大灰熊廚房 (裝修中)

餐廳主打中式小菜，一入去見到好多外賣袋正等待領取，受街坊歡迎的小店。一坐低，店員好熱情擺放前菜。酸蘿蔔及紅蘿蔔口感清爽，酸酸地有幾開胃。炎熱的夏天，食涼浸浸的食物，個人即刻精神曬。千島蝦球蝦爽滑又唔會好多炸粉，薄薄一層千島醬唔會膩，越食越開胃，千島醬酸酸地配上墊底嘅沙律菜，成碟清曬拔絲咕嚕肉望到幾張枱都有叫咕嚕肉，就試一試啦。有大排檔嘅火喉，難怪咁多人叫呢味餸啦。咕嚕肉外脆，係一道非常好的送飯小菜粟米豆腐羹豆腐粒加上蛋花同粟米，有家的味道。兩個人食二百幾蚊，叫了兩個餸加一個湯仲有個小食已經好飽，整體餐廳份量多，夠鑊氣

一位住將軍澳既朋友推介我黎呢間中式小廚，果然好食，價錢又合理，朋友係無飯主婦，唔怪之得成為佢一家既開飯食堂。一向鍾意飲中式湯水，所以一人叫左一個姬松茸燉湯，燉湯真材實料，有姬松茸、雞腳、瘦肉，仲無添加味精，每一啖湯都充滿濃郁菇菌味，忍唔住一口氣飲哂一盅。頭盤小食叫左黃金豆腐粒，豆腐外皮金黃香脆，豆腐熱辣辣軟腍腍，面頭灑上蒜粒，香口美味!小菜叫左2款: 千島蝦球、拔絲咕嚕肉，食埋主菜就再引證呢間餐廳有一定既水準。千島蝦球 : 粒粒蝦球都大大隻而且炸到香脆，千島汁好適合呢個咁熱既天氣，令到人胃口大開。拔絲咕嚕肉 : 又係一款開胃小菜，咕嚕肉既肉質半肥半瘦，食落有爽口感覺，係靚肉質部位，唔似一般樓酒啲肉質咁”鞋口”。總括呢餐係一餐令人滿足既晚飯，仲不時聽到隔離枱食客話食物好味道，餐廳地點雖較遠但一定值得再去。

好味指數：🌕🌕🌕🌕🌑抵食指數：🌕🌕🌕🌕🌑我地叫左家庭餐，包兩款小菜、一款湯/羹、兩配飯同飲品！蟲草花燉湯都有！只係加15蚊。我地就試左栗米羹，不是罐頭栗米湯！飲落口唔會好多味精😋好飲！小菜款式都好多！味道也剛好，不錯😋 炒蝦仁啲蝦都好爽😋😋😋 如果想食中菜又唔想自己煮，都係唔錯嘅選擇！P.S 鋪頭唔算好多人食，但見到好多外賣🤩題外話：間餐廳養左兩隻鸚鵡 超靚！係藍色同黃色架！🤩

地點容易搵，在將軍澳B出口，過對面馬路，向智能身分證條路直行就係。抵食嘅優惠家庭餐 （2位用）小食係👉自家醃製嘅蘿蔔，好開胃嘅小食。精美小菜任選二款我揀咗椒鹽豬扒，好香又野味(炸得唔油膩)餸飯一流。千島蝦球，醬汁味道唔錯，蝦球一啖一隻，兩個人份量就啱啱好。湯或羹任選一款西湖牛肉羹，我鐘意加胡椒粉一齊食。絲苗白飯二碗熱飲二杯凍飲加3元特飲及汽水加5元優惠價＄188提外話🦜佢哋有兩隻可愛嘅小鸚鵡🦜店員話佢哋識講嘢，但我只見到佢哋只識食嘢🤣好可愛⋯⋯

