天勝

营业中

休息中

今日同老公係週年紀念日，去左搵下有咩日本野，就搵到天勝....首先叫左個6款既刺身，勁新鮮、好好味😋又叫左個豚肉煮，啲肉煮得好好味....（左）黑椒牛脷：可能煮得耐左少少，有啲硬，但個味好好（右）太卷：好大件，好味呢個蟹粥好好入味，好鮮，啲配菜都好夾老公好想食著餅，就叫左一份忌廉蟹肉薯餅，Size都好大，真係好好味😋

咁我就同朋友去食生日飯，諗住book d比較好既，食得爽既餐廳，入到去食物質素係唔錯，食材都係新鮮既，但坦白講我覺得價錢就比較貴，500蚊一位到，不過大部分居酒屋都係咁上下既價錢，所以貴唔貴就由大家去定奪。另外，職員既服務態度值得一讚，好有禮貌亦都好有心機解答你既疑問。環境亦都好好，坐得係好舒服既。上選刺身(六種) - $ 480咁依個係師傳決定邊六種既，咁我唔逐一講每款魚生啦，因為都係新鮮既食材，個價錢就係應該要有返依d既水準既。信州蕎麥麵 -  $ 60好後悔叫左個齋蕎麥麵，就咁食食落好寡，唯有夾住d蔥條食下撈住一齊食。雜錦天婦羅 - $ 148唔知點解食完之後係有d肉赤，因為咁就$148，不過個鬆脆度好足夠，熱辣辣。炸牛肉薯餅 - $ 70依個我就覺得物超所值，雖然牛肉既味道配上薯餅感覺唔係絕配，但勝在味道都好足夠，依個大家可以叫。照燒美國牛扒 - $ 158依個我覺得幾好食，燒得岩岩好，肉汁亦都鎖實左係入面，你咬落唔會話太乾身，依個都好抵叫。

年初跟老友記的團年飯，一字曰最大印象：大！裡間四人檯空間闊落，空氣流通不特止，吹水都唔怕隔離位聽到，難怪氣氛熱烈，觥籌交錯聲一浪大過一浪🌊📣菜餚份量和擺盤以日式居酒屋來講都相當豪邁，醬汁也行濃厚風格，方便放開手腳同肚皮把酒言歡，啱晒我這種粗人～✌🏻👹桃味梅酒桃蓉激多！桃+梅味很特色，冬天飲心情愉悅。不可貌相的大塊玉子燒，看似平平無奇，實則風情萬種。內裡濕潤綿軟，充滿氣孔；密度較疏，像油豆卜一樣吸飽出汁，香甜鮮美應有盡有。附上芥辣醬油，蘸之泯然眾人矣，空口品嚐最驚豔。煮竹筍頭一次在居酒屋見到超大塊的大筍！煮的程度剛好，忠實還原鮮味，爽脆無渣又耐嚼，一點似有若無的甘甜栗香溫暖心頭，好似在食芋頭蓮藕一類的澱粉根塊，原來切大塊的奧義在此～大塊牛舌，醬汁厚重，有少少似日式漢堡扒紅酒醬汁。同樣耐嚼入味，恰如其分的微辣，吃完微微出汗，過癮～清酒煮大蜆！新鮮滑嫩，酒香而不衝鼻，食到我地啜啜聲～湯汁溫和帶淡淡海水味，像親身在海邊一樣清新～新奇搭配的大葉天婦羅，沒想到奶油芝士沾蘿蔔蓉如此美味。麵衣偏軟不走激脆路線，好在輕薄不刮脷，比一般炸芝士更輕盈。可惜紫蘇味被蓋住，不太吃得出。大碌雞肉棒，人手一支！口感

因工作關係，一年最少都去十次八次日本，所以在香港比較少吃日本菜，但自從舊曆新年前，從日本回來之後，疫情橫行，唔洗出行，開始掛住那份正宗日本菜味道。知道今天要在銅鑼灣工作， 早一天訂了12：15 過來食個午飯，試下 『天勝』須開業不久，好評不絕，劣評久奉。( 試一試真與假) 紅雨關係聯絡餐廳，把訂枱推遲15至20分鐘，到達時人不算多，但被安排在廚師前吧枱坐， 等會兒要趕工作，都是吃過快，所以沒所謂。 問了服務員有什麼出名推介，叫了《燒肉丼》定食＆《什錦魚生飯》定食。前菜算合格以上，除了蒸水蛋，不明白為什麼要加一件白雞肉在蛋內，有點(鞋) 口冇味， 影響成個茶碗蒸蛋。燒牛肉丼簡直係日本定食穩陣派，就算你去吉野家食，都唔會覺得難食，平時在日本趕時間食午餐，是我的至愛。可能食材由日本空運到港，亦都是由正宗日本師傅處理，真的食出日本的感覺，雖然平時定食，只是在日本上班時吃的一個快午餐，但如果在香港吃到，突然又變做美食了。因坐前枱，面對正一個變壓器，相信因廚具從日本入口關係， (日本電壓跟香港不一樣) 其實呢件對於感覺係一件好事, 但問題來了， 就是變壓器旁邊刺身雪櫃散熱器隔塵網，超多塵😤 冇辦法

