客家人窯燒雞

营业中

休息中

這家主打窯燒雞，是現場用大磚瓦爐窯製而成，眼見師傅取出一隻又一隻，由於準備時間需時，建議可提前致電預留數量☺️餐廳也供應多款自家醃製冷盤小食，非常惹味醒胃招牌窯燒雞｜$198｜8.5/10原隻雞外皮非常脆口，內裡肉質軟嫩，每一口肉汁豐富，簡單只用了迷迭香及香草醃製，保留窯燒的香味👍客人如不懂如何拆肉，店員亦會主動協助冰梅醉豬手｜$48｜8/10豬手皮肉很嫩滑，毛頭清理得算乾淨，連關節中的筋鍵都很軟腍，食落酸酸甜甜，同樣醒胃金果白菊茶｜$22｜8.5/10必點的飲品！店主堅持不添加蔗糖，飲落回甘，是天然金羅漢果及白菊煲成，飲完格外清爽，清熱解毒之選👍

📍 客家人窯燒雞（元朗）元朗新開咗一間客家人燒雞主打秘密配方嘅高溫窯製嫩雞重點係，即叫即燒，熱辣辣放上你面前！我去到叫都大概要等10分鐘。但係食到咁Juice咁多肉汁，而且仲要係金黃色熱辣辣嘅燒雞都好值得！店內可以揀堂食或者外賣🥡店內嘅做法並冇錫紙包住有一個好靚嘅外賣盒🥡俾你即刻帶返屋企即刻食～❣️最欣賞店內最細心嘅一樣嘢當我打開個盒嗰陣時都好驚訝竟然有一把全新嘅剪骨鉸剪兩對一次性手套🧤一包濕紙巾🧻嗰把剪刀鉸剪係直程送俾你～好貼心亦都好窩心💯✨ 客家人窯雞你見到佢d 肉汁 已經會感覺到佢有幾juicy😍肉質軟嫩多汁同時好入味雞肉輕輕拆開、已經輕易皮肉分離完全唔使用力 證明焗得幾腍！雞肉嫩滑juicy完全不乾身，最緊要非常入味底層好多秘製醬汁日連埋皮食簡直係人間美味！雞皮偏肥爽彈，皮肉中間有脂肪，食落充滿油香，超級正🙌🏻肉質極級嫩滑，一撕開直頭爆曬雞油最驚訝係連雞胸肉都好嫩，真係唔知點做到成隻都咁滑味道方面有啲似豉油雞，醬汁非常入味，唔止雞皮，連雞肉都充滿醬油香真心有驚艷到，大家冇介紹錯，超值得一試‼️

📍# 客家人窯燒雞泡椒爽魚皮　$38魚皮爽滑彈牙，非常入味，少少辣好惹味，正好係開胃的涼拌小食醋香小雲耳 $32雲耳很爽口，特製甜醋非常夾，可以買來試吓窯燒惹味骨　$158除咗窯燒雞之外，呢個惹味骨都係另一招牌菜，每日新鮮製造，蜜汁炮製，燒得剛剛好，有油脂帶點香，幾好食——————————————-📍 客家人窯燒雞🏠 元朗西裕街5號金福閣地下2號舖#hkfoodstep##hkfoodstep元朗##hkfoodstep港式##hkfood# #hkfoodie# #hkcouple##元朗美食#

之前買過幾次呢間既燒雞返屋企做餸，都覺得吾錯，不過前排見無開一段時間，以為執左笠，最近又開返去問先知轉左手，不過同樣賣呢款窯燒雞。難得黎到就當然買返隻返屋企食！同舊店一樣有3大個窯雞缸，即叫即放入缸到燒，所以建議可以提早打去預定。岩岩見佢系個缸拎出嚟熱辣辣，顏色均勻。拎到返屋企食前同佢影左2張相，原隻放落紙盒，可以保留佢啲肉汁同保溫，拎到返屋企先自己剪開，佢會跟埋一把剪骨鉸剪、手套同濕紙巾。雞皮有炭燒味，雞入面放左啲香草作調味。除左燒雞，仲有其他小食，不過屋企仲有其他餸，所以今次只系買左隻燒雞。

