天鳥居酒屋

营业中

休息中

天氣咁凍梗係要去打下邊爐啦~ 咧個火鍋+放題套餐就啱曬！！我哋叫咗個美國牛頸脊套餐。一定要講下佢嗰兩款牛肉。我一直好中意食牛板腱，唔會肥之餘，肉質唔柴，另外有啲筋夾喺肉入面，食落好有口感。至於牛頸脊呢，就係喺牛頸及肩胛之間嘅，係牛隻活動最多嘅部位，見佢脂肪唔多，分佈得又好平均，有肉味之餘又有咬口，咧兩款肉啱曬中意食肉又怕肥嘅人（我）！！玉子同蟹柳不嬲都係我摯愛，佢啲小卷包住玉子同蟹柳嘅飯唔多，可以留多啲quota食其他嘢。佢個醋飯其實幾好食，如果唔係食放題真係會叫多幾碟～至於甜品，講真唔係好多地方有蕨餅食，有都頗貴，佢咧度趁住放題就梗係點都試下啦～ 好香抹茶味之餘，蕨餅唔會好甜，配上抹茶粉嘅微苦啱啱好，煙煙韌韌咁好好食！佢仲有好多小食同火鍋料可以叫，不能盡錄。特別提下佢咧度竟然有陳皮魚蛋，真係唔多打邊爐嘅地方會見到，中意嘅不妨去試下！！

以前去T Town 嘅天鳥居酒屋都係食壽司/日本料理，覺得幾高質。最近睇到佢推出100分鐘任食火鍋放題，即刻試試佢。佢有4款套餐、9款湯底任選配搭，我哋今次就揀咗美國牛頸脊套餐，湯底方面就揀咗招牌胡椒豬骨同椰子雞鴛鴦鍋。揀得美國牛頸脊套餐，率先就試佢嘅2款牛肉一美國牛頸脊&美國牛板腱。牛頸脊係厚身肉切，牛肉爽口，就算煮耐少少肉質都唔靭，好味👍🏻而牛板腱都唔輸，脂肪分布均勻，食落一啲都唔油膩。招牌胡椒豬骨嘅胡椒味極香，但又唔會好辣同嗆口 ，加左個索湯汁嘅響鈴同公仔麵，吸晒濃湯精華，味道即刻升級咗。而椰子雞係清香椰子味，適合想清清地食火鍋嘅朋友。呢度係用QR code 落單，自己可以喺醬料區調醬，飲品任拎，啤酒同清酒都可以任飲！仲有叫佐酒小食，大快朵頤🤭

難得入到黎天水圍梗係要食啲好野 今次黎到朋友介紹嘅餐廳食飯 係一間居酒屋黎🏮 但同時提供左火鍋放題 幾特別🤣🍀美國牛頸脊套餐咁我地揀左個牛頸脊套餐 同埋滋潤花膠雞湯鍋 湯底幾清 淥野食都冇咁肥膩😉 美國牛頸脊牛肉味濃厚 口感有嚼勁 點少少豉油都好好食🤤 牛板腱有咬口 牛肉味幾香濃 而且肥瘦適中岩岩好😚 鹿兒島和牛丸好好食 咬落去啲汁爆晒出黎 而且味道好濃郁😋 鹿兒島豚肉眼口感煙韌有咬口 幾入味 吾錯☺️🍀小食放題除左火鍋食材 仲有20款小食放題 當中有黑松露炸薯條 吉列炸蝦 炸雞塊 芝士年糕 牛肉薯餅等🤩 而我看得最好食嘅係炸蝦 炸雞塊 都係新鮮熱辣辣上枱 夠晒香脆🥰

上星期元宵佳節住天水圍的朋友說他家附近 有花燈會的花燈好靚上網睇過相片又真的很值得一看於是放工就搭車去左天水圍影完相之後朋友帶我去左附近的T-Town在商場二樓的天鳥居酒屋食日式火鍋餐廳是日式屋酒屋有拉麵、烏冬、鐵板燒、壽司、火鍋等門口掛滿日式燈籠及日式擺設別出心裁入到餐廳裏面就好似身處日本當地居酒屋的感覺估唔到天水圍都有如此用心的餐廳 我地係俾佢個火鍋放題套餐吸引左入黎放題套餐不同肉類不同價格我們選了$248一位的100分鐘任點任食飲品亦可以無限暢飲重點係有清酒 都係無限供應飲到你夠 飲到你醉 正呀 湯底方面亦有多款可以自由選擇我們選了滋補花膠雞湯湯滾了先喝一口湯湯底香而十分鮮甜超足料有唔少片花膠雞件大件而且多肉肉質嫩滑 肉方面 店員先會提供一份有齊幾款不同部位的拼盤試左1 round就可以按自己喜好用手機QR code落單無限添加上菜速度好快唔會浪費時間牛肉方面比較喜歡美國牛頸脊牛味濃岩晒我呢D牛魔王而牛板腱肉質就比較嫰滑但我最覺得最驚喜的是豚肉這個鹿兒島茶美豚肉 肉質嫩滑到不得了有之前去鹿兒島旅行食shabu shabu的質素 另外都仲有其他蔬菜、主食、肉丸、菇菌、小食等等當中牛

