯪魚球:bowl $16)一點魚腥味都無, 咬起來滑口, 有陳皮味；家鄉煎魚餅:bowl $16)鮮香味美, 外層煎得

什錦炒菜看來賣相一般,但食落很美味,尤其是粉絲,不是一般家庭可以煮得到盤菜豬肉一點吾覺肥,味道適中,正馬拉糕是最後上的一道菜,雖然各人已經很飽,但再食馬拉糕都覺得好食,鬆軟大件

客家人熱情好客，喜歡一大班人圍住齊齊食。圍村菜就地取材，講究原汁原味、味濃料鮮，不太考究刀功和賣相。誠然，圍村文化是香港重要的非物質歷史遺產。是日，與同事一眾七人，在劉老闆帶隊下，浩浩蕩蕩去到酒樓，並點了六人用套餐「即食迷你九大簋」$780。乾杯後，大家齊齊起筷，把榮華富貴吃進肚子裏去了。健康？暫時放下吧。大家原打算等齊餸先食，奈何烏頭遲遲不肯露面。大家終按捺不住，決定開餐了﹗白飯成為了我們搶掠的對象，何解？因為酒樓提供了全港碩果僅存的豬油撈飯。套餐除了木桶盛載的尖幼絲苗白飯外，還附上一支頭抽和一支豬油。大家可根據個人喜好，於乾而硬的白飯中加入適量頭抽和豬油，然後不斷撈下撈下。頭抽頗為鮮甜、富黃豆香味而不會太鹹，可帶出豬油精華之餘，又不會喧賓奪主，蓋過豬油香。乾而硬的白飯在頭抽和豬油的滋潤下，變得溫潤香糯入味無比了﹗紅花雖好，也不能沒有綠葉的陪襯。靚飯，又豈能沒有小菜作伴呢？先來半隻香茜燒米鴨，份量十足，皮薄且香脆，肉多骨細。鴨肉不會過老或過嚡，肉質肥厚而嫩滑，浸在頭抽內，入味非常﹗翻查資料，方得知米鴨頸短頭小，毛為麻色，腳短帶赭色，胸肉肥厚，肉多骨細，宜用來燒烤、蒸扣、炆製、炒片等。

臨近本小姐,爸爸以及親戚生日,大家相約到大榮華吃個中式晚飯.我們預早訂了檯,不用等候便有位子.我們共落了約10個送菜少不了招牌原隻燒鵝,龍蝦伊麵,盆菜豬肉,馬拉糕,水晶包..等等招牌原隻燒鵝($380)燒鵝非常好吃! 肥而不膩! 有著豐富肉汁,令人一件接一件!本小姐最少吃了10件!盆菜豬肉盆菜豬肉是伴飯的好朋友!它附上的汁醬配飯吃非常好吃!當然有一些肉的部分較為"鞋口",但整體都很不錯!龍蝦伊麵因為皮膚敏感的關係,我不能吃龍蝦,但看到旁人一直夾一直夾以及他們吃得津津有味的樣子,我想應該不會差吧~椒鹽九肚魚這個九肚魚炸得剛剛好.薄薄的炸皮配上剛好的調味料,沒有魚腥味之外味道十分好!臘味炒芥蘭相信每台都會點最少一碟青菜.這款臘味炒芥蘭味道足夠,芥蘭熟透度剛好,算是平平水晶包個人認為這個水晶包沒有什麼特別,皮太厚了!馬拉糕好像每一台必點的馬拉糕.就點一客嘗嘗!一來到,哇!非常大龍!這裡的四分之一經已有一隻手掌的size.味道就是充滿著奶黃味的吉士醬.與傳統馬拉糕相比,這個馬拉糕較為遜色*這裡氣氛非常好,雖然甜點方面較為遜色,但論菜色,個人認為大榮華比外面中式酒樓水準高,是個不錯的選擇.

灣仔食LUNCH好貴，成日想搵平D，最近搵到大榮華外賣都OK喎....服務 :有冇乜好講，只係亞姐收錢比飛。食物 :**叉燒油雞隻飯($24)**叉燒半肥瘦...正，油雞幾滑唔"鞋"，飯夠軟唔係硬。湯一般啦~~總結:$24蚊個LUNCH，唔好要求太多... 灣仔朋友如果想平平地食個外賣飯盒可以試下!

