定食 Doraya (已搬遷) 新店位置

朋友之前黎過, 話呢度個甜蝦好香, 但係撈左薑蓉, 所以好大陣薑味我今次叫左海鮮粒粒飯, 其實即係雜錦魚生飯.... $98 定食, 唔算貴, 又唔算最平, 但估唔到 d 料咁差, 係張相都見到 d 玉子青瓜同三文魚, 仲有 d 蟹柳碎..... 另外仲食到吞拿同醋青, 都算, 佢仲要切到超細粒又薄, 食落去好似垃圾咁, 好似 d 人切完唔要剩返果 d 碎咁樣, 好唔得, 食唔到魚味, 只係食到一 pat 唔知乜野, 帶濃厚薑味........ 定食其他野都係好渣, 蒸蛋幾多料, 但黎到已經係凍既, 有個前菜竟然係烚黃芽白..仲要冇味的.....朋友個炸蠔定食都 ok, 我試左一舊炸蠔, 算幾好味....百二蚊一位都算平, 但質素真係差得很, 我寧願去板前食壽司冇嬲...

知道食評一向也不錯, 所以一直很想試試, 剛與再來香港的上海朋友逛T.S.T,經過無人排隊(可能時間尚早,下午6時半), 朋友話只可用45分鐘內的時間用膳(因要shopping),所以天時地利之下, 作出了不錯的選擇.我叫了什錦魚生粒飯定食,幾新鮮, 也非頭頭尾尾的什錦碎, 蒸蛋也很滑;朋友叫了吞拿魚銀魚仔定食, 吞拿魚不錯, 但銀魚仔無味, 反而麵豉湯就味道不算差,很夠料,有豆腐粒,菇,紫菜的, 但就不夠熱總括來說, 店內環境整潔乾淨,不焗促, 服務亦殷勤週到, 價錢合理, 上海朋友很滿意啊!

Doraya一向來藍鰭吞拿魚的專門店，今次一試實在名不虛傳叫了一份藍鰭吞拿魚片飯定食，除了一碗藍鰭吞拿魚片飯外，還有前菜、麵豉湯、蒸蛋先喝麵豉湯，感覺是不太重味精，似是較傳統日式麵豉湯的風味，唔錯蒸蛋則蒸得幾香滑，蛋本身滑流之餘，也散發出香濃的蛋味，相當唔錯前菜則沒有甚麼特別，不作多談吧最後當然品嚐今晚的主角---藍鰭吞拿魚片飯藍鰭吞拿魚片是厚切的，絕不「呃秤」；吞拿魚片十分新鮮、嫩滑、可口，口感相當好！其鮮嫩的程度，也接近一入口即融，實在唔融係手、只融係口呢！(不是M&M的廣告哦~)香蔥伴在飯面，香蔥本身的鮮甜，絕不苦澀，更帶出飯、吞拿魚片的鮮與甜飯是大大碗的，而且是選用日本米，格外的香棉軟滑、易入口呢大大淡的吃這些高質素的日本米，絕不會感到乾爭爭之餘，單是吃白飯或許也是一種享受如果用日式甜豉油撈飯拌著吃，更感好味！講起撈伴著日本米來吃，最佳的選擇更是叫一碗香蔥伴藍鰭吞拿魚腩蓉飯把吞拿魚腩蓉撈勻、伴著白飯吃，更是另一層次的享受 Doraya這間以日式居酒屋裝修的食店，佈置得幾優雅舒適；店員差不多全是女性，全都親切有禮這店位處地庫較隱蔽的位置，要行一段樓梯才能進入店內，要不是刻意拜訪

今天相約女朋友補習後於尖沙咀吃飯，有趣的是女朋友說今天穿了一對新鞋，腳掌痛得要命；因此不想走得太遠云云。在尖沙咀港鐵站附近的食肆也不在少數，諾士佛臺一帶食肆就多如繁星，平凡的一眾連鎖快餐店亦有，任君選擇。女朋友原本說隨隨便便的吃一餐就是了，不過既然女朋友腳痛，就帶女朋友吃點新的東西以作安慰吧！我和女朋友久聞Doraya的大名，可一直沒有機會品味一下，今次來到尖沙咀金馬倫道分店；我們走到不算起眼的入口處，落了樓睇，終於來到了Doraya。侍應安排我們坐到靠牆的二人枱，坐下來後，我們開始研究餐牌了。食物種類不可說不多，單單是鎮店之寶的吞拿魚就有多款選擇，再加上其他刺身丼，的確令人花多眼亂。不過我一早想定第一次來Doraya一定會嚐一下藍鰭吞拿魚大腩片飯，因此我沒花太多時間，倒是女朋友三心兩意，最後還是選了她最喜歡的香蔥伴藍鰭吞拿魚腩蓉飯。於是我們叫了兩個定食，另外女朋友想吃蜆，因此額外叫了一個和風酒煮蜆。和風酒煮蜆和風酒煮蜆最先來到，盛載的盤子不算大，不過也裝了很多的蜆。蜆的賣相很不錯，肉身飽滿。食味方面，肉質鮮甜爽口而且帶有清酒的幽香。值得一提的是每一隻蜆都沒有殼肉分離，每一只蜆肉都乖乖

後悔第一次吃冇映相.當日我食トロ丼＋冷烏冬套餐.仲記得有燒餅送添~~★今次我又黎食lunch,可惜甜品已經cut左咯!!個餐少咁個甜品,感覺當然冇咁抵.本身一個lunch都成100蚊啦,現在3個月來一次吧~是日午餐:- 咪就係是日午餐囉!!哈哈~~~80蚊再+1,份量剛剛好!樣樣都有d成個大集匯咁.但我嫌炸物做得唔夠好.下次我會再叫番雞orトロ再加烏冬or 蕎麦果種set!