家住天水圍嘅閨蜜約出來聚一聚，原先想北上食，但食物質素不及香港，於是就系天Town 揀咗呢間#天鳥居酒屋 食個火鍋放題！我地揀左美國牛頸脊餐$496/2位，即使火鍋有不同的湯底，有蕃茄湯底、日式地獄鍋、朝鮮泡菜鍋等。但我吔嗌咗滋補花膠雞鍋來滋補腸胃，先飲一啖湯暖下胃，味道可以。日式居酒屋其小食都幾唔錯，黑松露炸薯條、芝士年糕等前菜！叫咗黑松露炸薯條，黑松露醬真係好重，配搭薯條脆卜卜真係值得一試～！餐廳飲品都好多選擇，有椰青椰皇/紅白酒/啤酒/汽水同樽裝茶等等。先送上呢個拼盤有美國牛頸脊、五花腩豚肉、鹿兒島豚肉眼同埋美國牛板腱。牛頸脊好吸引，軟軟嘅口感好得意，又有啖啖嘅牛味，食過翻尋味即時encore 多幾碟黎食。雖然得100分鐘時限，但上菜速度都好快，單單可以冇限量食牛肉就已經值得encore，呢間可以擺落我個pocket list入面。

天水圍高質量日式火鍋放題，品嚐獨特湯底！這次光顧的美國牛頸脊套餐，以經濟價錢享受款71優質食材。眼闊肚窄，絕對夠滿足了。下單後，上菜的速度非常快，一瞬間就對舖滿整個檯面了，明火爐火力很猛，十分給力！👉🏻我要吃肉肉👉🏻澳洲和牛金錢展👉🏻鹿兒島茶美豚肉眼👉🏻鹿兒島和牛丸👉🏻美國牛頸脊👉🏻美國牛板腱小食特別推薦唐揚炸雞、吉炸蝦和芥末生八爪魚！壽司就有三款反卷，選擇不多，但勝在即點即制，精緻美味！而蔬菜也是乾淨衛生，放心食！👉🏻胡椒豬骨雞腳湯底私心大推！滿滿胡椒香，大豬骨和雞腳煲出濃郁豬骨湯，飲下去微微鹹香辛辣，用來燙熟食物非常提味，基本上食材都不用再點調味料了！

天氣突然轉涼，最啱就係打邊爐😍 平時都係食開啲牛乜牛物，今日醒起之前見過呢間有打邊爐又有日式嘢，放工就即刻去食嚕🤣放題形式真係好啱我呢啲咩都想食吓嘅人，全場爆滿咁濟😎 餐廳入面仲可以見到好大幅好靚嘅富士山畫添🥰1️⃣ 美國牛頸脊套餐🐂揀咗第二個ʟᴇᴠᴇʟ嘅呢個sᴇᴛ ，因為呢個sᴇᴛ有豬又有牛，咩野都有啲😆9款湯底任揀1，我就揀咗要鵝血麻辣鍋，湯底越煲就越濃郁，令到鵝血同豆腐芽菜呢啲認真好惹味😚介紹下啲肉肉俾大家先🙌🏻 中意食豬肉嘅朋友仔一定唔可以錯過鹿兒島茶美豚肉眼同五花腩豚肉，鹿兒島茶美豚肉眼食落比較瘦，肉質好鮮嫩好ᴊᴜɪᴄʏ；五花腩豚肉而後者就比較爽口，肥而不膩😍———牛魔王必食美國牛頸脊同埋美國牛板腱，呢兩款都好重牛味🐮美國牛頸脊食落係爽口煙靭🙈而美國牛板腱比較結實有咬口😚丸類好彈牙，牛小腸都係第一次食，油脂都較重😆2️⃣ 飲品🍸飲品方面除咗平時見開嘅罐裝同紙包飲品外，就連啤酒同清酒都係任飲㗎😍 而小食有成20款，配埋小食就一流🙊最鍾意就係黑松露炸薯條同埋芝士年糕，實在係太邪惡太好食了🤤連壽司都有好幾款，一啖食落去好滿足😌3️⃣ 甜品🍮食到最尾一定要有甜品🤩 呢度有雪糕杯、雪米糍、雪條、

