宏 (已結業)

餐廳空間感十足，設計精簡，坐得好舒服。牆上掛上日本畫，為食客帶嚟日本風。大鰻魚飯加烏冬 鰻魚份量充足，肉質嫩滑，配以鰻魚醬汁，入口即溶。 小弟對腥味好敏感，食鰻魚最怕食到腥味，呢個鰻魚飯感受唔到。烏冬係特製嘅海藻烏冬，線色一點點，幾特別。新日本白燒鰻魚定食如果想嚐試到鰻魚本身嘅鮮味，一定要試呢個白燒鰻魚。因為冇用濃厚嘅鰻魚醬汁，所以可以食到鰻魚應有嘅味道。 定食仲配有：日本芥末醬油 、日本柚子醬油 、鹽、鰻魚醬汁，任君選擇，一魚四食。抹茶卷 ，黑芝麻卷 蛋糕鬆軟，入口有層次。而且唔會太甜，好啱我口味。日本草莓班戟只有黃埔分店有嘅獨特甜品，用上日本草莓製作而成。 班戟好鬆軟， 彈性十足，配上雪糕同布丁，入口即感受到三種滋味互相碰撞。碟傍嘅心形伴碟，可見師傅嘅心思。抹茶紅豆用上日本紅豆，友人話好飲，小弟覺得略甜。日本草莓沙冰 用上日本草莓， 坊間好少見。沙冰夠幼，易吸吮，微甜，好啱我。

今日約咗朋友去黃埔shopping ， 順便食完晚飯先返屋企，好友帶我到九號水產覓食，之後揀咗間餐廳叫「宏 Hiroshi 」，因為見到佢嘅蛋糕同甜品又正又靚， yummy ! 餐廳佈置得十分舒適， 光線柔和， 以淺木色做主色， 加上波波燈飾，使人特別放鬆。 我哋叫咗 《純日本白燒鰻魚定食》 同 《迷你三彩定食》 。 《迷你三彩定食》 有飲品、沙律、抹茶卷、蒲燒鰻魚丼、吞拿魚腩丼同迷你海藻烏冬，一個定食有六種囗味，真係好得呀！ 份量十足嘅鰻魚丼， 有原條鰻魚， 鮮甜肥美， 加埋山椒粉就夠哂惹味啦。個山椒粉除左去腥，仲同鰻魚好夾，由舌尖開始散發出獨特味道，值得一試。滿滿嘅吞拿魚充滿魚油香， 加上日式珍珠米飯，一齊食， 整體效果好好味！ 跟餐加錢叫咗焙茶奶，茶味好香，口感幼滑。跟餐嘅抹茶卷我就帶返屋企慢慢嘆，仲買左幾款蛋糕返屋企同家人分享添！《純日本白燒鰻魚定食》 ， 份量足，原條白鰻魚， 雖然唔算厚肉，但燒得香口，肉質彈牙， 鮮味十足， 正！ 廚師提供多種醬料作選擇， 總共有四個配搭，而我就最鍾意點柚子醬汁，甜甜酸酸， 可以帶出鲜味。 ；配山椒粉都好特色。沙律同海澡烏冬，沙律清甜可口，

九號水產開了一段日子，今天終於過來看一看。可能因為不是週末吧，竟然非常冷清，走了一圈後，我們就決定到宏吃晚餐，可以一個地方解決晚餐和甜品兩件事餐廳比較冷清， 不用等位餐廳門口的甜品櫃很吸引，不過我們還是先吃晚餐吧主食的餐牌主要有飯和烏冬。我點了大鰻魚飯套餐，羊媽媽媽點了咖喱飯。套餐還配蛋卷和紅茶，很豐富食物不用等很久就到了！鰻魚飯的鰻魚份量豐富，而且淋滿了鰻魚汁，鰻魚厚身肥美，送飯一流這裏烏冬有點特別，看起來像蕎麥面。烏冬口感不算特別煙韌。羊媽媽的咖哩飯份量超大日式咖哩偏甜不辣，炸豬扒香脆可口不過下次要點少飯，減少浪費！吃完主食其實已飽了八成！不過羊媽媽堅持要吃甜品～甜品選擇很多！！！餐廳外的甜品櫃還有蛋卷和蛋糕。。。終於我們決定要一客芭菲和一件焙茶雪芳蛋糕雪芳蛋糕茶味頗濃，囗感棉密，不過略為不夠濕潤。香草牛奶軟雪糕芭菲賣相一流，而且材料非常豐富值得一提的是，芭菲底部有大量杏仁脆片，脆脆的很好吃，而且也令整個甜品的口感更加豐富下次還要再試試其他甜品

