太二老壇子酸菜魚

营业中

休息中

剛巧經過見到太二，就入去試試，還是頭一次食太二，係國內反而沒有機會去食。😆叫了酸菜魚二人份量，加一份紅薯粉，食物送上時，見內裡的紅薯粉不多，以為沒有加上，就向服務員查詢，他們回覆是按份量加上的，即我們所見的份量，既然已經解釋了，我們便唯有接受，因為始終係第一次食太二，是我們不了解情況。🙈但我們進食期間，服務員走來向我們解釋因負責整食物的同事是新來的，可能未有按足分量加上一份，所以會額外補加一份紅薯粉給我們。🥹這是我們在香港的食肆中，從來沒有遇見過的服務態度，真令我們感到非常意外，不是錢的問題，而是感到太二對客人的重視👍🏼👍🏼👍🏼，將來有機會定會再去幫襯。補充： 食物質素是不錯的，我們沒有食過國內太二，所以沒有得比較

一直都聽朋友講太二酸菜魚好好食，好好食，到深圳一定要食，可惜北上遙遙無期，但幸好，太二酸菜魚終於開到黎香港啦，唔使再等到頸都長埋喇！ 知道太二到港開店立即就相約朋友去食，同朋友都好開心同興奮，所以一放工就去攞飛，因為早咗一步，所以好快就有位入到去，餐廳位置寬躺，枱與枱之間有適當空間，店員好有活力之餘，都清楚解釋用餐安排，餐廳以QR code 落單，簡單方便，我地好快就揀咗食咩… 🥢老壇子酸菜魚(1-2人份)($258), 另加脆豆腐及紅薯粉(各$20) 招牌酸菜魚當然是必點的，太二的酸菜魚是用上醃製30天才出壇的酸菜，而且辣度不能加減，1-2人份量都好充足，選用驢魚的魚肉，鮮味而且嫩滑，湯頭的酸辣度剛剛好，不會太酸，是我喜愛的酸度，而且不會太油，這個很讚，而魚肉吸收咗湯的酸辣，變得非常的惹味，辣得過癮，怪不得在內地這麼火紅。我們另外加配了脆豆腐及紅薯粉，都是必點的，脆豆腐口感爽彈，一D都唔似豆腐；而紅薯粉則煙煙韌韌，2款都是吸受湯的酸辣，好入味～ 另外朋友單點了半碗白飯，這裏可以揀半碗或一碗白飯，很貼心的細節。太二的白飯是用上內地著名的五常大米，跟香港一般吃的絲苗米不一樣，口感黏

【九龍塘•太二酸菜魚】@taierhkmacauππππππππππππππππππππππππππππππ九龍塘人氣食酸菜魚拯救地球！！採用qr code自助落單 仲設自助花茶飲料吧 十分體貼 馬蹄好椰清補涼 28$凍馬蹄的口感清爽，可以搭配椰汁或其他涼性食材一起食用，效果更佳，食酸菜魚配搭一流！奶凍綿綿紅豆沙 28$口感綿密細膩的甜品。紅豆沙的香甜與奶凍的濃滑完美融合，入口滑順，酥脆爽口。奶凍的柔軟口感搭配上紅豆沙的香甜，讓人回味無窮。限定-藤椒撈汁海鮮雞 68$融合了鮮美的蝦和雞肉，並以藤椒撈汁調味。藤椒的微辣和爽口的口感，讓這道菜變得更加開胃。蝦和雞肉的鮮美與藤椒的風味相得益彰，係一道出色既小菜。老壇子酸菜魚1至2人份 258它有着酸菜的爽口和魚肉的滑嫩，口感絕佳。這道菜非常適合喜歡酸菜風味的人士，而且魚肉的鮮美搭配上酸菜的酸爽，回味無窮。蛋酥軟糍粑 48$外表金黃酥脆，內裡鬆軟甜美，非常受歡迎。軟糍粑則是一種用糯米粉和糖製成的糕點，口感軟綿又Q彈，甜而不膩，是許多人的最愛。喜翻翻砂紅糖冰粉 22$主要由砂糖和米粉製成，口感綿滑爽口。這道甜品配上珂葡醬或紅豆，讓口感更加豐富。喜

