孖寶車仔麵

营业中

休息中

葵涌從來都唔係主要嘅遊客區，但位於葵芳嘅葵涌廣場卻有最地道最本土嘅美食，作為本地人，唔知你哋又多唔多去葵涌廣場掃街搵食呢？葵涌廣場除咗掃街小店之外，場內亦有多間車仔麵選擇，而孖寶車仔麵就係我哋嘅最愛。魚肉春卷、豬紅、牛腩幼麵配秘製汁食車仔麵嘅靈魂一定係醬汁，而大部份車仔麵嘅醬汁都係辣、辣、辣！如果唔食得辣，醬汁通常都與你無關，不過孖寶車仔麵就特別為唔食得辣嘅人調配秘製汁，增加湯底嘅香濃度，非常惹味！另外，魚肉春卷真係一定要叫，非常彈牙，超好味！豬皮、牛柏葉、咖喱魷魚米粉配孖寶辣汁免費嘅醬汁除咗秘製汁，仲有腩汁，如果想食辣，孖寶辣汁同咖喱汁則要另外收費。鍾意食辣嘅朋友真係唔可以錯過孖寶辣汁，視乎自己嘅能力揀選大辣或小辣。其實我覺得小辣真係唔夠勁，鍾意食辣就記住唔嗌大辣。孖寶辣汁夠香又夠辣，極具層次。至於枱面上仲有孖寶車仔麵自家出品嘅菜甫同辣菜甫，辣菜甫非常爽口，可以增加整碗車仔麵嘅口感同層次之餘，仲要係免費架！最後，值得一讚嘅係豬皮，勁乾淨白滑，而且索晒醬汁，真係唔錯。

米線+毛血旺+芝士腸+毛肚+秘制汁48，湯底味道偏淡，毛肚有一點騷味，普普通通。米線+雞翅+豬頸肉+毛血旺+秘制汁48，湯底味道偏淡，豬頸肉口感爽脆，不肥不膩，雞翅是鹵水雞翅，平平無奇的湯底，說不上很驚艷蕃薯糖水20，蕃薯色澤和味道都很甜，吃起來很香糯，糖水是薑味的，味道明顯，整體感覺很不錯，非常值得試試看，湯的溫度很適合女孩子。生菜魚肉湯 20，魚肉是屬於那種魚羹的口感，魚肉味平平無奇，是可以接受的。魚湯就非常鮮了，魚湯鮮甜，搭配生菜一起入口，口感到位，份量來說二十塊錢一分是足足的了，值得嘗試。總體：這家店除了車仔麵以外還有很多小吃，車仔麵來說對得起這個價格，小吃是相當不錯的，也是很多打工人的選擇，店內有不少人，不能算是踩雷，車仔麵平平無奇不能說很驚艷也不至於踩雷，反而是生菜魚肉湯吸引到我了，加上桌面的榨菜，香辣的口感再升一個等級。

黎到葵廣每次都會食位於底層地下充滿中學回憶的「孖寶車仔麵」，貪佢有多餸菜式可簡，仲有懷舊小食五香牛什、碗仔翅同糖水，食品多元化而且價錢經濟實惠。三餸面套餐送熱飲（HKD 52):識叫一定叫米線🍜掛汁，其必點秘製醬汁帶甜，雞中翼：滷水雞翼的味道香氣四溢且略帶甜味的。用上特大雞翼，多汁嫩滑的肉質一啖接一啖。魚肉春卷：魚肉春卷的口感是輕脆和多汁的。外皮經過炸或烘烤後，會變得酥脆，內部的魚肉則保持著柔軟和嫩滑的質感。咖喱魷魚🦑：咖喱魷魚嫩滑、彈牙和多汁。魷魚肉質柔軟，有一定的咬勁，因此在口中咀嚼時會感受到一種彈性和細膩的質感。咖喱魷魚通常會經過煮熟或炒熟，這樣可以確保魷魚肉質更加軟嫩。咖喱醬料的風味帶來濃郁的香料和微辣的口味，夠曬入味！而朋友叫左不同的配料可以分享食，豬紅：充滿韌性和彈性的結合。當你咬下去時，你可以感受到豬紅的嚼勁和肉質的飽滿感，調味偏甜。豬頸肉：多汁，豬頸肉含有一定量的脂肪和筋膠質，帶點焦香，很不錯。鳳爪：焾到好易骨肉分離，食埋雞軟骨部分，補骨膠源。五香牛什：牛內臟有牛肚、牛腩、牛腸等，以及一些牛肉塊。牛肉在經過長時間的燉煮後，肉質變得非常嫩滑，容易咀嚼。牛筋有較多的筋膠質，

