大灰熊廚房 (裝修中)

整完身份證諗住喺附近食埋嘢見到呢間餐廳好多好評 一於試下餐廳雖然冇好靚嘅裝修 但食物水準超高 好有驚喜‼️🥣西湖牛肉羹$108裏面有豆腐、牛肉碎、芫荽、蛋白、蘑菇成個羹好足料 口感勁豐富肉碎醃得好香濃 好入味 😋加埋芫茜勁香 岩晒我口味✨黃金豆腐粒$38必食之選😍豆腐外皮薄又脆豆腐有七味粉嘅味道 而且十分嫩滑 暖笠笠 食完一粒又一粒🤤🍤 千島蝦球$118粒粒蝦球好厚肉 爽滑彈牙 炸粉又唔會太多 絕不馬虎 千島醬令人好開胃 酸酸甜甜仲有少少嘅沙律菜做配搭 幾特別🥬菜心炒牛肉$128好有鑊氣 唔會太油膩 😗牛肉鮮嫩 好稔身菜芯都好甜 唔會太硬 菜嘅分量再多啲更好呢間餐廳如果位於市中心 應該大排長龍😍小菜款式好多 員工服務態度都好好 加分下次可以帶埋屋企人一齊食🥳

估唔到咁偏僻嘅地方，入到餐廳竟然都有兩三台客餐廳嘅佈置簡單，望落去似係家庭式嘅餐廳有少量嘅萬聖節佈置，幾搞笑第一個上嘅菜係粟米羹，食落有屋企嘅感覺有豆腐粒，蛋花同埋粟米，清清甜甜，喺秋意濃嘅天氣飲最啱👍然後叫咗三個小菜送飯第一款係椒鹽豆腐，聽講係呢間餐廳比較出名嘅菜式豆腐炸到外脆內軟，一口一粒停唔到口另外兩樣都十分之好送飯，分別係小炒王同埋黃金豆角小炒王入面嘅配料好豐富，有傳統嘅韭菜花，蝦仁，肥豬肉，韭黃，紅椒，蝦米黃金豆角炸得好香脆，外面裹上濃郁嘅鹹蛋黃醬，咬落香脆，有保留到豆角入面嘅水份呢啲餸菜令我同屋企人都扒晒成碗飯最後發現間餐廳都好多外賣訂單，睇嚟住家飯菜冇得輸

星期一收工 唔想煮飯 就決定出街搵嘢食！平時經過將軍澳都唔覺有中式餐廳特登行過去帝景灣嗰邊 發現到呢間大灰熊餐廳🐻見到優惠家庭二人餐 $228有湯有主菜再有飲品 其實性格比的確不錯！最後揀咗兩款主菜 🐷黑醋黑豚肉特別一提黑醋黑豚肉 好好味😋 廚師將黑豚肉炸到酥脆 再混合黑醋酸酸甜甜 有別於一般嘅甜酸咕嚕肉嗰種味 呢種黑醋更加帶出鮮味 超級好送飯！🐟豆腐斑腩斑腩啖啖肉 豆腐亦都又淋又入味 最後兩個人都食唔晒添🤣 🌽椒鹽粟米另外特登叫咗一份小食呢個椒鹽粟米簡直要配返杯啤酒先🍺 超好下菜小食總括來講夜晚唔想煮飯落去食呢間有鑊氣嘅餐廳都係一個好好嘅選擇😋

朋友帶我去佢既’飯堂‘開餐雖然商場唔顯眼，但呢間餐館真係勝在鑊氣夠～有街坊小菜同埋私房菜。🥄粟米豆腐羹餐前飲個熱湯羹暖暖胃豆腐好滑溜仲有好多粟米粒打埋蛋花味道特別清甜🥢古法合桃粒粒合桃包住薄薄麥芽糖，加埋芝蔴又香又脆🥢千島蝦球蝦球肉厚夠大隻外層沾滿濃滑千島醬汁入口幾fresh蝦肉爽彈大灰熊小炒王夠鑊氣既小炒王夾一啖送飯好開胃蝦肉、韮菜花、腩肉絲、韮黃，仲有香口腰果用XO醬汁爆炒味道香辣咸鮮，勁惹味👍🏻

Tried a few things on the menu and my favourite was the 西湖牛肉羹 which was essentially a thick soup with beef and egg in it. This dish took me by surprise as it looked clear, but it was very flavourful. Pieces of beef inside the soup added to the layer of flavouring and the taste was a deep and rich soup base. Also tried their sweet and sour pork which was crispy on the outside and tender on the inside. Recommend!