[ 太二老壇子酸菜魚 ]餐廳主打川菜經典酸菜魚🐟，係內地有多間分店，經常大排長龍。最近一口氣係香港連開4間分店，隨時都可以去食😝。✿ 老壇子酸菜魚(1至2人份) $258 🐟1至2人份量都好大盤，鋪滿老壇酸菜、鱸魚肉、辣椒🌶️、藤椒粒等。趁熱先飲啖酸菜魚湯，味道香濃，集齊酸辣微辛，唔會過於油膩。老壇酸菜酸度適中，爽口開胃。去骨鱸魚肉份量都幾多，肉質緊實嫩滑。酸菜魚只有一種辣度，無得加減辣度，個人認為辣度適中可接受。此外，可額外加配料，有脆豆腐、紅薯粉、龍口粉絲或金針菇，全部一律+$20。✿ 大滿貫小吃拼盤 $82 餐牌有十多款涼菜或小食，呢個⼩吃拼盤有齊麻辣小酥肉、雞翼、炸薯粒及炸蝦片，啱哂同朋友share食。再蘸上川味⿇辣粉或蜜蜂芥末醬，更加滋味。✿ 楊桃百香果檸茶 $28/杯 🍹食辣野最想飲返杯凍飲，果茶口感清新，每口都有百香果肉。另外自助區有洛神花茶，免費🆓無限任添。 總結🫦 係香港食太二酸菜魚嘅味道同係深圳食一模一樣😍，差別在於兩地定價不同，但隨時可以係香港食到，俾多少少可以接受🤣。想省去現場等位時間，可透過連結登記訂座，完成後憑二維碼到店出示即可入座，簡單方便。✿✿✿✿✿✿✿✿

太二酸菜魚大家都聽得多，一向標榜自己「酸菜比魚好食」！而家仲一次過係香港開幾間，連九龍塘又一城都有 座位坐落舒適闊落。唔使長途跋涉又可以滿足想食酸菜魚嘅口癮！ 店內亦好細心免費提供特調熱飲(陳皮水/洛神花)～//招牌酸菜魚作為餐廳嘅招牌，所用嘅酸菜全係自家製，加入泡椒和花椒熬製，香得嚟辣味唔會太衝擊。魚身吸哂湯汁嘅精華簡直係靈魂嘅所在！選用鱸魚的魚柳部分切成魚片，口感嫩滑且魚骨少//小食 芥末蝦球外面炸得酥脆，咬落彈性十足，加上微辣的芥末沙律醬幾過口癮！//蛋酥軟糍粑咬落煙韌軟糯，外層灑上黃豆粉好香濃，點上黑糖醬汁好好食//西瓜椰椰冰粉 吃完辣的，當然要來一碗冰粉解辣！有西瓜🍉、椰子脆片，口感豐富。

唔洗返大陸都可以食到太二！放工時間去食，上網睇發現可以用link訂位就得，咁就可以輕輕鬆鬆去，唔洗等直接入去就食得💯 枱與枱之間都好闊落，唔會太侷促！【老壇子酸菜魚】$258另加$20紅薯粉，$12白飯！香港嘅酸菜魚係無得揀辣度，比較之下唔算特別辣，但真係超級麻‼️魚肉鮮嫩，酸菜鮮酸開胃。酸菜入味，湯汁酸而不膩！紅薯粉就吸晒湯汁，勁入味～而白飯就可以解麻🤫【芥末蝦仁球】$78蝦仁鮮甜彈牙，芥末醬香辣開胃！蝦仁球外脆內滑🤤 外層配埋芥未沙律醬，仲有飛魚子！唔會太嗆口，好食！【脆椒小皮蛋】$48一粒一粒小皮蛋，有啲結實！不過中間係一大堆尖椒，真係好惹味！【蛋酥軟糍粑】$48每次食太二都必點嘅糍粑！外脆內軟，配黃豆粉加黑糖👍🏻正🤤

