太湖海鮮城

营业中

休息中

在銅鑼灣附近跟朋友食飯，想經濟實惠的，大概只有樓上舖尚可以，地舖面對高昂租金，就連一哥都要逼走，誰說自由行是救命藥，個人反而認為是催命符。翻開餐牌，定價以銅鑼灣區可說是平實，而且近日推出了沖繩Ma-San豚菜色，有著優良的飼養環境與及品質保證，就試一試是否真材實料。三弄回味牛肉是店方名物，牛肉看似死實，但入口卻很嫩滑，濃稠的醬汁更是神來之筆，另附蝦片來令口感更具層次，但在下認為撈白飯是良伴。淮香生中蝦非常入味，蝦肉爽口彈牙，如果蝦殼能再脆口就更好。蒜茸粉絲蒸蟶子皇在海鮮酒家中是穩膽菜色，蟶子蒸得恰到好處，滿滿一層粉絲混和了蒜香，吃得很滿意。火炙檸蜜一字排無論賣相及味道都跟燒一字排近似，而蜜味相對地較重，肉質很鬆軟，肥脂位不多，甜而不膩，似乎可以有更多的可塑性，如果置底的鹵水花生可以改為蠔油豆，相信會更吸引。另一道是三蔥野菌爆沖繩豚肉，豚肉本身薄切，以洋蔥、青蔥及紅蔥爆香，然後加入雜菇來增添嚼口，不過吃起來有少許韌，可能炒得多了時間，如果在火喉上控制一下，效果一定會更好。第三樣是沖繩豚肉浸莧菜，很奇怪地，加了咸蛋卻又欠咸香，原來蛋黃只是切片，味道並未有滲入豚肉湯之內，今次豚肉用來放湯，最

聽講有好多海鮮套餐，特登下班同屋企人去試。點了一個大連鮑魚餐一個聖子皇海斑餐。鮑魚同煲湯都好好。但4隻聖子皇炒埋唔夠一隻。同服務員投訴，佢都話點解咁少，應該叫師傅炒多兩隻補償。點知同經理反影，佢話聖子炒完系會縮水，我話唔會縮到得一隻掛，旁邊炒啲配菜重多過啲肉。經理話下次要原封不動先向佢投訴！大佬呀，我夾啲聖子肉落碗先睇到得咁少肉！估唔到經理啲服務態度變得咁差，以前太湖唔係咁。輪到條海斑，上碟賣相不錯，食落好腥，老人家話係死魚唔新鮮。不過腥唔腥好難判斷，經理咁嘅態度我相信投訴都無用，反正老人家唔想浪費照食。估唔到宜家太湖水準差成咁。還好服務員一直講好說話，心情不至跌落谷底，加點了炒飯同小菜，總算OK。投訴無人理只好入黑名單，唔再叫海鮮。不過碰到唔好的服務態度真算倒霉

在外地生活過的朋友都會深深感受到香港是個不夜城的好。夜深至三更，還是能找到吃的買的，交通也比許多地方都要方便，故我們的宵夜文化絕對比外地盛行。不過基於健康角度，不少人提到宵夜便會避之則吉，晚飯後再餓頂多吃糖水甜點便算。某日跟同事們心血來潮，約定某天下班後去吃宵夜。太湖海鮮城，不禁要說句「我細細個就聽過呢個名啦」，可是光顧還真是頭一遍。宵夜時段除了有不少特價海鮮菜式，更有點心等。最高興是不收開瓶費，我們便邊吃邊享用自攜的兩支白酒。我們點了一個$248的一加一套餐，先上來套餐中的鮑汁靈芝菰扣龍躉扣。龍躉扣據說是龍躉胃部，似是海參一般但肉質更薄更爽滑。與靈芝菰一起煮得入味，鮑汁味道恰好不過濃稠，很是不俗。米湯鮮腐竹泡菜苗($52)，白菜苗上鋪滿鮮腐竹，加上清甜順滑的米湯，十分易入口。米湯也不是普通米水，中間當真混有米飯粒，製作認真。得獎菜薑米鮮魚炒飯，飯炒得粒粒分明，帶薑辛香味而不辣，上頭的鮮魚肉呈條狀，滑嫩不腥，難怪是鎮店名物之一。蒜茸粉絲蒸蟶子，聽說這裡的蟶子經常售罄，故訂座時我們便先留了每人一隻。蟶子長若筷子，蒸得剛好不韌不難嚼。吃過小菜便上來點心。鴛鴦臘腸卷($24)，兩件分別放了臘

