孖寶 (已結業)

孖寶Twins Bistro-西餐 📍上水新城路今日食上水呢間中價既西餐廳都係揀咗二人套餐兩道自選主菜餐湯加麵包兩杯飲品只係一啲基本套餐選擇本來都覺得平平無奇唯一個驚喜 就係最後個甜品有兩款蛋糕冇得揀味道嘅 佢係預設左個蛋糕影相真係靚因為隻碟夠大🍮港女認為只要有一樣嘢夠突出都可以係賣點🫣頭盤南瓜湯麵包同生菜煙肉沙律🥗沙律比較大碟 湯同麵包就比較普通飲品揀咗焦糖咖啡同埋香蕉朱古力🍹杯香蕉朱古力得三份二未斟滿有少少偷工減料🫣主菜我哋揀咗龍蝦汁意大利飯🍤安格斯牛柳🥩寵愛港女既男朋友🫶🏻細心地幫個女剝蝦殼同切牛扒人為嘅因素 心意滿分💯食物嘅質素就勉強合格整體上都食得開心有時食物不是重點同誰一起吃才是重點

呢間餐廳，其實我嚟過幾次，今日收工臨時同同事約食飯，所以不加思索就嚟咗呢度。餐廳其實唔算大，但位置方便泊車。因為食過好多次，叫你叫佢都係自己食開嗰啲，今次就問職員有冇推介，佢強推margherita pizza。我本身聽到冇特別興趣，但問得就即管試吓。雖然呢個Pizza冇肉，但真係好食到原始傳統嘅Pizza，芝士味好濃，成個配搭都好惹味。小食叫咗個烤蜜糖雞翼，啲蜜糖拉絲㗎，甜甜地好好味。我哋另外仲叫咗個西班牙黑毛豬架，好大塊！肉質夠嫩夠juicy！因為喺邊一set，所以包咗一個金筍包、南瓜湯同埋嘢飲，我哋揀咗杯桂圓紅棗茶，雖然係茶包，但係都好濃郁，有意外驚喜。

北區既餐廳比較小。我朋友介紹要去食。因為他老婆係極之喜歡食西餐。他同老婆上星期食完就不斷介紹身邊朋友。今晚收夜老婆叫我食自已。好自然地聽朋友推薦。入到餐廳內環境好舒服。每一個位置都有足夠空間。唔係太逼的感覺。脆炸魷魚圈。成個魷魚圈既粉底好輕身。沒有平時粉底既油膩。魷魚鮮甜。肉質鮮嫩。整體以論。配合得宜。香辣蕃茄乾海鮮意粉。本身意粉炒得非常乾身。再配合乾咗蕃茄有獨特的味道配合。擺脫一貫傳統港式用蒜茸炒意粉的沉悶。煙熏三文魚pizza。呢個煙三文魚用芝士圍焗式做法。不令到三文魚烘乾。仲儲存到煙燻三文魚獨突的味道再加上火箭菜配搭。更是絕配完美香蒜辣椒鮮蜆意粉。極新鮮既鮮蜆。入口香甜肉質鮮嫩。鮮味充斥成蝶意粉。再配而香蒜混和。整個味道構造完美無瑕！

這間孖寶西餐廳位於上水新成路地舖，係一間隱世小店已經開咗.好幾年時間，而店舖環境望著有D似Cafe🤔!.西班牙黑毛豬架$108呢一款黑毛豬架望著都睇得吓🤔，店家用咗自製燒汁淋上豬架面，令到豬架睇見都好想食🤤，豬架大大塊厚度十足😮，一切開肉質都好腍嫩夠哂juicy味道鮮味😋，以往又大又厚一般黎講又韌又唔好食，㕑師做到都好有水準真係好正👍!.紐西蘭肉眼 $108呢款肉眼扒賣相都唔錯🤔色香味都有，係用咗黑椒汁而製，肉眼扒厚薄恰恰好，食入口口感都好腍嫰帶點鮮味😋，配埋佢嘅黑椒味道夠哂惹味帶點香口😙!.熱玫瑰鮮奶咖啡 $15呢一杯鮮奶咖啡望著都幾好🤔，散發香噴噴咖啡味😙，飲入口味道都好濃厚香而滑口😋，我覺得味道都唔錯!.抹茶紅豆冰 $17呢杯紅豆冰賣相都幾靚😍，係一杯漸變式都幾吸引😮，飲入口味道都幾好😋，抹茶味道濃厚帶點滑口，配埋紅豆都好腍甜，整杯紅豆杯我覺得都幾好飲!.附送餐湯、麵包呢一款是日餐湯甘荀湯賣相金黄，飲入口香甜又滑口😋都唔錯 !.

