大澳炭燒雞蛋仔叔叔 (已結業)

還記得舊年夏日炎炎來大澳，熱得很不好受，便說好要找天氣涼點的時候重遊大澳，結果一等便等了足足一年。眼見天氣微涼，這天我倆終於再次踏足大澳，第一件事當然是要先找雞蛋仔叔叔吧。一來便找雞蛋仔叔叔，全因一直對他那賣晒便收檔的碳燒雞蛋仔念念不忘。來到檔口已有差不多十人在排隊，有些一買便是兩三底，但我們來大澳還有其他想吃，所以只買了一底。近距離欣賞雞蛋仔叔叔整雞蛋仔，功架一早已是爐火純青，那種專注加上黑超造型，來得比四哥更有型吧！炭燒雞蛋仔 $15大概等了20分鐘，熱乎乎的碳燒雞蛋仔終於到手，叔叔的雞蛋仔保持一貫的飽滿，香脆的口感仍是教人那樣的沉迷。雖然這次的雞蛋仔似乎有一點濕，但也無損我們山長水遠的來吃雞蛋仔的心情吧！轉眼間，30粒雞蛋仔已被我們搶吃完畢。吃完一底，其實還有追吃的衝動。

入到大澳，當然要潮拜大澳No. 1食肆雞蛋仔叔叔啦，試下係咪真係咁把炮！聽聞食雞蛋仔叔叔要早，否則叔叔賣完就收檔，有錢都無得食。時值三點幾，好彩叔叔仲營業緊，門口既人龍的確唔短，而且好多人都係三五七底咁買，所以要買真係要有d耐性。終於輪到我啦，因為大澳太多野食，我唔貪心，只叫了一底。感覺叔叔有少少cool (又或者叔叔都真係燒得幾辛苦)，無乜笑容，同客人亦無乜交流，總之佢燒完你埋去一手交錢一手交貨就係。雞蛋仔拎到手，顏色同市區見到既唔同，外表比較深色，有少許啡色微焦。咬落去，口感好好，外面北x雞蛋仔果d雖然係脆，但我覺得脆到好「界」口，而叔叔呢款係鬆脆唔死實，入面既餡亦夠晒軟綿綿，而且滿滿的，真材實料。我掛住影相，有幾粒雞蛋仔竟然脆到跌左落地，真係心痛死我，我只買左一底呀，人龍咁長，又無法再去排隊買過，唉，早知我都買夠兩底啦，下次，下次一定買兩底！

碳燒雞蛋仔喺大澳好出名今日終於有機會一嚐由於閒日黎到，不算太多人排左大約10分鐘倒就有得食伯伯依舊戴著黑超燒雞蛋仔可能染了一頭黑髮所以比廣告牌的照片更年輕望落去表面一格格，好似網紋咁碳燒雞蛋仔並沒有碳燒味但質感極奇鬆軟，外脆內軟雞蛋仔雞蛋味濃郁忍不住一口接一口吃完伯伯每次只會燒一底雞蛋仔燒完還會放在一旁用風扇吹乾顯得每一底都很珍貴$15 確實值這個價錢我覺得好味過北角雞蛋仔

炭烤雞蛋仔 $158/10揾到炭燒雞蛋仔叔叔啦😆😆以炭代媒火烤製, 這裏雞蛋仔質感和味道都與別不同👍👍👍不像坊間的雞蛋仔般極脆, 這裏的外層只是微脆, 內裏卻超軟綿, 粒粒都像鬆軟的蛋糕仔🐣🐣, 蛋香非常濃郁, 如果甜度低一點就更好! 😊