太二酸菜魚📍九龍塘達之路80號又一城L1樓L1-18號舖又一城新開了很有名的過江龍餐廳，又多一個地方可以吃到太二酸菜魚了😃座位非常闊落舒適，枱面還放了籤筒可以在等上菜的時候玩玩😆自助區除了可添水，還有免費的洛神花茶。老壇子酸菜魚1至2人份$258可以選擇加配料，每份$20。我們加了红薯粉、粉絲、金針菇。另外還有脆豆腐可以加的啊😉酸菜魚的湯底不會很辣，能吃小辣的人應該可以吃得到。花椒胡椒比較多，個人蠻喜歡麻麻的感覺🤭胡椒味較重，後勁十足。魚份量很多，魚肉爽滑，而且去了刺很適合不擅長應付魚刺的朋友。這裡的紅薯粉是偏黃的，咬下去的口感不同平時吃到的韌，吸收到不少湯汁。個個中意食雞翼$68賣相很吸引，味道特別，外脆內滑👍🏻港澳門店訂座可以經鏈結登記，登記完成後憑二維碼到店入座即可，很方便呢😉

太二酸菜魚出咗名嘅好味，唔洗排長龍就有得食，一定要黎香港店鋪試試。香港太二都好full下，唔想排隊，可以試試經香港門店網站定位啦。香港裝修同內地差唔多，不過茶水間就差好遠，只得洛神花同陳皮，不過勝在免費。食飯前可以抽隻簽，一定要抽中大吉！脆椒小皮蛋，小皮蛋全部溏心，一口一個，燒椒同皮蛋好夾，好食。藤椒撈汁海鮮雞，好經典搭配，有小蟶子，蝦同手撕雞等，醬汁酸辣為主帶少少藤椒味，食落好惹味。自肥老媽蹄花，係香港比較少見嘅前菜。蹄花就係香港豬手，煲制得好軟嫩，搭配埋醬汁一齊食，滿滿骨膠原。老罎子酸菜魚1-2人份，分量真啲好大，魚片片得好薄身，食落冇骨入口即化。 太二嘅酸菜好出名，食落酸鹹合適同埋勁脆口，比一般酸菜魚裡面啲酸菜口感要好。同埋酸菜魚要好味，湯底一定唔可以差。太二湯底飲得出係用足料煲制，酸辣鮮甜，飲完唔會口渴。西瓜椰椰冰粉，落咗椰子片，小丸子同西瓜粒，冰粉都有兩種，傳統冰粉同椰子味冰粉，整體食落好清爽。太二香港同之前深圳食嘅味道一樣，最難得係唔貴，比起香港周街3XX酸菜魚，真係抵食。

終於搵到時間去食太二酸菜魚😍疫情前成日返大陸食！依家有小朋友真係實在太難安排到時間上去🥲好彩香港開咗分店😋 可以重溫一下食好野😍而家book位都好方便～上網登記後會有QR CODE，去到餐廳出示就可入座👏🏻又一城分店環境好好，地方好寬敞我哋帶住BB需要BB凳都坐得好舒服👍🏻最鍾意BB Friendly嘅餐廳🤣BB對於籤筒愛不釋手😂一坐低就眼甘甘望住🤩乖乖哋比爸爸媽媽食酸菜魚啦🤣我地今次叫咗呢啲嘢食⭐️2人份量老罈子酸菜魚真係好吃的魚來了～酸菜魚味道真係同大陸食既一樣！酸辣程度啱啱好，無骨鱸魚片大大片，二人份量都非常多，魚肉肉質非常滑溜👍🏻我哋另外加咗紅薯粉～口感Q彈，吸收晒酸菜魚湯，非常美味😍⭐️大滿貫小食拼盤入面有雞翼、蝦片、小酥肉、芝士紅薯波波四種小食，上菜時熱辣辣同脆卜卜，非常香口～另外配搭既辣椒粉同蜜糖芥末醬都非常滋味🤤⭐️好無骨氣雞爪麻香味好濃，非常惹味👏🏻 而且唔會太辣～作為前菜小食啱啱好，底部仲有蓮藕做配菜👍🏻⭐️蝦仁娃娃菜娃娃菜非常入味👍🏻蝦仁份量都唔少，然後上面仲有啲午餐肉😂又幾有趣同特別👍🏻另外仲點少得好出名任飲既陳皮洛神花茶～落三片陳皮再加兩棵洛神花，就可以沖出一杯花香味

