定食 Doraya (已搬遷) 新店位置

看過了openrice的餐廳推介一欄之後, 發現這間叫定食 doraya的日式餐廳, 於是就約了好友到他們的店食!很多定食的價錢都係一百至百五蚊左右, 我好想食三文魚子拚海膽井, 不過一百五十蚊但又唔知好唔好食, 今次就改為叫左一客吞拿魚銀魚仔定食! 除左碗飯之外, 定食仲包括了麵豉湯同日式煎蛋, 仲有一小碟醃茄子的前菜!先食個煎蛋, 呀! 味道係十分之好, 小甜的味道, 雞蛋又不會一夾即散, 但又唔會硬, 而係好軟熟, 兩件蛋差點不夠食! 然後到個湯, 有豆腐粒, 紫菜的麵豉湯, 味道不算差, 但溫度就不夠熱!到了主角了, 銀魚仔同未食之前的估計有出入, 以為係好似食韓國餐的咸甜味魚仔, 原來唔係, 而係無醃過的魚仔, 味道清淡所以沒有搶去主角的味道, 吞拿魚係粒狀的, 魚脂豐富, 夠新鮮, 唯一美中不足係壽司飯的味道不夠濃, 不夠香!加埋一百一蚊, 雖然唔平, 但質素好好! openrice 無介紹錯播

這間老闆本身是吞拿魚供應商所以能夠以低價供應最優質的吞拿魚以藍鰭吞拿魚為餐館的招牌菜式而米飯亦是選用高級的日本新潟米我叫了至愛吞拿魚腩飯,而朋友牛燒肉丼定食前菜是豆腐和小白菜.豆腐甚有豆味粉紅色的吞拿魚腩鋪滿飯面,脂肪分佈也最均勻看見已叫人興奮,入口即溶,說不出的好味吃完冷的吞拿魚腩的定食,再來一碗熱麵鼓湯著實不錯至於牛燒肉丼定食份量十足,飯裡面全是洋蔥炒牛肉,那個燒汁不錯蒸蛋很滑還有冬菇.豬肉和魚蛋作為配料這裡的營業時間很長，坐得舒服午餐顧客多是日本人,感覺地道日式每人約需百多元,雖然價錢貴一點但亦值得一試

期待很久的吞拿魚專門店，小試之后，發現原來也不過爾爾。炸雞雖然有點無厘頭，但餐牌上介紹云云天花亂墜，說得令我這超級炸雞控心動不已，黎同學見狀倡議點三件一試究竟，我當然舉雙蹄讚成咯。結果呢…除了有即炸的酥脆外皮與流油的豐腴肥膏外，也不覺有什么特別，大雞大的bb雞更抵食更具滋味呢（原諒我這土包子沒品位吧…）。我的藍鰭吞拿魚配小銀魚飯賣相引人，吞拿魚粒尙算新鮮，卻缺少吞拿魚應有的甘香與肥美質感。拌開小銀魚、蔥碎與米飯，再滴入適量醬油，也吃得出魚之咸鮮，算是美味。可惜米粒煮得過黏，水分略多，口感有點似高中飯堂的白米飯…黎同學的燒吞拿魚扒也小試一塊，肥美度只是一般，肉質多筋，而且份量極微，難不成是『兒童餐』來的…定食中所配蒸蛋水準不濟，整得火候過老并無嫩滑可言。醬油有兩種，為吃吞拿專配的醬油帶一點淺淺的甜，咸度較『正常版』稍弱，但依然過咸了。吃畢，感覺這一餐的意義，恐怕不在于食物本身了。和黎同學結緣于比賽，之后又在Internship的interview狹路相逢，也算是一種挺特別的緣分吧，僅以此餐（可惜質素平平）以及下場的糖水（反而有驚喜）來慶祝我們都順利找到Intern啦，加油

