宏 (已結業)

宏係以引進日本天然健康食材製作食物出名，此外甜品亦成日聽人話好食聽聞黃埔開左分店，於是同朋友黎食，果然係聞名不如見面鰻魚飯係差唔多間間日式料理店都有既菜式，初嚐此店，就叫番個試下成個套餐十分豐富包埋餐廳重點推介海藻烏冬見餐牌寫話係以純日本小麥粉製成，含有豐富食物纖維，健康又好食此外，個餐仲包埋一杯斯里蘭卡紅茶同埋餐廳必試既抹茶蛋卷一次過滿足多個願望鰻魚真係夠肥美醬汁入味，推介另一大重點係採用日本新潟米，粒粒分明，口感一流朋友就係99蚊既海藻烏冬配甜品特價餐牌入面，揀左煙三文魚海藻烏冬今次仍然以海藻烏冬入饌，不過以冷麺方式製作，口感更為彈牙配合傳統日式冷麵湯汁，味度更濃更豐富三文魚俾足兩大塊而且食落口感新鮮煙三文魚油脂味配埋冷海藻烏冬一齊食，味道意外地夾成個餐包主食、茶、沙律、蛋卷，先至99蚊，仲係全日供應，算係抵食餐牌入面搵到一頁講述依杯日本蘋果汁取採自日本蘋果，而且仲係日本得獎於是額外叫左杯試，店員提示話走冰飲味道更佳，果然好飲好少可飲到蘋果汁咁青涼香純，蘋果味清甜得黎又唔澀，味道一流價錢40蚊一杯唔算平，但好值得一試跟餐送既抹茶蛋卷係餐廳必食既甜品忌廉不多不少，散發出淡淡綠茶香味，

想試宏好耐，今日終於約到一位好耐無見嘅抹茶控朋友，當然要把握機會食下主打抹茶甜品嘅宏一入座，店員就好細心地介紹signature 嘅食物，除咗抹茶食物外，原來仲有海藻做嘅烏冬!店員殷勤嘅服務同詳細嘅介紹已經令我對餐廳嘅印象加分，希望食物都唔會令我失望啦我地二話不說，叫正餐前就勁心急咁叫咗幾款卷蛋同好靚嘅抹茶雪芳蛋糕果然係非常有水準Cream打得細滑之餘既不甜又不膩，食多幾個都無罪惡感! 而蛋糕都非常軟熟，我地兩個女仔未食正餐前已經總共食咗四件蛋糕，因為真係好好食眾所周知，宏嘅抹茶系列一向出色，除咗抹茶之外，我推薦草莓系列嘅甜品都係必食!因為日本草莓嘅味道真係好香甜，同啲蛋糕好夾，令人想一食再食所以我地立即追加咗個草莓班戟，店員話啲汁係用新鮮草莓打出黎，絕對唔係普通嘅果醬, 食落果然係與眾不同，好refreshing至於佢嘅班戟唔係而家好hit嘅梳乎厘style, 而係傳統嗰種較為厚實嘅全蛋班戟，食落蛋香味濃，仲好飽肚，記得要share食，如果唔係個肚就無位食其他正野啦已經食到半飽嘅我地，除咗叫咗個鱈魚飯之外，都係好有興趣要試下海藻烏冬，於是我地叫咗照燒雞扒同山芋温泉蛋海藻烏冬, 個烏冬

宏已經由日本進軍香港有好一段時間，尖咀果間成日見都幾多人，我知黃埔開左間分店，應該易啲搵位，所以專登約埋朋友黎食一黎到果然係較少人，所以即刻入座坐低之後，店員都好有禮地簡單介紹下有咩推介食品，不錯餐廳既menu 真係好大本，所以唔影俾大家睇啦，真係好多食物選擇揀左好耐先落到單我就揀左純日本白燒鰻魚定食第一眼望到整個餐好整齊咁送上，已經覺得真係好日本風，其實知道宏的確由日本黎既，感覺佢即使黎到香港，管理都做得不錯條白鰻魚比一般大鰻細小，但肉質較大鰻爽脆及鮮嫩配以鰻魚醬汁、䄂子豉油、海鹽、七味粉等配料，味道更多完化不得不提既係，宏採用既米飯同埋烏冬係好特別既先講米飯宏採用既係新潟米，更重要係，飯米連殼由日本運到黎香港先打磨認真新鮮至於烏冬係採用純日本國內出產既小麥粉，加以高纖維質既海藻製作而成食落爽滑及軟韌適中，而佢用料天然，極為健康，難怪係日本仲攞獎啦叫依個定食論飯、烏冬以至白鰻魚都係推介食品，仲包埋餐廳皇牌卷蛋200蚊多啲可以試到晒全部，算係抵食另外仲包餐飲，指定係斯里蘭卡紅茶聽聞話英國皇室都有飲依隻茶唔理真定假都好，佢飲落茶味的確濃，添左兩次熱水後都仲好有茶味聽店員講，話佢地新番左部

