孔夫子 (Club East洞天) (已結業)

只同屋企人講過要試呢間， 佢地好雀躍話要試呢間， 又臨時有位， 咁就再俾機會佢啦!環境個D唔多講,因寬敝，唔侷促又唔嘈。本來唔想嗌呢一個蝦球， 但在座有幾位冇食過，而佢又真係好值得再翻叫嘅， 而且暫時都仲未有其他可以取替佢。都仲keep到水準， 蝦球檸檬新鮮。唔會有太多脆漿，又唔會有油膩感 。見到啲魚都已經好新鮮呀! 製作魚鍋過程:不需多講，好味!沒有腥味，只有鮮味，各人都添多一碗。鴨好似好瘦，但係片出嚟有好多肉，好多汁。有種好滿足的感覺。可以唔使叫， 叫其他餸菜好過。魚標滑嫩惹味個個都嫌中間個桂花糖水太小， 蛋散鬆脆。 芒果布甸香芒味道好濃， 梨燉得不錯，好香陳皮味。 中間已經挑咗心，唔會有酸味。各人都讚說冇介紹錯。

有次經過見到呢間野，walk in 食唔到，上星期就專登卜檯去食。首先要讚下佢啲位好闊落，唔會好似變相搭檯果啲餐廳咁迫，坐得好舒服。冷盤叫咗酥皮茄子，睇落好工整，似一舊大蘑菇多過茄子，當然食落真係茄子黎嘅。炸皮做得薄脆，冇油益味，茄子亦冇乜索油。味道黎講唔係特別出色，但係幾啱冷盤攞黎開胃而唔應該食滯嘅原意。主菜叫咗個檸檬汁炸蝦球，放一塊檸檬喺底一條蘆筍喺面，幾好睇，不過唔理解佢扮緊乜。食落味道相當出色，檸檬汁雖然做得偏甜，酸味唔夠，但配大件炸蝦球仍然相當好味，我連續食咗3舊，係完全冇膩感。食到第4舊開始有少少嘅，咬塊檸檬就消到滯。主食係銅盤沙薑雞飯，飯焗出黎嘅火候幾好，係老友記講果種「蝦仔米」黎，通常呢種做法嘅飯，大家梗係會爭住食餸下面塾底果啲飯嘅，比我爭到（小小啦），但係只有沙薑味而冇雞味。當然因為沙薑味本身太搶，飯冇雞味係非戰之罪黎嘅。雞本身都嫩滑，有少少雞味啦，去骨上我自己就唔太好，不過都係好味嘅。埋單4舊水咁上下，整體黎講我會揀呢間好過去同價位嘅酒樓。

四月某一星期日中午曾經直接上這食肆諗住飲茶，怎知不接walk-in客，有點失望哋去找其他餐廳食嘢。今次朋友生日，預早訂位。因我哋晚上8:45至9點才到，訂位時問咗待應有什麼菜式需預訂，佢建議先訂燒味部食物因較快售罄，所以預訂咗孔門烤豬丶黑毛豬叉燒及北京烤鴨。我哋一行九人，現場再叫多咗六個餸，包括蓮藕肉卷丶醬爆筆管魚丶孔門牛肋排丶薄荷黃金焗豆腐、醬燒魚鰾煲丶汪肉絲苗。食物方面，我個人最喜歡係：1. 黑毛豬义燒: 熱辣辣丶少少肥丶肉質鬆化、燒得好香口2. 孔門牛肋排：炆得好嫩丶好入味朋友們唯一的評語就係支裝啤酒及生啤收$65及$75，太貴了埋單時，餐廳忘記收取切餅費$150，我預咗重開新單，但經理好好，免了這費用，識做抵讚啊

同朋友到了孔夫子食慶生飯，一直對食物質素和服務是頗為滿意的，但中途送錯了一道菜，而我們已進食了，但我們不知道這道菜是什麼便問了服務員，原來是送錯枱，當時因我地已食了，便説了照計。事情便由此開始，居然他們沒有問過我們便取消了我們點的一道菜，我們見所有菜差不多食完便叫服務員查單，第一個話冇漏單，但沒有主動跟我地交代，要我們一直追問，到了第二第三個才知道私自取消其中一道菜。到最後有一個應該主管級的人過嚟，只針對送錯的那道菜須加上單收錢，而不是私自取消我們所點的一道菜，態度囂張非常，兩言不合便轉身走人。過程中從沒有一個人過來主動交代，道歉更加不用多説。