今天 未食已經被個比位既小姐激到一肚氣. 佢一定要所有人在場先比位無問題, 不過黎間rest真係好怪lor. 唔想下佢地個度甘細, 係米要我地10個人一起等? 依家我地只係小1個人渣wor, 又唔係得1個人代等, 加上我地都等左成個幾小時啦,你比左位我地已經向好耐之前已經食完就走左啦. 你硬要我地黎迫到你地間野無位比人等既, 甘你地都做唔到生意lor.起初我地好有禮貌同個比位既小姐反應, 佢竟然走左去扮幫人take order. 都有幾張空台, 佢又唔比人坐.第2個waitress來到說, 唔好意思佢地人手不足. 我米說你地其他waitress明明係無野做行來行去. 我只佢只係幫個比位既同事, 不過你睜開眼說謊實在太難叫人信服. 無論如何, 我覺得doraya應該把條rule改改. 佢地既rule令我想起明愛hospital既事件, 有人向hospital的附近就快死, 佢都叫人去打999甘. 唔該啦. 人是生, rule是死的.好講返食物, 我地叫了1. 吞拿魚蓉飯- 朋友說味道不及以前.2. 炸雞定食- 蒸旦好好食, 個soup都好多料唔錯.最大個問題係個炸雞-未食過d炸雞甘乾,

呢間想食好耐 ... 去之前心入面好掙扎，好想試下食肥美 おおトロ (大拖羅)，又擔心咁 o岩撞到唔新鮮 ... 但如果去到食 あかみ (赤身) 又好似普通左少少 ... 尋晚同細佬去食飯，去到見到唔少 にほんじん (日本人)，坐低唔理咁多 1 於 order 個 おおトロ 定食 ... 我地 order 左好幾樣野：八爪魚芥漬 $30 ~ 呢個其實麻麻地，わさび 唔夠多，話番轉頭都 ok，不過有少少投訴吞拿魚面珠肉 $48 ~ 鹽燒至全熟，+ 左 0 檬後中和左無咁鹹，肉質其實同普通熟左 o既吞拿魚差不多，不過多左 1 份層次感，食到 1 片片好似蒜子肉咁手作餃子 $38 ~ 煎得剛剛好，皮非常薄，睇到隻隻都好豐滿，咬左 1 啖 ... 皮肉無分離無 gap ... 點醬汁時亦唔會散開跌出黎，調味無過鹹，推介 ... 韓風泡菜吞拿魚定食 $98 +大 $25 ~（我無虐待佢，係佢自己話要食呢個架）佢話呢個配搭味道好得意，我試左少少，泡菜唔辣，併吞拿魚粒，酸酸地 + 埋日本米 1 啖放入口 ... o岩 o岩好 ... 好開胃 ...極上藍鰭吞拿魚腩定食 $220 ~ 我梗係食呢個極品

最近連續幫趁過兩次，貪佢7點幾去都唔駛等位。一次食吞拿魚扒定食($98)，一次食海膽飯定食($120)。先講吞拿魚扒定食，吞拿魚扒果然頗厚，數量都算滿意，不過有一兩舊有筋，要扣番少少分。海膽飯定食的海膽都算幾多，夠送晒成個飯，不過有幾啖有d苦味。整體來說食物算係中上，以價格來看都算中上啦。值得一讚的是，呢兩次去都坐左超耐，一次3個鐘一次近4個鐘，不過佢地完全冇催我地走的意圖，反而仲定時幫我地加茶。推薦俾想搵個地方食飯＆慢慢傾計的朋友。好，俾個笑臉你！

因為接太太放學，我呢個鄉下佬今次嚟到尖沙咀試吓呢度嘅吞拿魚丼。好耐之前已經知道佢嘅存在，而且好評如潮，好多次放工經過因為一條佬，所以都無入內試吓，今次就順道試吓網內咁多位推介嘅吞拿魚扒定食同吞拿魚腩定食。吞拿魚扒因為加咗海鹽，所以食嘅時候外層會好咸，建議唔好加吞拿魚醬油，先享受完吞拿魚扒後先再加醬油清埋D飯。又因為加咗海鹽後先至放入爐燒嘅關係，魚扒外層嘅脂肪會燒得脆脆地，再加上未熟嘅內層，外脆內軟又多汁，正!吞拿魚腩丼其實無咩特別，不過魚嘅份量充足而且好新鮮，加上D飯本食已經好好食，學D台灣人講"真的很Q"，呢點都喺直得加分嘅。當晚重點咗三件炸雞，炸得好透所以真喺好鬼熱氣!! 但喺入面嘅雞無炸過龍仍然喺好滑，抵讚。

大概夜晚九點幾.去之前, 係想叫魚生飯, 或者吞拿魚.. 坐底見到menu 有海膽, 諗起好耐無食過, 就要個海膽三文魚子don. 加大仲要加唔記得好似四十蚊..食左超後悔..好苦.. 苦味我都搞唔清係來自三文魚子定海膽等我仲加大添.. 超級失望!!我仲會再幫趁, 但都係食吞拿就好