來到大澳，不僅迷人的水鄉景色、特色棚屋令人陶醉其中，還有各種在市區難以找到的地道美食也非常吸引。雖說大澳對於很多人來說不算交通便利，可是如果能在這個「東方威尼斯」待上一整天，你會發現處處都是與別不同的香港，只要半天就能愛上這個地方：沒有繁華的都市人，只有熱情的街坊；沒有一式一樣的食店，只有「只此一家」的地道小吃；沒有吵雜的大馬路，只有寧靜怡人的風聲……大澳炭燒雞蛋仔叔叔是吉澳街人氣美食，每逢假日都會大排長龍，幸好來的時候比較早，可以不用排隊便吃到新鮮即烤的炭燒雞蛋仔。炭燒雞蛋仔即點即烤，送到手上的時候非常熱，不過聞著濃濃的蛋香從雞蛋仔中散發，就算再熱還是很想把它一口吃下去。炭燒雞蛋仔外脆內軟，每一顆外皮均勻地呈現金黃色，內餡軟軟綿綿的口感比外間的雞蛋仔更鬆化，牛油香味和甜度調得剛好，女生也能一個人吃完。要不是下午炭燒雞蛋仔叔叔店外排隊的人太多，我應該會再買一份坐車的時候慢慢吃啦！

今日黎到大澳的其中一個目的, 就係食番我地上次黎覺得好好食GE大澳雞蛋仔!我地好記得上次食GE時候係覺得佢又香脆又有炭燒味又有蛋香...真係好令人回味架! 所以今日入到大澳第一時間去探望雞蛋仔叔叔=D因為今日係平日的關係, 所以都唔駛排隊就可以叫了, 只係需要等製作的時間.好期待的雞蛋仔出場喇! 我地一食...大家都有同一個想法....咦...?! 點解唔同左味GE????今日我地食GE雞蛋仔冇咩炭味, 又冇咩蛋味...當然係夠熱夠脆, 不過佢最吸引我地GE成功的味道不見了...所以呢, 今次黎到我地有D失望, 希望只係今次一時失手喇! 要知道, 另外一檔我地好中意食GE雞蛋仔 (大坑) 都冇左喇, 希望呢檔可以維持到喇!

入到黎大澳，有幾樣野係必定要食，海鮮，大魚蛋同埋炭燒雞蛋仔，今日有機會去朝聖，實在係正。伯伯嘅炭燒雞蛋仔同平時食個d真係好唔同，首先每一塊雞蛋仔都係伯伯即時燒出黎，底底都熱辣辣。同埋，每一底雞蛋仔都有好香嘅蛋黃味，外脆內軟。炭燒同普通機整就係唔同，雞蛋仔有好香嘅炭燒味，真係隔住條街都俾佢吸引到😍❤️

怎麼極受歡迎的店舖，門前竟不見人龍？照片在店舖剛開始營業時拍下的，大約早上11:30吧，故此，冰不用排隊就可以買到美味的雞蛋仔。順帶一提，圖中的狗隻相當討厭拍照，只要有人舉起相機，吠聲即起；放下相機，立即安靜，大機手機無一幸免。店主只用一炭爐，一心一意做好每一底雞蛋仔。美食是值得被期待的。這和市區所見的雞蛋仔不盡相同，外邊燒至咖啡色，內裡仍見淡黃，外脆內軟的口感，由色澤已經透視著。恰到好處而教人一試難忘的鬆脆度，加上撲鼻的蛋香、滿滿的甜度，難怪色香味俱存的炭燒雞蛋仔成為遊大澳必食之選。(HK$15/底)

由昂坪坐21號10分鐘就到了大澳。展開大澳遊，出海追白海豚，白海豚很有性格的，不是你話追，就一次可見到的，下次見吧。逛完大澳的景點，走到大街上，已接近2時多，排長龍排D咩，原來是炭燒雞蛋仔。我並不是慕名而來，但人氣美食也要嚐一嚐。排了接近半小時，終於熱騰騰的雞蛋仔終於到手了。放入口，有小小濕氣，拿上手，新鮮也不脆的， 炭烤味夾雜雞蛋味，味道也不是怎樣特別，一試無妨。但下次就不會再排30分鐘，我還是喜歡脆卜卜的雞蛋仔。

本來想早上到訪時，第一時間就來吃雞蛋仔的，但原來中午12:00 仍未開檔的，只見到大量麻雀在燒烤雞蛋仔用具前飛來飛、或是在停留覓食，故我們先到潢水渡吃點東西，下午再到訪.2時多再到來店子，見到只有一人排隊，當然要買來吃. 其實$15 一底我覺得有點小貴，不過是用炭火燒的都可以接受. 雖然不是第一次惠顧，但自從遊人越來越多後，我也絕少為了吃炭燒雞蛋仔而排隊了.雞蛋仔比平時吃到的較深色，入口都幾香脆的，但內裡則不夠鬆軟，而且也有空心的情況出現，不夠飽滿. 甜度也幾高的，如果不用排隊都可以一試的，但再來吃的機會就不大了，總好像出了名的店子水準下滑是常有的表現!