大家好呀！今日去食嘅係客家菜窯雞，事緣有朋友住喺元朗話俾我聽有間燒雞好好食，我心諗有咩燒雞我未食過，咁就應約去試，到左先知原來係客家窯雞，咁乜嘢叫做窯雞，其實就係用一個大缸去燒烤，咁點解會叫客家就係泛指中原以南遷徙嘅人，由於外來人口係冇戶籍，喺地方官府就要比一個戶籍佢，就叫佢哋做客籍，所以客家人唔係指某一個特定嘅地區省市嘅人民，而出名嘅客家菜都有好多下次都可以介紹吓。今次呢間特色小店，舖頭細細竟然堅持用幾個咁大嘅缸去現場燒製，完美去還原呢一款傳統嘅客家窯雞，真係值得讚賞，食嘅時候外脆內軟，感受到事前嘅功夫，嗰種脆皮係要篤好多窿去梳氣先至可以做到咁脆嘅口感，用嘅香料亦都啱啱好，夠味之餘又唔會好鹹，肉質鬆軟，唔需要再加胡椒調味，最重要就係食完都唔覺得口渴真係好犀利，食得出嗰種用心，小店生存唔容易，所以我嗱嗱聲食完就離開，希望佢可以返多兩台客加油啊👏🪑目測坐位20人🚇元朗西鐵站5分鐘到===============菜窯雞$198好食🌟🌟🌟🌟🌟雞油高湯浸津白$38好食🌟🌟🌟🌟=======$259.6/2人，每人130

由於媽咪特別鍾意食客家菜，見到元朗新開咗間客家人窯燒雞，當然要買隻返屋企加餸！提早WhatsApp餐廳預訂，師傅會計好時間，夠鐘就由窯到拎隻雞出嚟，以確保客人拎嘅時候燒雞係最好嘅狀態！📌招牌窯燒雞 $198/隻🐔窯燒可以令到隻雞均勻受熱，更加能夠鎖住肉汁！雞皮燒得香脆，有少少似酒樓炸子雞外皮，不過保留更多嘅肉汁，一撕開肉汁多到流晒出嚟，肉質亦十分嫩滑。調味方面，味道啱啱好，雞身入面有大量迷迭香，隔住個外賣盒都聞到香氣十足！ 另外，餐廳仲非常貼心，外賣會附送鉸剪同手套！

炸雞就食得多即製嘅燒雞香港就真係難搵啦🐥最近喺元朗開咗間窯燒雞餐廳門口放咗三大個窯 以高溫窯燒嘅方法燒至雞皮外脆 同時鎖住雞嘅肉汁 令雞肉保持嫩滑！喺等候期間仲叫咗兩款小食🍢🔸窯燒特大燒賣 HKD48平時食開蒸燒賣 估唔到燒賣都可以拎嚟燒燒賣比坊間嘅大粒 而且魚肉味濃 燒完之後真係外脆內軟中意辣嘅仲可以點埋辣粉 更加滋味🔹窯燒椒麻肉丸 HKD48除咗燒賣 見呢個椒麻肉丸都幾特別肉丸外皮燒至乾身 更加突顯到肉丸豐富嘅肉汁而且仲好彈牙！🔸招牌窯燒雞HKD198坐低咗之後店員叫我哋等十分鐘而喺呢十分鐘入面都見到有好多人買外賣就知今次冇嚟錯地方😌講返隻燒雞先 上枱嘅時候雞皮燒至金黃色餐廳會附上鉸剪同手套 一剪開雞油雞汁已經燒哂出嚟仲要出煙㗎 真係新鮮熱辣辣出爐一啖咬落雞皮度 仲脆過食薯片😳因為雞皮下面冇多餘油脂 足以令薄薄嘅雞皮可以燒到乾脆雞肉亦都非常juicy！💦不得不讚師傅嘅時間掌控得好好真係無食過咁嫩滑多汁嘅雞肉！另外調味都啱啱好 完全唔會遮蓋燒雞本身嘅鮮味(⁎⁍̴̛ᴗ⁍̴̛⁎)可能係窯燒嘅關係 熱度都可以保持得好好就算食到一半隻雞都仲係熱到燙手🔥🚩客家人窯燒雞 元朗西裕街5號金福閣地下2號舖