係openrice見到呢間宏，有兩樣嘢好吸引我！一係鰻魚， 另外就係抹茶， 今日就特登約埋同事一齊過嚟九號水產試曬呢兩樣！季節限定，純日本白燒鰻魚定食$210白燒鰻魚香港比較少有得食，用上細條嘅白鰻魚燒嘅，會比較嫩滑，入口即溶，配上即磨Wasabi嘅豉油，海鹽同埋鰻魚汁可以俾你食到幾款唔同嘅口味；昆布蕎麥面，湯底清甜，麵質彈牙，呢個套餐有驚喜！同事食呢個係迷你三彩定食$148，用上吞拿魚茸鋪滿面，加上生磨芥辣，細細碗食完唔會太膩，再加蒲燒鰻魚飯同埋昆布蕎麥面，一個午餐可以有三個口味，正！抹茶甜品set$198綠茶控必試，雪糕好香綠茶同牛奶味，好滑，蛋糕又軟綿綿，另外抺茶曲奇同埋綠茶糕點，配埋抺茶飲品，感覺完全置身日本京都中！如果好掛住京都又冇時間去嘅話，可以嚟呢度感受一下

每次去尖沙咀食宏，都要排好耐隊，估唔到佢喺紅磡開分店，可能仲未有人知，比我輕易食到最好食嘅甜品！其實宏呢間日本餐廳，出名嘅點止抹茶🍵咁簡單，佢嘅熟悉都非常好食，特別係鰻魚飯，簡直令人驚艷！我老公叫咗最多人叫嘅迷你三菜定食，包括有迷你鰻魚飯、吞拿魚蓉飯、海藻烏冬！鰻魚超級肥美，細細碗鰻魚飯就已經有兩條鰻魚，口感超軟滑！雖然係迷你吞拿魚蓉飯，但份量一啲都唔小，吞拿魚茸又肥美，又有魚香味！如果鍾意食魚，一定要叫純日本白燒鰻魚定食，平時食鰻魚一定係有好多燒汁係上面，食唔到魚嘅鮮味，呢個無燒汁在上面，除咗可以食到魚嘅鮮味，仲有4款醬汁俾我哋選擇，首先係平時嘅鰻魚燒汁，甜甜地，喜歡的朋友一定不要錯過！我最鍾意就係點鹽食，原來唔腥嘅魚，只係有少少鹹味已經好好食！柚子醋亦係唔錯嘅選擇，酸酸甜甜零舍開胃！芥末我就覺得一般了！每一餐都送一個蛋捲，我哋叫咗三個餐，就食齊3個口味，包括原味、抹茶、芝麻！原味係好香嘅蛋味，呢度嘅蛋糕最好食嘅原因係唔會太甜，味道剛剛好！抹茶亦非常濃郁，但我最欣賞竟然係芝麻味道，濃烈得來唔會好漏！我最期待的畫面出現了！甜品時間到！我哋叫咗個抹茶窩夫，隔住道牆都聞到好香嘅窩夫味道！抹

黃埔新開左9號水產咁耐，我都未去過，今日心血來潮想去逛一逛，睇下佢有咩買，行咗一輪之後，就係隔離嘅餐廳食下野，見呢間鋪頭有正餐食之餘，仲有甜品，可以一次過滿足我嘅願望。睇完餐牌，我諗都冇諗就揀咗一個迷你三彩丼定食，因為乜都有，而且全部細細碗，可以試晒唔同嘅嘢。三小碗，送埋沙律，野飲同小抹茶蛋卷，做緊推廣價，都係＄148 ,好抵食！沙律正常發揮。吞拿魚碎魚生飯，呢個價錢食到咁好質素嘅吞拿魚碎飯令人好滿足，吞拿魚入口好滑，咬兩口就自動滑入喉嚨，好味，份量多啲就正喇！鰻魚飯都好出色，啲鰻魚汁好香，但仍然食到啲鰻魚味，正！海藻烏冬，食完兩個飯，有一個烏冬平衡番，而且個烏冬都好特別，比平時嗰啲係幼身啲同滑啲，唔錯！加錢飲個培茶奶，好滿足！

This restaurant is the perfect place for eel, matcha lovers. Went to the restaurant with my wife and 2 friends on Monday night. Got there around 19:30 and we got table right away. there are actually another shop located at The One, but heard that it’s always super packed with long line ups.Wasn’t too crowded as the restaurant wZ only 1/2 full.2 white eel sets:Served with rice, salad, and fish soup udon. The udon is perfectly cooked with nice texture. The eel was not the usual BBQ eel, this o