天鳥居酒居係天頌苑屹立多年，剛剛見到出了一個全新火鍋放題，火鍋控當然要試吓啦！人均消費二百多元就能吃到極高品質的安格斯牛肉放題!套餐包括多款牛肉，前菜，壽司，炸物小吃等等，飲品除了紙包飲品和可樂之外，還有啤酒🍻和男山大吟釀無限量供應！九款湯底選擇，加多$20可以雙拼。鍋底用料非常豐富，越煲越濃郁，麻辣湯底非常惹味，安格斯牛頸脊，牛肉脂肪分布平均，輕輕淥幾秒就食得，而且牛肉香味非常濃郁！薯條，炸蝦🍤，加州卷，即叫即做！自助甜品前菜區有很多選擇，雪米糍，雪糕，泡芙等等！丸類蔬菜，亦有三十多款，推介和牛牛丸，爽彈多汁。平日都滿座，可見餐廳口碑不錯！餐廳咁大，客人咁多都無出現漏單，抵讚！店員出餐速度非常快，追加牛肉的質素亦是同樣高質。

天鳥居酒屋最近做埋火鍋😍😍任食火鍋放題美國牛頸脊套餐 $248第一次嚟試咗鴛鴦湯底鵝血麻辣鍋胡椒豬骨鍋冇諗過一間日式居酒屋嘅火鍋湯底可以做得咁出色！胡椒豬骨鍋味道超濃超正！必試麻辣鍋都有料到，有麻香味！最鍾意食牛板腱，牛肉味濃，脂肪少食多兩碟都冇咁有罪疚感😂呢間居酒屋日式小食一向唔錯黑松露炸薯條、芝士年糕、芥辣八爪魚都好好食又可以打邊爐又可以食日式小食滿足🤩 可以encore 早鳥優惠更抵食🫶🏻

天鳥居酒屋係天水圍一向抵食高質，從網上得知出了人均消費二百多元就能吃到極高品質的安格斯牛肉放題!當然要試一試啦。有十款湯底選擇，今次揀咗牛骨和麻辣，湯底味道濃郁。澳洲安格斯牛肉，牛肉脂肪分布平均，不會過肥，輕輕淥幾秒就食得。店員出餐速度非常快，追加牛肉的質素亦是同樣高質。亦有很多不同餐前小食，黑松露薯條，加州卷心點自助甜品前菜區有很多選擇，木糠布甸，奶凍，雪糕等等！丸類蔬菜，亦有十多款，推介墨汁花枝丸，用料十足，有大大粒墨魚喺入面。雪櫃除了可樂，紙包飲品之外，還有自家製花茶。平日都滿座，可見餐廳口碑不錯！餐廳咁大，客人咁多都無出現漏單，抵讚！

呢間餐廳睇門面以為係普通日式餐廳，但估唔到原來有得食任食火鍋👍🏻我哋揀咗五花腩豚肉餐($198)，每人包一set 五花腩豚肉及鮮雞件，五花腩唔會太肥，雞件亦夠嫩滑，而贈送嘅鹿兒島豚肉眼及美國牛頸脊食落肉質唔錯，油脂分布平均～湯底有成10款，我試咗鵝血麻辣鍋，湯底入面有鵝血、水晶粉、蜂巢豆腐等等，食材新鮮，性價比唔錯有唔同嘅熟食炸物揀，甚至壽司都有，款式都幾多；炸物尤其出色，無論係吉列炸蝦、黑松露炸薯條、芝士年糕、牛肉薯餅都好好味👍🏻推介～

之前黎呢度都係定食或散叫日式野多，最近見佢出左任食火鍋，就黎試下啦！我地叫左美國牛頸脊套餐，以晚餐黎講，$二百幾蚊差不多！見隔離枱叫安格斯牛小排，食物多好多，好好味既感覺，下次可試下！如果生日仲正，平多百幾蚊，抵食！湯底叫左壽喜燒，甜甜的，盡得壽喜燒精髓！二人食，個鍋都幾大，分兩邊，配合唔同人既需要！有晒名牌，知道自己食緊咩肉👍🏻肉類新鮮，望落色澤夠鮮，食落有肉味，肉配壽司燒個湯係絕配！少有既雨衣甘藍，新鮮爽口！牛丸夠彈牙！呢個係少見既陳皮魚蛋，好香陳皮味，好食！響玲同炸魚皮夠脆！菜類都好新鮮除左火鍋料，仲有壽司同熟食反卷同芝士天婦羅蝦卷好食，叫左幾份😋Brownie 好濃朱古力味！食左好多粒！呢款雪糕成日係放題見到，都幾好味的，如果有lotus 焦糖餅味更正！唔錯既火鍋，上菜都好快！平日去，7點零都差不多滿座，book位應更好！

