天香樓

营业中

休息中

天香樓，果然名不虛傳。龍井蝦仁：用雨前龍井同埋河蝦，冇錯，係用好靚嘅河蝦，香港應該係只此一家。你會食到蝦味，蝦肉嘅自然質感，再配合龍井茶葉嘅清香，好正宗。生爆鱔背：用新鮮黃鱔，只係用背脊肉所以冇哂骨，爆到靚脆，絕不是乾爭爭的脆，而是帶有煙靭鬆軟的脆，調味一流，這種高水平相信香港只此一家。東坡肉： 天香樓嘅東坡肉做到有肥油但係唔肥膩，妙！ 伴著東坡肉上枱嘅湯汁直情可以飲埋佢，唔肥唔滯。「東坡肉已經出咗油，所以放心食，放心飲啦」，樓面海哥笑笑口咁溫馨提示，可能驚我哋會怕肥。其實我一啲都唔驚，食東坡肉一定要有肥膏，如果只係食瘦肉，不如唔好食，哈哈！蝦子竹筍： 「竹筍現在當造，整碟蝦子竹筍啦，包靚！」 海哥又再溫馨提示。竹筍的確好清好爽，冇酸味，加埋蝦子嘅香，簡簡單單，咁又一味靚餸。蟹皇翅： 原來係用生拆大閘蟹嘅蟹膏，唔怪得知咁好味，更何況天香樓嘅大閘蟹一向都特別高質素，蟹香真係贏人哋幾條街。魚翅嘅份量亦都唔少，裝到個碗滿滿的，我就問海哥有冇三兩翅，海哥笑笑口咁答：「冇三兩，得二兩九咋」，係咪玩我呀海哥，哈哈！呢碗蟹皇翅絕對係頂班嘅質素，不可不吃。酒釀丸子：令人驚喜嘅改良版。一向都覺得酒釀丸子

天香樓，香港老派菜館 必有其/\面威風之處 :花雕求飲;黃魚必食；醉鴿解饞，此為天香。 對不起，不時不食，未嚐大閘蟹，遺憾……沒有估計這一條煙煄黃魚是 天香樓 一味登峰造極的極品。問到資深顆記，這魚每天由產地先燻熟再即運到港，外面食唔到,如同其25年陳 花雕 一般，識欣賞先欣賞啦。 By the way $790蚊一條魚 ，其實一條'瓜子'價，唔平，但肯定食完，無後悔。講咗，起碼25年陳 花雕，望住 顆記 由酒酲潻起，香、清、純，此乃天香……蟹黃麵…………本人評價略有腥味，或不應季節，本應不鮮不食吧……麵條略粉……醉鴿，天香 馳名菜。 鴿，烏中幼嫩紅肉，以酒來調，佳品也……龍井蝦仁……容 區區 在下說聲，不及乃父下廚之餞，只為不過不失。油泡田雞腿，不得其風味，可不試……煙魚酒醇為何物，此應天下第一香

我愛天香樓天價嘅食物，「癲」喪嘅服務---最低消費$700，可與5星酒店中餐爭一日之長短，手寫價錢餐牌可隨時更改，傳統中帶彈性（即時加價）真心「香」，佢吾「香」，客人就遭殃---新客打電話預約並不會主動提及最低消費，"因公司規矩，客人致電吾問吾會講，驚講左以為睇唔起客人", 好窩❤️堅「流」，一流嘅位置，狗流嘅待客之道---未睇餐牌前未知需要$700最低消費，用了5分鐘看畢餐牌至最後一頁才知道，有感不滿表明希望離開，杯茶未飲過張櫈未坐暖，客服專員話「一定」要收每人$30茶錢即便茶還是暖。夠堅持！癲·香·流 - 冇得輸 ，想試香港最地道最原始嘅黑店，必試，包你一試難忘...p.s. 如閣下前世未見過屈原，可以去碰碰運氣，因本人下午比佢「屈完」