上星期到上水附近下班，晚飯時間剛好和同事留意到這一間西餐廳，想簡單吃一頓的我們就進去一嘗餐牌的選擇不算多，但是每一道菜的種類給完全不一樣，雞牛豬薄餅意粉一應俱全晚飯套餐包含餐包和餐湯，餐湯是甘筍忌廉湯，入口濃郁Creamy，有驚喜吉列豬扒漢堡，坊間比較少吃這種配搭的漢堡，沒有想到吉列豬扒和漢堡是如此配搭，先說吉列豬扒新鮮炸起，配搭軟熟帶有甜香的麵包加強了層次感入口鬆軟和酥脆集合在一起，另外豬扒亦充滿肉汁，是一個高質素的漢堡小食點了一個炸魷魚圈，簡單一點說新鮮炸起冇得輸，魷魚的軟滑配搭炸衣的酥脆和沙律醬點綴，作為餐前小吃的確一流同事點了法式燒春雞，先說份量之大，性價比十足，吃了一件，雞肉飽實雞皮薄身但酥脆，滿意

我哋兩個人點咗一個dinner set，再單點一個沙律同Pizza。即焗麵包及餐湯🥣餐湯係甘筍湯，充滿甘筍嘅香甜味，帶點微酸，口感creamy幼滑。餐包好軟熟，有別於其他餐廳嘅餐包，幾特別。凱撒沙律🥗配雞肉煙三文魚呢個係單點嘅沙律，份量都幾多。沙律可以選配煙三文魚或者巴馬火腿，兩款都有獨特嘅鹹香，是但揀一款都咁夾！法式燒春雞配燒汁🐣係一隻雞！份量超級大，上菜果下真係有啲surprised。燒春雞肉質鮮嫩，配上燒汁味道唔錯。意式風情薄餅🍕因為之前食過dinner set嘅Pizza，今次想試吓其他口味，所以單點左呢個Pizza。個人超級喜歡同推介呢度嘅Pizza，呢度嘅Pizza口味唔多，但全部都係用最classic 嘅配搭，帶出傳統口味。最吸引嘅地方係pizza上厚厚嘅mozzarella cheese 🧀 ，真係非常芝味飲品就點咗杯凍檸茶

坐得舒服、員工親切友善、食物有心思，係區內聚會嘅好地方👍🏻👍🏻👍🏻薄餅芝士厚身拉絲不太咸，餅底薄脆咬落有微微烤香，調味就偏清新向茄醬唔會搶，配火箭菜稍稍加強豐富感🍕🍕🍕羊架肉質香嫩Juicy好濃好香，比起其他餸菜普遍嘅清新向突出啲，幾啱鍾意香口濃郁嘅朋友🦴🦴🦴意粉食落有種中式炒法感覺，同預想嘅唔太同，調味方面胡掓偏重同埋有啲過油。雖然幾平但相較之下揀貴少少嘅其他肉類或者薄餅會比較滿足。總體都幾滿足，價錢合理環境好，會再嚟食！

好耐無入上水，多左唔少餐廳，行左個圈西餐好似唔算多，見孖寶門外餐牌有岩食，價錢又ok就去左本來諗過2人餐，不過2個都想食肉就分別叫晚餐餐湯同麵包應該自製，幾好飲，麵包烘過再上，外層脆內軟熟，好食！阿媽例牌食牛，要左紐西蘭肉眼，7成熟黑椒汁牛扒上枱已經見到煎得好靚!切開7成剛好，食落真係覺得抵，有牛味無筋，外脆內軟，處理得好好，另外值得一讚係黑椒汁，好多餐廳為左迎合大眾口味，黑椒汁完全唔辣唔香，但孖寶既好味!我叫左香煎威爾斯羊扒，原本以為係一塊扒🤣原來係羊架..哈哈，不過羊架我同樣鍾意，細細塊肉比牛扒更難處理，同樣7成熟，外脆內軟，帶少許蘇味，不錯，而且三件都處理得好好，連肥膏位都煎得香脆，我食晒配菜方面都唔馬虎，薯仔同其他菜都略煎過有調味，唔會淡茂茂最後飲品加錢轉朱古力沙冰&玫瑰咖啡，2杯都唔會過甜整體黎講真係好高質，如果下次再過上水，絕對會回頭