平時去葵芳最常買外賣既都算係呢間車仔麵呀$50 三個餸包熱飲每次必加辣汁同辣菜甫夠野味👅👅蘿蔔夠淋夠入味👈🏻鹵水雞翼好正豬皮彈牙咖哩魚蛋同魷魚我最愛😻😻魚肉春卷我老公超喜歡仲有牛肚選擇多樣樣都試吓正👐

車仔麵永遠都係我最愛😍葵芳廣場出名多嘢食，難得有時間過去葵芳接家姐收工，佢介紹我食呢間車仔麵，原因係啲辣菜脯好好食😱，而且唔辣，佢每次食都要落好多。望一望啲餸，竟然我鍾意嘅全部都有，當然要試😋四餸米粉 $67我揀咗水魷魚（+$5）、牛柏葉、豬皮、牛腩配米粉同腩汁。四餸米線 $67家姐揀咗豬紅、雞翼尖、冬菇、水魷魚（+$5）配米線同腩汁。3個餸係$52，我地加多1個水魷魚餸要加$16，普通餸就$11，水魷魚即使要加錢都好值得食，因為係好爽口彈牙。辣菜脯我唔識欣賞，但家姐每次都落落落好多。可樂都係+$3，真係好抵食😋😋

葵涌廣場向來都出名多小食，而且經濟實惠又多選擇，而今次我同朋友就想坐低食嘢傾吓偈，所以就去咗地下食孖寶車仔麵！😆發現呢度長期都好多人，但係都唔使擔心要等好耐，因為好多位，而且佢嘅選擇亦非常多，除咗有車仔麵之外，仲有多款小食甚至乎糖水都任君選擇🤩呢度嘅車仔麵配料超級多，真係揀到有選擇困難症🤣我同朋友今次就每人叫咗一個車仔麵再加一碟腸粉，平時食車仔麵時，我通常會叫蘿蔔，冬菇，而呢度仲有滷水豆腐食添，由於本人鍾意食辣嘅源故，我加咗秘製辣汁同埋辣油仲加咗秘製辣菜脯配上米粉，鍾意食辣嘅我超滿足😋而我朋友就叫咗滷水豆腐，豬腸，豬紅配上油面， 我哋兩個都食得好滿足，我哋仲叫咗小食腸粉，呢度既腸粉好滑，而且係多醬料仲有芝麻！☺️👍🏻總括然而，呢度既車仔麵既性價比好高，價格實惠，食咗咁多都係$119，而且亦都有懷舊風格，選擇有好多，簡直可以媲美住掃街既港式小食，除了主打既車仔麵外，我覺得絕對可以再encore，由於今次太飽，下次我決定再試埋佢哋嘅腐竹雞蛋糖水😆

葵涌廣場係一個平民友善嘅美食天地雖然比起十幾年前已經係貴咗但比起出面嘅不斷漲嘅價錢嚟講呢度嘅食店絕對算係抵食今次去咗位於地面嗰層嘅孖寶車仔麵行過已經聽到熱情嘅姐姐出嚟招待原來位置雖然分得幾凌亂但都算幾多諗住淨係門口出面其實入面仲有平時行過都見到幾多人食食咗兩個四餸車仔麵加兩杯嘢飲埋單117蚊真係覺得係糧尾恩物份量自己覺得夠飽肚嘅最緊要係啲餸都唔係平嘢魚肉春卷加牛腩加鳳爪都係啲貴餸咖哩魷魚豬腸豬紅亦係非常懷舊嘅長青餸希望呢類型嘅食店可以長做長有