今餐一個人, 在尖咀的 doraya 食一份什錦魚生粒飯定食什錦魚生有八爪魚粒, 三文魚粒, 三文魚子, 帆立貝粒, 蛋絲, 青瓜, 紫菜絲, 材料豐富, 未食之前, 絕對充滿期待但一食之後, 味道唔太接受, 因為原來係有調味醬撈埋魚生飯食的, 但個味怪怪的, 有點似喼汁同醋撈埋的味.. 加埋一些有臭青味的沙律菜絲, 噢, 我寧願食番傳統的魚生飯了魚生粒就幾新鮮, 但味道處理出了問題, 所以完全唔掂

最近識了一個新朋友, 係一個喜歡食刺身的女仔, 相約一起食飯, 揀了doraya其實我自己都幾鍾意食刺身, 所以這一餐可以講係大家都喜歡食 我自己叫左一份藍鰭吞拿魚生片飯定食, $138, 就如圖中的一碗!吞拿魚片的味道, 和之前在壽司店食到的好唔同, 這裡的吞拿魚, 是有腥味的, 不像鮮紅色但只有籤維味而沒有魚味的魚生, 感覺比較真, 係我食到的比較好食的魚生一碗飯有十多片的吞拿魚, 而且唔會薄, 都幾抵食, 醬油有分專給吞拿魚用的一種, 味道沒那麼咸, 好食!見場內不少食客, 氣氛熱鬧, 食刺身, 不妨試試doraya

因一點事請了半日假, 事後去了尖沙咀專食魚生飯的Do-ra-ya. 一年前聽說吞拿魚飯超好吃, 當時心存僥幸, 於星期六晚7時左右探之. 果然不出所料, 門口排隊的人龍令人打退堂鼓. 一年後道聽途說質素下跌了不少, 為求一試虛實; 今天午時成為第一位客人.打開Menu, 有炸物和不同類型的吞拿魚餐, 如炙燒, 煎, 新鮮刺身等等. 索價約$ 68-$120 左右. 由於Menu 上炙燒的賣相不怎樣, 在下唯有選擇賣相較佳的煎吞拿魚 set, 肉金 $ 98 加一.等了約7 分鐘, 一盤set lunch 端上來了. 雖然跟menu上的賣相很似, 但令人頗失望的就是一粒粒的吞拿魚塊略為細份量. 得個八小件呢, 第一啖入口, 頗佳, 脂肪分佈肥美, 魚的鮮味濃厚. 由於是略略把表面煎過的關系, 加上了點點粗黑椒及鹽粒, 粗粒不免有點撞牙. 另外, 魚跟飯的表面, 亦淋了適量的不知名醬汁. 有點似甜豉油, 用來餸飯非常非常好味 ! 配菜則有蒸蛋及麵豉湯, 蒸蛋只是及格而已,. 麵豉湯則是喝一口則點到即止.因為時間尚早, 12:15全程只有兩枱客, 服務方面自然一切正常; 埋單盛惠$107

同個朋友去尖咀搵食, 去到金馬倫道的定食 doraya 晚膳天氣炎熱, 行落地庫的樓梯沒有冷氣, 嚇死 以為店內都沒有空調, 好彩入到去係有冷氣的!餐牌的食物都幾多選擇, 我就食醬汁牛肉飯定食, 朋友要了三文魚子海膽飯定食, 另外再加了天婦羅! 我的牛肉飯味道只係ok, 不過唔算好好食, 飯粒比較黏, 但沒有飯的香味, 牛肉味道比較甜, 雖然日式食法會係甜, 但係我覺得味道比較單調反而天婦羅唔錯, 件蕃薯好甜, 炸粉唔厚, 又唔油膩, 我地大家都同意係不錯的

