大門食堂 (已結業)

以前食拉面沾面都離不開幾間出名的。今晚一個人念住求其食個面但又唔想食退步到無可再退既x王，就念起呢間試一試。叫左個大間叉燒沾面同日式炸雞，炸雞炸得唔錯，但沾面黎到時個面熱沾汁唔熱。一問下，原來有分要熱同唔熱，待應都好helpful同有禮貌幫手叫廚房整返熱，一讚。汁雖然無西九某某咁正，但面既硬度係我喜歡的，以性價比黎講叫好好了，汁面頭仲有鰹魚粉，令個汁再香濃一點，食完個面後將汁加湯可以飲埋佢。最後埋單先知佢唔洗加一添，可以再去!

之前經過禾輋見到好多人排隊，所以就有一試無訪心態，一行三人星期五晚上六點半，排左二十分鐘左右，叫左個大門拉麵，沾麺，漢堡牛肉鉄板，煎餃子及味蛋；個拉麵及沾麵真的比較差，得個咸字，個鉄板都係麻麻地，得個味蛋及煎餃子係正常啲！下次不會再幫儭！

沙田食拉麵既餐廳又多一個選擇見門口有一條比較少係呢到出現既排隊見到有沾麵 就本住會中伏既心情去試下新野餐牌上食物選擇都算幾多 有拉麵 沾麵 定食等等在場反應食拉麵既人比較少 都幾多人食定食枱面既調味料都幾多 有個人最愛既蒜蓉♥♥而且重放左一大jar凍水任飲 岩哂我呢個飲水怪附設理想與現實圖 麵份量都足夠 叉燒有2大塊 塊紫菜沈左入湯到 可惜可惜麵粗幼度岩我地既口味 (鐘意食粗) 軟硬度黎講 屬於比較硬呢個麵質食沾麵比較合適 如果係食湯麵就會粗左d(不過未知湯麵係唔係用同一隻麵底)湯第一啖食個時都覺得幾夠味 不過食到最後就覺得咸左少少比起其他既拉麵店 呢到既湯底層次唔算好多 有進步空間叉燒還可以 如果可以燒得再香d就可以加分最值得一讚係佢既筍 食左咁多間拉麵既筍都有一陣怪怪既豬味呢到食左咁多條都無個種怪味❣️整體黎講都算中上 無中伏既感覺 不過又未去到有驚喜價錢以拉麵同味道黎講都算平下次黎食會試下其他食物

今日同男朋友想近近地食下日本野就黎左禾輋呢間大門湯拉麵得三款揀，我地揀左鬼門拉麵另外加左雞尾腸碗拉麵真係好難食份量係大既，麵條係粗粗地既拉麵，唔係細直麵。我未食過咁難食既拉麵，湯好杰，而且辣得黎係苦，完全係糟蹋左啲麵！搞到我明明好肚餓都完全冇意慾繼續食，最後食剩左三分二不過反而雞尾腸就有啲睇頭！ 25蚊好好食，不過唔明條骨有咩用，拎住？不過價錢略貴，唔係好大條，而且條骨都佔左啲位！我比OK都係因為個雞尾腸小食~

沙田禾輋 AEON 超巿旁邊的食街，好耐無見過揾食人龍，當目擊大門食堂外有隊伍，確實嚇到心都離一離。大門的食品價錢由 20 元的叉燒飯，至近百元的西冷扒餐都有，全日免加一，食客包羅一家大細、情侶及單人匹馬。 跳過拉麵，選吃日式漢堡扒定食跟醋汁（48元）及吉列豬扒定食（45元）。兩個餐均有麵豉湯、凍豆腐及白飯。吉列豬扒需時製作，這天等了逾 15 分鐘才上枱。　論賣相，兩餐的實物版明顯有別於餐牌相片；論味道，OK 喔。漢堡扒並非超巿雪櫃貨式，厚身中藏肉汁，有嚼勁，配醋同吃份外醒胃；薯角連皮炸，份量多，帶美國薯仔的香，可惜已變涼，不脆口。食吉列豬扒前，先記住這是 45 元的貨式，如果硬要將它跟過江龍專門店相比，必定失望。大門的豬扒屬全瘦，絕對談不上軟熟或入口即溶，反而欣賞炸漿做得薄身鬆脆，椰菜絲的沙律汁夠清新，加埋有大大件鮮檸檬供自行揸汁，整體而言，物有所值。