今日去上水搵個老朋友見面，佢去地頭，佢約我去石湖墟食飯，我仲一心諗住係普通茶記，估唔到有驚喜，係間高級西餐廳🍴估唔到喺個舊墟有間別緻西餐嘆🥳🥳我哋 兩點先去，可能過咗lunch time 所以唔太多人午餐同下午茶食物都係一樣，不過無餐湯，但價錢就有分別😊除咗咖啡，仲有唔同味道嘅花茶餐廳細細但都好多菜式，睇得出用心煮理一望以為係磨菇湯，原來係「蘭度豆」湯，真係第一次聽，飲落似眉豆味，但好香濃，好特別🤭肉眼扒，都好大塊，食完好飽😂😂肉眼夠淋而且七成剛好，有牛香味黑毛豬架煮既時間控制得啱啱好，食落好嫩滑，仲有新鮮肉味，呢塊扒超掂👍🏻整體感覺真係唔錯，餐廳細細，但食物質素樣樣都掂👍🏻

在上水舊墟的孖寶小館，位置雖不近地鐵站，但門口有大量錶位，車主們不怕泊不到車位。南瓜湯十分濃郁，放低都聞到南瓜味。法式燒春雞春雞我會比手指公，因為夠脆皮，又煮得不會柴。配搭本身跟餐的燒汁不錯。紐西蘭肉眼肉眼有目測大約8安士，我點的mid rare 都做得不錯。跟餐還配兩種醬 - 芥末同黑椒。法式芥末小小攻鼻但十分配合牛扒的油膩感，而我個人更喜歡黑椒，辣香適中。炸薯條配黑松露醬，炸薯條為粗碌的，沒有返炸感，再配黑松露十分無敵。另外叫了杯咖啡，十分識嘆。

有一排無入嚟上水，朝早入去探完親戚再去搵朋友一齊探店，朋友今日話想食西餐，喺新城路行下行下就見到孖寶，其實之前都有曾經經過，但平時唔係成日食西餐，正好今日大家都想食西餐，就行返過孖寶，好彩都算近火車站。孖寶入面環境都唔錯，裝飾佈置都幾靚孖寶嘅套餐餐牌原來仲有分午餐價同下午茶餐價，但午餐就包埋餐湯同麵包，而我哋去到仲係晏晝兩點左右，兩點半先有下午茶，同埋太肚餓嘅關係，仲可以試埋個餐湯同麵包，真係嚟得合時。我叫咗份紐西蘭肉眼牛扒，同行朋友叫咗香煎三文魚扒，大家都配意粉同飲熱奶茶。首先嚟咗兩份餐湯同餐包，南瓜蓉湯非常好飲，又好creamy，煮到有啲甜甜哋，同埋好滑，朋友本身都唔食南瓜，點知飲咗啖就飲曬成碗湯。另外個餐包都好鬆軟，配湯一流。輪到主食，先講肉眼扒，一向唔鍾意食太熟嘅牛扒，所以嗌咗五成熟。牛扒其實真係用眼已經知個質素係點，一上檯就睇得出煎得剛剛好，肉眼好食之處係有啲筋韌韌哋，同埋有啲脂肪煎嗰陣油香味會多返少少，塊肉都甘香啲。另外個意粉都煮得唔錯，唔會太軟腍腍，個texture好好，整體味道唔錯。開頭以為7安士未必夠，點知食到飽飽哋另外份三文魚扒都好好食，又係煎到啱啱好。其實三文魚扒