全家食飯.由於一向懶諗, 今次都係叫套餐。蜜汁叉燒 - 口感好好, 肉好入味好香口.拌水芹香雞絲 - 呢個就比較差少少, 雞絲唔係好得.鹵水墨魚海蜇 - 鹵水夠晒入味, 墨魚及海蜇既口感亦好.鴨胸皮蛋薑 - 鴨胸都幾入味, 皮蛋就正常。生滾黃油蟹粥 - 正! 真係生滾, 亦都好足料, 粥都入晒味, 唔會粥還粥味, 料還料味.鮑魚 - 普普通通, 無乜好講, 預期之內既呢個價錢既質數.黃油蟹粉小籠包 - 籠包皮薄, 蟹黃夠香, 一人一粒都唔多夠, 好想食多隻.總結: 呢個價錢, 呢個水準, 係一家人食飯之選. 唔錯唔錯. 

去太湖通常是吃晚飯或宵夜，三弄牛肉，薑米鮮魚炒飯，蠔皇大網鮑，龍蝦煎米粉，燒鵝，泥鯭粥等都百吃不厭，不過飲茶吃點心就没有試過。今天，忽發奇想，就試試太湖的點心，以這個價位來說，算是有驚喜！叫點皮蛋酸薑先開開胃，皮蛋溏心尚可，酸薑雖不算太嫩，但醃製功夫不俗，酸甜可口。蟹粉豆苗餃，蟹粉不少，豆苗和蝦粒也爽甜，配搭和諧。蝦餃皇也餃如其名，蝦仁大粒，若能加入豬肉及笋絲更佳。家鄉煎藕餅則十分出色，除了表面金黄香脆的芝麻，內裏充滿臘味粒及蓮藕粒，甘香爽甜。另一有特色點心是龍蝦湯炸韮菜餃，湯底不是較濃的西式龍蝦濃湯，而是較清的中式龍蝦蕃茄湯，食法接近上湯煎粉果，把脆脆韮菜餃浸入湯中再吃。椒鹽多春魚是一般的香口，表面乾身不油膩。也試了懷舊叉燒飯，叉燒切得薄薄，有甜甜的豉油汁，與現在較興的蜜汁厚切叉燒不同。此酒家在中午也提供少鹽少油系列，適合愛清淡的顧客。魚湯時蔬鮑魚，讓人吃出每樣材料的原味。而吃罷皮蛋肉丸浸西洋菜，你可能會驚訝這麼平凡的家常菜竟能如斯美味，手工肉丸鲜甜有頭，薑絲更是此菜靈魂，兩大盤湯菜均吃得一滴不留！蜜糖脆蛋散，有芝麻香，鬆脆不過甜，趁熱吃尤佳，故建議接近尾聲才點。總括來說，這兒的點

一家人一早就約定今日去做節呀！當枱枱都係飲緊茶之際，我地一家就叫左一圍酒食講下我地食左咩先，叫左一個金奬名菜宴B三味豆腐好滑好好味素鵝真係好好味呀！外皮好香脆內裡又熱熱的！正蟹黃翅好「漏」呀！但味道係OK的牛柳粒好野味，但就老了D囉龍蝦都係咁啦！但個米粉底真係好好味呀！雞整得好香好脆，但隻雞本身就肥左D囉個鮮魚肉炒料都幾好味，濕濕的！YUMMY個蛋散好好好味呀！食到不停口呀！整體個套餐都幾抵食，而且整體都幾好味，而且服務態度相當良好

放假同屋企人一齊飲茶, 有朋友話太湖搬左上樓, 新裝修所以上黎試下大概12點黎到, 可能仲早所以即刻有位星期一至日都有唔同既餐, 有飯/麵跟菜或者拼盆跟飯麵不過今日屋企人想食點心多D, 所以無叫餐小點$18.8, 中點 $22.8, 大點$24.8 (相對起上黎大點好似比較抵食)除左大中小特點之外, 都有特價點心, 我地都係主攻特價點心蛋煎糯米雞 ($13.8)薄薄既蛋皮包住糯米雞, 蛋皮煎得唔夠耐, 唔夠香, 好軟身入面既糯米雞略為濕左D, 唔夠乾身, 不過糯米雞都好多料, 有叉燒同埋蝦等等春風得意腸 ($24.8)同個名一樣好得意, 腸粉入面係春卷黎, 春卷包住肉,蝦同埋馬碲呢個腸粉唔會好似平時食開既炸兩咁好易林, 食到最後都外軟內脆平時點春卷就會點喼汁, 而呢個腸粉就係點豉油感覺上配酸酸地既汁會好D, 可以中和下肉味, 無咁漏不過我都係鐘意炸兩或者包住蘿蔔絲卷既腸粉多D擂沙湯圓($8)外層椰絲好香,湯圓皮唔算太厚, 而入面芝麻唔夠香荳沙窩餅($10)上面層芝麻基本上係同個窩餅皮分離左既, 入面荳沙好多, 唔太甜, 好食不過油左少少 除左呢4個點心之外, 仲叫左一個蒸飯($21)

