天鴻燒鵝飯店

营业中

休息中

評價主要有二第一，我覺得食物質素一般偏上。 燒鵝的確係好味，外脆內滑，而且燒工好，香味十足。但瀨粉太失色，我個人覺得佢已經過熟，面質軟化。而且湯底清淡，我理解清湯更可以帶出果種燒鵝嘅香，襯托果種油嘅感覺先更好。但係，我覺得只可以講係蔥花鹽水。綜合而言，滿足吾到我對燒鵝瀨嘅期望……可能我要求太高。第二，我覺得員工態度有待改善。 我疫情以黎一向習慣填紙仔，但係店舖拒絕紙仔，咁我覺得…okay, fine，我down俾你。然後俾位伙計畫公仔出晒腸式不耐煩樣望住。然後開飯前覺得隻筷子太油，想換一對，竟然咁都要望到我實一實。啊，大佬，我都吾係做錯咩姐，食碗麵，洗吾洗啊。

今天去元朗家人屋企食飯，去開又新街，知道天鴻燒鵝出名，就外賣左1/4下裝回去一齊享用。等外賣時見堂食每枱都半隻上，大大碟，睇到都流口水。但回家後發現除了隻肶，就唔見有肉，肶下的肉都接近被飛走，還在底加了隻雞翼。我地四人每人大約食到兩件肉左右，就只餘下頸之類的下蘭野，在盒底還塾左隻雞翼（圖右下角）我地同時在另一家買了1/4下裝魯水鵝，明顯的比燒鵝的肉多好多。我諗堂食可能好些，回家吃時都算係肉嫩多汁，但外賣真係幫襯一次就夠。

朋友食過介紹我，入元朗必買的燒鵝，可是試過幾次途經都沒有開門，今日入元朗見客專登行去碰碰運氣。果然不負我有心人，期望多次燒鵝終於買到喇！🦢燒鵝下髀 $155我是外賣回家的，路途遙遠怕漏汁，老板話燒鵝同汁係分開的放心，搭車途中已陣陣香氣，教我垂涎三尺，回到家更急不及待。嘩😍堅好味！深褐色燒鵝烤至皮脆肉嫩，雖然搭車都用了 60 分鐘，仍然保持皮脆啊！咬落滋味係肉汁慢慢滲出無比香氣，嘩...肉嫩汁豐越食越過癮，「天鴻燒鵝」真係成功俘虜我嘴巴。😋

幾年前來過的，然而想必短期內還會再來的💓💓 很簡樸的小店，然而食物的味道真的給我留下了深刻印象🥰Came here a few years ago yet I think I'll come back in a short period of time 💓 It looks like a very ordinary store but the food really impressed me deeply 🥰✿ 燒鵝後腿 ☻ ☻ ☻ ☻ ☻想起都要流口水🤤 烤得紅紅的脆皮加上皮下脂肪，一咬去就油香滿溢🤤 瀨粉也軟軟的，配著吃一流🤤 很軟又多汁的的肉🤤 很想給6個笑哈哈🤣Barbecue Goose Lower LegCan't help drooling whenever I think of it 🤤 The nicely grilled skin plus skin underneath fat... the savory fat just burst out in the mouth 🤤 with soft and juicy meat, the noodles taste ul

今日同屋企人元旦入左元朗行街食野，路過呢間鋪頭聞到d燒鵝幾香，所以就入去用$155買左1/4下莊，點知就出事喇我都費事多講喇，大家自己睇相評下理啦。係，大家無睇錯，間垃圾鋪頭竟然俾左滷水鵝翼當係燒鵝。呢樣野已經超出我既想像，原來而家做生意可以唔老實到咁，只怪我地無即場摷下佢；但如果買野要咁樣，鋪頭同買野既人都好無癮啫。總結：幾好食都假，咁唔老實既做生意手法我地永遠都唔會幫襯，唔怪得我地係附近鋪頭買野時，老細聽到我地去呢間垃圾鋪頭幫襯就冷笑左一聲