客家人窯燒雞地址: 元朗西裕街5號金福閣地下2號舖電話: 69006162朋友知我鍾情於食雞，告訴我呢間餐廳的燒雞好特別，一定要試試，果然無介紹錯，遠遠已聞到陣陣飄香，店內有有幾個瓦缸用黎燒雞，據說用這種方法烹調，受熱均勻，不但可以保留了雞的營養價值，而且特別嫩滑。招牌窯燒雞 $198/隻我外賣一隻回家享用，即燒即賣，等了大約10分鐘，新鮮出炉熱辣辣、香噴噴，色澤金黃，整體上沒有多餘的油脂，回到家食雞皮仲係脆卜卜，雞肉十分嫩滑，肉質保持多汁，連雞胸位置都唔會鞋，十分好味，外賣更附送剪刀及手套，非常貼心。店內還有幾款小食供應，桂花車厘茄、醋香小雲耳、泡椒爽魚皮、鹽香脆雞腎及鳳爪、冰梅醉豬手…等等，下次有機會試試。

最近窯燒雞大行其道，今次試吓元朗呢一間新開嘅客家人窯燒雞，主打用窯燒可以將肉汁牢牢鎖住，令雞皮烤得香脆之餘，内里依然肉汁豐富，把烤雞的水平提升更高層次！師傅計好時間，一夠鐘將原雞係窯到拎出泥，金黃肥美燒雞香味迫人，返屋企先開隻雞仲係熱辣辣，爆哂雞汁，而且香料味十足，原來雞身入邊藏有大量迷迭香唔怪之得咁香另外佢哋都有招牌小食，桂花車厘茄、鹽拌雞腎雞腳等等，今次試咗鹽香焗鳳爪，一盒有成五六隻，鹹香美味有彈性，用嚟送酒睇電視，絕對一流客家人窯燒雞📍元朗西裕街5號金福閣地下2號舖

呢間餐廳位於元朗有好多唔同既燈籠放左響天花上面,但係呢度最出名既係燒雞,我入去之前已經預約左打去訂定,咁一入到去等左唔係好耐就有得拎雞啦,呢個煮既方法比較特別,用左一個炭火爐預熱左個炭爐先,之後再D雞入去個好大既窯雞缸入面燒熟隻雞,雞肉外脆內軟,色澤金黃色咁燒到好靚既貌相,另外,仲有一把較剪同手套俾埋客人方便進食,雞肉切開好香噴噴同嫩滑,皮薄得黎又好脆卜卜咁。客家人窯燒雞地址: 元朗西裕街5號金福閣地下2號舖

我們一行六人，因為店舖細，坐位較逼，要安排兩張枱坐，等了15分鐘有位。叫了多種食物，味道不錯，尤其燒雞同燒排骨，燒雞皮好薄沒有脂肪，平時因為健康唔食雞皮，今次連雞皮都食埋，但要自己剪雞，因剛剛燒出，所以雞好熱。問咗老闆，原來每隻雞都經過風乾之後才再炭燒，燒之前已經減少雞的脂肪，所以燒完雞皮非常脆同好薄。燒排骨都大份，夠六個人吃，味道不錯，燒得吾乾，有店舖自家製作羅漢果茶，吾太甜，清下烈，會再幫襯！