太湖士多啤梨骨聽聞是得獎菜色，當然要一試了．賣相也精美，伴碟的幾片士多啤梨裝飾有多此一舉．生炒骨乾身香口，脆槳剛剛好，加上甜甜的士多啤梨汁，配搭出色，難怪得獎了．

週未和家人到銅鑼灣太湖吃晚飯，為免傷腦肋，還是點了一客套餐全包宴。一客鮑魚黃油蟹粥風味全包宴，$1880供8-10位用，價錢都算合理。頭盤有四小碟，分別是蜜汁叉燒皇、拌水芹香雞絲、鹵水墨魚海蜇及煙燻鴨胸皮蛋薑。蜜汁叉燒皇肉質富質感，紋理分明，富肉香。拌水芹香雞絲水芹清爽，雞絲則略為粗鞋，還看用上那部份入餚吧！鹵水墨魚海蜇墨魚腍香，海蜇彈牙，但鹵水不夠入味。煙燻鴨胸皮蛋薑鴨胸無乜特別，皮蛋幾香口。「湯羮」可選翅湯八寶冬瓜盅或生滾黃油蟹粥。奇怪的是兩者種類不盡相同但卻要二選一，最後選了翅湯八寶冬瓜盅。冬瓜盅湯料都算足，海鮮食材有蝦有帶子，入口清甜解暑。熱葷先來清酒煮野生大鮑魚，鮑魚雖不算大，但一人有一只。鮑魚炆得頗腍，雖鮑香略為淡薄，但酒香用度足夠以補不足。另一熱葷桂花蓮子蜜餞火方，吃前把蓮子、蜜餞火方及脆多士夾於麵包中，甜蜜脆口得來又有一陣鹹香，挺特別。子薑欖角蒸龍蠆斑頭腩用上龍蠆入餚，口感油香肥美。另一「魚類」菜式是魚裡藏珍鮮淮山泡雙蔬，用上魚型器皿，賣相特別。內含魚湯浸香菇及白菜心，調味不會過於清淡。太湖吊燒雞皮脆香滑度一般，幸好味道不俗。黃油蟹粉小籠包一人一隻，小籠包預先放於湯中，

由地舖搬上商場舖，第一次再光顧，裝修當然比舊舖店好，食物好似不給以住水準，但價錢就貴過之前，以前我最喜愛的芝麻雞肉質不夠鮮嫩，點心尚算可以，種類都多，之前麻蓉包都ok，但新店就叼取消鹭左

同友人零晨大約0145在銅鑼灣搵夜宵, 朋友推介去太湖海鮮城, 自己一直好想去此食府, 所以便一於前去 上到去問清楚營業時間, 原來去到清晨3:00 !一座下便立即叫夜宵, 香酥炸雞, 燒鵝(例牌) , 鹵水鴨舌1. 香酥炸雞- 外層炸到好鬆化, 炸粉唔多, 層次分明, 雞件好嫩滑 , 正 2. 燒鵝- 雖然已到深夜, 燒鵝依然皮脆肉香, D燒鵝好好味, 燒鵝本身肉汁加上原有上碟汁醬, 帶出新鮮感覺, 好好味 !3. 鹵水鴨- 本身自己好少食鵝舌, 但上碟時有已聞到鹵水香味, 入口好霖, 鹵水入味, 加上好甘香, 少少香甜!全程飲了12鑵青島, 最後去到3:15才離開, 結帳合共都係: $360

因為要在家中溫習,未能與家人一起用膳,唯有托他們買回來給我.他們給我叫了''薑米鮮魚炒飯'', 晚上回,到家時已嗅到飯香,但當時已近12點,沒有立刻食到另一日,從雪櫃取出放進微波爐叮熱,熱後香氣又再一次傳到我的鼻裡,食指大動了伴汁是桂花魚,蔥及紅蘿蔔切絲加茨汁 飯炒得乾身香口且彈牙的,很美味!!另外 ''嚮螺花膠炖雞湯'' 花膠湯清但有雞的味道(有點像白蘭氏的), 也是不錯的!

