客家人

营业中

休息中

在附近唱完ktv已經晚上七點了，順路來了樓下的客家人餐廳，openrice點評還比較好，所以才相信餐廳的味道。沒想到一進來服務員就推薦烤魚，三分鐘就上來了，肯定不是新鮮的魚。椒鹽九肚魚也非常不新鮮，軟綿綿的還有一股臭味，和以前在其他煲仔飯店和海鮮餐廳吃到的味道不一樣。招牌菜梅菜扣肉只有薄薄幾塊肉，只有很少的梅菜，下面居然墊著青菜，是梅菜很貴嗎？？？海鮮炒飯是唯一正常的主食，但居然收了128蚊，麻麻地吧。最後送了綠豆沙糖水，可以說是今晚MVP了。

未試過食三樣嘢都咁差。以為個名叫客家人就會好食，點知真係好難食！！！個冰梅骨嚟到，簡直顛覆咗我對冰梅骨嘅概念，類似將食燒鵝嗰啲酸梅醬撈埋硬到好似石頭咁嘅豬骨整出嚟，用大牙出盡九牛二虎之力都扯唔開啲肉。個鹽焗雞諗住係客家菜就冇死啦，嚟到見到個樣係黑色嘅，勁似阿媽隔夜嗰啲雞，食落口都有浸雪藏味，啲雞又斬到九唔搭八，難食。仲有嗰個蒜蓉粉絲蒸茄子，啲蒜蓉好似唔使錢咁樣倒晒落去，啲茄子走油走到成個碟都係油。

星期六晚飯時間去到，只有两三枱客人，覺得奇怪，因為網上食評唔錯，所以專門來吃。四個人叫了半隻咸雞，客家豆腐，椒絲腐乳通菜和咸莱豬肚湯。咸雞的肉質太淋，客家豆腐不正宗，豆腐沒有煎過，是白豆腐釀些豬肉，通莱是黑黑的，腐乳都未炒匀舖在通菜表面。湯是較好的，豬肚很淋。但餸菜真的失望，而且價格又不是很便宜。性價比全無。我哥哥因為想試他的鬼馬魚腸，所以第二晚又再去光顧，但他的評語是很難吃，机會已给他两次，我以後都不會再光顧了。

今日嚟咗客家人食飯，由於自己本身都係客家人，所以對呢一種客家味都覺得好地道，好熟悉。由於疫情關係，所以餐廳都算寬敞，枱與枱之間都有一定嘅距離。我哋坐低叫咗一糊普洱，服務都算過得去。我哋叫咗一個焗三蔬，用葡汁焗，再加上少少芝士，下面係西蘭花、菇、西芹等等。葡汁幾香，拎嚟送飯係幾唔錯。再之後叫咗個菠蘿生炒骨，生炒骨嘅係有彈性嘅豬肉，連埋菠蘿一齊炒，一啖肉一啖菠蘿係幾唔錯。黃酒煮雞湯係我一個好期待嘅菜式，嚟到嘅時候，黃酒味好濃，裏面有齊當歸、雲耳等等，飲落嘅時候非常香，雞多，但唔夠滑嫩，可以加強一下。成餐飯買單$500 ，總括而言，這裏的客家菜，風味夠地道。

父親節當日，去了這間客家人食，book了6:30，當時唔係好多人，去之前預先上OpenRice睇吓有咩食，見到佢個川弓白芷燉魚頭湯係要預訂的，立即訂咗先，因為自己好鍾意這個湯，去到再叫了客家煎釀豆腐、客家炆豬肉配冬菇同埋個孖寶蒸魚加茄子燜排骨，個魚頭湯用料十足，好濃味，味道不錯，釀豆腐也滑，個芡唔會過濃過厚，不過價錢過百有啲貴，客家炆豬肉配冬菇，送飯一流，飯後仲有糖水送，服務也不錯，走時有同我們講父親節快樂，幾窩心👍🏻.

第一次寫食評，忍唔住，因為真係差到爆，伏到。。。。叫左鹽焗雞，話係特色套餐，結果係梅嘅，話鹽焗，冇味都算，有個醬嘅，但雞肉個質地係梅，個碟有水。。雞肉鞋到飛起。。極有可能係番蒸隔夜雞！好耐未食過咁難食嘅鞋雞。

今日同媽咪食呢間客家人，入面好闊落。好想食炸大腸同蠔餅..但2個人黎講太熱氣🥲，一定食唔哂，下次有機會再黎食！藥膳黃酒炆雞好香！補身活血，唔睇都唔知原來釀黃酒係咁複雜😯。沙嗲金菇肥牛煲配飯一流！肥牛唔係超肥👍金銀蛋浸菜心平時屋企比較少煮金銀蛋，清清地😋當我地企起身帶哂口罩出去埋單既時嘅佢地話有糖水送😂，係紅豆沙，即刻成餐飯完滿左😆，比錢既時候又狂講多謝！呢到d姐姐超好笑容😊，服務唔錯👍。