貴野上次食過，呢次 order D cheap 野：手作餃子 $38 ~ 都係“搞屎”最美味，皮薄餡靚唔散，10 個 good，真想問佢有無生嘅賣!!! 納豆卷 $20 ~ 連有 D 本土日本人都避之則吉嘅納豆，生平第 1 次食，果然同小新 1 齊玩到起絲，雖然得果少少，聞落去似架啡豆味，味道好 strong，唔識形容，總之非凡人可以話接受就接受 ... 鐵火卷 $38 ~ 普通料，無特別，食左好似無食過野咁 ... 囉!!!蝦天婦羅 $68 ~ 大蝦 3 只、2 片魷魚、1 片白身魚、1 片南瓜、1 片番薯、1 隻青椒，份量真係幾多下，炸漿唔厚無乜油，材料食得出係新鮮，連果兜天婦羅汁都熱辣辣出煙架，推介 ~ 我諗天婦羅定食都應該幾得下!!!藍鰭吞拿魚扒飯定食 $98 ~ 無 + 大，睇相都覺得飯多過扒 la，魚扒味道中等，無乜特別，同平時去吉記買果 D 幾似 ... 漁夫風藍鰭吞拿魚飯定食 $98 ~ 睇到第 1 個感覺係：點解個色咁似豬內臟物體??? 我知道唔係 ... 但打左少少折扣 ... 不過吞拿魚份量多，舖滿全個飯面，木魚夾住蔥同酸酸 May 吞拿魚 1 齊食都唔錯，味道清

刺身: 吞拿魚三片, 味道可以;燒物: 燒玉子二片, 甜度正常;炸物: 炸雞三件, 外脆香口, 好味;蟹籽沙律: 味道有點與別不同, 超讚吞拿魚腩蓉飯: 無什味道的壽司飯, 跟椰菜絲拌勻後變得美味多了;麵豉湯: 夠熱~冷稻庭烏冬: 冷度合格, 口感煙煙靭靭;店內環境衛生不錯, 女侍應既可愛又笑容滿臉, 讚

兩個星期前吃的那個超硬茶碗蒸し一直在腦海中揮之不去!那天下午六時半老公突然想吃吞拿魚, 不理我已備了晚餐的餸菜, 要到どらや去吃晚飯(是第一次).到どらや是7時許, 已有7,8人在排隊, 我們等了約20分鐘入坐, 分派到厠所門口的枱, 對仔女大呼臭い！……無可能轉位吧, 大家忍耐好了. どらや有$220的吞拿魚腩定食, 老公沒點, 他說這樣高價的東西應加錢到鮨徳/鮨礼吃.如沒記錯, 那天老公點了ネギトロ丼(吞拿魚腩蓉)、仔女Share豚カツ定食(炸猪扒), 我點了マグロステーキ丼(吞拿魚扒), 另添呀仔鍾意的小碗三文魚子($50) (正確菜名記不清楚....)在等上菜期間, 我們目擊桌旁有水從天花掉下, 地下已積有一灘水……而滴水的同時不斷有待應送餐經過, 幸好在我們監察下沒有餐中招(如有餐被滴中我們會出聲, 怕別人吃了會肚痛!) 但我們用餐時已無暇監察.老公吃第一口吞拿魚腩蓉時說“幾好” 但多吃幾口便說不妙, 他認為解凍做得不好,有令人不悅的雪味. 雖說どらや用的是新瀉縣產米, 但質素不太好, 味淡無香且不蔕光澤. 老公說這個賣$88的定食最多值$60!仔女的豚カツ定食, 好

當初呢間餐廳得一間係cwb個時已經成日食,重記得只係６８蚊就有一個set。第一次食個時真係覺得超好食,$68好鬼抵，魚腩又多。勁推介朋友去！！之後開左兩間分店,都好呀,我住kln,想食下下過海都幾煩，所以去多左tst呢間。不過呢,最近呢次食,覺得冇以前咁好食，重要加左幾次價,已經成＄９８一個set！再睇個menu,嘩！！多左好多野食！！其實呢，我份人有Ｄ怪啦或者,我專黎食魚生飯，你突然多左咁多野食我反而唔係咁鍾意,覺得唔夠專注。講番我食個set,係吞拿魚腩個set，基本上我次次都係食呢個架喇，所以真係feel到佢係冇以前咁好食，唉,又少左樣會令我心掛掛既野食喇。雖然唔係難食，但相比下真係差左，重要貴左，我諗我唔會再去lu～

落開公司在尖咀的office, 到了附近的定食 doraya食, 印象中好似開飯網介紹中我的選擇係鯖魚定食, 兩個字: "好正"定食包括了兩件白蘿蔔的前菜, 煎蛋, 麵豉湯, 一碗飯同鯖魚, 前菜幾好味, 醃汁清清地味道幾好, 煎蛋好軟熟, 唔會好甜, 有雞蛋的香味鯖魚皮夠厚, 燒完只係魚皮燶哂, 但完全唔影響魚肉本身, 魚肉有輕微的腥味, 不過啲肉唔鞋, 幾好夾, 味道又鮮甜, 好正呢一餐, 係小弟近期食得比較"豪"的一餐, 不過都係一百蚊

女友近排心情靚爆，說要請我吃，但要我自己想去邊吃，咁岩個天要去尖咀交收，咁就看下貴網有咩介紹，我找到五間心水店，都從未吃過，但平時行街都經過，二人晚上七點去到，入座得四成，坐得都舒服，點了特選藍奇吞拿魚定食…吞拿魚無根，都新鮮，都有十塊，飯夠吃，海膽定食…俾個餐牌呃到，見相片海膽舖滿整碗飯，但來到原來舖得半碗，加上海膽不新鮮，唔甜，反而白飯仲正過海膽。自家制玉子燒…賣相幾好，望到蛋有一層一層疊住，用心之作。