讀書都喺元朗，但居然成日比人問到口啞啞，2021一定要去試試，好在今日12:15去到都有位坐，一個人當然叫唔到1/4或半隻，咁就嚟碗燒鵝瀨，唔知喺咪無特定要髀，個人感覺皮喺比較脆，但鵝好似唔夠入味，醃啲時間唔喺好夠，同埋下次食鵝瀨唔知可唔可以叫老細佢加汁，今日碗瀨粉少湯又無咩味咁，難道天氣凍，人重口味咗

難得星期一請咗A/L，梗係出去搵食啦。醒起之前去到摸門釘嘅天鴻燒鵝，一於就食燒鵝啦⋯去到，鋪頭細細，入面有6張枱 (當中包括2張2人枱)。兩個人，叫咗燒鵝飯+叉油雞飯。先講叉油雞飯，對我嚟講，叉燒要半肥瘦先合格，可能因為健康嘅關係，而家出面都好難搵到半肥瘦叉燒，呢度都係瘦叉，唔啱我口味，而油雞亦不過不失，一般般而已。到主角燒鵝飯，燒鵝皮質酥脆，肉質緊實又不失鬆軟，味道啱啱好，咬落去仲有陣陣荔枝柴嘅味道，配上白飯，簡直一流。總括來講，呢度嘅燒鵝真係俾到驚喜我，下次食燒鵝又多一個選擇！

燒鵝一定要夠熱，唔熱都要暖先合格，凍左就唔好食。皮要脆，鵝要有脂肪先夠香。天鴻的燒鵝，值得一試。千祈唔好諗住坐得舒服，好好環境，食燒味一定要好似圖中咁嘅格局先有風味自己一個人，整個上圧食下$135，下圧就食得多，上圧少食啲用手探一探，會有陣熱氣衝上手心，咁先為之合格如果冇呢陣熱氣呢，分數會大減碟鵝靚唔靚食個胸就知，皮脆，肉質鬆化，唔會過諗，鵝肉要有咬口先係上品最底下個層會有啲掌翼俾你，好夠味架，唔係燒嘅，你叫上下圧會俾啲你試下其實除左鵝胸、鵝翼係上圧之外，其他部位我都唔多識，好似話有鵝腩的，仲有舊鵝頸我冇食，唔多識食，啲老一輩話送酒一流，恕小弟唔識食仲有罐可樂$8 加埋都舊幾水但總結天鴻嘅燒鵝喺香港都算數一數二，值得一試

朋友從英國回來，話好耐都冇食過好味嘅燒鵝，我就諗起元朗這間燒鵝名店天鴻，元朗西鐵站搭輕鐵一個站到大棠路下車步行7分左右就到，去到嘅時候是五點晚市燒鵝剛剛出爐香噴噴，店鋪不大裝修普通有點殘舊整體都算乾淨兩個人山長水遠嚟到元朗一次過食多啲先夠皮，點了燒鵝下裝一條叉燒同瀨粉燒鵝外皮非常香脆有種吃薯片的脆口感覺，肉質有彈性鵝味香鵝油滑，鵝骨充滿香料味道叉燒都有驚喜燶邊肥瘦適中，外皮糖膠燒到脆口肉質鬆軟瀨粉軟硬適中湯底夠味燒鵝名店果然名不虛傳，可惜元朗離屋企太遠，如果唔係可以經常幫襯

今天大雨，冇咩特別去街，甘就試下元朗E間燒鵝名店，嘩！一行到去，佢位置橫街窄巷，但都係人山人海，一入店內燒鵝飯唔該，一如元朗食店，大大碗，燒鵝新鮮燒烤，正！環境地度