今天老朋友生日，找我一位「日本通」朋友介紹食日本菜，她就揀選了「天勝」給我，她說這兒是日本師傅主理，味道不錯！雖然餐廳是一整層，但實際不是很大，但勝在佈置優雅，環境清靜。我倆人各自要一份lunch set meal，老友要了燒魚定食($130)，而我就揀了牛照燒定食（$160）。定食包括了前菜、沙律及蒸蛋，沙律菜好新鮮！但蒸蛋就好一般。主菜也包括麵豉湯和白飯。牛肉已經預先切成一件件，方便客人食，牛肉燒得剛剛好，能夠鎖住肉汁，味道不錯。老友的燒魚看似也不錯呢！最後還有兩片梨為這餐生日飯劃上句號！

朋友生日，想吃日本料理，就找到這間日本餐廳。廚師是日本人。進來，先點了兩杯飲料。梅酒($55)酒味濃郁，待冰塊溶化一點，味道剛好。.柚子酒($55)女仔會比較喜歡，像果汁甜甜的柚子味。.茶碗蒸 ($68)味道十分好，放置了很多海鮮配料，亦有足夠蛋味。.咖喱烏冬 ($88)熱呼呼的烏冬入口後，咖喱湯底很濃很稠，烏冬偏軟身，挺好吃。.鹽燒雞翼 ($58)雞翼夠鹹，但雞翼本身沒什麼味道，不夠入味。.清酒煮蜆 ($98)湯底味道教清較淡，蜆的鮮味大，沒有太特別。.另外朋友點了一個三文魚茶漬飯 ($65)她說味道挺好。

聽朋友講呢間野食lunch呢好抵嘅 咁今日就嚟試下好唔好食上到去鋪頭雖然唔算好大間但係食客都坐到滿晒再望一望佢個餐牌佢午餐嘅選擇其實都幾多而且佢嘅午餐亦都會有前菜同埋甜品仲有一個蒸蛋前菜見到佢嚟咗一個蒸蛋同埋一個沙律雖然份量唔係好多 但係每一樣野個味道都唔錯 尤其是個蒸蛋非常非常之好食主食我就叫咗鮪三色丼三種鮪分別係分別係赤身 火炙拖羅 同埋 蔥花鮪蓉我就最鍾意食拖羅梗係一開始就試左個拖羅先一食落去就知佢用料好新鮮 而且拖羅經火炙後 佢嘅魚油香味同埋魚肉香味都出晒黎 好正而赤身都令我有警喜鮪魚鮮味十足 絕非下價貨

聽朋友講呢間餐廳好有去日本既感覺師傅好多都係日本黎 非常有水準今日下晝咁岩去到銅鑼灣就揀到黎天勝食個lunch 見到個餐牌唔算好貴 但可能係lunch選擇唔算好多我今次叫左個刺身定食黎到個份量都唔少 有哂沙律 咸菜 麵豉湯 蒸蛋同埋甜品個丼有帆立貝三文魚子海膽同埋蟹腳 組合唔算特別 但用料非常新鮮而且佢啲刺身解凍既溫度非常好 而佢既飯係屬於偏酸既 日本醋味好重我個人就好鍾意 係香港好少會食到 佢個飯偏酸令到佢嘅刺身唔會太膩鍾意食呢種飯嘅人 我非常推介嚟呢度試吓最後以日本哈密瓜作結 簡直完美！

突然想食日本菜，所以就上open rice睇吓銅鑼灣有咩日本餐廳好食！見到天勝有好多笑臉，就決定一試！Lunch set有好多選擇！由於我好想食海膽，但係佢話海膽唔夠貨，只係夠供應比特選刺身定食，所以我就揀咗特選刺身定食啦！個set嚟到，個樣都尚算吸引，好肚餓呀！蒸蛋唔算滑，有少少老，而且冇咩味！沙律平常！一心諗住嚟食海膽，份量唔多，而且完全冇鮮甜味，應該係話完全冇味，好失望！至於魚生，又係淡而無味，而且刺身得好少片，以呢個價錢來講，我覺得唔值，勁失望！

依間日本料理店，好有日本居酒屋風味，最適合一班人坐低傾吓計飲杯清酒，放鬆下平時工作嘅壓力。今日又同啲同事收工過嚟聚下，傾吓計，叫咗鏗魚刺身，切得非常厚身，食落無筋，又唔會醒，值得推介，另外水八爪魚刺身，望落以為冇咩味，點知食落先甜無比，而且彈牙有咬口。不妨一試，深海池魚刺身，淨係睇刀工，已經可以大開眼界，切到晶凝通透，已經值得加分。魚肉鮮甜，清爽嘅口感，令你一片有一片咁接着食。最後，吉列炸蟹餅，炸得唔會太油膩，送清酒一流