餐廳位置位於私人屋苑既商場1樓，環境氣氛都好地道咁，好港式風味，雖然係豪宅區到，但價錢非常貼地，性價比好抵優惠家庭餐 （2位用）$188精美小菜2款湯羹2碗絲苗白飯2碗小菜1️⃣：大灰熊小炒王以韭菜，蝦仁同腰果為主要材料，蒜蓉粒黎炒得鹹鹹香香，惹味之餘仲好夠鑊氣，腰果勁香口，蝦仁都好爽脆彈口仲好入味，有驚喜小菜2️⃣：拔絲咕嚕肉一夾起咕嚕肉時，汁醬藕斷絲連咁，好吸引，咕嚕肉外脆內軟，肉質嫩滑入味，甜酸味道平衡得岩岩好，菠蘿好新鮮，為成個菜式帶黎好鮮甜既味道，連配菜青椒紅椒亦好好味粟米豆腐羹濃稠度啱啱好，入面都好足料，幾乎每一啖都有豆腐同栗米秘製蘿蔔（凍食） $38蘿蔔醃得好入味，口感爽脆爽脆咁，味道酸酸甜甜好開胃，岩哂夏天食

Food tastes better when you eat it with your family❤️...將軍澳區內一間有鑊氣家常小炒私房菜餐廳🥢，大灰熊廚房都吃到住家菜的味道❤️，而且價錢經濟實惠又足料。晚餐設有 ll $188 已經有2款自選小菜、足料例湯、白飯& 飲品，抵食！中式例湯：蕃茄肉片湯🍲 味道濃郁😍 (草菇、蕃茄、肉片、薑片)，一碗超足料蕃茄湯。自選小菜：黑醋黑豚肉 (口感酥嫩且味鮮) & 粟米斑腩 (肉厚香脆)，2款都有驚喜。肉食都炸得酥脆可口，同樣外脆內軟不油膩，調味得宜，可見師傅功架！餐前小食：黃金豆腐粒💛 外脆內嫩，粒粒都又薄又脆又乾身不油膩，加上椒鹽 & 炸蒜，一款香口蒜香小食。..大灰熊沒有華麗裝潢，沒有昂貴精緻餐單，卻真材實料用心製作，👨🏻‍🍳 師傅級有水準菜式，值得一試喔！..×××××ש將軍澳唐賢街23號帝景灣商場1樓34-35號舖..

小朋友去學嘢有時間，可以同愛人去開餐啦！ ‘’快‘‘’“靚”“正”精美好味小炒啱哂一家大細💯💯將軍澳有個地標喺Donki呀! 食完就去行吓先🐻大灰熊廚房食中菜😋😋先泥個開胃小食就係涼伴青瓜🥒，辣辣地好爽脆可口🤩🤩西湖牛肉，豆腐好滑加埋碎牛肉好清甜好好飲呀😍😍營養豐富，夏天吃，好醒胃“正”👍魚香茄子，超正香噴噴好有鑊氣茄子再配白飯超級好味，茄子一d都唔油膩好入味，茄子爽口惹味，餸飯超開胃😋😋超滋味呢💯💯蝦醬蒸腩肉，嘩😍一上枱好香蝦醬味，腩肉入口超入味，d腩肉好爽好多汁仲好香蝦醬味添，腩肉下面有豆卜，嘩👍d豆卜吸收晒所有醬汁同腩肉汁嘅精華，每塊豆卜都好多汁多好好味超吸惹味😋！大灰熊廚房將軍澳唐賢街23號帝景灣商場1樓34-35號舖