今日同朋友去左沙田行街街。行到餓去左食野。真係唔係講笑。完全唔明點解度度都咁多人。。。最後去左尼間食日本野。可能禾輋比較遠。所以都只係等左一陣就入得初頭望住餐牌都唔知揀咩好。因為好似好多野揀但其實又好似唔係好多野揀。我見隔離枱食魚好似好正咁。我就叫左一份鹽燒鯖魚定食，加5蚊有得轉紅米飯。朋友叫左滑蛋豬排飯。初頭覺得都幾好味呀啲魚。燒得幾脆。食落又唔覺話好多骨好鞋。我覺得食果陣幾香口。仲要有檸檬比你唧啲汁落去。一份定食52蚊有湯有豆腐又有飯。我覺得算ok。不過慘在我而家打尼篇食評時個喉嚨有啲乾。可能係有重重地味精。朋友個飯大大碗45蚊。都幾抵食。

經過大門食堂，見佢門面幾靚又有Bar枱可以望住師傅整嘢食，價錢仲好抵(最平嘅飯三十幾蚊就有交易)，一於一試啦。 菜式選擇都唔少，最後揀左大門拉麵同漢堡扒炸蝦定食。等待食物期間好八卦地聽到不遠處有枱日本客人同個師傅仔用日文交談。呢間咁偏僻嘅店都有日本人黎食，估計係居港日本人啦~  首先到嘅係拉麵，麵底係一般黃黃地色果隻拉麵，冇咩特別。叉燒有一塊，煮得好淋但好肥，湯底亦都比較油膩。之後到漢堡扒炸蝦定食。一上枱見個定食都靚靚仔仔，點知中伏了... 除左主菜，個set 包白飯一碗，麵豉湯一碗，一塊仔冷奴。份量其實唔少，有兩條炸蝦兩塊漢堡扒同啲薯角。先講個漢堡扒，已經冇要求佢有肉汁，但成塊扒一啲肉味都冇… 最慘係連個sauce都係冇味的…炸蝦就一般啦，粉比較厚。個薯角竟然都唔好味，因為唔夠熱，只可以話係微暖…

話說今日見到原本味吉個位轉左第二個牌頭，仲要有我最愛嘅沾麵食，於是就孖埋老公入去試下...到達時已經係晚上九點，預計無咩人唔駛等喇應該，點知仲要排隊，ok! 排就排喇，心諗好食的話又有多個地方選擇... 如是者等左20分鐘，唔對路，因為舖營業時間至10:30，心諗入唔入得切呢@@"行去望望，見到有兩三張枱其實已經食完，只係無人執碗，食客玩緊電話未走😒😒😒期間接待個侍應見我地企左好耐，叫我地坐係門口啲椅度等等，直到等左30分鐘左右，終於入得😻😻😻我地分別叫左個叉燒沾麵同大門拉麵，仲有餃子，叉燒沾麵煮得有點糊（即係爛左啲），個沾湯無咩味，叉燒完全無任何味，好似滾水燙熟一樣；大門拉麵就異常地咁有咬口😏😏，因為條麵個芯都未煮透😶😶，叉燒同樣地都係咩味都無😞😞... 餃子... 仍然係淡淡的，料不多🙄🙄總結黎講，呢間未能成為我個新推介，不過，佢地嘅價錢係真係比其他拉麵店為便宜，如果預左平平地又唔太有要求，可以一試😁😁

