宏 (已結業)

放工同女朋友過到嚟黃埔，僥倖比我地搵到這一間日式西餐廳料理。這晚的整體享受非常好，決定將它選為我們二月的精選餐廳🌹😊位於黃埔9號水產市場，是尖沙咀的分店。以前我去尖沙咀食過一次甜品，已經有唔錯嘅印象。今次同女朋友放工過嚟食正餐，諗住試吓佢嘅鰻魚飯，怎知道搵到唔少驚喜🙀。餐廳裝修優雅整潔，坐得好舒服，而且原來有唔少日本人都喺度幫襯。餐牌上花多眼亂，我們特別推介海藻烏冬、鰻魚飯以及記得留肚食甜品✨。迷你三彩丼定食🍱（$148）這個套餐有三樣定食， 好啱胃口唔係太大嘅女仔👩🏻，可以試到唔同嘅食物。首先嘅係 「蒲燒鰻魚飯」。鰻魚飯 - 迷你三彩丼定食呢個鰻魚飯雖然系迷你，但鰻魚分量非常之足。鰻魚表面用蒲燒汁，而且烤得有一層微脆面， 蒲燒汁嘅甜味只保留喺鰻魚嘅表面，並沒有滲透入去魚肉入面，所以可以保留魚嘅鮮味，唔會太甜。吞拿魚肉碎飯 - 迷你三彩丼定食吞拿魚生肉十分之碎，口味好棉，配上少量介辣豉油，魚的油香恰當，整體十分清甜美味😋！海藻烏冬 - 迷你三彩丼定食海藻爽口，暖暖的烏冬煙韌，唔會太绵， 湯底唔會太濃，唔會影響海藻既味道。套餐有—小碟沙拉作前菜豚肉雞軟骨餃子🥟這個餃子十分特別，因為和平常

行行下見到宏原來起依度有分店見到裡面有位後, 諗都唔諗即刻入去食我個FD比較傳統同大食叫左好正路O既炸豬扒定食而我就比較貪心叫左有三樣主菜O既迷你三彩丼定食我個FD話個炸豬扒好大塊炸得好脆, D燒汁甜甜地好好食佢同我一樣, 都有跟個海藻烏冬個海藻烏冬真係超好食湯底好有味, 烏冬又滑又彈牙，真係勁正!下次真係要叫碗大O既黎食我果個三彩丼定食除左有海藻烏冬仲有鰻魚飯同碎吞拿魚飯饅魚有水準, 但比較鍾意佢D汁撈飯一流另外個吞拿魚茸好滑溜又肥美, 完全唔腥依個餐真係好抵食除左有三樣主菜, 仲有沙律, 蛋卷同野飲咁多野加埋都係$148蛋卷細細件，味濃野飲我地加左錢轉特飲依度O既抹茶好出名所以我叫左宇治抹茶沙冰抹茶軟雪糕我個FD就叫宇治抹茶紅豆兩杯抹茶味都超濃完全無令人失望本來諗住埋單食食下見到隔離枱個草莓Pancake賣相好吸引於是我地又叫左一個Pancake本身鬆軟，加埋日本草莓醬勁正上面仲有件布丁添!之前一直食唔到, 今日終於得償所願值得一讚O既係, 依度除左野食好食外服務真係幾好

很久沒有打食評文章了因為之前都一直在忙人生大事到現在老婆仔真的成為老婆了還是要一起出街拍拖今天接老婆收工後去了黃埔逛街順便去了早前在網上見過的九號水產尋找美食果然真的有很多有日式感覺的餐廳不過老婆表示今天不想吃海鮮看到這間之前吃過尖沙咀分店感覺不錯的餐廳就決定在這裡晚餐我們分別點了份180元的鰻魚飯套餐以及148元的迷你三彩丼定食一份配跟餐的錫蘭紅茶另一份加20元轉了熱焙茶奶還再點了一份88元的香草牛奶軟雪糕芭菲先來的是鰻魚飯套餐除了鰻魚飯外套餐還包括沙律和海藻烏冬沙律不錯醬汁很足夠而海藻烏冬也很夠味湯很濃味用的烏冬也是口感很好的烏冬沾上湯後一起吃很美味而鰻魚飯更是出乎意料的美味首先醬汁很濃單拌著飯吃已很不錯而鰻魚更是入口即溶外層很香但一放入口很快就消失了這種隱約的美味很值得一試幸好鰻魚夠大件可以慢慢品嚐這種美味而迷你三彩丼定食包括了小碗鰻魚飯、小碗吞拿魚碎魚生飯、小碗海藻烏冬同樣美味的鰻魚飯和海藻烏冬而 小碗吞拿魚碎魚生飯也很不錯吞拿魚碎本來已加入了適當份量的芥末吃起來有點刺激感覺又能保持到魚生的鮮味我和老婆都很欣賞飲品方面錫蘭紅茶很適合這麼豐富的料理因為有點消滯之效茶味也很濃而熱焙

