天后站清湯腩

营业中

休息中

今日經過康城個商場，見到有天后清湯腩就第一時間入去食，今次點咗清湯牛三寶飯、沙崩腩河粉，仲有一碗淨手打牛丸。清湯牛三寶飯入面有牛筋、牛腩、同埋牛肚，牛腩轉咗坑腩，先講牛筋，炆得唔腍又唔太硬而且蚊到入曬味，鍾意食牛筋嘅我就覺得回味無窮，牛肚同樣出色，全部係金錢肚而且好爽口，牛坑腩就絕對值得推介，比普通牛腩更有咬口而且比較爽脆，可能中間有塊根膜嘅關係。沙崩腩河粉個湯底已經好有牛味，而且河粉亦都好爽滑，脂肪同肉質分佈好平均一層一層，口感亦比一般牛腩多層次，有機會一定會再嚟試。手打牛丸就好重牛肉味，而且好彈牙，鍾意食牛丸嘅朋友一定要嚟食。

今日放假去左日出康城個新商場行街食飯，選了這間天后站清湯腩食個下午茶，餐廳環境不算大，但乾淨企理。餐牌設計精美，食物選擇以粉麵為主，粉麵當中都有分清湯，酸辣，咖哩及擔擔麵系列，主打的牛腩都有崩沙腩，牛坑腩，蝴蝶腩等的選擇，價錢在商場中算是合理吧。這裡主打牛腩，所以點了一碗清湯牛三寶幼麵($61)，有牛腩，牛筋及牛肚。賣相不錯，份量頗多。湯底清而不膩，有陣陣牛香味，牛腩腍軟，肥瘦均勻。牛肚爽脆。牛筋Q彈軟嫩，食落感覺到它的膠質。幼麵沒有太大的鹼水味。另外一碗是水餃併墨丸腩汁幼麵($49)，賣相相對比較普通，水餃大大隻，十分飽滿，水餃是九菜餃，菜跟肉的比例一半半，皮薄又不易穿。墨丸都是爽彈的。餐飲可以跟餐加配。

兩個人係康城唔知食乜好，周圍行行吓，見到依間天后站清湯腩格局好似唔錯，就走咗入去試吓。咁因為午餐時間都多人排隊，咁等咗陣就有位。兩個人都好肚餓，所以一坐低睇咗一陣餐牌，就叫左兩個飯同叫咗個餸。清湯牛腩飯，先飲左個湯真係幾清，有好勁牛味，再食埋啲牛腩，半肥瘦，煮到好淋，又好入味，真係好好食！因為肚餓所以叫佢多飯，咁叫多飯真係好多！夠晒飽。上海排骨飯，啲排骨係即叫即炸，一嚟到好香，咬落去好鬆脆，食落唔會太肥，油都唔算太多，食落都幾好食，另外仲俾咗個湯我，又係好好飲。韭菜水餃，叫咗10粒，每粒都好大粒，皮薄餡靚，韭菜同埋豬肉都好多好均勻，每啖咬落去兩樣都食得到，真係好正。咁其實真係幾好食嘅，選擇幾多，下次會再嚟。

屋企附近開了這間主打清湯牛腩的餐廳，便試一試餐廳內裝潢乾淨企理，枱與枱之間空間充足清湯牛坑腩河粉 - 識食一定定要轉牛坑腩，此部位牛味濃郁，特別好吃湯底是用牛骨熬製的，十分清甜，牛坑腩十分軟腍，肥瘦適中淨鮮蝦雲吞 - 胡椒湯底配七粒鮮蝦雲吞，份量很多，而且每一粒雲吞都非常飽滿雲吞皮非常薄，內裏原粒鮮蝦，十分鮮甜，味道十分有驚喜淨魚蛋墨魚丸 - 胡椒湯配上雙拼丸墨魚丸過魚蛋非常彈牙，配上微辣的胡椒湯，十分惹味飲品可有跟餐價，凍檸茶和五花茶都不過不失這間招牌清湯腩果然沒有令人失望，加上鮮蝦雲吞有驚喜，絕對值得再來

今日第一次去康城商場，剛到埗諗住搵啲嘢食，就見到呢間天后站清湯腩，見咁多人話呢間好食，就揀咗呢間入去試下啦。三個人食，叫咗兩個招牌清湯腩河，我地+$6轉做崩沙腩，另一個叫清湯牛腩飯，同埋另外叫咗一個小食腩汁蘿白。嚟到碗河有5小條清湯腩，賣相好一般，但賣相唔代表啲咩，試一試個湯底，水嚟嘅，咩味都冇，崩沙腩味道都還可以 。之後試下朋友個普通牛腩飯果啲牛腩，完全分唔到同崩沙腩有咩分別。最後個腩汁蘿蔔到食完都未嚟，好彩佢冇嚟， 可以食少樣。以五十幾蚊一碗麵嚟講，呢間嘢真係唔值呢個價錢。完