對於個人來說,日本拉麵不是平日覓食中首要選擇、原因都是怕了那厚厚純湯,那份邪惡又味美湯底,令人既愛又怕、故此甚少專誠拜訪,今日走過AEON超巿購物才發現,原來身旁開了新店子、一手餸還是豬事八卦下摸入門內。。。放下手上物件,翻兩翻大部份都是中級價錢, 以日本麵食算是來親民、食物方面有親子丼、拉麵、小食玉子燒、日式炸雞、煎餃子、和風沙律、及沾麵、油麵等。。我就剔選了大門油麵$52., 碗子內放入了數條酸筍、一片一分為二义燒,及溫泉蛋一隻,和大片紫菜,油麵感覺上如同撈麵,醬汁已混好在碗底中,翻兩翻一層油面「立令」可見,枱上亦有辣油、酸醋、蛋黃醬等可供客人自添,還是吃過原有味道才見真章,麵條較大,入口富彈性、撈兩撈油麵汁扣於麵條間,不屬於偏咸、而溫泉蛋流心狀僅屬一般,如果要挑剔可算謂义燒,煲煮火侯不足,較硬、又或是這件五花腩肉不夠肥美,不過,今時今日用$五十多港紙,交易一碗日本麵, 不能貪求媲美、張張就就又一餐。

大前日21-2-2016 (Sin)晏晝,OT o既老公要為公司買o野出o黎,咁一齊食個晏先啦,橫豎我都要買餸,於是o黎禾輋邨.o黎到,佢已經排呢間,侍應問我o地坐唔坐bar枱?老公答好,於是即刻可以坐低.睇o左menu後,老公要$68.00o既大門叉燒沾麵.我要$58.00o既雙層漢堡定食.冇耐,老公o既大門叉燒沾麵到o黎,圓形叉燒同長條形叉燒各有兩片,男友食先,我後食,我o既雙層漢堡定食到o黎,漢堡幾厚,口感好鬆軟,內裡冇乜其他配料亦唔算乾.啲汁鹹淡適中,.而飯,麵豉湯同凍豆腐都乜問卷調題,老公食o左佢o個半份層漢堡定食後俾我食.麵條彈彈地牙,沾上啲汁食,嘩!好鹹呀!啲汁真係好鹹;叉燒肥肥地又夠腍,不過雖然係鹹,但我食完後,飲埋杯水,成個晏晝都冇飲過水,就算天氣乾燥我都唔口渴同唔記得飲水,証明佢o地係冇落味精.環境:原本以為bar枱又窄又迫,點知唔係,長枱幾深同座位都闊落,美中不足o既係,坐新門口會有啲凍.抵食: 2.5分

人手嚴重不足！落左單等足一小時！叫左個拉麵，服務員就話15分鐘，最後等左1個鐘！仲有豚肉份量小，得菜，食完都唔飽肚！最離譜麻婆豆腐都要等一個鐘！呢d一早整好既食物都咁耐！野食唔吹唔出！店鋪又無經理，得普通員工，處理入單完全唔掂！野食份量又小，價錢不值完全受氣！

上次我同住屯門的朋友去食過屯門個間，見禾輋都開左間大門拉麵，咁岩我要陪媽媽去禾輋買餸，順便帶媽媽去試下禾輋呢間先，一去到已見到好多人排緊隊等位，照排等左大約半小時，我前面得返一枱約3-4位的，而餐廳職員問我幾位時，我話兩位，佢問我吧台坐唔坐，我當然係矛問題啦，我地兩個人之麻禾輋呢間分店同屯門唔同，舖位俾比較大，變相坐位感覺比較闊落，而且除左劃食物個張牌外，仲另外有個餐牌坐低後，就劃野食喇...味蛋：又叫左我最愛的味蛋因為年廿九關係，堅好多人，所以等麵食時比較耐，而且d職員都忙到不得了，都唔想吹，因為都要體諒餐廳的職員辛苦大門沾麵：因為當日餐廳生意做唔切，所以麵底仍是有點暖的，但湯底仍是熱呼呼的原味乳酸梳打：第一次叫飲品，因為我個刻想飲d冷飲，味道還不錯大門拉麵：最後才到的，味道同上次係屯門個間分店食的一樣，麵仍是彈牙好有咬感，湯底都是濃郁好味仍舊是矛收加一服務費，埋單總數HK$136，真係抵食