妖怪 (已結業)

難得今晚大家都得閒，即刻搞返個即興飯局，一齊去居酒屋食好嘢，把酒詳談🍶嚟得居酒屋梗係要飲返兩杯，依度酒嘅選擇好多，清酒、白酒、紅酒、啤酒咩都有，愛酒之人今次有排揀了😆💁🏻‍♀️胡麻章紅魚｜作為頭盤係個好選擇✨魚同醬汁配合得天衣無縫，酸甜麻醬爽淡口嘅章紅魚100分！💁🏻‍♂️海鮮丼 ｜魚生新鮮不在話下，醋嘅甘甜味更升華咗成碗魚生丼嘅層次，係一碗超用心製作嘅魚生丼❤️❤️💁🏻‍♀️三文魚籽冬菇｜冬菇多汁，三文魚籽卜卜脆，又幾match喎🤩💁🏻‍♂️是日燒魚 喉黑｜聽講係好珍貴嘅日本海魚😯一食就知返唔到轉頭，入口竟然會融化，超鮮美又無大骨，好正啊！

日本菜可以話係我最鍾意嘅菜式，可以食到食材嘅原味道，款式同煮法又多元化～今次就實測吓中環依間人氣日式餐廳嘅嘢食，睇吓可唔可以滿足到我嘅日本胃先🎌💎海鮮丼 $480💎皇牌海鮮丼有蟹肉、三文魚子、海膽、甜蝦、三文魚、鯛魚等魚生，份量豪邁🙉採用日本珍珠米粒粒飽滿，成碗海鮮丼嘅賣相同味道都滿分🌟💎胡麻章紅魚 $228💎餐廳另一招牌菜，欣賞依個胡麻醬係由餐廳自已調配，食得出有味淋、清酒同醬油嘅味道，十分之有底韻嘅醬汁🥣💎牛胸腹&三文魚籽冬菇💎依兩樣燒物都好優秀～牛胸腹重肉感，內裡juicy🥩三文魚籽冬菇有創意又有口感，不錯吃😻

作為日本妖怪fans嘅我，知道中環竟然有間用妖怪嚟做佈置嘅日本菜，即刻預約帶定相機嚟食飯打卡📸未入餐廳前，見到大堂已經有不少嘅妖怪擺設，仲見到水木茂老師嘅鬼太朗漫畫作品，實在太興奮啦❤️‍🔥食物都同環境一樣令人滿心歡喜❤️胡麻章紅魚🐟口感實淨清爽，鮮甜嘅胡麻醬upgrade 咗章紅魚刺身嘅味道🔝是日燒魚喉黑🐠係一種好矜貴嘅魚，肉質細緻鮮美帶油脂，食到佢真係好幸運🤟🏼熟食好似粟米🌽、免治雞肉🍗、雞白湯茶漬飯🍲同熊本牛燒肉御膳定食🥩都同樣有賣相有味道👍🏼總括嚟講，無論你係咪日本妖怪fans都好，喺依度一定會食到最日本嘅好滋味，大推！！

今日爸爸生日，我一早book咗中環嘅"妖怪" 同佢慶祝。之前去過幾次，嘢食好好味，而且非常有特色。我知道爸爸一定鍾意。😍 💯炙燒明太子⭕️超有特色嘅一個菜式。明太子燒到好香好脆。入面就軟綿綿。味道辣辣地，加少少檸檬汁，令明太子嘅味道更鮮味！💯熊本牛燒肉御膳定食⭕️呢個係爸爸一定要食嘅定食！🐄牛肉燒到剛剛好。外面有少少燶，但入邊就有豐富嘅肉汁。連埋配菜同雞蛋一齊食。成個味道真係100分😍爸爸激讚！💯是日燒魚  喉黑 ⭕️呢個燒魚火候拿捏得剛剛好。魚皮燒到少少脆，🐟魚肉仍然鮮甜多汁。只需要加少少🍋檸檬汁令到成個魚嘅味道更清新。讚👍🏻💯雞頸肉⭕️第一次食雞頸肉🐔，肉質比想像中嫩滑，而且有香濃嘅雞味。整得好出色！💯牛胸腹⭕️勁好味，🐮牛胸腹嘅油脂分布平均，而且肉質好淋，食落去一啲都唔靭。仲有好香牛肉味。食一串絕對唔夠！😋💯免治雞肉⭕️之前食好多免治雞肉除左肉質燒得唔夠嫩滑，整體配埋一齊都唔夾，今次食呢個所有岩岩好，雞火喉控制得好好，夠嫩，配左一齊超夾，如果唔係太飽，可以食多幾串😋爸爸都好滿意呢一餐生日飯，話媽媽生日嘅時候會再嚟！