老公係鰻魚控，我係抹茶控,所以今晚就去咗紅磡嘅「宏」食晚餐，順道慶祝一下3月14日白色情人節❣️店員安排了一個卡位給我們，然後遞上餐牌及甜品餐牌，員工打開餐牌細心介紹晚餐套餐，及不同餐的特色，並且介紹他們現在推薦的鰻魚餐，每個餐都有沙律、主食、甜品、及錫蘭紅茶。日本白燒鰻魚定食及大鰻魚定食+烏冬。白燒鰻魚定食：白鰻魚有微微的炭燒香，由於沒有塗上鰻魚醬，可以直接吃到饅魚的鮮甜味，這吃法，比較清新；餐廳安排幾款醬料作吊味，鰻魚醬汁、鹽、芥末豉油及帶酸的醬汁，個人喜歡加少許鹽的食法👍🏿定食配上新瀉米，米粒煙un有咬口，很好吃。大鰻魚定食：鰻魚質地不過過淋，絕對不是外面偽日本餐的hea煮鰻魚。淋上甜度食中的鰻魚汁在新瀉米上，忍不住大口大口的吃飯後，點了兩客甜品，抹茶窩夫，有栗子蓉、抹茶雪糕、抹茶曲奇，另外一個是香草牛奶軟雪糕芭菲，牛舐雪糕充滿奶香，配上新鮮生果及杏仁脆片，一個完美的配搭，為我倆的晚餐作了完美的句號。值得一讚的是員工很體貼，細心講解介紹餐牌上的食物，作為一個員工，對餐牌上的食物如此了解，非常抵讚

今晚收工後同老公直接去黃埔九號水產買野，所以直接係個度食埋野啦我一見到呢間餐廳即刻雙眼發光，因為有好多cake吖，晚餐食呢間，環境都算大，多台Menu晚餐有好多野食，但我地就決定食呢2個熱門的晚餐set嘩，好多野食吖，有飯，麵，沙津。白鰻魚係無任何調味下直接烤，保留住佢本身的味道，set餐附上4種醬汁呢個餐仲送左包黑胡椒，因為侍應話有人可能會怕有腥味，所以可以加落去，不過我自己就覺得一d腥味都無。我就中意直接食，唔加任何醬料，食落去好香，口感比平時嘅燒汁鰻魚硬少少，好食！老公叫左呢個燒汁鰻魚，我都試食左幾啖，呢個燒汁鰻魚我覺得比其他鋪頭的更好食，鰻魚好軟身，個汁唔會太甜或太咸，老公話好好食！海藻烏冬個湯好清，米飯粒粒分明，我最討厭食軟身嘅飯，但呢個係硬身，沙律新鮮套餐仲附送2杯紅茶，有熱有涷套裝仲有2個細cake送，cake好鬆軟，好味！食左個細cake覺得好好食，感覺唔夠喉，所以再叫其他甜食，今晚放縱下自已日本草莓班戟，真係好靚吖，好有立體感！草莓好甜，班戟上面仲有個布町，成個味都配得好及夾，實在太好好好食啦，形容唔到綠茶雪糕係我最愛，呢個好食到不得了，唔會太甜，食到底仲有一d好似杏