很久沒有去Doraya, 今次和家人一起再去, 有點失望看一看餐牌, 改了, 加價了, 但定食的選擇則好像少了, 多了壽司和很多奇怪食品, 本來是好事, 但想食壽司也不會想起去Doraya, 其他新食品的質量就十分參差, 想改做居酒屋? 又一次看見到賣漢堡包的店, 走去賣义燒包, 結果是漢堡包沒有進步, 义燒包又做不好, 再做下去, 漢堡包退步就大件事, 唉我們點了吞拿魚定食(加大), 海膽定食, 吞拿魚腩定食, 炸豆腐, 燒鯖魚 吞拿魚定食(加大) : 幸好我叫加大, 幸好!!! 小弟好大食, 本來叫加大就是想吃多一點, 誰不知, 如今的加大, 就是以前的普通, 嚇一跳, 家人叫的普通, 結果變成細份, 嘩嘩嘩, 父親大人不知夠不夠飽, 不知是否先入主, 吞拿魚片好像沒有以前厚, 幸好是魚和飯的質量沒有退步, 早知叫魚扒, 應該厚一點(因為是燒一燒的, 所以可以用差一點的肉? 可以比多d?? 唔知啦, 唉), 我建議Doraya 增加"加加大"的選擇, 人家好大食架 海膽定食 : 份量唔想講啦, 公主餐? 細到呢, 算了, 很多人都不想食太多, 我們不談量, 談質吧, 但... 但

這裏食過很多遍了,因愛上藍鰭吞拿魚赤身,論新鮮和品質,這裏什至比高级日本食店,如尖東銀座,見成等還好,主要原因是去貨多去貨快,主打藍鰭吞拿魚,自然比小猫三四隻的高级日本店好!!叫了個山芋蓉伴藍鰭吞拿魚定食,110蚊,08年98蚊,加了12蚊,價錢貴了,因藍鰭吞拿魚的身價越來越高,貴得越來越不合理(都是板長老闆的錯,高價買了人家的日本一,仲要連續2年,令水漲船高),為了維持經型,這裏也多了很多款式,如黑毛和牛,黑豚肉,智利海胆,特製炸雞等,價錢比吞拿魚平,實在物超所值的!!回說這個定食,山芋蓉,肉白帶黏性,滑潺潺,有開胃之效,質感不是人人受得的,但营養價值很高,膳食纤维豐富;南魚沼產地的日本米,米香又煙韌,正;主角藍鰭吞拿魚切粒,味道甘香甜美,其他品種的吞拿魚望塵莫及!!wasabi是新鮮磨出來的,不用加豉油,直接吃,很香很辣,正!!蒸蛋-好嫩滑,蛋香濃;湯--不太特別,不說也罷,加10蚊有蜆!!!如你想試藍鰭吞拿魚腩,請不要抱太大期望,藍鰭魚腩都有幾個部份,這裏最貴200蚊的藍鰭魚腩定食一定不是最靚的部份,這些部份去了那裏??賣到高級日本食店去了!!!

近來在工在私也很忙體力有些下滑身體有些不適真的要恢復元氣以應付史無前例的挑戰Fight Fight Fight~~~來這裡, 蠻 relaxed... 上次一試傾心的吞那魚扒飯前菜是薯仔炆牛筋, 好味這個飯非常非常美味魚油, 加埋香葱和醬汁, 十個正~~~~~~~~~~~~~~~口痕痕, 同場加料, 椰菜燒餅即叫即做, 有大量椰菜絲, 紅薑和木魚絲, 加上少量魷魚和小蝦是很撲實, 真材實料的味道個人認為比秀吉做得還要出色

這間本來是星期五的選擇 , 但由於不設訂枱, 所以擱置了昨天胃痛 , 想食日本野但又唔想食涷冰冰的刺身和壽司定食就最啱勒叫了一客藍鰭吞拿魚扒定食$98我覺得好好食喎!之前以為吞拿只配刺身和壽司可能第一次食 吞拿魚,定食食完覺得 好充實 其實一向都好鐘意食飯的, 備註係要餸多飯少d飯聲稱係新瀉米, 我唔係好識分, 但我會記住呢種味道加埋d 吞拿魚扒,好好食 ,蒸蛋好嫩滑!miso 湯就普通, 好似即沖咁d蔥一定要讚 好翠綠 , 伴吞拿魚扒,畫龍點睛最重要我係好鐘意食外生內熟的食物,加上陣陣的黑椒好香口惹味成個定食我一個人係唔會食得晒 , 可能之前飲咗杯starbucks的 dark cherry mocha 所以份量都好滿意