觀塘寶寶新發現，每次walk in都無位，今次專登打左電話book左去食lunch孔夫子屬於觀塘區新的中餐廳，餐廳環境清潔，而且夏天冷氣十足，中午時間好多上班族係到飲茶 平時真係食厭曬觀塘既中餐廳，想飲茶來來去去都係個幾間，今次來到格局特別的孔夫子，真的份外興奮孔夫子的餐具還比其他中餐廳富有詩意一班人食中餐飲茶，必然要叫點心，孔夫子的點心及籠子也很精緻，味道又比美五星飯店！其次喜歡吃辣的朋友必定要試試孔門抄手，真係辣得又香又惹味！係觀塘想試新餐廳的寶寶們，不妨到孔夫子試試，有新驚喜呀

十分惡劣嘅訂枱經歷,大家要小心一個星期前打電話嚟 訂枱, 六點三人枱 慶祝生日嘅母親節, 接聽嘅服務生 接受咗我嘅定取並且確定沒有問題, 怎料我今天 同屋企人 去到, 佢居然同我講我係喺waiting list, 要有檯燈出嚟先至可以畀我, 仲要同我講話 之前冇電話畀我confirm 係代表無枱我同佢講完全冇人同我講過呢件事我訂枱時職員冇同我提過我係waiting list完全好似正常訂位一樣完成訂位問佢有冇搞錯係好堅持話冇同佢叫我哋走我覺得完全稀客嗰度地理位置十分不方便仲要幾日前已經確認訂枱屋企人有行動不便簡直十分憤怒我覺得係有熟客要咗我張枱所以我畀人釘咗去waiting list仲有冇人通知我好心啦, 有枱就有枱, 冇枱就冇枱, 唔好玩啲客我以後都唔會去,亦都會叫啲朋友唔好去大家真係要小心佢哋完全唔係香港嘅代客作風千祈唔好去！

孔夫子,一聽個名覺得係學堂,但佢偏係一間酒家。酒家裝潢古典,有書香味,有D枱放有孔子的《論語》竹簡。係表演嗎?店員一加湯，會“渣”一聲，不停噴煙，等待一陣,佢就會分菜上枱。魚湯味好濃烈,味道唔腥,清甜。外脆內軟，脆漿完全冇油膩感，食完一個想再夾已經冇。叉燒新鮮有肉味，肥廋適中，蜜汁好夠。菜唔老，青青綠綠，辣辣地。最後叫個糖水潤下喉，用左新鮮鴨梨，唔太酸有清甜味道。可惜等糖水等耐左,原來漏單呀!

話說我不嬲都好鍾意搵新野食，又知道觀塘區好多正嘢食喎，咁啱俾我留意到呢間叫孔夫子食中菜嘅餐廳，唔知呢間孔夫子係食咩既中菜架呢？今晚一行八個人預先book左位，好期待哩度既菜式呀，食到好味嘅食物心情就會自然好🙊🙊🙊🙊裝修好精緻，門口有個用竹整嘅菜譜，好啱用嚟影相打卡。侍應打電話黎confirm Booking嘅時候，問我地有冇啲咩菜係要預訂嘅？原來呢度有三樣嘢係要預先訂嘅，扁皮鴨，牛肋骨同黑毛豬叉燒。。。。我哋咁多人，一於訂哂三樣啦。。。之後我哋仲嗌左咗個涼拌豬膝，京川炸魚卜，紅燒筍殻魚，炒菜心，炸魚肉球，香煎橙味茄子，講真每樣餸都真係好出色，好好味，好有水準，最令我驚訝嘅就係個京川炸魚卜，我本身唔鍾意食魚卜架，但係佢啲椒鹽同埋辣椒炸成既魚卜真係令我食指大動🤪🤪最後要推薦嗌魚湯飲，呢度有兩款魚可以俾你揀，第一款係桂花魚，第二款係筍殻魚，我哋揀咗桂花魚，廚師會係我地面前整呢個魚湯，簡直係表演咁。。首先啲魚會切成一片片，擺咗係個碟度，然後佢會有一個鍋，入面應該係加左啲油，之後就會擺啲魚去煎，煎完之後呢，有兩壺好熱好熱既湯湯倒落去嗰窩度，你會不停聽到查查聲，周圍啲人都係咁望過黎🤗🤗🤗🤗啲魚湯真