《宏》是出名吃抹茶甜品的，早幾日跟朋友閒聊之下，她竟說未試過，於是第二天我便帶她來試試了。黃埔的分店比尖沙咀的較新和少人，可以慢慢吃～外面放了一整櫃的甜品，除卷蛋之外也有蛋糕和馬卡龍，朋友看到也心心眼了～迷你三彩丼有齊鰻魚飯、吞拿魚飯和海藻烏冬，份量又不大所以不會吃滯，想不到三樣也出色！海藻烏冬用上日本出產的小麥粉，令麵條煙韌，清淡又健康。米飯用上新潟米，顆粒圓小而彈牙，有微微的甘甜味。吞拿魚非常軟滑，簡直是入口即溶，而蒲燒鰻魚也非常厚身～白燒鰻魚很少見，肉質跟蒲燒鰻魚的相似，味道就頗淡的，但有四款不同的醬汁吃法，味道立刻昇華了～點鰻魚汁或鹽的味道感覺較鹹，而芥末醬油或柚子醬油則較易入口。宇治抹茶紅豆的抹茶味超濃！日本青森蘋果汁的味道也不錯，冰冷又清甜。套餐除飲品亦有沙律和一份小蛋卷，實在太抵食了！選了抹茶和黑芝麻味各一，抹茶的味道反而沒飲品的濃郁，但忌廉夠多，蛋糕夠軟熟。最後也忍不住點多一個甜品了，軟雪糕牛奶味重而帶陣彈香草清香，非常柔軟，再配上多種水果，底下有杏仁脆和海綿蛋糕，清新又不太溜。這一餐不但甜品好吃，主食也做得出色，令人滿意～

新年前朋友專登whatsapp 我話食左黃埔呢間宏，個鰻魚好好食，我心諗向香港食鰻魚可以有幾好食？尋日去開黃埔乎近，我就去食下，間舖位置係向Aeon 後面九號水產內，望落有D似food court ，我叫左一set三味嘅迷你三彩定食，有蒲燒鰻魚飯、吞拿魚魚生飯及海藻烏冬，碗碗小小，可品嚐唔同滋味；扁扁地哋自製海藻烏冬，食落自我感覺良好，滑＋彈嘅烏冬配上自家湯底，暖胃；吞拿魚魚生飯，魚生新鮮，配上沾沾地珍珠米，無得輸；蒲燒鰻魚飯，我朋友真係無介紹錯，條鰻魚油脂分部充足，燒得香甜美味，每口好似食緊滑蛋咁，碗飯啖啖都黏上鰻魚魚油及醬汁，未食完已追加客蒲燒鰻魚，去得相當盡；呢個定食還有沙律、小抹茶蛋卷及錫蘭紅茶，不得不提杯錫蘭紅茶，相當有水準，入口香醇，飲一口已令全個口腔都有香味，配合小抹茶蛋卷簡直將全餐推至高峰。

喺黃埔花園行左入個叫九號水產嘅商場揾地方食晏，呢間食店門面光猛，門口banner話有日本海藻烏冬，未食過，所以即刻行左入去。餐牌介紹有純日本白燒鰻魚定食，有埋海藻烏冬，喺香港未食過，所以唔駛諗就叫左呢個套餐。白鰻魚冇經任何調味煮過，所以原汁原味咁略帶少少腥味泥味，同落單時侍應介紹時一模一樣，夠專業。其中比埋四款醤油，任君選擇伴白鰻魚食。個套餐仲有沙律丶一碗白飯同埋一碗海藻烏冬，日本米一貫好食，個烏冬扁扁哋，食入口煙煙勒勒，加埋個清湯，好好食。甜品喺綠茶蛋捲，細細件咁幾精緻。

宇治抹茶蛋捲今日帶小朋友嚟黃埔學嘢，黃埔新開咗有一個叫九號水產嘅地方，裏面全部都係食肆，咁我哋就去試下啦！去了一間叫做'宏'嘅食店，佢好似啲甜品好出名，特別係佢啲抹茶蛋捲，我哋未食晚飯，所以入咗去食，叫咗個鰻魚飯，啲鰻魚好新鮮，啲魚好鮮味，好林好新鮮，配埋啲秘製嘅鰻魚汁好好味，阿仔食到唔停口食咗好多飯，而且仲配有烏冬㖭！最後仲送埋個抹茶蛋捲，個蛋捲先至係佢最好嘅 最出色嘅地方，個蛋捲抹茶味好香，好香濃而且蛋糕好軟熟，裏面啲cream好creamy！我同仔仔都食得好開心，仲叫咗一杯宇治抹茶奶，同喺日本飲嘅一模一樣，抹茶味香濃，而且好creamy！今日都幾熱，我哋叫咗凍嘅，啲冰喺個杯度慢慢溶化，佢嘅甜味啱啱好，飲到最尾杯嘢都依然夠味。

