宏發燒臘飯店 (已結業)

星期六喺銅鑼灣行完街拎住好多戰利品，想搵地方食個快飯，比我發現義順隔離原來有間燒味店！地方光猛乾淨，唔會好麻甩，見有位就入左去～餐牌好多選擇，其中一個餐叫「綠色有盈套餐」：2款燒味配飯/粉，送菜同飲品/湯。見呢個餐幾抵又有野飲，於是我點左"乳豬+貴妃雞 配瀨粉" 。瀨粉湯底好清，無咩味精；乳豬皮好薄脆，肉質好滑嫩，脆瘦適中食落無油膩感，點埋燒汁醬食好惹味；貴妃雞正好係脾位，岩晒我因為我最怕食雞胸肉～脾肉好滑，連埋上面d蔥食仲香口。我點左個熱飲，唔使加錢～佢仲有好多燒味選擇，下次有埋阿爸試下先～

放工落左銅鑼灣，見到門面有間好企理既燒臘店，就入去食左知燒腩仔拼乳豬飯🐷，燒腩仔好香，肉既質地唔會乾，食落無油膩感。至於乳🐷既皮薄薄，好脆口😋。飯粒有米香！好味~😋😋

今天老闆和同事們出外見客，祇有我一人去吃午飯!路經宏發燒味，被香噴噴的燒味吸引住，於是一於坐下來!叫了一客乳豬燒鵝飯，例湯及凍檸茶! 乳豬很有水準，因為乳豬皮薄很脆，乳豬肉很新鮮和入味，燒鵝份量也很夠，重要的是鵝肉很香，另外老火東瓜湯火喉十足，原來乳豬和燒鵝正是這裏的招牌菜，果然不負所望，感覺真不錯!  難怪下午一時半己人山人海，坐滿滿了!

唸住食燒味飯，行過見到新裝修就冇死入去叫左燻蹄飯成$60，我心估一定吾差得去邊，點知上菜見到有雪面同有有毛燻蹄系我面前，冇口感好難死食一口之後就吾食，問心其實街市$20燒味好過佢多多聲。質素這樣差燒味第一次遇到。

今日又到返學時間，去到銅鑼灣睇食咩好竟然見到間燒味舖，咁特別既，之後見到燒鵝超吸引，吸引左去食。原來仲有下午茶都係$40蚊有野飲，都和其他大舖頭價錢吾差得遠，下次可以再黎食下午茶餐。Roast goose with rice 宏發燒鵝飯 $60…見吾少人都有叫燒鵝就知吾錯，黎到份量剛好，燒鵝份量都吾少喎，一甲上黎有少少油好吸引，一食皮有少少脆口再上肉質結實有口感和少少鵝油十分好味，之後再上酸梅醬，酸酸甜甜增加食慾…不可不講佢酸梅醬，和出面有些不同，顏色偏淡但濃味十足，好足料喎！意外十分好味道，建議每次點少少食就可以，不然就會偏酸

因為要等女友人放工先去飲野, 但我8 點多時實在太餓, 所以求其在Sogo 後面街食個燒味飯 店不算大, 不過以銅記來說開間小店舖也好貴, 不過剛好有位不用等, 所以就入來了. 叫個义燒配乳豬飯 (HKD68). 义燒肥瘦適中, 而且我最喜歡食义燒D 蜜汁外皮, 煙靭又有點哨口. 而乳豬皮燒得金香, 非常脆口, 沒有放久變腍的狀況, 好味道, 不過份量不算多, 女士的食量上還好, 如果是我相公的話就一定要再叫其他野食. 有菜底, 整體不錯, 在銅記的中心地帶來說也算價錢適中啦~ 宏發燒臘飯店 銅鑼灣駱克道504號地舖