今天坐西鐵去元朗逛逛，順便試試天鴻燒鵝，因為之前行完山，燒鵝沽清，未能品嚐，有點失望。可能平日關係，5點左右到來，店鋪只有買外賣的客人，堂食只有我們，我們叫了半隻燒鵝，鵝是微暖，師傅做到皮脆肉嫩，鵝肉甘香，好滑有汁，不（un),味道剛剛好，點梅醬也不錯。今天來的時候個心十五十六，山長水遠去不去試，看到食評麻麻，但試過後，我覺得不是食評説得那麼差，真心講系好食，除左師傅自家功夫手藝到家，其中一個更重要原因系，出爐不久即食，必定外皮脆卜卜，試問唔脆皮燒鵝邊個鐘意，所以燒鵝真系要趁熱食。另外，鵝底仲有一隻鵝翼，細細隻，（沒有潮州鵝翼那麼大），應該用白鹵水浸，鵝翼很滑。老闆都幾好人（食評話他幾有個性😅），因為問他某巴士站上車地點，剛巧有位應該是他的熟客，他們商討了一陣，最後熱情地教我們沿天橋行去西鐡站，代替乘巴士（因為巴士他們說要起碼一小時）。

晨早隨攝影班老師到元朗影向日葵，返回市區也是上午十一時左右，山長水遠到來，不想這麼快便回港島，不如先吃午飯，下午才去游泳，因元朗泳池一時才開放，吃完還有時間休息。論元朗名店，不得不提天鴻燒鵝，數年前曾慕名而來吃過一次，但事隔多年，印象隨風而逝，個人喜吃燒鵝若狂，適逢路過，唔好錯過！店子小小，座位不多，店員著令我勿自坐一角，要與其他單身客同坐，理解！理解！看牆上價目，上次來時，留意到燒鵝髀飯是$91，現已加至$135，我只點了燒鵝飯，取價$56。燒鵝飯是一碗的，是翼位，顔色棗紅，有燒烤香味，皮薄而脆，肉質過得去，但缺少甘甜，飯給鵝油添了香味，雖然油膩，但愛吃！可惜的是燒鵝用了不少味精，飯後大半天仍感口渴，舌頭味蕾叫苦連天，真不明白，有如此好聲譽，怎麼還要靠味精，難道對自己的出品沒信心？

雖然係元朗人, 但一直都未有機會食呢間燒鵝.冇嘅....就係因為平日要返工, 假日又訓到晏一晏先出街.話說今年老爹生日, 家姐阿哥齊齊返屋企吃飯.我又點可以唔把握機會ORDER返一隻燒鵝返黎齊齊試下呢.當日6點半去到餐廳拎燒鵝, 當時店內燒鵝已經全部沽清.而當時去拎燒鵝嘅人都有好幾個. 都要等15-20分鐘左右.全隻 多謝哂$508, 價錢的確唔平返到屋企立即打開, 齊齊冇規冇矩咁偷食.賣相好吸引，烤得色澤好靚好平均, 肥瘦適中.一隻分2盒裝, 但後面發現其中有一盒色澤唔同, 媽咪覺得可能唔係同一隻.因為食得快, 所以食落都仲係和暖嘅, 但外皮薄唔算脆身, 而肉質都仲保持到嫩滑.味道方面, 係食到有微微荔枝柴味, 而且醃料味道都好入味, 食落都唔錯的.整體黎講, 雖然未算超級值回票價, 但係品質唔錯嘅, 可以一試又唔會嬲嘅,

兩個人食咁多，我都知係over咗，但呢間野最出名就係燒鵝，一場嚟到，唔叫對唔住自己喎。因為唔想食咁貴，所以只係叫了下裝例牌，再整個玫瑰油雞飯，再加枝涼茶，兩個人真係可以攬住個肚走。鵝味突出，有少許荔枝味，皮脆肉嫰，的確唔可以同鴨相比，味道濃而出色。至於油雞就不過不失，跟普通的燒味檔差不多，坦白說~因為我不食雞皮，所以如果佢連雞肉都入味的話，就更加滿意了。可惜見到肉色就知道了。座位不要期望太闊落和坐好耐，這是不可能的

吃過很多家的燒鵝，元朗的這家是最喜歡的一家，老闆很有個性 每天只是下午五點開張，賣完算數！看你不爽 還不賣你，幸好對我很客氣，每次去我都會買下裝，因為有個漂亮的燒鵝腿，特別吸引，鵝肉出奇的緊緻，有陣陣荔枝柴的底蘊在裡面，是絕技，很好吃，而且皮里也不太見肥油是我最愛的。