七月廿九‧晴如果問我在香港吃刺身飯最出色的地方，首選的是湖舟及伊藤，箇中原因，就是要有好的刺身才有好的刺身大碗飯。這裡的，曾經不錯，今天再吃，雖然近年又開了分店，但越吃，水準卻是越覺走下坡。想找地方吃晚飯，說了幾個選擇，朋友試了這裡，想試試這裡的藍鰭吞拿。選了個平日的晚上來吃，人客也不少的，也要等了一等來入座。座位擺得密，儘量利用多點地方去做多一點生意，可以理解。先來點喝的，這裡沒生啤，就來七寶樽啤。也要了碟辣明太子作下酒小吃，明太子辣辣的又鮮甜，跟啤酒是最佳拍檔。當然，如果這裡能將明太子烤一烤才拿出來，味道就會更鮮美。 飯方面，要了牛肋骨大碗飯及吞拿魚片飯，也都要了「大盛」的，為的就是這裡用的日本米。 吞拿魚片不錯，說是藍鰭的，坦白說，我吃吞拿的日子不淺，但如果真的做blind test，老實說還是沒有絕大的信心去分出來。這裡的吞拿，吃起來新鮮，甘香軟滑是真的。飯是醋飯，味道調得尚可，但水下得太多，吃起很腍來，徒具「魚沼米」之名，不好吃；牛肋骨說是黑毛和牛，但吃起來卻是毫不鬆化，很韌，用上了略帶微酸的汁去煮，感覺上像吃廉價的雪藏牛仔骨，一百五十元的價錢，絕對有更好的選擇。這邊箱的飯也

十一月七日﹙五﹚每當一想起這裏的極上吞拿魚腩定食，總令人回味無窮。原本打算到一平安吃拉麵，但人實在太多，今天午膳時間又有限，就決定到這裏回味一下美味的吞拿魚定食。自上次吃過份量十足的極上大Toro後，就決定要回來再吃別的吞拿定食。餐牌上有不同的吞拿魚定食供選擇，看過眼花撩亂，樣樣都想試。有中toro和赤身在內的極上生魚片定食﹑吞拿魚天婦羅﹑火炙吞拿魚﹑魚扒…等等。餐牌上每個定食和四周環境都附有食物的相片供食客參考，實在細心。看過一遍之後，終要有定案，要了一個藍鰭吞拿魚扒定食。同樣定食包括一碗味噌湯，前菜和蒸蛋。前菜有蒸蛋和兩件茄子，前者唔算十分嫩滑，但落足料，調味適中；後者夠腍，入口即化，雖然本身不愛吃茄子，但也覺得味道不錯；味噌湯不太鹹，味道適中。主角藍鰭吞拿魚扒完全對版，不單食物水準如相中一樣，就連擺法都是一模一樣，極度細心。魚扒微微煎過，外層香而且帶點微熱，內層的生肉仍冷，兩者口感有強列對比。而且煎過的魚扒令吞拿魚的甘香充份發揮，比起單吃赤身的生魚片，回甘味更為豐富強烈。飯底是用新潟的高級日本米，附著魚扒遺下的魚油甘香食用，十分美味；醬汁略帶甜味，味道與魚扒和飯底很配合；配上碎蔥

看到openrice眾多食家推介此店，便懷著期待的心情和老公去一試．吞拿魚是招牌菜，我們ｏｒｄｅｒ了藍鰭吞拿魚扒定食和鉄火丼定食．先來的是藍鰭吞拿魚扒，飯一小碗魚扒幾件，配菜，湯和蒸旦各一．　很standard 的貨式．份量不多，賣相不算太討好．先試魚扒，還可以，但說不上是特別好吃！口感滑，但不算是很鮮味．而且有點咸，若加埋吞拿魚醬油就咸上加咸．恕我吃不出吞拿魚醬油跟普通醬油的分別．．．醋飯竟然有點熱，一點也不吸引．蒸旦＆湯，普通到不能再普通．．．再來是鉄火丼，味道比魚扒更差．木魚很多但不好吃．不能說難食，但更不能叫很好吃，喜出望外．裝修，服務也很普通．若以此價錢ｏｒ貴少少，同區有很多選擇．沒有物有所值的感覺．可能是期望越大失望越大．