男朋友突然嚟接我放工，仲話要俾個驚喜我，帶我去一間環境同味道都一流嘅居酒屋食飯，好期待呀🥰店員推薦咗三色呑拿魚刺身俾我哋，包括有➡️中拖羅、赤身同大拖羅。刺身質素果然好高呢😍濃濃嘅魚味十分新鮮，大拖羅好甘，食多幾塊都唔會厭🤭細細隻嘅➡️炸白海老過口癮一流，脆卜卜好香口😆燒物都好和味呢➡️特上牛舌心肉質彈牙，➡️粟米清甜，兩串串燒都唔會燒得過火喉👍🏼➡️鹽燒鰤魚鮫更加係高分之作！魚鮫油份較多，用燒嘅方法可以將油份迫出嚟，同時鎖緊魚肉嘅水份，造成外脆內滑嘅狀態😋最後以➡️雞白湯茶漬飯作總結🥳乳白色嘅雞白湯超濃郁，飲完好舒服～～

每日食晏都要諗食咩真係好頭痕😵‍💫不過好彩俾我搵到一間質素高又周腳嘅日本菜，喺正中環嘅中心，地點方便又易去☑️⚫️迷你丼系列（松葉蟹肉甜蝦丼&蔥拖羅鐵火丼 ）一份迷你丼有兩種美味😎 甜蝦新鮮甘醇，一絲絲嘅松葉蟹肉滿哂成個碗，超誇張！蔥拖羅鐵火丼 有吞拿魚腩茸+赤身，兩個口感雙倍美味😋⚪️燒雞定食燒汁醃後嘅雞肉甜甜鹹鹹，仍然好嫩滑～旁邊仲有燒冬菇同京蔥，好有誠意☺️定食附送嘅沙律都唔馬虎，刨成細絲嘅椰菜淋上柚子醋，飯前/飯後食都係開胃幫助消化嘅食物🖤🤍

中環區精緻餐廳多不勝數，不過講到最有噱頭嘅莫過於係呢間叫做《妖怪》嘅居酒屋🔥餐廳內嘅LED屏幕會播放日本妖怪動畫，玩味十足🌝嚟得居酒屋，點少得叫啲飲酒吹水嘅小食🍻《燒沙甸魚乾》好有咀勁，點蛋黃醬食味道更佳👍🏼串燒都係必叫🍢《雞蠔肉》同《免治雞肉》都燒得焦香可口，雞肉有肉汁又夠嫩口，推介一定要試🤟🏼刺身方面，佢哋嘅《中拖羅 赤身 大拖羅》簡直無得輸👏🏼每片都充滿光澤，師傅刀功了得刺身唔會有筋，係近期食過質素最好嘅呑拿魚刺身🫶🏻主食《熊本牛燒肉御膳定食》都係必食推介👍🏼熊本和牛肥瘦均勻，半熟蛋蛋黃滲落飯入面超誘人，講起又想去食多次啦🤤

一年一度既萬聖節又到🎃又係時候出去慶祝 睇人扮鬼扮馬👻👻👻-而今日就同左朋友黎妖怪食野🙉餐廳係食日本野既🤤顧名思義呢間餐廳既主題就係日本妖怪類似鬼太郎既主題🥸周圍都有唔同既妖怪圖案 螢幕會有兩款圖案轉換鐘意鬼鬼怪怪既望住佢地食野幾開心🥳門口位就有隻立體傘妖俾你打卡影相👻👻-食物方面啲壽司剌身都好新鮮串燒都燒得好入味 非常好食🤤🤤另外侍應都成日過黎幫我斟茶同收碟值得一讚👍🏻👍🏻