星期日早上10點. 不用等位👍🏻店員都好有禮貌🥇煙三文魚水波蛋多士蛋是全熟. 由於本人不喜歡流心蛋.好喜歡👍🏻多士是一般方包烘底. 雖然唔係出面貴價餐廳既酸種面包. 一份錢一分貨. 可以接受🙂做得最好係個面有用火槍噴過. 香香地好味！ 🥈螺絲粉普通羅宋湯螺絲粉. 煮得淋左D. 不過不失🥉玫瑰鮮奶咖啡（+$15）上枱個拉花好求其. 有點嚇親花瓣得3片🌸但飲落都香既無咩啡味. 當玫瑰牛奶咁飲🌝整體不錯👍🏻係街坊好選擇

已經好一段時間冇嚟呢間餐廳，今次嚟到menu都唔同咗，又可以試吓新菜式。我哋點咗兩個dinner set 加一個小食，一齊share，都好豐富即焗麵包個麵包係暖暖哋嘅，好軟熟，算係唔錯。西蘭花忌廉湯比較少飲呢款湯，覺得幾特別。我本身都鍾意食西蘭花，覺得味道幾濃，口感幾creamy。香煎三文魚配檸檬牛油汁三文魚煎得好香，重點係呢個汁好好食，同三文魚好夾。配菜有薯仔🥔西蘭花🥦豆角，黃椒等等。煙三文魚薄餅呢個薄餅真心推介，有勁量嘅芝士，裏面夾住鹹香嘅煙三文魚，拎起一塊嘅時候係會拉絲拉絲，好滋味！烤蜜汁雞翼呢個雞翼賣相都幾靚仔，重點係～好好食！雞翼有炸過，而裏面係有肉汁，超級juicy嫩滑，香口嘅雞皮上面沾滿咗蜜汁，堅好食！凍香蕉朱古力呢個算係不過不失，個人會比較喜歡抹茶鮮奶。抹茶鮮奶個拉花好靚，暖笠笠嘅抹茶鮮奶，呷一口令人有幸福嘅感覺

今日去咗上水同個朋友食飯，我哋想搵個靜靜地嘅地方傾吓計，所以去咗食西餐。入到餐廳，個環境都舒服，燈光微暗，地方唔算大，但亦唔會覺得迫。我哋一人嗌咗一個dinner set，大家share。好快就有餐湯同麵包，餐湯係忌廉粟米湯，充滿香濃嘅粟米甜味，麵包係暖暖地，好軟熟，幾好食紐西蘭肉眼(8安士)牛扒肉味香濃，有肉汁，一啲都唔乾唔韌，切得厚厚地，口感唔錯。伴有薯仔，西蘭花，椒絲，豆等等嘅配菜，令人感覺好滿足。傳統瑪格麗特薄餅呢個薄餅有驚喜，因為我冇expect一款咁傳統同經典嘅薄餅可以做得咁出色！就咁睇相已經見到佢嘅芝士份量有幾勁，係香噴噴熱辣辣嘅半融芝士！番茄醬夠多，餅底夠脆，整個味道簡單而豐富。脆炸魷魚圈見到呢個小食就忍唔住要加，因為我哋都好鍾意食香口嘢。個魷魚圈新鮮炸起熱辣辣好正，點沙律醬一流。飲品點咗凍檸茶同花茶。

孖寶係上水經營了很多年，水準一向都保持得好好，好多熟客會回頭幫襯小店來講孖寶算寬敞，枱與枱之間吾會有壓迫感!牆上黑板好突出，貼了好多明星相SET DINNER 有齊餐湯+即焗麵包+主菜+餐飲是日餐湯: 忌廉粟米湯鮮粟米打磨得好幼細，個湯糊度適中非常綿滑，粟米味好濃烈又香甜! 即焗麵包香軟鬆綿，伴湯一流華都夫沙律新鮮沙律菜 + 爽脆香甜青蘋果 配搭沙律醬及黑醋 甜甜酸酸好開胃!紐西蘭肉眼扒 (8安士) 配牛肝菌醬牛扒煎得好靚，煎至微焦好均勻 香氣撲鼻 保持了肉汁很軟嫩! 不得不讚牛肝菌醬真係做得好好! 菇味濃郁替牛扒增加層次另外叫多一份小食蜜糖烤雞翼 外皮脆卜卜! 外脆內嫩 吾會好乾身餐飲: 菠蘿梳打 好清新解渴 夏天降溫一流總結: 餐廳性價比很高，價錢實惠而且食物有質素! 屹立上水多年還是有道理的!