一定唔可以去天香樓 ！ 千奇唔好去 ！ 超伏 ！不過如果去記住入到門口問下最低消費係幾多 ！我冇 open rice account 都要開一個來鬧爆呢一間天香樓 ！今日母親節 ， 同左屋企人到天香樓食晚飯 ， 入到去佢地問我茶定水 ， 我答茶 ， 佢就俾茶我飲 ， 之後睇餐牌，睇到最尾果頁竟然大大隻字寫着 「每位最低消費 700元」，我地 5 個人食要 3500 ，實在太貴，就好好語氣同佢講唔好意思 ， 唔啱食 。 點知佢要收我每人 $30 茶水但我冇飲過 . 之後我地同佢講話佢應該訂位嗰時同我去講有最低消費 ， 佢話公司規定個客唔問就唔會講 ， 費是個客覺得佢地睇唔起個客 。 但其實佢地有責任話比人聽最低消費 ， 而家同搶有咩分別 ？ 佢唔好寫 $7000 ？佢唔好寫 $70000 ？之後我地同佢講 ， 佢話 ：「 7000 又唔得 . 」我心諗 ： 錦你更家睇唔起我啦 ， 覺得我地比唔起 7000 但 700 ok . 最後比左 $120 茶水同咩都冇做 ， 淨係同人吵左場交，可以呀 ！本來開開心心嘅母親節就咁比呢間天香樓 ... 唉... 呢間真係只呃遊客錢嘅老字號 ！ 老字號

每逢大閘蟹季節，都會call天香樓VIP朋友YY來吃一餐超豪的大閘蟹宴，因為同她來會有discount同埋有得飲呢度啲VIP陳年花雕酒。期待已久的晚宴，雖然真係好貴，但食得開心盡興。好彩大閘蟹每年只當造一個月，如果唔係真係會食到破產，$1000元一隻7両大閘蟹喎，they better be very very good...陳年花雕酒(30年)賣$280半斤，相對上好抵飲。先用鼻聞吓，真係好香，色澤深到好似普洱茶咁。淺嚐一口，花雕味好醇，一啲都不"那"喉。一邊喝着靚花雕，一邊吃着靚大閘蟹，同場加映容祖兒及師兄，呢餐真和味。好啦！！！要上大閘蟹啦！！！好緊張呀！！！$1000蚊一隻(7両)喎！！！唔好食會好想喊！！！結果係...4隻裡面有3隻係爆膏的，有一隻黄膏少，白膏卻超多。整體上蟹膏超杰身，好甘香，是好好吃的。平時食大閘蟹大家都不會細味啲肉，但天香樓的大閘蟹連啲肉都係超清香的。我地當然連蟹腳都仔細品嚐啦，啲蟹油多到連腳爪都有。咁究竟值唔值$1000蚊一隻呢？係好好味嘅，不過一年只適宜食一隻，如果唔係真係有點太奢侈了。話到明係超豪，當然唔好比佢停啦！大大碟炒蟹粉用來撈豉油麵就最正

天香樓是馳名老店，馳名原因是選料靚，亦出名貴，常有富豪級顧客惠顧。上一次來已是很久以前，但員工仍是那一班老伙計。跟其中一位閒聊，原來這是他第一份工，一直沒有轉工。酸薑很爽脆，連我不太吃薑，都吃了兩片，很開胃。（7/10）醉鴿肉很厚，仍保持嫩滑，酒味很入味。（8/10）熏鴨併素鵝，素鵝不是炸脆那種，嫩嫩的腐皮，不會油膩。熏鴨不肥，帶煙熏香味。（7/10）炸田雞腿形狀很特別，是一對腿上的，不似市面一條腿獨立上。要沾椒鹽才夠味。最喜歡下面脆脆的葉。（7/10）煙熏黃魚熏得金黃色，單看顏色已很誘人，魚油加上熏香的味道，把香味再提升。（9/10）蟹粉翅是重點菜式，蟹粉是多名員工圍着一起人手拆的，夠新鮮、份量足，翅亦發得夠時間，加一點點醋，超級美味！（10/10）另點了冬筍塔菜，冬筍正當造，很爽口，可惜汁太𤇍。（7/10）侍者建議醋撈麵，可是太飽了，但還是加蟹粉更好味啊。（6/10）鮮菓酒釀丸子，全是鮮菓，有芒果、士多啤梨，還是有甜品，才能為一餐完美作結。店內設計懷舊，只有屏風作間隔，牆上也有畫，一派清雅的佈置。唯獨洗手間要路經廚房，洗手間也是非常舊式的，有點過時。員工都是在此工作多年，非常親切。