唔係入開黃埔睇戲或者搵食，都好少可入呢個純住宅區，今次就打孖上一齊做！宏身處的地方係一個集合幾間日式食肆的商場，都幾清靜，啱食下嘢傾下計！不過收得早就真，好彩有地鐵咋。之前做research，知呢間店甜品都幾出名，不過肚仔餓(係，我成日肚餓XD)，都係叫個主食先！叫咗個醬油海藻烏冬，上菜時熱辣辣啱我！湯麵、湯烏冬點可以唔熱呢？食落都幾得意，雖然唔係好食得出海藻烏冬有咩唔同，不過口感好彈牙，正！而且清清哋，唔似其他日式口味咁有叉燒、薑蔥，係有特色嘅！不過主菜就梗係唔係主菜啦！(笑) 餐後先上另叫嘅抹茶窩夫真係幾好味呀，窩夫熱辣辣不在話下，仲有好香嘅蛋味！加上幾樣配襯，抹茶雪糕唔太甜但抹茶味滿分；粟子蓉亦非常香甜又有口感層次，好滿足！食埋之前個烏冬餐入面送嘅黑芝麻卷瑞士卷，完美句號！

~依家有埋軟雪糕食 YEAH~ 之前新年想去呢間買蛋糕，可惜冇開。今次一去Lucky ~ 有雪糕優惠，上年尖咀個間唔覺有。一人一隻味，兩隻(抺茶,雲呢拿)試曬日本軟雪糕。

有人生日 唔想又係食大品牌但又唔想買甘貴既蛋糕同埋想清清地甘岩行過9號碼頭 本身係諗住買大牌子既蛋糕食就算但係行過見到宏都有蛋糕賣wo由於我個人比較唔鐘意同人地一樣就係鐘意同人地唔同 有特色如果唔係🤷🏽‍♀️點解要同我食呢個蛋糕同埋唔會記得所以就買左佢啦以為普普通通點知佢呢個培茶味唔算好wo有d人食完都唔知咩味 以為係朱古力因為佢出面啡啡地色 所以大人細路都岩食個海綿蛋糕好鬆軟 但係食完唔會好似食左一陣風甘個cream又好奶味 入口即化開 好幸福的感覺食過呢個你會知道咩叫化學野同真料實料正

今日細佬帶我係黃埔食晚飯，其實唔係佢帶路都唔知有九號水產呢個地方，要繞過黃埔船才到達，相對較靜，而九號水產就似一個個美食坊，以日本餐廳為主（都有一兩間中菜），今日黎試下呢間宏，睇下同the one 分店有冇唔同餐廳位置好多，晚上真係靜得有點令我驚訝（因為the one 店晚晚排長龍），今次細佬叫左我最愛既鱈魚飯套餐$140 而我就點左雜錦天婦羅套餐$170套餐包 沙律、海藻烏冬、飯、一杯飲品、細既roll沙律有生菜、粟米、蕃茄，配上開胃既沙律醋呢到既海藻烏冬係我既最愛，其實佢係好幼身既麵，但爽滑彈牙，湯底非常清甜，帶鰹魚的香，三爬兩款就比我清晒，湯都飲晒細佬既鱈魚飯- 醬汁帶微甜，燒過的鱈魚外層多一分甘香，肉質結實彈牙。不得不提餐廳標榜用上日本很有名的新瀉米，米飯粒粒分明，口感軟糯而不失米香我今日試天婦羅飯，分量都幾多！有蝦、秋葵、茄子、蕃薯、青椒。炸漿做得算幾薄，而且新鮮炸，唔會淋晒跟餐的小蛋捲同飲品綠茶味始終都係我地最愛！綠茶蛋糕濕潤軟熟，中間綠茶味的fillings帶著濃濃綠茶香。飲埋杯凍綠茶都未夠喉，加碼叫甜品店員極力推薦 綠茶軟雪糕芭菲$88 及 日本草莓班戟$88佢話賣點係

對上一次嚟黃埔都唔知幾時喇，今次真係好巧合之下先同朋友轉移陣地嚟到，咁事實上依家有地鐵的確無咩所謂，搭多幾個站only,但嚟完之後感覺幾好，星期五嘅晚上都咁少人，唔洗咁麻煩book位行行下嚟到九號水產，行咗一轉之後決定入嚟宏食，坐底後待應都好細心咁同大家介紹套餐以及單點嘢食，當然見到套餐有得吃埋甜品，被吸引了，最終叫咗個迷你3式，有吞拿魚飯、鰻魚飯同佢地另一樣出名嘅烏冬先講鰻魚，我個人欣賞個鰻魚汁好濃，而鰻魚本身無好乾身，唔錯，而我最愛當然係吞拿魚飯，雖然飯份量好少，但吞拿魚都算多，令你每一口都有吞拿魚連飯食😂，吃完加埋餐包嘅斯里蘭卡茶就啱晒尾段去到最重點嘅綠茶蛋捲，好重綠茶味，唔算好蛋cream同太甜，呢樣我最like ，下次想避開多人嘅話都會考慮嚟黃埔