近期因為陪著媽媽辦年貨的關係，經常於黃埔出出入入，對這區的美食開始有新概念。 來到九號水產搵食，想不到「宏」在這裏開分店，眼看雪櫃內的蛋糕非常吸引，感覺就像呼喚我一樣，怎可以不入內吃吃。 在香港，鰻魚一般是以鰻魚醬汁蒲燒，由於鰻魚已經被醬汁醃製，入口時魚鮮味道欠奉。而這裏的純日本白燒鰻魚定食，鰻魚是特別從日本宮崎引入，全部飼養約年半、去骨後自家燒製，以保留鰻魚本身的鮮味。 而餐廳同時會為客人奉上4款調味，包裝日本芥末醬油、柚子醬油、鰻魚醬汁及鹽，個人最愛就是蘸上柚子醬油，因為味道帶點微酸，吃時會更加開胃。 鰻魚屬於中size，魚身不算特別厚肉，不過，卻是鮮味十足，魚肉入口時帶有陣陣燒烤香味，而且肉質軟滑，以燒煮的方法烹調，就能將鰻魚多餘的脂肪迫走，吃後不會感到膩滯。 隨餐附上新潟白飯，相信大家都知道，新潟出產的都是日本優質米，口感極佳，飯粒圓潤富光澤，而顆粒分明，用來伴白燒鰻魚，簡直是人間美食。 除了白飯外，還有海藻烏冬，這個烏冬來頭不簡單，它用上100%純日本國內出產的小麥粉，配上含豐富食物纖維、多酚、褐藻糖膠的海藻所製成，所以烏冬表面可以看到一粒粒的海藻粒子，口感份外煙韌彈牙，而

宏係一間日式食店。烏冬，定食，咖哩，甜品(有窩夫，班戟，蛋糕)同埋芭菲係佢地既主打。另外，仲有其他特色既日本小食可以選擇，例如有炸芝士，南瓜薯餅，雞軟骨炸豚肉餃子等等。我同女朋友睇完個menu之後就叫左雜錦天婦羅烏冬 (HKD 168)，純日本白燒鰻魚定食 (HKD 210) 跟抹茶卷和紅茶。甜品就叫左日本草莓班戟 (HKD 88)。 睇完個menu，我地內心充滿期待。先黎既係燒鰻魚定食，內有海藻烏冬，新潟米飯，沙律，小抹菜蛋糕同一杯錫蘭紅茶。 鰻魚賣相唔錯，肉質鮮嫩，魚皮燒得非常香口，再點埋佢附上既四種醬汁，仲可以帶出鰻魚既鮮甜。 佢個4種醬係日本芥末和醬油，日本柚子醬油(略帶微酸)，鹽，同鰻魚醬汁。我個人就比較喜歡鹽，簡單得黎就可以帶出鰻魚既鮮味，其他醬汁都好好味，味道比較濃郁。海澡烏冬好好味，口感有別於一般既烏冬，湯底清甜，正呀。新潟米口感軟熟，同鰻魚係絕佳既配搭。 沙律就有菜，栗米同蕃茄，分量都唔少。個抹茶蛋卷，非常鬆化，有極濃郁既抹茶味，係食唔停架。杯紅茶就不過不失。跟住黎既就係天婦羅烏冬。天婦羅有炸茄子，炸蝦同埋炸青椒，炸得好爽口，又唔油膩，加埋個天婦羅醬汁，真係無得輸。佢