其他點評寫得太好啦，什麼隱世小炒店，期待值太高所以小失望。其實還好，不過不失啦，沒有驚艷，不過算幾抵。今晚6個人去食，叫左聖子(好食，清蒸俾左好多粉絲，正)，唔洗千三。其他菜叫左雞煲(還好，唔會推介)，生炒骨(可以)，豆角(好食，推介)，蒸水蛋(好食，推介，好滑仲有加瑤柱)，小炒皇(幾好但偏咸)，咖哩牛腩(還好，咖哩個汁好普通，上菜個賣相好似快餐店，咁d腩就算淋既)。整體對我黎講，食物偏咸，但算幾抵食，係附近既話，值得入店一試，不過唔係其他評論咁誇。。。

將軍澳一頭都係商場接商場，食過幾次貴又唔好食。好彩有地頭蛇帶我去食大灰熊🐻 價錢合理，仲要好夠鑊氣 🍳 兩位用嘅家庭餐$228，包兩款精美小菜、一款湯羹、兩碗白飯、兩杯熱飲。價錢相當實惠，食物質素唔錯😊 粟米豆腐羹鮮甜清潤，蒜香一字骨惹味又鬆軟，蒜蓉粉絲蒸勝瓜清甜滑口，解解煎炸食物嘅熱氣。環境企理又裝飾得唔錯，有圓枱又有卡位，食物質素有保證👍🏻 果然無介紹錯😊 呢度嘅家庭餐都幾抵食，有機會下次再去開飯啦。

呢間餐廳有啲難搵，落咗巴士之後都要行一段路，後尾先知原來係個屋苑隔離嘅商場入邊，門面真係一啲都唔起眼，但係原來啲嘢食咁好味，民間英雄應該就係呢啲。今次試咗好多樣嘢，有金銀蛋浸時菜、拔絲咕嚕肉、西湖牛肉羹、涼拌青瓜再加兩碗白飯。我咁大個人第一次食西湖牛肉羹，第一啖飲落去已經覺得個味道好吸引，啲牛肉完全吊到個味出嚟，飲完一碗都覺得未夠喉，唔怪得知話係例牌，一個人真係要自己飲一碗。另外個拔絲咕嚕肉都勁好食，真係可以整到出邊吹卜卜，仲要有拔絲！

位於將軍澳的中式私房菜餐廳，於商場範圍的外面，地點較難找，門面較為暗，略為隱蔽。主要供應中式小炒、家常菜式等。還有私房菜可於三天前預訂。食物質素高及新鮮。惹味小食：涼拌青瓜前菜是爽口青瓜，醬汁酸酸的，十分開胃。精美小菜：時菜炒牛肉一道地道的港式家常小菜，炒得有鑊氣。西蘭花翠綠，新鮮，很爽脆。牛肉份量也不少，每塊都很柔軟鮮嫩、不韌。還配上一碗絲苖白飯，飯粒乾身，香噴噴的白飯香氣，跟小菜、牛肉一起吃很下飯。

📍將軍澳屋企人話想食下家常便飯，之後整身份證經過見到，位置比較唔顯眼，入到商場再上電梯就見到喇，呢間好有住家feel既私房菜，特登黎試下，小菜款式都好多，我地最後簡左粟米豆腐羹 $108粟米羹好清甜，豆腐好滑拔絲咕嚕肉 $118外脆內軟，酸甜度岩岩好，好開胃，用上左新鮮菠蘿薑汁炒芥蘭🥗$88夠火候夠味，芥蘭新鮮爽口椒鹽粟米🌽 $38椒鹽好惹味，粟米又唔會太乾仲有好多汁無味精，夠火候的小菜，下次可以再黎食😋