今日在銅鑼灣逛街，突然想食燒味，就去左宏發燒臘飯店。店員推介我們綠色有營套餐（$68），這個套餐除了可選單或雙拼飯外，還包括油菜一碟、飲品或例湯。 當日的例湯是章魚節瓜湯，味道較清，勝在夠熱，還附送雞腳一隻。 油菜是菜心，翠綠爽脆！ 主角來了，一個點了叉燒燒肉飯，另一個點了油雞燒鴨飯。想不到雙餸飯也有這麼多餸，先說叉燒，味道很香，肉質有嚼口。燒肉外層沒有脆皮，有點失望，但勝在肉質嫩滑。 油雞醃味不錯，肉質有嚼口，不錯！燒鴨香味濃郁美味，肉質夠香！

收工突然想食乳豬，所以就到這裡一試招牌乳豬飯。招牌乳豬飯：$110乳豬不但燒到香脆嫩滑，皮與豬肉分離，唔會因燒得太耐時間將豬肉都燒到梗，加上乳豬肉味濃郁，有著新鮮豬肉的味道，而皮亦燒得金黃，食落似食豬肉紙爽脆，加上用來點乳豬的醬汁，絕對係一絕的配搭。

台灣朋友黎香港工幹，順便約我見面聚聚。唔講唔知，原來台灣人特別中意香港既燒臘飯。原來諗住帶佢high tea, 點知佢叫我帶佢食燒味飯！咁我就一盡地主之誼，做下功課，帶佢食間唔失禮既燒味飯openrice見到宏發燒臘又就腳，燒味又大碟價錢又合理，就帶佢去試呢間。店內大部分遊客都唔係本地人，似乎呢間燒味都係做遊客生意居多，當然啦，正正係祟光百貨附近。服務員見我同朋友對住個餐牌十五十六，佢好好，即刻過黎介紹我地食燒乳豬，佢話呢度既乳豬好香脆可口，一定要試！於是我地點左個燒腩仔拼乳豬，可以試兩款燒味嘩 乳豬同燒腩仔既顏色好光澤，簡直好似岩岩燒起一樣！！望落去都覺得佢好脆，咬落口果然係脆卜卜。燒腩仔同乳豬皮脆肉滑，肥瘦適中，激讚另外我地仲點左個燒鵝瀨。燒鵝一樣出色，鵝肉鮮嫩。唯一美中不足係個湯底，較淡，好似滾水瀨粉咁，扣少少分。燒味以外既選擇。其實南乳豬手我都好想試！！不過真係食唔落咁多。下次自己再黎試先~~~

今日接個好朋友收工，跟住行街食飯直落。朋友係sogo返工，我早左少少到，所以求其搵間野食住等佢！比我見到呢間燒臘店好多人排隊買外賣，而店內又有位，我就入左去試試。店內環境唔大，不過座位唔逼，都坐得幾舒服。我發現店內9成都係遊客，有外國人，亦有內地人等。當時全店好似得我一個本地人 哈哈。我點左個好耐無食既燻蹄切雞飯。因為唔係度度都有得食燻蹄，所以見到即刻心心眼，一定要叫！！正！有例湯送~~花生眉豆煲雞腳。無味精老火湯，好香花生味，雞腳又煲到稔哂，好好味呀~~~呢度既燻蹄皮肉均勻，好爽口，配埋白醋真係超級好味！仲要好耐無食，更覺欣賞。切雞肥美嫩滑，讚！仲要一提既係佢既薑蓉，調得好好味，唔會太油太咸，好味~唔怪得之咁多人排隊買外賣，唔怪得之咁多遊客冒名而來，係有水準之作！絕對唔失禮呀。估唔到今日意外地搵到正野食☺開心 滿足。