午市選擇頗多，有定食、海鮮丼、麵食等。餐廳設開放式廚房和獨立房間，裝潢樸實，不失傳統和風格調，不少日本客人光顧。黑豚生姜燒定食 ($150)黑豚片切得較一般厚身，嚼勁十足，生熟程度燒得剛好，肉質juicy，同燒汁的甜味好夾，加埋香煎過的洋蔥，十分惹味，送飯一流。前菜和味十足的木魚凉拌波菜、茶碗蒸及芝麻醬沙律。咸香的木魚湯配自家醬汁，讓波菜吸盡木魚的濃郁鮮味，清爽醒胃。茶碗蒸有香菇和雞肉，驟眼看配料簡單，但湯頭濃厚，同時不搶蒸蛋本身的鮮味。雞蛋蒸得剛好且嫩滑，加上淡淡香菇味，哀伊斯！甜品午餐以哈蜜瓜作結，超滿足!

🔎銅鑼灣恩平道42號亨利中心2樓「銅鑼灣隱世高質日本餐廳」只想靜靜地享受一個高質既午餐，所以我選擇到「天勝」。一入到去就有濃厚嘅日本餐廳氣氛，剛好隔離枱係2名日本女士，個一刻我真係有置身於日本既感覺。午餐選擇頗多，分咗7個類別，我就揀咗滑蛋黑豚定食。滑蛋黑豚定食 $160定食配有前菜、沙律、茶碗蒸、麵豉湯同甜品。金黃鬆脆的豬排上，鋪滿蛋漿，蛋味好濃好香!蛋汁熟度剛剛好，滑嫩順口！豬排炸得酥脆多肉汁！一口珍珠米再搭配滑蛋真係絶配呀！而且份量好足！茶碗蒸令人喜出望外，入口細嫩爽滑，仲有濃濃既湯味。普遍食到既只係蛋味比較重，但高湯其實係製作茶碗蒸既靈魂角色，要食到有濃郁既湯味，實在難得！最後以蜜瓜作為甜品，大大既滿足呀！不得不讚既係佢地服務真係好細心周到，見到我坐係冷氣風位，主動提供披肩。🍽9/10

銅鑼灣發現高質日料！一嚐高質日式午餐😆👌🏼🔸北海丼(北海道式魚生飯) $220刺身種類豐富 有帶子 蟹肉 三文魚子 海膽魚生新鮮 魚生片厚切 👍🏼海膽同帶子味道鮮甜！海膽撈埋啲飯食 好滿足！❤🔸牛照燒定食 $160個人比較喜歡食熟食定食！今次試咗燒牛肉定食 有意外驚喜😍係用牛排🥩燒 所以係有啲厚度燒完後仲細心地切到一條條方便送飯食！另外 牛燒得好juicy 肉汁豐富 仲帶有少許粉嫩牛味非常香濃 連同啲汁食 簡直一流😌✨午市全部set lunch都有配沙律菜🥗蒸蛋🥚同麵豉湯🥣 更正嘅係仲有飯後果 日本🇯🇵哈密瓜🍈！好清新香甜，推薦係呢度食高質午市套餐❤值得一試！

來到呢度，真係有驚喜，一入去，歡迎語當然係日文喇，但傾多两句，發覺待應都好似真嘅日本人，事關幾年前識得個日本朋友，都係咁樣講嘢㗎，而且入面都有4、5個日本客人，可惜我小學雞嘅日文水準係唔多聽得明。中午時分，Lunch Menu就係得呢張紙，話多唔多，話少唔少。叫咗個刺身定食，首先上嘅係前菜，沙律和蒸蛋，啲人成日話好似響日本，但此時此景你真係感覺到喺日本，身邊嘅人，食物，裝飾……個蒸蛋好嫩滑，内有香菇，有螺肉，yummy.跟住上埋刺身，白飯，味噌湯，咸菜。刺身有池魚，吞拿魚，魷魚，甜蝦仲有一樣叫不出名嘅魚，全部都鮮味十足，同係日本享用嘅一個樣。最後上埋甜蜜蜜的哈密瓜，切成三舊，方便享用，讚！唯一遺憾嘅係今日約我來嘅朋友因臨時有嘢做來唔到。

放假當然要約朋友，今日和朋友到銅鑼灣逛街，心想吃日本菜，便來到這一間正宗的日本居酒屋吃個豐盛的午餐。今日和朋友各點了一份定食，照燒牛肉定食($160) 和滑蛋黑豚定食($160)。先來的是胡麻醬沙律，份量少少很合適。咸菜味道確是很咸，不是太喜歡。茶碗蒸很香滑，每啖都有香菇的香味，還有雞肉，很美味!!照燒牛肉定食的牛肉有一定的厚度，肉質滑嫰。煎得剛剛好，表面全熟而內裏還有點血色的肉，是最美味的熟度!滑蛋黑豚定食用鍋上的，蛋超滑，配白飯是一流的!! 黑豚肉很有肉汁，口感很豐富，超惹味!!定食少不了有麵豉湯，味道不錯。最後，還有哈蜜瓜作為這一餐的完美句號! 超滿足!