天水圍有間日式料理餐廳- 天鳥居酒屋，位置T Town 2樓🌹最近推出火鍋任食🤩一定要試試這是100分鐘任食，沒有下單時限，有71款食物，套餐肉類任食😍餐廳劃分了火鍋區，空間感十分，坐位亦舒適☺️☺️火鍋配料&飲料都是自助，有冰箱和櫃檯面可以隨便選擇💯他們的調味料也很多樣化，包括醬油、花生醬、蒜泥等等，每個人可以按照自己的口味混合搭配，使得火鍋的味道更加豐富多樣。我們選擇了美國牛頸脊套餐-$248（連加一)火鍋湯底我們選擇了胡椒豬骨湯鍋底湯經過長時間的熬煮，很鮮美，喝起來非常爽口。而且鍋底還有一些經過調味的秘密成分，讓湯頭更加濃郁，香氣四溢，能夠為火鍋提供豐富的味道。而且天氣冷的時候真的很暖胃🙈美國牛頸脊牛頸脊是牛頸部位的肉，通常具有豐富的肉汁和口感。美國特級牛板腱美國特級牛板腱是美國特級牛肉的部位之一，位於牛的前腿，肉質結實而有嚼勁。鹿兒島美豚肉眼來自鹿兒島的豚肉，豬眼肉是其中的一個部位。肉質纖維緊密，肉質嫩滑，味道濃郁。五花腩豚肉五花腩豚肉是豬肉的一個部位，其中包含著豬肉的肥瘦層次。即炸響鈴這個非常不錯，非常脆口🤩浸一秒已經不錯吃肉悶悶的，可以選擇壽司❤️加州反卷滿滿的蟹子，入口的口感不

行入鋪頭是日式居酒屋風格，播的是喜慶音樂，感覺親民，晚間的人流多，不易找位，不過店員盡快收拾好，沒讓人久等。跟好朋友吃的是$248美國牛頸脊套餐火鍋（任食100分鐘），清酒任斟，要離開座位自取，食物款式不會眼花撩亂，剛好解決了我的選擇困難症。我們都很喜歡鹿兒島和牛丸，juicy又夠彈，椰子雞湯底亦相當出味，牛板腱和牛頸脊已再order 多round, 另外，黑松露蝦片配沙律醬也有新意。基本上喜歡的菜這𥚃也有提供，例如秋葵和豆芽，蜂巢豆腐不算常見，有豐厚層次，剛好在鍋裡吸收精華。原來朋友已是2次回訪，上一次跟家人一起，這𥚃座位不少，無論家常即興飯還是好友約會，來天鳥是無痛選項。

週末過天水圍見朋友，經過商場見到有火鍋放題，任食100分鐘，店面裝修幾唔錯，好有特色，而且咁岩呢幾日冷空氣，食火鍋暖粒粒梗係最岩啦。我哋4個人，都揀左美國牛頸脊套餐，裏面包含有71款食物，入座後自己掃QR Code落單，除了牛肉之外，豚肉，雞件，丸子，菇類、蔬菜等平時火鍋常吃的基本上都有，湯底我們選了鴛鴦，泡菜和花膠雞，味道都好足料。開始我們當然先來幾份肉試試啦，五花腩豚肉肥瘦相間，肉質細嫩，脂肪部分特別爽口，沒有太多油膩的感覺，口感豐富。美國牛頸脊我們前後點了好幾份，頸脊通常係一隻牛入面極矜貴嘅部位，因為牛頸脊呢個部位活動較多，相對脂肪較少及有咬口，而且肉味濃郁，有適量油花，肉質鮮嫩爽滑，並且富含香醇的牛肉風味。茶美豚據說由綠茶粉和甘薯等飼養，身價比黑豚更加矜貴、更加有營養，比一般豬肉含有更豐富維生素，剛剛熟的豚肉在鮮味的火鍋湯底裡滾完後，肉質細嫩無渣，富肉香卻不羶，鮮味多汁；肉色淡紅有光澤，非常嫩滑，沒有油脂。基本上我們對於套餐裡的肉類都非常滿意。其次火鍋肯定少不了丸啦，我們點了和牛丸，貢丸、陳皮魚蛋、花枝丸、芝士腸等一大盤，其中和牛丸是我最喜歡的，雖然牛丸不算很彈牙，但牛味十分濃