話說今日全家去飲茶，揀jor觀塘既孔夫子聽父母講，事前雖然book位先可以。唔知堅定流，但係我地有book位，都建議想去既朋友仔book位。佢既內部裝修佈置非常整潔而且具有中國風話曬叫孔夫子，所以周圍都有好多書卷😂每一款點心亦非常精緻。雖然份量同普通茶樓一盅兩件差唔多，但係因為單價比較貴，所以想食飽就記得嗌飯啦。佢地既炒飯非常好味。最後我地亦試jor佢既甜品，外貌非常精緻而且吸引。味道則非常健康，感覺到完全無加額外糖！好評！一定要再去！

呢度係食孔府菜既，但究竟係咩黎呢，我黎過兩次都唔係好清楚，不過野食最緊要好味。上次黎係食晚市，今次就試下黎飲茶啦。其實點心選擇唔多，不過都有部分小菜小食同粉麵飯可以點，都唔錯。先黎個砂鍋魚蓉炒飯，份量係有茶餐廳size咁大，炒得好乾身，飯粒粒粒分明；魚蓉鹹鹹地，炒埋一齊掉掉味，唔會過鹹，好食啊。再黎係小食，呢個脆炸南乳肉真係世界級好食。佢係將薄薄既肥豬肉用南乳醃左，然後炸到個表好酥脆。一上枱熱辣辣，咬入去唔係肥而係甘香，亦因為佢切得薄，所以一啲都唔會癡牙，似係半溶既狀態，好回味。另外我地仲叫左幾樣點心，質素都唔錯架，可以一試再試。總括黎講，呢度坐得好舒服，空間感充足，枱與枱之間都好闊落；而且侍應都好多，態度好好；最重要係食物真係高質，值得推介。

一直都有聽過呢間孔夫子好好食，好近公司，不過就略貴，好少會去食。今次因爲有客嚟，有機會食啦。呢間環境寬敞，而且裝修中西合璧，中式桌椅但加上工業風嘅燈泡，幾特別（本身我仲以為係傳統中式酒樓），帶啲時尚感。我地有成差不多二十人，假日如果book房min charge要4000，間房最多一圍15人。坐出邊兩張枱，星期日食飯時間都算多人。叫得多㗎，都每樣2至3籠，味味大家都食得津津有味，佢唔係hea，每樣都足份量。我地仲有叫到炒飯，甜品，樣樣都好味。唔特別推介，如果有機會，黎食一次你就明我講乜。（無乜點影相，專心食飯，要快啲食完繼續工作）係啦，做會員有折，會抵啲。

朋友介紹下來到觀塘區搵食，先在旁邊大廈停車場泊好車, 然後晚市時間6:00到達餐廳環境：嘩！地方大，裝潢設計好有中國特式，座位闊落坐得好舒服食物：小吃水晶肴肉，啫喱狀上面已經有黑醋，方便又美味；小吃酥炸茄子好特別，脆卜卜，正；黑毛豬叉燒，非常淋又入味；乳豬都好味，不會太鹹；主菜熱石鍋鮭魚，真的第一次吃，魚湯加上熱石煮魚片，原來魚片會非常滑溜，大讚；魚鬆炒飯及各式甜品，同樣出色服務：很好，很貼心總括來說水準高很喜歡，下次必定再光顧，尤其是想幫襯中午飲茶呢！