位於中環皇后大道中H Queen’s 23樓嘅🏮妖怪 Yokai🏮喺我經常lunch time會幫襯嘅日本菜，無論一個人嚟食或者同同事聚餐都好適合🐵今日想食魚生，所以叫咗🥢山幸三色丼～三色魚生包括咗中拖羅、赤身同大拖羅，一次食哂三種唔同部位嘅呑拿魚❤️最正就係淺粉紅色嘅大拖羅，魚油爆棚，入口後慢慢融化🙊赤身雖然唔似大拖羅咁肥美，但魚味更強，同樣新鮮味美❤️三色丼定食仲跟埋麵豉湯、沙律、前菜，都好抵食🐵嚟食嘢記得要留意呢度嘅環境同裝修🏮周圍都有好多妖怪嘅擺設，門口隻🌂唐傘小僧都幾趣致可愛，喺度食晏特別有feel~~

好想去日本，所以成日都會去唔同嘅居酒屋，懷念日本嘅味道🥹今次俾我發掘到一間好有格調嘅居酒屋，約埋朋友一齊食日本直送嘅海產同食材，拾回日本居酒屋嘅感覺😁🌀海產類🌀｛烏魚子｝用嚟佐酒好正，微微炙燒後鹹香鮮味俱全.｛喉黑｝係 A La Carte時價魚，秋夏交接時候食最當造，魚脂充足，簡單用鹽燒已經好美味。｛胡麻章紅魚｝帶自然嘅甜味，口感清爽彈牙，沾少少秘製胡麻醬盡顯章紅魚嘅鮮.｛海鮮丼｝每款刺身都有好幾件，切得非常厚，而且唔會有筋，色澤都好亮麗.♨️熱食類♨️｛特上牛舌心｝厚切牛舌心燒得軟嫩，油花勻稱，非常之正.今餐食咗好多時令海產同燒物，真係有喺日本居酒屋開懷飲食嘅感覺😚

幾年前去博多旅行個陣，食過當地好著名嘅✨牛腸鍋✨，返到香港之後一路念念不忘牛腸鍋嘅味道🥺終於！俾我成功係香港食返當時牛腸鍋嘅味道，好感動啊！🥹✨博多牛腸鍋套餐二人前 $780✨依個套餐除咗有主角牛腸鍋，仲有啲刺身同炸串，好豐盛☺️今日嘅刺身前菜係鯛魚，鯛魚口感結實，食落有淡淡嘅魚鮮味，可以清一清口腔😋之後有炸帶子同炸蝦，炸衣薄薄包住帶子同大蝦，酥鬆嘅炸物食多多都唔會膩🤭主角✨牛腸鍋✨上場👏🏼味增湯底融入咗牛嘅油脂，肥肥嘅牛腸配搭重口味嘅韮菜簡直係最人間仙境🤩底下嘅蔬菜同豆腐索哂湯底嘅牛脂味，邪惡到爆🤤飲杯日本啤酒，食到博多嘅滋味，It’s really make my day😍

今日去中環搵男朋友食晏，佢話帶我去一間好有特色嘅餐廳😮原來餐廳以日本妖怪👺做主題，牆上同走廊都畫咗不同妖怪嘅圖畫，好有趣嘅餐廳呢🤪午市定食都有幾多選題，每份定食都有前菜、味增汁、沙律同漬物。我揀咗🍚迷你丼系列 北海道帶子三文魚子丼拼雜錦魚生丼🍚雖然係迷你版，但刺身份量都好足夠，完全蓋滿醋飯，每一啖都食到刺身同飯，滿足👍🏼偷食咗男朋友嘅🍱親子丼定食🍱，滑蛋甜甜哋好好送飯，雞粒亦好嫩滑，入面仲有啲洋蔥，成個飯俾人一種好融和嘅感覺☺️