大灰熊廚房🔺 https://s.openrice.com/QrbS0Pp0B00~uO7p6Aw🔺將軍澳唐賢街23號帝景灣商場1樓34-35號舖🔺Tel: 6777 1628今日嚟到將軍澳搵朋友，我想食啲中式嘢不過海邊大部份都係西餐或者亞洲嘢，幾經辛苦終於喺帝景灣商場一樓搵到間中餐小菜（可以睇返我張相 ）。 餐廳提供大眾化嘅中菜，而且有好多選擇，我同朋友就揀咗兩位用嘅「優惠家庭餐」💰$188。兩款小菜，一款湯，白飯兩碗，飲品兩杯，呢個價錢喺將軍澳海邊都算係好優惠。 飯餸未到，先加個合桃酥開下胃，大大粒又脆口。 🐮西湖牛肉羹好足料，啲牛肉好嫩滑，符合佢大灰熊滋補湯嘅稱號。除咗滋補湯，亦可以每位加$15轉燉湯。 🐷拔絲咕嚕肉賣相精美，分量十足，咕嚕肉唔會硬梆梆，酸甜味剛剛好，不愧係推介菜式。 🐮咖喱牛腩喺呢度終於食到有少少辣味嘅黃咖喱啦！淨係啲汁都可以食碗白飯，正。啲牛腩一樣夠晒大，唔會話平就細細碟。環境闊落，店員殷勤有禮，遲啲有機會試吓佢嘅大灰熊私房菜先，6位起就可以成行。

入左將軍澳探朋友，2人小聚想叫餸食飯，下由朋友帶路，去左呢間「大灰熊廚房」。一入餐廳，就見到兩隻獨木舟掛左係牆上面。坐低睇menu, 原來有獨木舟租借連餐飲sets. 下次約埋朋友玩獨木舟可以預約下，玩完上岸仲有飯食☺️ 餐廳唔算大面積，一張大圓枱，另外附設卡座～ 格局比較清靜，傾計會好舒服。我地最後簡左2人套餐，有小菜2款，（選擇有好多）湯，飯同餐飲。▫️拔絲咕嚕肉 ：出品好靚，咕嚕肉斬得剛好一口蘇咁，好易食，酸甜度夠哂balance ~ 最欣賞係連青椒同菠蘿都切到細細塊，作為女士既我，特別易吃～ ▫️小炒皇 ： 賣相靚到呢😍😍 真心好耐無食過似樣既小炒皇了～～ 蝦球超爽口～～▫️西湖牛肉湯作為主菜前湯飲，味道唔會太濃👍 牛肉碎適中～

今晚在將軍澳吃飯，這家餐廳做街坊客為主，而且很多外賣生意。裝修非常簡單樸實，主打是食物。餐廳有很多菜式，我點了三款小菜都很有水準。⭐️粟米豆腐湯粟米加上豆腐，簡單而美味。⭐️拔絲咕嚕肉咕嚕肉水準高，一件件咕嚕肉大小適中，用梅頭肉，半肥瘦，口感最好。炸得剛剛好，外面的炸粉很薄，咬一口，外脆內軟，很美味！⭐️欖菜肉鬆四季豆四季豆的火候很夠，也很考功夫。入口四季豆沒有因為炒太久而變軟，入口依然爽脆，就口感很好。炸粟米，有椒鹽味，入口有淡淡椒鹽味，特別惹味。

今日嚟行完DonDonDonki就搵飯食估唔到依邊都開咗好多間餐廳搵咗依間食小菜嘅餐廳優惠家庭餐（兩位用$188）個餐有湯有小菜包白飯飲品·西湖牛肉羹外表雖然睇落好似無咩味咁但熱辣辣 超足料羹嚟講 佢唔係話杰撻撻個款 剛剛好小食我地叫咗個椒鹽栗米平時食牛油栗米就食得多椒鹽栗米真係第一次 超有驚喜!!栗米好甜 佢唔係一粒粒散開晒而係一排排 唔乾身唔痴牙 超有鑊氣👍🏻拔絲咕嚕肉皮夠脆甜酸度適中 送飯一流👍🏻鹽香雞自家製 職員仲話係其中一款熱銷菜式無骨 啖啖肉 啲雞都好滑