今日下午茶時間上到來，見無乜人，已經覺得有問題，原來是有原因的！因為佢食物大退步 我們叫了干炒肉青炒河，嘩！有無攪錯，河粉唔係用一條條來形容，係用一粒粒來形容！個厨師炒完都過唔到自己個關啦！因肚餓關係食了一碗，但真係再無胃口食落去！相中就係餘下的河粉！本人平生最不喜歡浪費食物，但今次浪費的人是酒樓不是我！他們浪費了食材，令食客一肚子氣仲有叫了手切燒賣王，嘩！4粒燒賣內的肉全部都係筋，根本咬唔開！點解會變成咁！本來好喜歡上大榮華下午茶，我怕只好成為回憶了，仲要係可惡的回憶 韜韜你晚晚座陣，但茶市唔掂你理唔理架？！

灣仔的大榮華, 因為服務太差的關係, 已經好耐冇幫襯, 今日lunch諗住比多次機會佢地啦, 又瀨野. 所以點心都到齊了, 食哂了, 係爭碟煎年糕, 推出煎年糕好明顯是迎合新春既點心, 等了又等都未見, 問左個阿姐, 應左句"喔"又走, 再問又係咁, 問個黑衫既似乎senior d既仲衰, 仲惡過乜, 前前後後等左半個鐘問左10次倒啦, 個阿姐終於有個長d既回應 "係咁架喇, 今日人多係煎唔切架喇, 等唔到你地咪走囉"..............................我地話一早明知係冇又唔早d講?我地問左10次等左半個鐘你先講? 佢再發爛渣 "我第一次聽咋喎, 都話等唔到你地咪走囉"..............................由於明知就算我地想投訴都無從入手架喇, 因為佢地係很齊心地上至經理下至打雜都是差的, 已經歷過.一間食市要受歡迎有好評真係需要好多因素, 莫講話佢地食物普通, 就算好食到識飛又點, 連基本既禮貌都冇.以後都唔會再去了, 無謂搵氣黎受

大榮華三個字家傳戶曉，都是老字號之一，首臨吃飯，配上傳統圍村盤菜最好不過。一盤滾熱辣的圍村盤菜，內有海参、海蝦、魚、雞、鴨、豬腩肉、豬皮、冬菇、枝竹、蘿蔔等食材，鋪得滿滿。論味道，各食材大家共享相同醬汁，變化不大，沒有個別食材特別出眾可口。當然，吃盤菜重點在於風味，在於筷子群起亂舞的喜慶氣氛，這方面則目標可達。另一傳統美食豬油撈飯，終有機會淺嚐。小小一茶匙豬油，配上適量頭抽，簡單得來確是＋分香口，尤是豬油那份羶香，味道特別濃郁。為健康著想，為免除滯膩感，小吃一口剛剛恰到好處！甜品美食馬拉糕，剛出爐，口感鬆軟，甜度適中，熱辣好味。

今天來到大榮華, 味道幾好, 但所有菜式均以$72 出售,(有些是抵食, 有些都較昂貴及不值)圍村五味雞: 味道幾好, 不太鹹, 不肥膩,雞肉亦入味, (較豉油雞好吃) .可以一嘗, 可能香港以冰鮮雞為主, 始終未有一間食肆, 可整到雞肉非常嫩滑, 本菜份量尚可客家煎釀豆腐: 味道好! 但份量少, 價錢貴 (HKD$72). 4人同行. 一人只得兩件, 豆腐本來不襟飽, 有點像吃了如沒有吃過的崐覺.還有店內一種奶皇馬拉糕都值得一試, 熱呼呼的, 奶香非常, 但價錢非常昂貴 (HKD$72 一底), 試前要深深考慮

和同事午飯時到這裡飲茶，因為我們有預先訂檯，所以剛到達便可入座。由於午膳時間只有一小時，為了爭取時間，我們很快便點了食物。之後點心便陸續送到，我們便邊吃邊等其他點心及食物。到最後接近我們午膳完結的時間，侍應才告知我們點的兩個煲仔飯和腸粉早已售罄！！！　這時才叫我們點其他點心並會儘快送上，若是早已售罄為何不一早告知，我們還有時間點其他粉麵飯嘛！！！於是我們便又急急點了一些包點和蘿蔔糕等飽肚之物。結果這些所謂會儘快上的點心還是等了不短時間才上了一兩籠，我們實在沒有時間再等下去了，於是便結帳離開。其實這裡的點心不差，只是服務上還有改善的地方。這次比較特出的點心有：切肉燒賣顧名思義，切肉燒賣內的豬肉是手切的，而非一般用上機器去攪的肉碎，吃起來比一般燒賣有咬口得多，肉味也更特出。奶皇馬拉糕新鮮蒸起的馬拉糕吃來香甜鬆軟，若果奶皇的份量多一點會更好。