太二酸菜魚係深圳非常出名，幾乎喺各大嘅商場都會見到佢嘅蹤影。預約咗七點，但係去到門口已經排緊隊，所以一定要記得預約！先叫咗佢嘅酸菜魚（2人份），系統一辣度，另外再叫咗個小食芥末雞球、小酥肉同埋兩碗冰粉。芥末雞球個碟大，但係其實都有七至八件，蝦🍤好爽口，個皮炸到好薄，然後再點埋芥末汁好開胃🤤而小酥肉係由豬肉條炸起，再配上辣粉，食落辣辣地，十分惹味。重頭戲，魚肉好滑嫩，無骨可以好放心食，我仲加左薯粉，佢係寬薯粉，比一般既厚，同時細心剪左無咁長，吸晒啲湯汁，必叫！酸菜食得出佢真係醃左好耐～辣度算係有啲辣，但越食會越想食，所以就叫左2碗冰粉，冰粉由冰粉草籽製成，係由四川流傳過黎，透明色，好似啫喱咁，係大家消暑聖物，用來解辣都係一流。佢有傳統嘅黑糖涼粉同埋新式嘅椰汁，2樣都好好食～～店仲有免費花茶，非常解渴！枱面有個抽籤工具，可以等大家等既時候玩下～

【⭐️ 等到了😍 久違的酸菜魚 🐷 ⭐️】.終於喺香港食到了😋😋😋 太二開左幾間分店，我去位於📍又一城既分店，好鍾意食酸菜魚既我梗係要食下🥰🥰畢竟喺香港要食到好食既酸菜魚都唔容易🙈本身都怕多人要排隊，最驚排隊排餐死🥹但係原來睇太二 社交平台可以私訊獲取訂座Link😝 訂座後有QR Code。我平日中午時間去，見到都滿座好多人排隊。我地訂左位，所以出示返QR code就得🥰❤️ 招牌老壇子酸菜魚 1-2人份 $258雖然只係一至二人份量，但係魚肉份量都唔少，每片好厚肉好嫩滑，酸度同辣度調得岩岩好😋 用嚟撈飯真係不得了🥰🥰🥰❤️ 酸菜魚另加配料 每款加 $20我加左金菇、脆豆腐、紅薯粉😍脆豆腐好特別😂食落去係似魚蛋/魚片，紅薯粉就必點既，因為配合酸辣湯底一定好食🥰❤️ 大滿買小吃拼盤 $82樣樣都想食😂 叫咗個小食拼盤，有蝦片、薯餅波波、雞翼、小酥肉。最鍾意食小酥肉，雖然係炸但一啲都唔油膩。❤️ 幹葱菌菇灼菜心 $38乾蔥菌菇夠香，醬油甜甜地，配埋好嫩既菜心都唔錯🥰嗌返碟菜好似營養均衡啲😂😂❤️ 楊桃百香果檸茶 $28酸酸甜甜，夠晒清新，用嚟解膩岩哂🫶🏻❤️ 馬蹄好椰清補涼 $28好濃椰汁香味，甜度稍高～

\放假去又一城行街、發現太二酸菜魚原來開左啦🐟之前食過一次都覺得好好味，但係依家好難湊住小朋友過去深圳食🤣除左叫爸爸媽媽既野食，點會少左兩姐妹既？佢地都有啱食既野，其實佢地都有兒童餐，不過我地今次叫左其他野🥳🐟1-2人既老罈子酸菜魚我地加左紅薯粉，佢地就白飯2碗🍚🐟芥末蝦仁球爸爸最愛小食之一，芥末醬包住炸得超靚既蝦球，入面隻蝦都係好嫩🐟好無骨氣鳳爪鍾意食涼拌既一定要叫🐟個個鍾意食雞翼雞翼外脆內軟，而且味道同平時食開既炸雞翼係唔同🐟蝦仁娃娃菜湯底超creamy，小朋友超鍾意食🐟麻辣小酥肉🐟楊桃百香果檸茶個茶底係用山茶花烏龍，楊桃味好重另外自助區仲可以自己沖陳皮洛神花茶餐廳內有提供BB凳，座位好寬，坐得好舒服，所以帶小朋友去食都可以。