早2日同老公又去葵廣食孖寶車仔麵啦呢間由我讀緊書嘅時候已經開始食 好有回憶一如以往 平日夜晚都好多人 即刻叫返兩個車仔麵set😋價錢仍然都好平 $52有三個餸再加熱飲我叫咗豬大腸 牛雜 瑞士雞翼米線而老公就揀咗牛雜 蟹籽丸 瑞士雞翼 豬紅粗麵個人認為呢度嘅牛雜同埋瑞士雞翼都係必食嘅👍🏻牛雜雖然加$5 但真係有好多部位 牛腸 牛肺 牛心等等 全部都好入味🩷瑞士雞翼都煮到好腍好入味 仲記得以前讀書都會買淨雞翼嚟食 絕對係呢間店嘅王牌

讀書時期間中都會行下葵廣買衫，久未踏足，見到有間好多人食過嘅車仔麵，由於依家呢類舖都買少見少，一於嚟食下以前好易食到嘅小食，支持下港式小店。嚟到都差唔多滿座，一如既往，可以用紙叫餸揀麵。三餸麵包一杯熱飲，價錢尚可接受，呢度比較特別，平時只有麵可以揀，第一次見可以揀腸粉😯依家想食豬腸粉都幾難，一於叫三餸麵改叫腸粉。由於選擇幾多，最後叫咗四個餸，飲品加錢叫咗豆漿。上菜時腸粉燒賣同餸分開放，啲餸用公雞碗上，份量足夠。蘿蔔冇渣，軟硬適中，係有少少咸。魚蛋好夠陳皮味，唔係粉嘅魚蛋，口感非常好。牛肚煮得入味，唔韌。燒賣正常，食到魚味。腸粉嘅熱度啱啱好，食落嫩滑，食唔停👍🏼麻醬唔算多，但都夠味。

葵涌廣場出名小食多又經濟又多選擇 開心大發現車仔麵同樣出!!!!!!長期座無虛席 長期勁多人 真係唔係冇佢原因 而且屹立多年 一定係質素非常之高 先可以做到咁樣 而且佢嘅選擇非常多 車仔麵 飯小食甚至乎糖水都應有盡有！！叫咗一個車仔麵出前一丁配咗沙嗲汁同埋秘製小辣！！叫咗三個餸包括有午餐肉 魚肉春卷 同埋蘿蔔另外仲叫咗個蘿蔔牛雜飯 蘿蔔好入味 吸收晒用水濕嘅精華😍😍放工一餐簡單嘅晚餐經濟又實惠又好食 呢間真係不二之選！！

放假同阿女去葵芳探親友，之後去咗附近葵芳商場行吓，見到有間孖寶招牌麵，金漆招牌一定係老字號。麵檔地方乾浄企理。靚姐招呼週到。除咗車仔麵仲有傳統小食。孖寶招牌麵：有豬紅、豬皮、豬腸、雞翼、蘿蔔、魚蛋和菜，非常豐富。豬紅、豬皮、豬紅、，好入味，豬腸乾淨又夠林，湯底加左秘製醬汁辣汁非常惹味，幼麵都好彈牙。下午茶三餸揀咗豬腸粉，豬紅、豬皮、蘿蔔同樣加辣汁好好味！豬腸粉醬汁好夠，腸粉沾滿醬汁爽滑又惹味。凍咖啡香濃。魚肉碗仔翅足料，魚肉彈牙，加少許醋味道更提升。