黃埔花園，最近真係開咗好多不同嘅食肆，前兩日經過我舊公司附近一帶，已經驗目全非了，以前茶餐廳及桌球室嘅位置已改變為一個高級食肆叫做九號水產，裏面係由多間獨立嘅食肆 組成。最亮眼係經過呢間 ，淨係舖外嘅蛋糕，蛋捲，及牛奶仔嘅佈置已經吸引到我哋了！我們點了日本燒鰻魚定食及鰻魚加烏冬套餐，滴漏炭燒咖啡及焙茶奶茶……燒鰻魚，好入味，用料上乘，咬落爽口，超鮮甜！這個定食仲包括有白飯，蕎麥麵，及沙律，相當豐富！鰻魚加烏冬套餐，蒲燒鰻魚汁多，同樣味鮮甜 ，好美味！我最欣賞係杯滴漏沙冰咖啡，飲落去很有層次！記得別忘了點甜品，我們點了兩個抹茶卷好鬆軟，蛋味十足，軟綿綿食落口很充實

我同老公都係鰻魚迷，平時都成日周圍去搵鰻魚飯食，之前我哋去日本仲去咗一個禮拜，食咗幾日鰻魚飯，不過喺香港好難搵到一間食鰻魚飯啲鰻魚好食嘅地方。今日同事介紹話有一間喺黃埔叫宏嘅餐廳，嗰度有白鳗魚食，之前都未食過，啡色嘅鰻魚就食得多，白色嘅鰻魚就未食過，所以我哋就專登去試下咩叫做白鳗魚，睇下同平時啲鰻魚有咩分別。一去到老公叫左個白鳗魚，我就唔係太鍾意試新嘢，所以都係叫番平時嘅啡鰻魚,過白鳗魚配咗五款唔同嘅醬汁，配落的鰻魚到，各有特別嘅味道，啲白鰻魚好新鮮，比平時啲鰻魚更加鮮味，配埋唔同嘅醬汁，食落各有唔同嘅特色，果然冇介紹錯，如果下次有白鰻魚同啡鰻魚揀，我都會揀白鰻魚，因為白鳗魚嘅味道比平時更加食得到鰻魚嘅鮮味。至於我叫嘅啡鰻魚，都好出色，喺香港好難食到咁新鮮嘅鰻魚，啲肉汁好肥美，而且啲鰻魚好新鮮， 平時喺日本先可以食到咁新鮮嘅鰻魚，朋友果然冇介紹錯。

過咗農曆年諗住同阿媽去黃埔行下街，周圍都減價，睇下有啲咩平嘢買，行咗成日，突然間覺得有啲肚餓，所以就去搵食，早排行過見倒有一道叫做九號水產嘅地方，咁同阿媽就行去嗰度試下啦！聽講嗰度開咗好多新嘅食肆。去到嗰度真係有好多食嘢嘅地方，成間都係好多食嘢地方，中菜、日本菜乜都有，有十幾間，同阿媽都唔知食邊間好，最後阿媽話想食碗麵，所以就入咗呢間餐廳，裏面有一個叫做海藻做嘅烏冬，好似幾特別咁，同埋阿媽一向食嘢都話要健康，咁我哋就入去試下。我哋叫咗個日式素菜天婦羅烏冬，啲烏冬真係好特別，幼幼嘅啡啡哋色，裏面係用海藻做嘅啲烏冬，好彈牙，而且味道好特別，仲配埋個素菜做嘅天婦羅，天婦羅剛剛炸起，配埋個天婦羅汁，簡直係一絕，好新鮮又唔會好油，連阿媽平時唔食炸嘢嘅都話好味。啲熟食好出色，不過同阿媽已經食到好飽，下次嚟一定要試埋佢啲甜品，聽講佢啲甜品比主菜仲出色。