自日出康城商場開幕後未去過，聽聞開左不少新餐廳，朋友話想食🍜，於是來到天后站清湯腩。環境燈光鮮明，左邊墻上貼了各種腩肉既介紹方便食家選擇。我地選了坑腩粗麵，沙腩擔擔面沙腩擔擔面和菜心配豪油。不消5分鐘🈶得食，沙腩擔擔面，醬汁香辣，沙腩偏爽。至於坑腩粗麵，賣相不錯，一排坑腩整齊鋪在面上，有蔥花陪襯，先來一口坑腩，牛肉香的確濃香，爽韌，口感佳，坑腩份量算多。菜心菜綠油甜，新鮮好味。整體而言，味道不錯喔

康城好多新樓過黎探朋友前去醫下肚商場的確有不少的餐廳中西日式火鍋也有想簡簡單單食個快飯傳來一陣陣牛腩味坐低試左坑腩爽腩河腩汁蘿蔔，醉雞特別叫坑腩爽腩要加6蚊不過一場黎到，對自己好啲環境闊落，坐得舒服坑腩肥瘦適中大大件，好滿足個湯清清地河粉是比較驚喜的地方一般食清湯腩的地方會將河粉煮得過熟今次兩碗的河粉雖然幼身但可以做到彈牙而不易斷實屬難得多吃也不膩爽腩有一層筋膜適合想要多重口感的人醉雞酒香撲鼻雞肉都嫩滑腩汁蘿蔔腩汁味濃蘿蔔清甜加上抵食份量多

今天到康城The LOHAS選購家品，順道在商場午餐。見到【天后站清湯腩】人流不絕，想必是信心保證，便來嚐嚐。正值中午繁忙時段，店內翻台率極高，與朋人分配坐到卡位一邊。餐牌選擇尚算豐富，除了傳統口味湯粉麵，還有酸辣粉、擔擔麵、飯類及小食。點了"清湯牛腩河"，加$6升級成坑腩，再加$8配了菜心，大大碗賣相不俗。坑腩是牛胸肋骨附近的腩肉，陣著不少軟膏，吃下肉質腍滑，牛味濃郁。湯底清甜甘香，帶點藥材味道。河粉滑溜，加些辣椒油同吃，更添滋味。朋友點了"淨擔擔麵"，上海幼麵煮得軟硬適中，麵質軟滑稔香，拌勻碗底的花生醬，麻香味重，辣度不高。配料有蔥花及炸菜粒，簡單中不失味美。"淨鯪魚球"以上湯白灼，吃下彈牙爽滑，果皮味道突出。雖然沒如油炸般惹味，卻能嚐到魚肉的真味。點粉麵加$6可配熱奶茶，加$10可選支裝豆漿，價錢也算合理。

近排天氣稍涼 晚餐想食碗暖暖嘅湯麵就揀咗呢間專食牛腩麵嘅清湯專門店就係喺康城入面嘅天后站清湯腩時間尚早都唔算好多人排隊好快就有得入去食啦～有唔同款式可以揀有清湯有咖喱有酸辣有飯有面任君選擇係我十五十六嘅時候 又想食牛腩又想食牛筋又想食金錢肚就揀咗個三寶清湯米粉！全部牛雜都煮得好入味～～簡單配個米粉已經好和味唔夠喉我仲加咗菜心 同埋佢哋個鮮蝦雲吞都好彈牙～值得加配我見佢哋個咖喱湯麵都好似好吸引～下次你就等我試吓先

Guangdong Style Beef Noodles❤️🐮🍜..有時夜晚想吃的清清地，有咩選擇❓ 其實一碗港式牛河都係不錯選擇，簡單清淡之選，2碗湯河+2碟油菜，吃得Green 一點，平日好少菜啊。ll $61Beef Brisket, Tendon & Tripe Flat Egg Noodles招牌清湯，但味道清甜，加上三寶：牛腩、牛肚、牛筋，都係餐廳招牌之選。配上幼蛋麵🍜，有啖啖獨特鹼水味，而且夠爽滑啊。ll $49Curry Beef Tendon Flat Noodles咖喱牛筋另上，可因應自己口味調配濃度不錯💛。牛筋炆得軟淋入味，加上滑滑河粉，好耐冇食過😚。ll $19Radish in Beef Sauce蘿蔔清甜，大大舊吸晒腩汁都不錯吃。ll $21Chinese Kale w/ Oyster Sauce芥蘭夠嫩🥬，簡單蘸點蠔油已吃到菜甜。..簡簡單單之選❤️，另外餐廳既自家包製既餃子🥟 亦值得一試，餡料足大大粒，真的很讚😚。..×××××ש將軍澳康城路1號The LOHAS 4樓422號鋪..