今日去完將軍澳海邊行完donki，行行下經過見到呢個未行過去商場，望一望原來就係換身份證果度黎，見到入面有間中餐小菜館，就試下佢啦。望落餐牌都係比較家庭式既中餐，而且價格唔貴，仲有二人餐同四人餐，幾適合一家大細黎食。拔絲咕嚕肉 $118平時去親小菜館都一定係會叫咕嚕肉黎食，呢個咕嚕肉既糖醋汁唔會太酸，好好送飯，外層鬆脆，帶有少少拔絲既感覺，值得一試。馬來咖哩牛腩 $138馬來咖哩既特色就係辣而香，而佢地既咖哩的確可以做到香辣既感覺，配一碗白飯真係無得輸。牛腩煮得好淋身入味，仲有幾舊牛筋，兩個人share岩岩好。涼拌青瓜 $38因為之前我地食兩道菜都係比較濃味，叫返碟比較清既涼拌青瓜balance下，感覺比較清新。青瓜加左少少醋，都幾開胃。

📍 大灰熊廚房 (將軍澳)將軍澳唐賢街23號帝景灣商場1樓34-35號舖呢排都好少離開將軍澳，差唔多食盡呢度嘅餐廳，今晚就走去附近食下街坊食堂，大灰熊廚房，都名都幾得意。環景都幾寬敞舒服嘅，行落樓下唔想煮食返兩個小炒都OK！鍾意食鹹啲濃味d就岩！除咗小炒仲可以有私房菜食，係好適合一家大細甚至10個8個屋企人嚟食。不過位置就比較隱蔽啲，係位於一個私人屋苑嘅商場入邊！想食就要搵一搵喇，服務態度都不錯尤其是樓面個姐姐！

去將軍澳搵朋友，佢介紹了去呢間位於屋苑商場餐廳內食下住家菜！餐廳內都幾多位，而且可以一大班人開飯！雖然說是自家菜，但總覺自己屋企唔係咁易整嘅菜式比較特別。黃金四季豆外層薄脆唔油膩之餘，真係啖啖蛋黃香，配上爽香豆角，好惹味。🍤千島蝦球大大隻蝦，口感彈口，炸過後配沙律醬好香口。涼拌青瓜配了醋和辣香味，幾開胃。番茄肉片湯入面真材實料，係濃香番茄加肉片、菇 ，可以話飲得又食得，營養豐富。住家菜都真係可以幾特別。

在建設中的將軍澳新區，新開無數家食府，品質參差不齊。今天朋友介紹，來到帝景灣海旁的大灰熊廚房，離地鐵站步行5分鐘左右，因周圍馬路還在建設中，位置隱蔽不好找。餐廳主打粵式中餐私房菜。黑醋黑豚肉，炸過的黑豚肉外脆肉嫩，酸度甜度適到好處， 酸酸甜甜好開胃，口感一流。蒜蓉西蘭花炒牛肉，大大碟夠鑊氣，牛肉肉質軟腍嫩滑，西蘭花爽口，濃郁的蒜香牛肉味，令人回味。椒鹽栗米好邪惡，粟米飽滿有汁，咸咸的好香口。番茄肉片湯，清淡無油夠健康。餐廳追求真材實料，無添加味精，原汁原味，值得一試。

夜晚同屋企人過嚟食晚飯，套餐性價比高，人均只需要人均$100就有一個前菜，三餸一湯，仲有飲品送添。小本經營，所有餸菜即叫即炒，熱辣辣上，鑊氣十足，仲要不加味精，健康好味，一家人晚飯之選。 其中小食係喜出望外最好食，椒鹽豆腐外脆內軟，超級好食。仲見其他枱有嗌椒鹽粟米，平時其他餐館都好少見，下次同多啲人一齊可以嗌多啲餸試多啲唔同味道😝꧁☬小編食左咩☬꧂✅椒鹽豆腐✅咕嚕肉✅粟米斑塊✅金銀蛋白菜✅粟米湯(◔◡◔) ♥ 人均傷害💰： $100♥