今晚我去左知名度極高既車仔麵檔「孖寶車仔麵」🥳🥳 呢間真係食極都唔會覺得厭，因為係好正宗既車仔麵檔黎🤩 車仔麵最出名我當然不能錯過啦😳 熱騰騰既自選三餸菜車仔麵、腸粉都一定必食的😉😉自選餸菜車仔麵牛腩湯汁味道十分濃郁 但又唔會太油膩😆非常適合搭配米線，咖喱魷魚夠彈牙 牛腩肉雖然係經過長時間煮，但仍好味🤗 帶有淡淡既五香味同濃郁既肉汁味👍🏻😽孖寶車仔麵📍 葵芳葵富路7號葵涌廣場地下A15號舖

有啲乜嘢開心過食串魚蛋，食串燒賣？就係有埋腸粉，同埋其他車仔麵嘅嘢食啦🤣🤣🤣佢依度居然有腸粉餐，而且有得隨便選擇唔同車仔麵嘅餸，不過我就冇諗咁多。淨係揀咗啲平時會食嘅嘢，例如魚蛋燒賣同埋雞翼，佢哋味道都唔錯，魚蛋係陳皮魚蛋，然後燒賣都煙韌彈牙，雞翼都好入味！而我朋友仲叫咗一碗車仔麵配住蘿蔔雞翼同埋菜，食落都唔錯。而且有得揀清湯，腩汁，沙嗲汁等等唔同嘅口味。最後梗係唔少得要一個碗仔翅啦，我哋叫咗墨魚條碗仔翅，佢嘅墨魚好彈牙好好食，而且裏面嘅配料都好多！最後梗係要返一杯凍豆漿去解解渴啦，佢嘅凍豆漿係支裝嘅，所以可以拎住走都好方便！

每次來葵廣都會直奔3樓「掃街」。這次逛街逛到累，決定找家餐廳休息一下，選擇了孖寶車仔麵。3餸車仔麵套餐附飲料，湯底有三種選擇：清湯、腩汁、秘製汁。$60 車仔麵 (豬油渣 魚皮餃 朱紅 手打麵 秘製醬汁 凍奶茶)平常吃車仔麵時，我通常會點冬菇、魷魚等菜色。但這次看到這家麵店供應的豬油渣，一種比較罕見的菜色，就想試試看。果然驚喜，香脆的口感與湯底意外地搭配得宜，非常值得一試！朱紅一點都不腥，很入味，而魚皮餃也相當不錯。麵條使用的手打麵很有嚼勁，份量也相當大，一個人吃不完。$12 燒賣除了車仔麵，他們家的小吃也相當不錯。燒賣大小適中，口感不會太粉。$25 魚肉碗仔翅魚肉碗仔翅的底料非常豐富！一定要加上紅醋攪拌後食用，每一口都能品嚐到滿滿的料，相當滿足。$22 腐竹雞蛋糖水至於甜品，我有點好奇一家主打車仔麵的餐廳能做出什麼樣的中式甜品。結果發現他們家的糖水也相當不錯！一大碗的腐竹雞蛋糖水，暖暖的而且帶點甜，個人相當喜歡。總的來說，這家車仔麵的性價比很高，食物相當美味，價格也非常實惠。除了主打的車仔麵外，其他的小吃和甜品也相當不錯！

葵涌廣場人氣食店之一，經過仲有下午茶餐（下午2:30至6:00），有啲肚餓入去幫襯支持一吓。下午茶：孖寶車仔麵（$44）三餸配熱飲豬大腸、牛腩、魚旦、油麵，豬大腸有咬口入味，牛腩一般般有幾舊比較嚡，魚旦好味有彈性，油麵合格。牛柏葉、牛肚、豬紅、米粉，牛柏葉雖然爽口但無咩味，牛肚煙韌唔太痴牙，豬紅普通又係伙無咩味，米粉正常。爽滑腸粉（$10），有三條，尚算滑，撈埋甜醬、麻醬、芝麻，合格之作。整體合格以上，味道OK，價錢合理。