喜歡抺茶的朋友對「宏」應該不會陌生，她由一間佐敦小店打入了尖沙咀的大商場，現在更開了分店這裡的抺茶蛋卷很有名，我也很喜歡這裡亦同時供應多款主食，如烏冬、咖哩飯，所以在此正餐甜品「一條龍」並不是問題，記得要留肚吃甜品呢店員給了我們兩本menu，一本是套餐，一本是單點。套餐有沙律、主食、茶和甜品，幾划算的這𥚃有好幾款鰻魚套餐，有白燒和蒲燒鰻魚可選，頗為吸引，就點了一個白燒鰻魚定食～因為還想食抺茶甜品set，所以就單點了一個海藻烏冬白燒鰻魚定食($210)：這個定食有飯、有烏冬、有甜品，相信要滿足胃口並不難鰻魚被燒至微微金黃色，肉質爽滑，底下的魚皮感覺富有膠質鰻魚配有四種調味料，柚子汁、鹽、wasabi醬油、鰻魚汁。當中個人比較喜歡使魚味更突出的鹽和加添清新感覺的柚子汁雜錦天婦羅烏冬($168)：有別於普通的白色的烏冬，這𥚃的烏冬使用了小麥粉和海藻，所以呈灰綠色烏冬滑身，口感不俗，配上木魚清湯更能突顯烏冬自身的味道天婦羅籃子𥚃有兩隻天婦羅蝦，蝦肉爽彈，麵衣薄脆還有一些野菜天婦羅，當中我最喜歡是蕃薯和秋葵天婦羅抺茶甜品set A ($160)：這個抺茶甜品set是本日的重點共有4四抺茶甜品加一

正宗日本美食，定食、抹茶、海藻烏冬、甜品，通通可在«宏»找得到。主店於尖沙咀The One商場，分店剛落戶於紅磡黃埔的九號水產。純日本白燒鰻魚定食 ($210): 定食套餐包括白燒鰻魚、珍珠米、海藻烏冬、沙律、抹茶蛋卷(小)、錫蘭紅茶。白燒鰻魚不放醬汁，更顯鰻魚的鮮美，鰻魚肉質爽嫩，甚為高質。配有海鹽、燒汁、芥末醬油，亦有蒲燒鰻魚汁，店方建議稍加海鹽，能增強鰻魚的鮮味。海藻烏冬亦是推出之選，烏冬上沾有大量海藻，而烏冬爽彈而口感佳，配上香甜的木魚湯底，簡單而美味!雜錦天婦羅海藻烏冬 ($168): 海藻烏冬與上述的相同。天婦羅的炸粉薄而香脆，令平平無奇的蔬菜及瓜類均變得惹味，特別是天婦羅海蝦，特別好吃。抹茶蛋卷 & 宇治抹茶 (熱/ +$20): 抹茶是宏的signature，有抹茶蛋卷、甜品及飲品/沙冰等等，選擇甚多。所做的抹茶均相當有層次，含茶香，甜度適中，必嚐! 日本草莓班戟 ($88): 班戟即點即焗，蛋香甚為突出，香濃得很，必須趁熱食。草莓也是採用日本產的，用料講究。當班戟配上布甸及雪糕，頓時變得美妙。

放假去咗紅磡黃埔九號水產裡面間日式料理『䆖』試吓佢個鰻魚飯同甜品套餐！到步未到六點...所以人吾太多！餐廳地方幾大...裝修設計以簡約為主...坐得幾舒服！我哋兩個人每人order咗一個套餐！分別係大鰻魚飯($180)同照燒雞飯($140)。兩個餐同時都跟一碗海帶烏冬面、一個雜菜沙律、一個細size抺茶卷、同一杯紅茶。兩個飯size一啲都吾細！鰻魚大大份...魚骨吾多而且燒汁超正！估吾到吾洗去日本都食到咁正既鰻魚！個燒雞飯都吾錯...雞肉冇雪藏味...而且燒得幾香口！抹茶卷係飯後甜品！濃濃既抹茶香味...聞到已經急不及待想食！話就話細size...但其實一啲都唔細件！飯後做dessert就啱啱好！溫馨提示: 如果用 DBS credit card 埋單還有九折啊！