住系哩頭附近，放假又黎覓食啦🥳想食d家常便飯，見客家人經濟又實惠就揀佢啦😆-午市套餐$60一款小菜 白飯 餐湯 餐飲-住家靚湯（青紅蘿蔔豬骨湯）🥕飲落去唔似味精湯，飲完唔會覺得口渴🥰-菠蘿生炒骨🍍一上枱見到一碟有十幾舊先知原來咁有份量🤩生炒骨個粉漿夠薄，炸得夠火候，再加上快炒，所以外脆內軟😍而且醬汁酸甜酸甜，令人胃口大開😋-辣子雞🌶️平時出去食辣子雞，永遠都係辣椒多過雞😂但呢間既辣子雞係唔洗係辣椒底下搵雞！🐔因為一眼就見到有好多雞肉辣子雞唔會好多骨，細細舊，炒得好入味好香口呢間既辣子雞唔算辣，食唔到辣既朋友仔都可以試下-熱奶茶☕️比其他餐廳大杯好多☺️-客家人既碗碟好特別係公雞🐓圖案，好有傳統風味🤗

身爲客家人既我，居然從來都未試過出去食客家菜。難得過黎長沙灣，經過呢間叫客家人既客家菜館，就食埋飯先走。趁午市未完食個早啲又平啲嘅晚餐先。午市做好多款套餐，又有各式炒粉麵飯，西式扒餐飯，常餐，特餐，秘製湯飯皇，小炒餐，蒸煮餐，有啲似茶餐廳，不過多啲蒸炒選擇。午市套餐小炒類 $60今餐想食多啲菜，所以揀左呢個午市套餐小炒類。可以喺十三款肉同十八款菜隨意配搭各一，好有彈性。包住家靚湯，白飯同熱飲。轉凍飲或汽水加$3。我哋揀左通菜同鮮牛肉。住家靚湯（跟餐）先黎兩碗住家靚湯。真係勁住家feel，係蓮藕紅蘿蔔煲豬骨，足料之餘味道好清又冇味精，正!通菜炒鮮牛肉鮮牛肉有六塊，加埋唔少通菜，冬菇，秀珍菇，西芹同少少辣椒加蒜蓉一齊炒，味道好夠，唔算太油，如果啲牛肉片嫩啲就更好啦。跟餐嗰碗白飯成座山咁。西式紅酒燴牛尾 $68見到呢個午市推廣嘅廚師推介，即刻叫黎試試先。西式紅酒燴牛尾超大兜，有六舊牛尾，好有咬口，骨膠原重，唔係炆到好腍嗰啲，要咬，但係好多肉同筋食，味道方面非常重紅酒味。其他配料有勁多稔甜紅蘿蔔，青紅燈籠椒，洋蔥，蔬菜量好豐富。個汁同牛尾一樣，都係極重紅酒味。跟西式紅酒燴牛尾有一大碟白飯。天氣

你都長沙灣呢間客家人食小菜，咁岩我鄉下又係客家人，所以對客家菜都好熟悉，呢度嘅味道都幾正宗， 未試過正宗客家菜嘅朋友就可以嚟呢度試下啦。呢度坐位都幾闊落，坐得好舒服，而且全部都係擺圓形嘅中式餐枱，好有客家feel。首先叫咗個梅菜扣肉， 扣肉肥瘦分明，一睇就知係用咗五花腩去整啦，本人呢就最驚食到啲好瘦嘅扣肉，咁就變咗好似食豬肉咁，但呢嚿就完全唔會，而且都吸收曬梅菜嘅味道，十分之惹味。另外仲叫咗個沙薑雞，雞切得井井有條，食落都好有雞味，點埋個沙薑醬，就好有風味。菜方面叫咗個蒜蓉炒菜心，上枱好有鑊氣，而且金銀蒜算都有齊曬， 最緊要係佢炒得好均勻每一條菜上面都都沾滿咗蒜， 食落非常之惹味，最欣賞係佢連個芯都度返黎，好多餐廳都唔會咁做，因為會多左功夫。

潮洲菜就食得多，客家菜真係第一次食🙈💚 黃酒炆雞上到枱嘅時候係熱辣辣，份量足半隻雞，黃酒味道重得嚟又唔會苦，食到(同睇到)藥材味， 有紅棗、杞子、黨蔘仲有啲我唔識嘅藥材🤣 配料有雲耳、冬菇同洋蔥，冬菇索哂啲雞汁好入味，個黃酒雞汁用黎撈飯真係一流，唔覺意食食吓就食哂成碗飯🥲💚 鬼馬焗魚腸表面焗到金黃，最上面嗰層係油炸鬼，下面係魚腸焗蛋，有好重嘅陳皮味，就咁望都望到有好多陳皮絲，魚腸嘅份量都幾多，味道比較清淡，胡椒粉隨個人喜好自己加，整體嘅味道好唔錯，美中不足嘅係焗得唔夠乾身。💚 金銀蛋上湯娃娃菜好家常嘅一道菜，金銀蛋份量多，有好多原粒炸蒜，但又唔會好重蒜頭味，雖然係好簡單嘅一道菜，但整得好好味。味道: 🌕🌕🌕🌕🌗服務: 🌕🌕🌕🌕🌑價錢: 🌕🌕🌕🌕🌑環境: 🌕🌕🌕🌕🌑－－－－－－－－－－－－📍 客家人 (長沙灣)長沙灣青山道193A號永業大廈地下B號舖－－－－－－－－－－－－