食到成肚氣，等咗個半鐘頭，話個四人餐有四個餸，嚟得三個，見着啲員工做咗啲外買客先，個餐包四個湯，嚟得一個，跟住話其他湯已經無晒，原來又係俾晒啲外賣客，隔籬枱啱啱坐低嗰兩個，嗌咗冇耐都有得食，真係火都嚟埋。催多幾催，啲員工都唔知自己做緊啲咩，張張枱都漏單，個老細又唔知去咗邊。嬲得滯都買單算啦，點知收銀嗰個，都唔知點計數嘅，淨係識加數唔識減數，少嚟嘅湯又唔扣翻俾我哋，算啦，呢啲咁嘅餐廳，都唔知點解可以喺高尚住宅區商場出現。OpenRice嗰啲like都唔知邊度嚟，自此之後，唔會再幫襯第二次。仲要俾錢嘅時候發現佢個冷氣較到26同28度，不如唔好開啊。

因為為食貓住係將軍澳附近，所以成日會係呢頭搵食平時叫外賣，為食貓已經想試吓大灰熊廚房，但一直都未有機會🥲前幾日陪朋友換身分證，終於坐低試咗估唔到將軍澳都有d咁有鑊氣既私房菜wor地點為食貓想特別講下可以點去到大灰熊廚房，如果唔係住開將軍澳南，都未必識得點樣去😂大家可以係將軍澳港鐵站B1出口一直行幾個路口，跟著左轉會見到智能身份證換領中心嘅牌，行入去上電梯2樓到尾就會見到♥️食物西湖牛肉羹 （4/5）個西湖牛肉羹好有芫荽味，好正而且啲免治肉碎同豆腐都好多，好足料，好好飲咕嚕斑腩 （5/5）必叫咕嚕斑腩或者咕嚕肉基本上喺所有小菜館都會叫到，但唔係間間都整得咁好食🤣為食貓好欣賞呢個咕嚕斑腩，佢個汁酸酸甜甜，汁既厚度啱啱好，d斑腩完全朔到晒啲汁👍🏾再加上佢炸到外脆內軟呢個斑腩可以講係為食貓食過最好食既椒鹽豬扒 （4/5）有時d餐廳會炸到d豬扒好乾好硬但呢個椒鹽豬扒好軟身😋加埋d椒鹽味，真係非常之惹味椒鹽粟米 （5/5）必叫呢次係為食貓第一次食椒鹽粟米😂估唔到粟米都可以咁樣食🤤平時我唔鍾意食粟米，因為會食到黐晒牙不過呢個粟米一d都唔黐牙，而且好爽口，好得意，好好食♥️平時d人黎將軍澳，可能多數會去商

平時屋企好少煮飯，但係我就好鐘意食家常小菜，今日放假就近新地係將軍澳揾食~♥ 涼拌青瓜 涼拌清涼開胃，青瓜爽脆入味。♥ 千島蝦球炸蝦球炸粉十分之薄，咬落表面鬆脆而且唔會好油膩，大蝦去殼食落口真係啖啖肉而且好彈牙。用千島醬作搭配好滋味好夾。♥ 三色蒸蛋面層有蔥粒作吊味，蒸蛋入口除左十分嫩滑，(真係超滑😆)而且底層仲有肉碎，多個口感！♡ 餐廳有卡位有圓枱，座位夠闊落舒適，價錢合理，懶得煮飯既朋友可以試試佢，好有屋企味道。

今晚表哥黎我屋企打機，之後請食飯😬我地去左將軍澳「大灰熊餐廳」食鑊氣小菜。餐廳係我屋企既飯堂，小菜/私房菜有質素保證。-😋蕃茄肉片湯天氣濕焗悶熱，先來一碗開胃湯水。 用上新鮮蕃茄熬煮，湯底的鮮甜酸香，令人開胃。-😋黑醋黑豚肉黑豚肉優質且肉味上乘黑醋醬汁與黑豚肉互相輝映，缺一不可。 黑豚肉肥瘦比例剛剛好，肉質彈牙爽脆，豚肉味濃。有黑醋汁大大提昇了豚肉的香，酸酸甜甜亦可解膩，送飯一流。-😋欖菜肉鬆四季豆又是一道我很喜歡的家常菜。 這道菜式鑊氣十足。 四季豆及肉碎炒得爽身不油不膩亦不偏稔。 加上咸香的肉碎及欖菜，開胃小炒。