今晚OT到好夜，所以決定喺公司附近食埋飯先返屋企，做得咁辛苦當然要食返啲好味嘅食物先可以平衡返我嘅心態🥹😋特上壽司定食 $1280😋先食前菜！分別有鰈魚，海膽加白蝦同白粟米。白粟米🌽味道比普通粟米甜，而且粟米味都比較濃郁。鰈魚🐠非常厚身，絕對係啖啖肉。海膽加白蝦，兩樣加埋嘅味道好夾，一齊食唔會搶過大家嘅味道。跟住就係刺身！分別有鰆魚🐠，秋刀魚🐟，稻草煙燻鰹魚🎣同仙鳳趾生蠔🦪。呢幾款刺身都好新鮮！鰆魚同秋刀魚味道同樣鮮甜。但鰆魚嘅肉質比較實同爽脆。而秋刀魚就比較腍身。稻草煙燻鰹魚有好濃郁嘅煙燻味。但魚肉嘅鮮味同樣突出。味道絕對有驚喜！仙鳳趾生蠔，有好濃郁嘅生蠔味，味道鮮甜。口感滑溜！呢幾個刺身真係好出色！而主食就係餐廳好出名嘅壽司🍣！佢嘅種類有好多，仲全冇重覆！分別係北海道海膽，大拖羅，中拖羅，赤身，玉子，石垣貝 ，金目碉同穴子！每一件刺身都超新鮮。加埋味道啱啱好嘅壽司飯一齊食。成件壽司嘅味道都提升左。真係超正！食完呢餐真係大滿足，叉好電，又返去做嘢！

今個月終於出咗bonus，可以請屋企人去食好野！今次揀咗間係中環嘅<<妖怪>>到食飯。餐廳唔單止裝修特別，所有嘅食材都係由日本直送。👍🏻未去到日本都可以止住癮先！「🐟吞拿魚刺身拼盤 🐟」嚟到一定要試嘅拖羅🐟！入面有大拖羅，中拖羅 同赤身。完全滿足到我對吞拿魚嘅慾望😍3個唔同嘅位置各有特色。但最好味嘅一定係大拖羅，成舊魚肉同魚脂嘅比例係一半！味道鮮甜美味。正！「🐠炙燒明太子🐠」明太子辣辣地。放係炭火上面燒，邊位燒到脆脆地，加埋炭火同檸檬汁嘅味道。令到成件事又鮮又惹味！「🐮特上牛舌心🐮」廚師用左全條牛脷最中間嘅位置，所以肉質非常腍。牛舌燒到好香，仲有好重嘅牛味！超正！「🐓雞頸肉🐔」外皮燒到脆脆地，雞肉超就級嫩滑。廚師只用左少少鹽去調味，就帶出左雞肉本身嘅鮮味。😋「🌽燒粟米🌽」用左新鮮嘅粟米去燒，咬落去，粟米超級多汁，而且十分鮮甜。就算唔落調味料都已經好好味！「🐮熊本牛燒肉御膳定食🥚」呢個一啲都唔欺場，牛肉燒得非常好食。入口啖啖肉之餘，仲非常多汁。再配埋滑溜嘅雞蛋同鮮甜嘅蔬菜。成個飯真係勁好食。完全係食唔停口！

今日襯老闆唔喺度，當然同同事出去食豪啲🤣，最開必係可以唔使急住返去！可以係"妖怪"到慢慢嘆我個午餐！🌟Lunch 特上壽司定食🍣呢個定食好豐富，分別有頭盤，刺身同主食！--頭盤 (鰈魚+海膽加白蝦 +白粟米）頭盤已經好豐富，剌身超新鮮。第一次試白粟米，味道香甜可口。唔錯！--有三款唔同嘅刺身(拖羅配淡雪鹽)- 配搭比較特別，淡鹽嘅味道令到吞拿魚味更突出！(生蠔  北海道鮮鳳趾)- 🦪生蠔勁大隻，口感creamy滑溜，海水嘅鹹味令到蠔味更鮮味！（稻草煙燻鰹魚)- 有好重嘅煙熏味，但就冇覆蓋魚肉本身嘅鮮味。好食！--主食🍣一共有八款唔同嘅壽司，分別係北海道海膽，大拖羅，中拖羅，赤身，玉子，章紅，金目碉同穴子。全部魚生都勁新鮮！口感彈牙爽脆！真係冇得輸😋🌟海鮮丼 🍱成個丼飯食材勁豐富，分別有海膽，三文魚子，甜蝦，章紅魚同拖羅等新鮮食材！刺身仲多過壽司飯。勁正！但我覺得最好味就係海膽同三文魚子！呢兩樣都超鮮味。海膽好大件。食落口海膽味勁濃！三文魚子就脹卜卜。口感彈牙。真係超滿足😍