After I finished taking pictures of the scenery in Tai O, I started looking around for this guy who's famous for his coal-roasted eggettes! Using coal used to be the traditional way of making eggettes, but nowadays everyone uses an electric egg waffle iron to make it because it's easier and less of a fire hazard probably. It didn't take long for me to locate him on Kat Hing Street and the owner was really friendly! He was like "take more pictures! Everyone's been taking pictures of me." Okie dok

會過財叔，下一站要拜訪無人不曉的黑超雞蛋仔伯伯。碳燒雞蛋仔開了不下5間，但有黑超伯伯坐鎮，感覺就是不同，才覺正宗。每次來大澳都必定來一次。12時前來到，避開了前一天那長得誇張的人龍。伯伯有型地戴著黑超，從容不迫，手藝熟練，做出一底接一底的雞蛋仔，讓我們這群慕名而來的人大飽口福。熱辣辣的碳燒雞蛋仔出爐，先放涼一會，放入紙袋時已變得極脆。脆得讓人不禁小心翼翼，拿在手中像對寶寶般溫柔。輕輕一掰，雞蛋仔便清脆地甩出來。根據以往的經驗，還是盡快把它吃完為妙，放久了會變軟就不好吃了。外層既脆又軟，很難想像這兩個口感可以同時出現，但黑超伯伯就是把不可能變成可能。內裡鬆軟，單是口感已經嬴盡掌聲。滿佈蛋香，滲著陣陣牛油香，出色。甜度可以接受，再低一點會更佳。為甚麼會大排長龍？看住在大澳的居民都來買，就知道了。

之前行過大澳都無試過依間雞蛋仔店, 不過每次經過都幾多人排隊 今次到訪大澳, 特別黎到"大澳炭燒雞蛋仔叔叔"試下名物 排左十分鐘,  見倒雞蛋仔叔叔悠閒地倒蛋漿, 轉烤雞蛋仔既鐵夾, 等侯時有強烈燒炭味炭燒雞蛋仔 $15雞蛋仔係炭燒, 熱度唔同平時既爐,  表面出現如窩夫既色澤雞蛋仔夠熱, 外微脆, 內有棉棉蛋糕, 甜度適中, 整體正常無驚喜 (5/10)總結: 整體味道口感正常, 只係普通雞蛋仔

大澳很出名的炭燒雞蛋仔搬左去舖頭入面, 今日見唔係好多人排隊, 所以都諗住買嚟食, 等左都有幾個字呀, 佢係一份一份整的, 然後仲要吹乾, 所以都幾耐先整好一份的, 前面排隊的男人還要買好多份, 初初買三份, 後尾又話買七份, 終於等到啦, 差唔多半個鐘先有呀.雞蛋仔係金黃色, 有少少深色的, 好香蛋味呀, 好飽滿的, 好味, 熱辣辣, 真的係用心做的, 外脆內軟, 唔知人地果D得個殼咁.  排咁耐都值得的.

行過路過每年大澳之行，我都會走漏這個黑超伯伯雞蛋仔、今次友人同行就讓其熱心地排上二十分鐘，最終也可吃到炭爐製做之雞蛋仔嘞在炭爐的效應下，平日也會聚上一條小小人龍、幸好以踏入秋天時候不然一定晒燶肌膚．．接過到手之雞蛋仔，比一般市區較為稔身一點而且粉槳甜度亦較為強，有種越吃越稔之強烈感覺沒有大重力推使我吃畢全程，還是感謝友人借口相助。