🥢同朋友都好鍾意食酸菜魚，知道香港會開太二就約定去食，想睇下味道有無唔同🤭餐廳光線好充實，以卡位為主，入座都會有店員帶位🔸老壇子酸菜魚招牌菜‼️主打酸菜比魚更好食，酸菜係自家醃製，食落爽脆唔會咸，魚肉切得好大片，魚質嫩滑，酸辣度固定左，麻辣香三隻味齊哂，配料除左有酸菜，仲有醃蘿蔔片，自己另外加左紅薯粉，薯粉煙煙韌韌好索汁，夠哂惹味🤤🔸脆椒小皮蛋小皮蛋一啖一粒，食起上黎好方便，配埋脆椒一齊食，口感更加豐富😋🔸蛋酥軟糍粑糍粑炸到金黃色，入口食到蛋香既味道，糍粑軟糯，配埋黑糖漿，正😍🔸白飯🍚有一碗同半碗可以揀，做黎餸酸菜魚同配湯岩哂🔸楊桃百香檸檬茶🌱用左山茶花烏龍做茶底，有特別既香味，加埋楊桃既清甜味，味道好清新好解渴🔸馬蹄好椰清補涼🥥椰奶底，味道唔會好甜，入面好多配料，有蹄爽、啫喱凍同爆珠等等，口感豐富，用黎解辣一流

滋味酸菜魚🍲💗肉質鮮嫩，酸菜嘅酸味同魚嘅鮮味配合得恰到好處。酸菜魚嘅湯底夠濃郁，酸菜嘅酸味同辣椒嘅辣味相互輝映，令人胃口大開。每一口都能夠感受到魚肉嘅鮮甜，同時又有酸菜嘅清爽芥末蝦仁球係另一道值得推薦嘅菜式。蝦仁球外脆內嫩，每一口都有蝦嘅鮮甜味道，加上芥末嘅微辣，令味道更加層次分明。芥末同蝦仁嘅組合非常獨特，令人驚喜。這道菜既有蝦嘅鮮美，又有芥末嘅辣味，非常適合喜歡辣味嘅人士。糊辣口水雞係一道辣味十足嘅菜式。雞肉煮得非常鮮嫩，每一口都充滿著辣椒嘅香辣味道。糊辣口水雞係一道帶有川味風格嘅料理，辣味濃郁，非常開胃。如果你鍾意辣味嘅菜式，糊辣口水雞絕對係你嘅首選。個個中意食雞翼係一道炸雞翼嘅小吃，口感酥脆，肉質嫩滑。雞翼經過特殊調味，每一口都能夠品嚐到豐富嘅香味西瓜椰椰冰粉係一道消暑嘅甜品。冰粉綿密爽滑，配上西瓜同椰子嘅清香味道

酸菜魚嘅湯底好好👍🏻湯底用酸菜同各種香料熬出濃郁嘅酸味同微辣嘅口感呢種酸辣嘅湯底同新鮮嘅魚肉完美結合，每一口都好鮮美可口份量好足，4人份嘅酸菜魚好大份量魚肉鮮嫩多汁，口感細軟完美融合湯底蝦仁嘅鐘水餃係一道精緻嘅點心。餃子皮薄透，內餡豐富，蝦仁鮮美彈牙。每一口都能夠品嚐到蝦仁嘅鮮甜味道，令人愛不釋手。蝦仁嘅鐘水餃係廣東點心中嘅經典之一，無論係作為早餐或者下午茶，都是一道不容錯過嘅美食。芝士紅薯波波係一道獨特嘅甜點。紅薯波波外脆內軟，配上芝士嘅濃郁香味，味道非常鮮美。這道甜點既有紅薯嘅自然甜味馬蹄好椰湇補涼係一道清涼解渴嘅飲品。馬蹄爽脆，椰子味道香甜，一飲而盡紅糖冰粉同西瓜椰椰冰粉都好解辣呀