問店員先知原來而加呢間客家人窯燒雞係同流浮山果間係冇關係既，座位唔多但都坐得舒服，食野嗰陣都見到有唔少人叫外賣買走。我地叫左隻燒雞，塊皮好脆，一剪就好多汁流出嚟，外觀定味道都好正👍🏻 雖然要原隻自己剪，但係好易就剪到出嚟，有齊手套、較剪、濕紙巾比我哋。另外仲叫咗個川椒雪裡紅，味道唔會好辣，我數到有紅腰豆、青瓜、雞肉、菜脯、花生、豆乾、雪菜，材料真係好豐富，而且口感好好，買返屋企送酒一流👍🏻 最後叫多碟菜都幾鮮甜，感覺到呢間店所有食材都有用心挑選同烹煮

內地呢一兩年興起窯燒雞，宜家香港都陸陸續續開窯雞啦！唔駛專登返大陸食。平日18:30到訪，已有很多街坊在等窯燒雞，好彩我一早預訂左，去到即刻有得拎。店內有好幾個窯燒爐窯緊雞，師傅們都好忙碌燒雞，務求每隻燒雞每一面都烤到金黃色。返到屋企急不及待打開，熱辣辣香噴噴既窯雞！噢！店家仲好貼心附送交剪同即棄手套。隻雞外脆內軟，肉質嫩滑，肥膏唔多，燒得好均勻，剪開入面好多汁！雞胸裏面塞左d香草，散發出一陣煙熏味，令人垂涎欲滴。

終於試咗窯燒雞！好好食，一定要推介😁餐廳地方不大，乾淨企理，堂食可以坐低拆雞慢慢嘆，我係預早whatsapp預訂，夠鐘再去拎返屋企食嘅😌窯燒雞之外仲有啲小食如冰梅醉豬手、鹽香鳳爪、泡椒魚皮、桂花車厘茄等等；店舖放咗幾個大瓦缸，瓦缸中間放咗荔枝柴，經過風乾嘅雞原隻放入大瓦缸吊燒，高溫燒大約45分鐘，去到就睇住師傅鈎隻雞出嚟，新鮮熱辣香噴噴🔥🔥外賣包裝貼心，跟一把廚房鉸剪+即棄手套+濕紙巾👍🏻拎到返屋企仲好夠熱！雞皮色水燒到好靚，收皮效果好，一剪開爆晒汁，雞肉有煙燻柴香味同迷迭香等香料味，皮脆肉嫩，雞胸部份依然好滑，正！！

支持小店系列! 元朗探求新發現，招牌客家人窯燒雞皮脆肉滑，重要野講左先!要食到新鮮出爐皮脆肉滑窯燒雞，建議先Whatsapp預約因為新鮮土雞放落230度的大磚瓦爐窯要焗40分鐘~店主務求比你食到新鮮原汁不味的地道窯燒雞，記得提前預約及準時出現啊~ 招牌窯燒雞 $198推介:⭐️⭐️⭐️⭐️⭐️要保持原汁原味的客家風味土雞窯燒十分講求技巧和耐心，土雞先用左迷迭香及香草醃製，再掛上風乾櫃風乾，再放入窯內40分鐘高溫炆燒，雖然土雞比平時黃油雞脂肪比例少，但窯燒方法就令雞皮金黃酥脆，雞肉嫩滑保留肉汁，食落又香口。平時元朗街坊要來加餸真心一流!冰梅醉豬手 $48推介:⭐️⭐️⭐️⭐️店主話豬手係由佢地師傅細心挑選,在冰櫃浸泡一段時間，令其夠哂入味花雕酒香又開胃，而且有埋豐富骨膠原Q彈爽口金羅漢白菊花 $22推介:⭐️⭐️⭐️⭐️⭐️自家製清熱解毒消暑飲品，不添加人工香精、色素及防腐劑，重點係佢地話所有材料清洗起碼三遍以上，作為小店夠哂誠意。既解渴、清肝明目又潤肺養顏~啤酒1664 $28/罐店內亦有提供幾款啤酒選擇，無論小食定係窯燒雞送酒都一流~