加拿大的Auntie 及 Uncle回來，約了他們吃飯兼洗塵，選了搬了舖的太湖海鮮城‧ 我們只有四人，雖然佔了一張六人抬，但因地方太擠，所以沒有空位剩餘。我們吃了:1. 特價組合C，包括(a) 蒜蓉蒸中蝦 - 蝦很新鮮、很清甜。 可惜並不是中蝦，有點被騙感覺。(b) 清蒸生蠔 - 我uncle話是加拿大蠔，所以隻隻有手板大，只是清蒸加熟油生抽，就已經很香，絲毫沒有蓋過蠔的味道，而且很嫰口，是整晚我最喜歡的菜。(c) 西洋菜陳腎煲龍躉骨湯 - 這個湯我也很欣賞，因為湯渣沒有被壓乾，而且菜也很甜、很嫰。 湯的2. 蒜蓉炒豆苗 - 豆苗很嫰，所以很容易入口，但蒜蓉炒的有點膩。3. 口者口者唐生菜 - 上菜時沒有口者口者的聲音，有點失望。 蝦糕很香但比較咸，唐生菜很新鮮好吃。4. 芝麻脆皮雞 - 這個雞就不太好吃! 芝麻不香，皮也不太脆，雞肉想是冰鮮的，比較軟而且需要大量調味，並不吸引。飯後甜品有紅豆沙，真的煲到起沙，紅豆香味濃，整碗味道不太甜，很好吃。

好少去幫襯夜市飯局; 今日好朋友請, 必定會到!舊店都有上過去, 不過都係同阿媽飲茶多; 現已搬了上來成兩個月, 今天我才第一次上來食.由於朋友係做飲食的, o黎得呢度幫襯, 已係信心十足, 朋友話晒事, 實叫晒d 好野~咦, 加上原來已有米芝連, 未上來已幾期待!坐晒入場, 開始上菜.先上的有燒味等果然出色, 肉靚, 好多都係半肥瘦的, 用料很好.煮得唔油膩, 朋友已有點醉意, 入口特別快, 一碟好快清晒.之後上的小炒, 特別是炒海鮮類等, 都鑊氣十足, 最緊要係唔油, 用料新鮮, 味道十足.d 躉也不會食到成口獻汁.龍蝦伊麵係此店主打之一係上湯, 而非超漏的芝士, 伊麵索晒d 龍蝦鮮味, 仲有少少上湯, 又冇芝士咁肥膩, 人人都食了不少, 想不到同枱的女子也食了不少!加了爉味去蒸的龍躉, 我好耐冇食過, 今日仲有好朋友請, 隊多幾片先!肉係好新鮮的, 一d都唔腥, d 龍躉肉用了好多芋頭 "long" 起左, 爉味的油不會索晒入肉, 香噴噴之餘, 食上口又不會成口油.其他仲有炸蝦球, 及齋鵝, 炸子雞等, 全都炸得好好, 脆又香口, 雞肉及脆肉滑又唔乾, 都幾考功夫.連碟飯都靚d

話說, 8月1號晚book左一間房&2圍麻雀 for 我男朋友生日同朋友慶祝, 食呢道既如意吉祥宴! 盛惠 $3880 + 茶芥 + 加一但呢道d待應/ 部長既態度真係好差!! 唔休做, 趕收工!初時都冇咩問題, 到差唔多10:00, 差生果同埋糖水未上, 待應就問我地係咪上蛋糕, 我地話唔洗住, 上埋生果同糖水先, 但轉個頭, 呢位待應竟然拎左個蛋糕入黎....準備拆開佢!!我地講多一次想食生果先再食糖水, 個女待應就好大聲同出面既男"部長" 講: 佢地話要食左糖水先喎!!!!!個陣已經一肚氣, 但見係我男朋友生日, 就算數!之後呢位女待應應該收左工啦, 轉左呢一個女待應同岩岩個個部長入黎, 上哂d糖水同埋生果, 粒聲都冇出, 就拎左個蛋糕入黎拆緊!!!!!!!!!!!! 我心諗, 佢唔比我地對住蛋糕個盒影相架咩? 話哂個cake都唔平架喎!!!!!之後都算, 個男"部長"好粗暴咁拆開左個cake, 仲要整跌左我男朋友個個生日牌!!!!!!!!!!!!! 我嬲到噴火!!!!!!!!!!!!!!!!我自己行出去, 同佢講我自己黎....個男人竟然做左個"無計"既手勢, 個咀仲要"廟廟