非常幸運在電台抽到了一驚悚電影的優先場戲飛，距離開場九點九還有個多小時， 先到附近找間餐廳坐坐吧～在義順旁邊有間餐廳格局相當光鮮新潮，感覺更像一些新派糖水店，當鄰店的雙皮奶一碗$36時，感覺吃個叉燒飯會比較填肚。餐廳兩旁貼滿大大張招牌菜的相片，細看之下原來都有中英對照的名字，在銅鑼灣這個觀光勝地，即使言語不通，遊客仍然可以看圖點菜，此舉確實貼心。本想點個叉燒瀨粉嚐嚐，奈何瀨粉已經售罄，最後我點了一個秘製燒腩骨飯 $80 ，當我有點肉赤是否點了個定價過高的燒味飯時，看這份量絕不欺場喔！甚至可以說是個二人前，燒腩仔整整十一件，大部份都有一隻廣東馬吊的大小，看這燒腩骨樣子相當迷人，表皮燒得金黃，層層肥瘦分明，由金黃的外皮、皮下脂肪呈透明狀、到爽脆的軟骨、再到有彈性瘦肉的部份，每層都清晰分明。咬下去亦非常香脆（要知道在晚上九時吃到香脆的燒臘是多麼不容易啊），層層鬆化，肉質帶香之餘，亦不會濺得一口肥油。吃完坐著店員也不會礙你，坐位也挺舒適的，時間到點才斯然離去，其中有一個短發胖胖的服務員態度很欣勤，值得一讚！

“燒鵝歷盡600年 我們現在吃到的廣東式燒鵝，相傳已有約600多年歷史，可追溯到南宋末年。據說，當時一位宮廷御廚在仙洞村，開了一間燒鵝店，憑其宮廷秘製燒鵝手藝聲名大噪。這名御廚有一女兒，後來出嫁到銀洲湖東岸的古井鎮，她把父親秘製燒鵝的手藝也帶到了古井，更世代相傳，由當地人發揚光大，所以廣東以古井燒鵝最為馳名，做法輾轉流傳到今日。廣東式的燒鵝做法可謂各師各法，但都不離醃製、上皮、風乾、燒烤等步驟。好的廣東燒鵝，要做到色澤金紅，鵝皮光亮，皮肉飽滿，腹含滷汁，皮脆酥香，脂香盈潤，肉滑鮮美；而斬件後，皮、骨、肉更要連而不脫但入口即離。這間宏發燒味又做到幾分呢！...•燒鵝皮脆有光澤，肉汁多而不帶腥味，配以酸梅醬伴吃，懶粉湯底偏清淡，剛好中和燒鵝的油膩感，吃得津津有味！•花生雞腳老火湯略略品嘗出有人蔘的甘香，色濃味濃，不簡單！•影張大特寫讚揚該店看！雞腳的趾甲被斬掉，現在會細心這樣做的店已見少賣少,其實斬掉趾甲除了更易迫出雞腳的骨膠精華外，亦更衛生，更易於咀嚼！•看到這張海報，嘴角微微笑了一笑，心想不愧為雙贏的一種宣傳方法！

下午去左禮品中心換左馬會禮品，咁岩樓下就有燒味店，就過去食下。店鋪睇來是新裝修／新開，燈光足夠，空間闊落。咁就叫左個燒肉豉油雞瀨粉。有豉油雞就會有薑蔥蓉配埋，薑蔥蓉少油及夠咸，加在豉油雞好ｍatch! 豉油雞唔肥，冇雪雞味道，幾林又少碎骨。聽店主講，原本鋪後有個工場，即燒燒味同家禽，店員時不時就從房中拎燒味同雞出來，非常之香。

剛剛去先書展，又行左一陣SOGO，做完咁多腳部運動食番個燒味就岩岩好！但又唔想食燒味飯，食左飯氣攻心，就叫左個油雞Ｘ燒排骨河食。油雞肉質鮮嫩，沒有任何雪的味道；燒排骨外皮爽脆，好惹味；湯底清淡，沒有味精味道，最後叫左杯凍華田，中和油膩感覺！

燒味三併，分別有燻啼，海蜇，玫瑰油雞。燻蹄爽口，肉質帶鹹，加上海蜇清涼爽口，是燒味既孖寶兄弟。玫瑰油雞，因為雞胸肉，所以啖啖肉，油雞雞皮幼滑，玫瑰油味香濃，帶出雞既鮮味，加上幼滑雞皮，仍燒味出品相比一般餐廳製作特出之處。