星期六, 去開康城, 睇下佢個新商場, 行咗陣見肚餓, 經過呢間牛腩舖（後來發現係唯一一間牛腩面舖）, 諗住試吓睇咗個餐牌, 價錢係平時面舖嘅双倍未計飲嘢, 明嘅始終係商場舖, 間舖唔係話好大, 叫咗5分鐘都冇人落單, 最後叫咗個牛腩河,又等咗5分鐘面到, 先試下個湯, 冇味, 算數, 諗住叫佢比啲魚露, 阿姐竟然回我冇, 坦白未試過腩舖冇魚露, 好我試戲玉“牛腩“, 一咬, 嘩十九幾句粗口想脫口而出, 點解可以硬成咁, 係你冇聽錯, 係硬, 比起韌更勝一皮呢間嘢唔會有下次

友人約吃飯 一同走入康城尋覓The Lohas 新商場 有一間清湯腩都很多人在外面等位置友人又愛吃牛腩 所以就選擇-天后站清湯腩餐廳位於商場裏面環境潔淨裝修富有港式風格除了牛腩麵外 餐廳都有其他麵可以揀今次目標 - 清湯沙腩併牛丸麵So far so good la店員標榜堅持選用100%鮮腩碗沙腩係無牛so味肥瘦均勻 肉味濃郁牛肉上下夾住層脂肪 油香味濃而牛丸咬落去都爆汁 彈牙爽口另外再叫了上海排骨酸辣粉拼蝦雲吞排骨炸得鬆脆酸辣湯 看似不太辣食落 不一樣 酸酸辣辣 會上癮個人欣賞薯粉 唔會太難咬斷 飲品跟餐叫了杏仁霜 + 鴛鴦

喺康城The LOHAS覓食，想簡單快趣食碗麵，響商場打個圈，見到呢間清湯腩，咁得意喺將軍澳但名字叫「天后站清湯腩」，仲見到餐廳乾淨企理又符合我今日簡單食碗麵嘅要求，咁就決定入去開餐😆要咗$61嘅「清湯牛三寶河（有牛筋、牛腩、牛肚）」，加$2轉伊麵，加$8加菜，加$10要菜肉雲吞，另外再跟餐加$6要個「熱檸水」😋「清湯牛三寶伊麵」好快就嚟到，大大碗賣相幾靚🥰，牛腩牛肚牛筋都好好味，特別係竟然連牛筋都有濃郁牛味，又好軟熟，真係好正😋；菜肉雲吞有兩粒，亦都味美😋

天氣轉涼又想食暖少少既野，就當然首選食牛腩!清湯牛腩配飯清湯真係好鮮味而且材料十足又唔會腥，牛腩淋得嚟牛味好濃而且肥瘦適中，就咁食已經好正，配埋飯一齊食更加夾，撈少少湯食仲好食過出面既湯飯!咖哩牛三寶有齊牛筋、牛腩同埋牛肚，咖哩唔係好辣既個種而係香料味突出，濃味之餘又唔會搶去牛味，味道好特別而且配飯又係絕配。另外仲會俾多碗清湯，加埋一齊食又可以有食清湯腩既味道! 牛肚爽口而且冇筋，一咬就咬到唔會韌。整體十分高質!

康城開左好多食肆，行過見到呢間有崩沙牛腩，之前友人在將軍澳寶盈花園食過，說個清湯腩做得很不錯，咁又進去開餐啦😘呢度嘅食物配搭都幾多元化，除了招牌清湯崩沙腩、坑、爽腩外，還有豬手、醉雞、雲吞、牛肉羹....的美食☺️。#咖喱牛根配米粉 （併雲吞）見佢個湯底都好清下，以為冇咩料到🤨，但飲落都清甜啊，加配了雲吞有2粒，蝦肉食落新鮮，咖喱味香而辣度溫和，牛根淋而入味，有煙韌既口感，配搭的米粉份量都多。#崩沙牛腩河粉（友人叫）湯底以新鮮牛腩+牛骨以及其他配料制成，牛味濃郁，清甜回甘。我試了一舊崩沙腩，肥瘦均勻，食落有牛脂香味，兼且唔會黐牙😘。#菜心份量大，都足夠2人食用😘。飲品跟餐價～熱飲每杯只須 +$6，而凍飲則+$8便可，真係抵飲啊！