真係點都估唔到會來這裡用餐，無聊的行到這區， 又無啦啦給這家酒家的外牆banner吸引，就走進這裡晚餐。來到時還差15分鐘才到6pm, 酒家還未營業，有一位食客已在等待， 見待客已站在門口，就問她要本餐牌看看是否合我們意， 見裝修地方不錯，而且陸續都有食客來到， 心想食物應該都不錯，不防試試。座位寬敞坐得舒服。餐牌是用平版電腦顯示。未來過的我們，當然問問經理有甚麼推薦菜式，經理提議我們食豬腳仔，筍殼魚， 牛肋骨， 因為我們少人，最後要了- 豬腳仔，我只見menu有味叫沙薑pork knuckle, 以為就是經理講的豬腳仔，原來唔係，來到的似係醬滷豬腳仔，豬腳好軟，很入味，好好食，但menu係無的。蔥燒羊肉， 好有鑊氣，蔥好食好甜，炒得剛剛好，熟恰到好處，羊肉份量亦很多汪肉絲苗，其實係有肉絲木耳絲浸白菜， 菜很新鮮，吃不到沙，肉絲很多， 好食。古法海帶魷魚湯麵， 反而這嗰古法麵沒有甚麼特別，魷魚味嚐不到，麵是雲麵的麵，海帶本身就沒有味，因為件海帶亦很大，可能煲的時間不夠長，所以比較遜色，就是平淡湯麵。經理過來交談，原來這裡是集團經營的，叫club east, 整座大廈不斷會開其他店，現

星期六又係飲茶時間,因為仲要等朋友,所以諗住行下先再攞位飲茶,因為驚有限時。觀塘好多茶樓都試過,見孔夫子未試過,仲有一位朋友又未到,所以過去睇下要唔要等位,有咩食先。位於工廈裝修幾新既茶樓,問門口帶位個姐姐攞咗張點心紙睇下有咩食,點心唔多,得半版紙,見都啱食又話唔限時,所以就諗住坐底等朋友。但個帶位姐姐帶我地坐門口第一張檯,張檯只set咗兩人位,得兩張椅,我地三個人。眼見入少少明明有張大d既四人檯,問佢坐嗰張得唔得佢話有人book咗。咁坐入面得唔得,佢又話無細檯。但我望入去仲有好多檯都無人坐,而且唔係大檯。咁既安排真係飲唔落。真係好唔明佢點解一定要我地坐出面,就算裡面無四人檯,咁有咁多檯,點解唔可以安排我地坐五六人既檯。佢寧願無人坐都唔比其他人,我真係好唔明白。既然有心做新式酒樓,有裝修,食物價錢上等,唔該train下員工啦,咁既服務真係要改善吓。

話說這裡很巴閉地飲茶都要訂位曾試過walk-in但已訂滿 被拒諸門外所以我今次就訂了位才來裝潢中式簡潔 抬都擺放得很開 很寬敞不像普通酒樓般迫夾 坐得較舒服環境不錯但服務卻不入流一坐下完全沒人理會 開茶也沒有呆坐數分鐘才有人放下餐牌及開茶Tick完點心紙入完單後店員拿著單來給我們檢查站著叫我們檢查有沒有漏 給予很大壓力核對完立刻拿走單 實在很奇怪...點心款式都不算多 反而有很多餸和飯麵食物份量亦很少我們3個人叫了10多個點心才飽第一碟來的就是蠔油灼菜忘了拍照 因為實在是驚訝$43只得6棵灼生菜極度失望 超級細碟 而且是生菜又不是高質只是很普通的生菜完全接受不了 感覺被騙其他冷盤小食 質素就好一點點心只是不過不失 並不是十分出色整體質素與價錢對我來說並不相符醋汁水晶肴肉 | $48肴肉很不錯 醋汁變成肴肉一部分 呈啫喱狀入口與肴肉混合味道就剛好口感不錯 味道亦夠濃郁沙薑五香豬膝 | $52豬膝幾爽口 啖啖肉 但沙薑味完全不夠只有微微薑味😕五香味在哪？千層素鵝 | $46層次感豐富 不錯的冷盤喜歡上面的爽脆雲耳再增添口感流沙奶皇包 | $38熱騰騰出爐夠新鮮流沙做得不錯呈半流質半沙的感覺