復活節大假食好西第二彈！是日接人收工某某話想去黃埔行街街適逢我早前上網睇到有人介紹呢間日本野還掂黎到呢頭一於去撐下枱腳啦！呢度裝修簡約但勝在夠整齊多位就算撞正peak hour都唔會無位坐我同另一伴最後揀左純日本白燒鰻魚定食、蒲燒鰻魚、日式雞軟骨豚肉炸餃子、日本牛肉碎薯餅同埋日式宇治抹茶班戟純日本白燒鰻魚定食定食有包埋沙律、烏冬、白飯同埋抹茶捲都幾豐富白燒鰻魚真係第一次食魚質口感好實鮮味亦都好重鍾意魚鮮味可一試而跟餐抹茶捲有抹茶香之餘奶味好重蒲燒鰻魚呢款無白燒鰻魚咁重魚鮮味鰻魚燒得剛剛好之餘食落唔會好燶日式雞軟骨豚肉炸餃子雞軟骨配豚肉出奇地夾豚肉脂肪比例剛剛好熟度剛好唔會話炸到肉汁乾哂日本牛肉碎薯餅啖啖肉牛肉碎配薯茸係絕配食落亦唔會太油日式宇治抹茶班戟女士心心眼系列抹茶味香班戟配紅豆小丸子夾之餘亦唔會蓋過抹茶味抹茶雪糕抹茶奶味俱濃杏仁脆片食落好香亦唔會太甜

今日媽媽放假，同佢去左黃埔行街街同唱K。阿媽人生第一次🎼唱K🎤，估佢唔到咁多流行歌都識😳 玩到咁上下，兩母女有d 肚餓，大家都好想食日本野，行過依間日式餐廳，見到人地食既野好似幾吸引，一於試下啦-媽媽心大心細，咩都想試下所以佢點左迷你三彩丼定食賣相好靚亦好豐富個餐有小碗鰻魚飯、小碗魚生飯及小碗海藻烏冬。仲有沙律🥗、抹茶蛋卷同錫蘭紅茶$148 有咁多野食！價錢親民！-雖然係小碗鰻魚飯，但鰻魚夠肥美夠厚肉😋。蒲燒鰻魚，薰滿了香甜既醬汁魚身有光澤，外皮帶有淡淡既焦香味，伴飯一流🤤-小碗魚生飯，係用吞拿魚碎製成吞拿魚蓉油脂較豐，夠甘香；加埋醋飯，食到停唔到口P.S 吞拿魚蓉有算厚！唔會得薄薄一層呢👍🏼-小海藻烏冬亦很有特式🌟海藻烏冬係餐廳自創的，夠獨特烏冬麵條有一粒粒的海藻，很特別！烏冬亦夠煙韌！很美味！一試難忘下次再來會叫海藻烏冬Set 😍-餐廳職員介紹話咖喱都係餐廳特式一向很愛日本咖喱🍛味道比較溫和、而且味香帶甜。我點左咖哩炸豬扒飯豬扒炸得夠香脆，但粉醬唔會過厚！熱辣辣既炸豬扒，沒有油膩既口感好酥脆、肉質夠鬆化🤤配上香濃既咖哩，及粒粒豐盈既日本米人間美食呢！一啖接一啖，唔駛廿分鐘就KO 左

今日約左個friend 黎黃埔打保齡🎳同睇戲。直落食埋晚飯先散band。 一致讚成食日本野，朋友提議去九號水產區睇下，反正大家冇idea , 拍板讚成👐🏻。-餐廳位於九號水產區，第一次黎，Wow! 環境好大。感覺好像去了日本既魚市場。區內有多間日式餐廳，不過我地今晚揀左依間！俾佢環境同甜品櫃深深吸引🤤。-餐廳款式選擇好多，心大心細好難揀🤯職員好好呀，主動介紹餐廳一些特式食物俾我地。佢既鰻魚Set 好吸引，我叫左🌟純日本白燒鰻魚定食。依個亦係新菜式之一。平時係香港食鰻魚，多數係用鰻魚醬汁蒲燒。餐員介紹話日本人多數愛吃白鰻魚，更能品嚐到鰻魚本身既鮮味。白鰻魚都有手掌✋咁長，唔算肉厚肥美，但鮮味足，肉質綿綿軟滑。白鰻魚既特別之處係有4種調味配料：日本芥末醬油、柚子醬油、鹽及鰻魚醬汁四款口味都各有特式👍🏼我比較喜歡鹽，更能突顯白鰻魚既鮮美。朋友就較喜歡柚子醬，味道帶點微酸，味蕾既一份刺激。一份白鰻魚四款食法四種口味，很特別。🌟餐廳用上新潟白米！一向大愛日本米。而新潟出產既都係優質既日本米。顆粒大，柔白帶光澤，陣陣撲鼻既米香。鮮嫩既鰻魚用優質既白米襯托著，口感份外佳，更顯珍貴。-跟餐還有沙律🥗、