之前喺尖沙咀試過一次，今日行過街見到，決定再挑戰過！我幾欣賞佢出面個西餅櫃，因為有林林總總的西餅， 10分吸睛。之前喺尖沙咀食過佢嘅鰻魚，一試難忘，不過價錢10分昂貴！今次見佢個價錢有所調整，平翻好多所以決定再食多次😁😁😁今次個鰻魚有好特別食法，好似食吉列牛一樣，有不同的調味料打主菜的味道帶出， 10分有心思！鰻魚的肉質屬上品，但我覺得配搭的調味品未能完全帶出萬裕的鮮味，即使點了鰻魚醬汁，也沒有平時連醬一齊燒的味道般好吃。反而令我覺得有驚喜嘅係炸芝士！都10分有層次，而且有濃濃的芝士味。至於黃埔分店獨有pancake就不過不失，蛋味不夠香濃，只是靠blueberry 搭救=]另外最後更餐的蛋捲仍然屬於非常高的水平，鬆軟配上的忌廉不會太甜。

記起這一間叫"宏"的店子，最初時只是位處於佐敦區內的一所小小的舖位，買的只是卷蛋甜食再加上少許麵食。想不到事隔多年，店越做越大，現在於尖沙咀及黃埔兩區皆有分舖，而且舖位空間甚大。和以前舊店相比，可真是差天共地呢....店大了，食物種類亦變得多元化，不再是一味的吃soba以及卷蛋了....這一個迷你三彩丼定食，份量相當的足，除有沙律及海藻烏冬外，還有兩小碗的吞拿魚茸飯以及鰻魚飯，基本上在食了四份三左右小弟已要舉白旗投降，大呼飽飽....沙律沒有很特別，菜鮮度尚可。淋上醋汁，難吃也有個譜的....吞拿魚茸滑溜肥美沒見腥氣，品質是不錯的。加點醬油拌飯吃，不到一會就清碗....鰻魚肉太軟淰，一般；蒲燒汁味夠惹甜，用來撈飯食，比魚來得更引人....烏冬夠咬勁；昆布湯底夠清甜。相對起來，這碗尋常不過的麵條，卻是四者中最出色的....來得這裡，食完鹹嘢，又怎能少得最初賴以起家的卷蛋 ?坊間賣日式卷蛋的地方越來越多。選擇多了，比這裡做得更好的地方自然是有。吃了一口，感覺蛋糕本身少了一份以往有的鬆軟，有點太硬了 (特別是竹炭的那件)。蛋香亦不見十分濃烈，忌亷滑度亦不覺突出。只可說是中規中矩的水平....

位於紅磡的宏，是一間主打抹茶的日本餐廳。曾經光顧過尖沙咀分店，但也沒能嚐完想吃的東西，所以是晩約男朋友仔來吃晩餐啦。鰻丼$180(特價) $250(原價)非常豐富的定食阿，尖沙咀的分店的鰻魚丼常常售光，今晩終於有機會嚐嚐呢。鰻丼定食包括: 鰻魚丼，海澡麵，沙律，小蛋卷。其實一個定食，包涵前菜，主菜，甜品，可算是非常超值哦。海澡麵是餐廳招牌之一，麵條像稻庭烏冬，也像蕎麥麵，順囗滑溜，加入海澡後味道更鮮，清爽美味哦。鰻魚丼共有兩條鰻魚，鰻魚燒後香噴噴，令人口水直流。鰻魚算不上超厚肉肥美，屬中等肥瘦，但有少少骨，若平燒的時侯有把鰻魚夾起來燒，鰻魚的賣相會更討好哦。珍珠米飯美味不已，甘甜甜糯，拌勻鰻魚醬汁，叫人如何不吃光光呢。小蛋卷跟餐附送的蛋卷，真的是超小一個，好可愛呢。小蛋卷可選香草，芝麻，抹茶口味。芝麻蛋卷，黑蚊蚊好吸引，蛋卷體好鬆軟，內裡的芝麻餡更保留沙沙口感。抹茶蛋卷，抹茶忌廉較芝麻忌廉更滑更輕形，猶如雪糕哦。抹茶軟雪糕芭菲$88吃完主菜，每人點選二個甜品，全部吃光沒浪費，真的好滿足，好開心哦。軟雪糕芭菲非常足料，小女子獨吃一個感到非常滿足呢。抹茶軟雪糕，質感滑溜，茶味不算太濃，有抹