朋友介紹話呢度啲抹茶蛋捲好出色，本來係行來諗住買外賣返屋企食，點知見到佢裏面其他啲甜品都好吸引，所以我哋就決定入咗去食。我哋叫咗個抹茶蛋捲，跟住仲叫咗個黑芝麻蛋捲，啲蛋捲果然好好味，啲蛋糕好鬆軟，裏面啲cream好creamy而且個蛋糕唔會太甜，果然好介紹。我本來專登嚟食個蛋捲，點知見到佢其他啲甜品真係好吸引，忍唔住叫咗個草莓班戟，都等咗成20分鐘，以為佢漏咗單，想催佢嘅時候點知就嚟喇，發現原來佢個草莓班戟係即叫即做嘅，個班戟熱辣辣 ，配埋個雲呢拿雪糕球簡直係絕配，啲士多啤梨話係日本直送嘅，好甜好香士多啤梨香味，個班戟好香裏面啲牛油香味好濃郁，配埋個雲呢拿雪糕簡直係一流，個雲呢拿雪糕唔會太甜而且雲呢拿味很好 濃郁。而且呢間餐廳都好體貼，仲配有兒童餐㖭！我朋友有個小朋友，果然唔少得要叫一份畀佢食啦！個飯仲係有車仔圖案，小朋友食得好開心。

一去到門口，就俾佢甜品櫃裏面嘅甜品、蛋糕同埋馬卡龍吸引住，好彩唔駛等好耐就有位！餐廳環境闊落，最啱同朋友嚟呢度傾計食飯。我同朋友一人帶咗一個定食，有沙律，加主菜一個定食、一碗冬烏冬，另外仲有埋杯飲品同埋一個甜品小卷蛋。杯宇治抹茶奶真係好精緻，而且好滑。另外，青森蘋果汁唔係度度有得飲，非常之特別，甜得來帶點酸，唔錯唔錯！燒鰻魚定食分量亦都唔細，男士利息絕對唔怕唔飽。條鰻魚好有鮮味，絕對唔會俾佢啲醬汁覆蓋左佢嘅鮮味！另一個炸豬扒定食醬汁酸酸地，幾開胃。加埋鬆軟嘅豬扒，送飯一流！而且佢個定食仲有一碗湯烏冬，個湯清清地，烏冬亦都夠彈牙！最出色嘅當然係佢嘅甜品啦！一人試咗一個味道嘅小卷蛋，一款芝麻味、一款抹茶味！芝麻味嗰一款仲要唔係度度有得試，食落唔算甜，而且口感好豐富，都係驚喜嘅配搭！

今晚屋企冇飯食，所以約左鍾意食日本野的同事一齊食飯～之前都有幫襯過尖沙咀店，知道左黃埔開分店，專程過來試下！純日本白燒鰻魚定食 ＄210重點推薦的放前面！這個實在是太推薦了，簡直是包羅萬有！套餐附送海藻烏冬、米飯、沙律同埋小抹茶蛋捲。不要少看附送的甜品，綠茶味香濃到想成卷買返屋企食！而且白鰻魚的味道同平時蒲燒鰻魚好唔同，清新好多，但又不失香口。有幾種唔同醬汁：一來可以點日本芥末同埋醬油，好似海鮮刺身咁食；二來可以點日本柚子醬油，有一點酸很開胃的；三來仲有鰻魚醬汁，是平日的蒲燒味道，淨低的烏冬湯同埋Ｄ鰻魚醬汁仲可以撈飯！每天限定30分咋，一定要搶到來食，真的！迷你三彩丼定食$148這是朋友選的，個人覺得也是好選擇，因為百幾蚊就可以食到好多種類既野，有小碗鰻魚飯、小碗吞拿魚碎魚生飯，仲有小碗海藻烏冬。也是附送沙律和小抹茶蛋捲。抹茶紅豆(熱)  $20跟餐本身會送錫蘭紅茶，但我地都加$20 UPGRADE左呢款飲品。抹茶味很香很濃！而且採用日本紅豆，比平日的紅豆大粒。抹茶控請一定要試，絕不會後悔的！店員也有推薦咖啡和茶，聽起來各有特色，留待下次試！日本草莓班戟　$88本來只是看賣相漂亮才點的