回尖沙咀老家同家人吃飯小孩時爸爸喜歡帶我們來這裡十多年無來，有部份裝修了其他的如檯椅都一様叫了龍井蝦仁，樟茶鴨，田雞，鹹肉塌菜仲有蟹粉撈麵，素鵝蝦仁除了爽口彈牙外，調味很香蟹粉撈麵有很多蟹膏，亦有勁香蟹味麵撈埋蟹膏的醬油，甜甜地幾好味一家五個人叫了兩碗分享椒鹽田雞食落似落粉之後炸田雞肉質十分香口惹味樟茶鴨肉質好嫰，外皮有點脆有陣香濃藥材味，又似有花椒八角味其他食物普普通通，所以吾多介紹題外話就是以前來成都見到好多富豪光顧記憶中班老伙記曾經同我地講呢D富豪習慣食完天香樓立即行去隔離的富瑤酒家再繼續食的不過現在的富瑤都吾見到，可能結束了今晚見到的只有兩檯日本人，似乎是旅行社帶來證明呢度其實在好多外遊人仕都知道的知名食店

第一次來到呢間老字樓天香樓食飯 感覺有d似已結業的北京酒樓 真係唔知價 入到黎見到menu先知其實都唔平 見到一碗細細碗一人份的蟹粉撈麵都要$480! 希望下次來可以食到 今次我地就叫左以下4款菜 細份的龍井蝦仁 蝦仁非常爽口排南係我第一次於酒樓咁樣食的菜式 其實就係蒸咸肉 只係呢個真係特別香！醉鴿 平時食乳鴿細細隻 未見過咁大隻 餐廳職員話呢隻係頂鴿 係最大隻的 本來以為係老d既意思 但食過好滑好多肉 一點都不會老 酒味亦不會太濃醉鴿最後就係呢個咸肉塌菜 餐廳職員話呢隻菜全港無乜邊幾度有 佢地可能係極少數的其中一間 而呢個菜 係我地三個人有兩個都唔多鐘意食菜的情況下都覺得好好食 推介推介雖然餐廳opening hours寫係呢個時間 但我又聽講過佢地會早關門的

一看餐牌，只有三至四成食品有供應，極少選擇。普通菜貴價價錢，貴價菜極貴價錢。再看，原來每人最低消費$700。夏季時間，極力推消蟹粉。包點粉麵飯全冇，除了蟹粉撈麵。

一家大細諗住一齊食餐好，喺呢度睇到老字號，可能不錯，就去試下。要預訂，有次沒有預訂，就吃了閉門羹；全店枱7張，用屏風分開，店內地方好窄，坐得不舒服，剛看到菜牌，即時嚇了一跳，有張紙仔寫著每人最低消費七百幾，當日我地十多人，隨即問侍應是甚麼回事，他就靜靜地說隨便點菜吧，不用理會那紙仔，前菜:馬蘭頭，好像雪菜，加豆腐乾炒，好淡；醬鴨和肴肉太鹹；海哲一般；主菜: 雞骨醬：鷄味不足，有雪味；椒鹽田雞腿，完全沒有椒鹽味，只有一埋炸粉，沒有味，得個大隻；生泡鱔背，味道一般；龍井蝦仁，冇龍井味，尚算爽口，好多油；炒豆苗，好多油，太油膩；湯太咸，好多肥肉；當晚只有幾枱客，這沒有那也沒有，連白飯都沒有，每道菜平均也要百幾到幾百元，完全不值，一定冇下次！。

一直很想去試天香樓，終於和家人去吃大餐啦！醃羅白片, 口感爽脆的羅白片；不過不失，但沒太大驚喜前菜拼盤：鴨舌 素鵝 醬鴨  一點也不咸哦！花雕，不太懂喝酒 但很醇亦容易入口龍井蝦仁 蝦仁很爽口 龍井味不濃馳名炸田雞腿 很鬆化 肉又很嫩^^ very impressive 炒鱔片 送飯一流！當然要吃蟹粉啦！送面一流！=]  