自從黃埔地鐵通車，放工過去開餐既機會都多咗，走既時候行過紅磡福德古廟又有小巴直達荃灣，仲方便過尖沙咀返屋企紅磡朋友帶過我食過唔少當區出名小食，今日就由我帶路去食日本鰻魚，由佐敦開始已經幫襯宏，再搬到尖沙咀時，總之想食鰻魚飯就會去第一次去黃埔店，行到黃埔船再向黃埔宣道小學行，對面就見到九號水產標誌行入幾個舖位就見到好大既蛋糕櫃就代表已經到達，朋友話好少行過呢邊，新開咗咁多日式餐廳都唔知，比起戲院嗰邊人流相對較少喜愛濃味既朋友選擇大蒲燒鰻魚定食（$180）燒既時候要掌握火候，油脂豐富既鰻魚加上香甜醬汁，燒到焦香而保持肉質鬆化一啲都唔容易除咗傳統蒲燒，呢度仲有香港少見既白燒鰻魚定食（$210）鰻魚經過最少3日淨化去除泥味才可以食到本身既鮮味，皮脆肉糯，口感綿密每個餐都跟上海藻烏冬，豐富既纖維有助腸道蠕動，海燥糖有保濕及抗衰老功效，Q彈幼滑既麵條配上清澈既高湯，最啱愛健康既人士食用餐飲錫蘭紅茶加（$20）可轉宇治抹茶奶及焙茶奶，焙燒過既綠茶為焙茶，燒過後減低苦澀味，兩者各有所愛飯後又點少得甜品，跟餐有小蛋卷，可以選擇抹茶、雲尼拿及黑芝麻口味，蛋糕口感豐厚濕潤，忌廉打得香滑，難怪門口總有衝着蛋卷

這間日本餐廳環境靜，空間大，枱和坐椅夠闊，非常舒適。店員會主動推介招牌菜式，上菜時亦會講一些食法，很貼心。叫左個雜錦天婦羅飯套餐有前菜、雜錦天婦羅飯、海藻烏冬、高級斯里蘭卡紅茶同埋甜品香草小蛋卷。呢個套餐飯同烏冬都是半份，份量足夠。烏冬彈牙，味道淡淡。天婦羅飯，飯煮得好好，大啖放入口食到一粒粒，不太軟亦不太硬。天婦羅的餡是蝦、青椒和茄子炸完後保持鮮味，唔駛點醬汁都好味，皮炸得不夠脆。香草小蛋卷細細件剛剛好，散發陣陣香草味，蛋糕軟綿綿，食到好香的蛋味。忌廉看似多，但食落又幾好味。高級錫蘭紅茶是用茶包，沖了三四次後都飲到茶味。喝完一次後店員會主動加茶，有禮貌又服務周到。日式雞軟骨豚肉炸餃子，少少辣，鹹鹹地，皮脆，餡多。聽講甜品不錯，叫左個黎試下。抹茶窩夫配日本抹茶雪糕擺得很有心思，很吸引。雪糕有非常濃的抹茶味，奶味不重，唔會太快融，可以慢慢品嘗。窩夫夠脆，抹茶味道比雪糕淡，兩樣一齊食，很好食。

鰻丼套餐($180)仲有一杯紅茶同小抹茶卷蛋鰻魚味道超正，甜甜地既照燒汁，微稠，覆蓋哂整條鰻魚同白飯，好開胃鰻魚都幾冧，但都保持到應有既口感，食到都幾新鮮。唯一少少不足係鰻魚食到少少魚刺，要小心進食。米飯用咗珍珠米，粒粒煙韌，最重要係加埋燒鰻魚汁，更香更好食咖哩炸豬扒飯($108) 食得岀既高質咖哩。日式咖哩味道比較温和，唔食得辣既朋友都食到最緊要用黎撈埋啲飯食，一粒粒好有咬口既珍珠米，係咖哩既絕配。炸豬扒評價都好高，外脆內軟，但炸粉唔厚，一咬就咬到入面鬆軟既豬扒抹茶軟雪糕芭菲($88) 食材好足，用料好豐富雪糕都幾重抹茶味同質感都幾滑，少少不足係不夠實在，比較易溶。其他配料都不錯，白玉夠煙韌，紅豆不會過甜，仲有抹茶啫喱係好好食。 雪糕底仲有大量杏仁片，食落好有口感日式草莓班戟($88)，用咗日本空運草莓，所以每片都好甜，甜過啲草莓醬而班戟就比較實在，沒有什麼空氣感，但味道不錯