性價比超高嘅客家人😙😙😙平日出街食野唔係日本野就西餐 今次心血來潮想食d中餐呢度既午市套餐好抵食 60幾蚊有嘢飲有湯😋而且大大份 味道仲唔錯添好食過好多酒樓😎.🎈梅菜扣肉飯 ($60)係肥仔最愛嘅梅菜扣肉飯😍一啖一肥膏😍呢d工夫菜真係越來越少地方有得食 就算有得食味道都麻麻呢個價錢原本以為會碟頭飯咁上 點知佢好貼心咁用一個碗分開另上 唔會浸到好似湯飯咁😋扣肉燜到好淋 做到入口即化既感覺而且仲非常入味 但又唔會過咸🤤最有誠意嘅地方係除咗梅菜之外 底下仲有啲菜心唔會搞到成件事太油膩 又唔會搞到啲肉壓哂喺底每塊肉都係厚切 真係好滿足😋😋.🎈菠蘿生炒骨 ($60)生炒骨到到都有 但就唔係到到都整得好食🥲一上台到咁大份就覺得好抵食 加加埋埋都有十舊咁上下 分分鐘仲多過出面一碟小菜咕嚕肉用料唔錯 啖啖肉 唔會淨係得舊骨🤣炸既火候都好好做到外脆內軟 炸粉厚度適中個甜酸汁亦做得唔錯 甜酸味道平衝 有少少醋香味 唔會好似有d茶餐廳咁 求其搵生粉水開個汁 但係冇味既.🎈總括而言價錢唔貴但食得好滿足😋除左份量足料 味道都好有誠意可以話係一間臥虎藏龍嘅餐廳👏唯一缺點就係離地鐵站都有少少距離不過絕對係一間會回頭

朋友話好耐唔食客家菜，啱啱好來到長沙灣，呢度有間餐廳「客家人」空間好大，乾淨舒適，員工好熱情。我啲來得早，樓下唔咩客，所以上菜好快。圍村獅頭鵝：好大一煲，一上檯香味撲鼻而來，鵝肉份量十足，肉鬆軟且吸收秘制料酒，使鵝味唔會太重，讓人欲罷不能。枝竹軟且完美啲吸住湯汁，好好食！黑木耳好脆。整道煲真啲正！紅燒乳鴿：乳鴿表皮香脆，唔會太多油，肉質幼嫩。蒜蓉通菜：通菜唔止單單加蒜蓉，仲加佐秘制料酒，使通菜更加香濃好味。兩人食晒呢D食得好飽，餐牌上仲有好多其他嘢睇起來好好味，下次再來幫襯！

今日同老公去長沙灣走親戚，回家前路過客家人，睇到餐牌，諗起好久冇下餐廳食炒菜，就入店叫左3菜飽肚。先上桌係椒絲腐乳炒通菜，呢道菜要讚下廚師，手藝了得，通菜好鮮嫩，而且不會變黃，出水。成碟從上盤到買單都好新鮮，味道都好正。主菜嗌左客家鹽焗雞，雞醃得好入味，就算唔要沙姜汁都好好味，好慫飯。雖然得半隻雞，但分量都不少，夠吃。另一份嗌左沙嗲金菇肥牛煲，肥牛煙煙韌韌，好彈牙，粉絲分量好多，好滑，而且好入味，好香。還加左菠蘿提味。成道菜啲性價比都好高。呢間餐廳嘅招呼都好好，好有禮貌。值得做回頭客。

是日同honey去長沙灣，見到哩間客家人，身為客家人的我，當然陪感親切，所以同honey決定去哩間食晚餐見到本menu，有好多不同的客家菜、，樣樣都系自己食開的，最特別系佢哩個公雞logo的餐具，真係好懷舊，點左水仙茶都唔錯，有茶味，另外有碟花生食下，菠蘿生炒骨汁醬都多，酸酸甜甜，另外感覺醬汁有少少山楂味客家鹽焗雞（半隻）客家人最重要的餸，雞味重，碟邊都系熱熱地，另外比埋碟醬，味道唔錯焗四蔬葡汁焗的四蔬，有不同的菜，葡汁甜甜地，汁料送飯一流，芝士溶溶地都唔錯。白飯飯後會送埋甜品，木瓜雪耳糖水作為飯後甜品！