大閘蟹季節又來了, 據知今年大豐收, 靚蟹瘋擁至香港. 而每月一次的靚太們" 二五會" 聚會, 今次就由蘇太 Lilian 為我們安排這間是她跟老公的飯堂之選 " 天香樓". " 天香樓"我也不用多介紹吧, 是吃大閘蟹的一哥!好了, 因為蘇生蘇太的關係, 酒樓特別留了兩壺頂級花鵰給我們. 香味極濃, 酒身濃郁, 不用下話梅已經十分好味, 是我喝過最好的花鵰...但酒樓說這種酒平時只有極少量, 沒有經過調較, 全留給VIP. 所以, 不跟蘇太去也不會有機會喝到的....先來些有名的前菜, 首先是"素鵝" 醉乳鴒還有我最愛的" 椒鹽田雞腿" 勁好味.... ( 我們還笑說這道菜叫" 腿張開" .....)靚太們吃有名的" 蟹粉翅" ( 希望她們可以支持環保不吃魚翅啦)我支持環保不吃翅, 就改成" 蟹粉魚肚", 勁好味 . 但如果可以用碗上更好. 其實魚肚跟魚翅做起來真是一樣味道啦....希望大家也可以支持一下啦. 主角出場了, 一人一隻正宗陽澄湖大閘蟹, 每隻也有接近八兩. 好大隻. 打開後, 香味四射, 其實我的蟹已經比她們的少膏了, 她們的真是好好. ( 永遠都是隔離飯香呀..

九月中旬‧晴這裡的東坡肉已走下坡？是的，這是不爭的事實；這裡的富貴雞已不再對辦？沒錯，我是同意的；這裡的菜式偏貴？我是舉腳贊成的。但這裡的蟹粉是全港最好的，這也是真事。蟹黃的比例高，全用上蟹身的肉而吃起來鮮甜香濃。膽固醇超標的我因為工作在身，也要試上一口才可以說出以上的評語，大家說是不是？最適合的就是襯上熱燙的盅飯，這是我的終極推介。

在杭州遊遊覽後，也吃不到滿意的杭州菜，回港後和一班食友一起來這老字號。四泠盤：醬鴨，肴肉，鴨舌，海哲，保持一貫水準。龍井蝦仁：清爽有茶葉香味。炸嚮鈴：酥脆香口，一致讃賞。煙熏黃魚：煙熏味足，可惜黃魚不夠肥美。煙熏田雞腿：煙熏味不及黃魚，田雞味不夠鮮甜。蟹粉魚趐：蟹粉香濃，但魚趐不夠軟滑。雞骨醬：本港雞的通病，鷄味不足，但冬菇及竹荀好味。醬炒六月黃：六月黃羔足肉鮮，但年糕和毛豆才是主角，全部給我吃清。蔬菜兩味：咸肉塔菜，百頁毛菜：菜嫩味足，清一清濃郁的味道。砂窩雲吞鴨：湯水香濃，火腿味，鴨味各自精彩。甜品：酒釀丸子，八寶飯各一，食友說很地道和美味。最後伴餐當然是陳年花雕，不用再記，也知是極品。各食友也很滿足的一餐！

太座升職加薪，於是到她心儀已久的天香樓晚飯慶祝。事先已睇過食評，擬定好要點的菜色計有︰前菜拼盤︰鴨舌、馬蘭頭、醬鴨($24X)︰醬鴨太鹹，有點似廣東的蠟鴨；馬頭蘭的菜好像雪菜，加豆腐乾炒，偏鹹；鴨舌味道一般。炒蟹粉(小)($7XX)︰聽說是這裡的名菜，當然要試，加炒麵撈來吃，味道只係一般，一定不值那麼貴。酒釀丸子(免費)︰有食評講過話好好味， 我真係唔覺特別好食，好一般。另點了兩罐啤酒，咁大間老字號，連樽裝啤酒都冇，好失望！兩個人埋單一千兩百幾，以我們點菜的份量計，真係超貴！菜式味道只屬一般，就算價錢減半我都覺得係太貴。無辦法，為一遂太座心願。一定冇下次！