客家人

营业中

休息中

長沙灣呢其實呢都算當嘢食，見到客家人嘅食評呢都幾好，而且行過嘅時候見到環境寬敞，所以就有興趣一試！秘製豬手飯入味既豬手配上一個大大既嘅碟頭飯！食落去豬手汁好岩配飯！而且豬手呢炆得好冧！啖啖都係骨膠原嘅感覺！唔錯唔錯，而且有生菜薦底，感覺唔會油膩！菠蘿生炒骨🍚生炒骨炸到啱啱好！配上酸酸甜甜既菠蘿汁，仲有三色椒，簡直係送飯一流，而且份量好多！值得一讚係除咗有例湯會附送之外，仲有一杯嘢飲包埋，性價比幾高！

出街食中菜，不外乎是京川滬、粵式小炒、潮州菜呢啲比較大路嘅中菜， 平時少食，一食就食咗一間好味又夠份量嘅客家菜館，環境寬敞，簡單舒服，服務亦很殷勤有友善既然少食咁就一定要點客家特色菜， 黃酒煮雞湯($168/半隻)， 用客家黃酒煮嘅一大鍋雞湯，酒香撲鼻而來， 一大鍋基本上是四個人的份量，酒味夠又濃，雞肉非常嫩滑而且真的有雞味，雞件之多一定夠半隻，沒有偷工減料， 當中亦有放入藥膳紅棗等補品，補身養氣血， 而且以雞湯來說，油分比我想像中少圍村獅頭鵝($168/例)新鮮熱辣，也是一大鍋有很多鵝件， 鵝肉夠腍， 有支竹、雲耳、芹菜等配料，充滿農村風味即使是簡單的金銀蛋浸娃娃菜($88)也是很大的一碟， 娃娃菜煮得很甜， 除了皮蛋、鹹蛋之外，還有很香的蒜頭，不要小看這些蒜頭， 又香又淋又好吃， 簡簡單單的一碟菜，也煮得很好吃吃完完全沒有口渴口乾的感覺， 反映調味應該沒有下味精， 非常好

路過長少灣，見到間餐廳叫客家人，覺得幾特別就入左去了。間鋪都唔細，而且坐得幾舒服，環境比好多中菜小店好。價錢唔貴，$60就有一個lunch set, 有湯，有小菜，有白飯，有飲品。最後，同朋友叫左2個set, 一齊share.例湯西洋菜煲豬骨湯，不過不失，味精不重，飲完無太口乾，ok 的。鹽焗雞雞肉鹹香嫩滑，唔錯，點上沙茶醬又係另一種味道。個人較喜歡唔點，雞味會出d。好送到飯豉汁蒸烏頭烏頭唔算好大條但蒸得岩岩好，冇overcooked， d 魚汁又係送飯一流，有鮮味，有驚喜。奶茶同檸茶都正正常常。最後，呢到既伙計幾好招呼，有禮貌

長沙灣有間客家人餐廳！媽咪係客家人！帶佢黎回味下家鄉餸先🥰！客家鹽焗🐔呢碟🐔份量十足！$138 抵食到震！醃得幾入口，唔洗點汁已經夠曬味道！煎釀蠔豉呢個餸好得意！粒蠔豉釀咗喺入面！其他地方我真係未食過😛！一碟有四粒！大大粒！食完都幾滿足！入面除咗蠔豉仲有豬肉架！呢粒波波成粒大肉丸甘，一齊食估佢唔到又幾夾wor🤪!椒絲腐乳炒通菜炒通菜食落又幾爽嫩！媽咪表示滿意！下次可以黎試下其他客家餸🤩！

又去左食新野😋今次到客家菜 一開門已經嗅到好勁既黃酒味 係出面餐廳都好中意食黃酒雞打邊爐 有時仲會係屋企試下緊 當然一定無出面甘正啦 都唔知落左咩藥材🤣黃酒煮雞湯🐔🐔( $168 半隻)一上枱 啲酒味真係太勁啦 我本身唔飲得酒 所以同雞湯無緣 我朋友就話好似飲緊烈酒🥃好正宗 係兒時既味道 所以佢飲左2碗 面都紅曬 我只能食雞件 都已經感受到黃酒威力 咸酸菜浸沙巴 ($160)廚司推介 Meun無嫁 好值得一試 條沙巴好fresh 🐟🐟 我估佢應該炸過 表面脆卜卜 就算浸左酸菜 都食到鮮味 酸菜配飯一流 唔會太酸 合度好處上湯豬潤浸時菜($88)份量多 菜心好清甜🤗🤗

望見個店舖名就會知道佢係主打客家菜，除左客家菜原來仲有客飯，常餐，海鮮，雞煲，都幾多元化。店內裡寛敞，有2層，圍數不少，枱與枱之間都好闊落，店舖亦唔收加一服務費，我和朋友就點了2個客飯品嚐，每個客飯都包飲品同中湯，價錢相宜。 梅菜扣肉飯，腩肉色澤均勻，一層肥一層瘦，好平均，肉香而不膩，入口即溶，梅菜量都多，好好餸飯，如果唔怕肥既真係要試下😋 咸魚雞粒炒飯，配料主要有鹹魚粒，雞肉粒，蛋，生菜絲，白飯拌炒而成，食落鹹香惹味，炒飯粒粒分明，一碗飯很快便吃完。

晚上七點入鋪叫外賣，冇其他人等，服務都唔錯，有招呼有禮貌。都煮得耐耐地，即炒，有heart 嘅。四個人，叫咗四餸一湯，二個白飯，一個炆米，味道係好，但份量有啲少，人均163，長沙灣泥講有啲貴。魚香茄子炆米味道不錯，茄子比較大塊，但都好入味，好淋，炆米都夠濕椒絲腐乳唐山菜略嫌太多油，不過油多先好味客家炆豬肉味道好好，配料有冬菇，芹菜同腐竹。個樣係醜但好入味，肥肉切得有啲細粒，送飯一流。椒鹽九肚魚算大塊，但好少塊，128蚊，真係太少客家小炒好少肉，最唔抵食胡椒豬肚湯味道好濃味，豬肚好爽

男朋友以前係長沙灣人 但竟然唔知有呢間鋪既存在😨客家人座位好闊落 仲有啲大圓枱 好岩一家大細黎食👍🏻👍🏻👍🏻👍🏻見到仲有好多特色小菜 但真係要多人食先得叫左個蟲草花蒸雞 + 星洲炒米例湯👍🏻👍🏻好多湯料 又有雞腳 好足料星洲炒米米粉好似新竹米粉👍🏻👍🏻高質咖哩粉開得好好 每條米粉 顏色均勻又唔會有一堆咖喱粉配料都多 一食啲蛋 唔會鹹 就知真係炒得好均勻 蟲草花蒸雞即叫即蒸 所以都要等一陣好多菇 好香既菇味雞件份量都多 雞肉唔會老但油脂多少少凍奶茶 + 凍鴛鴦茶餐廳水準👍🏻

今日去了長沙灣同朋友去食客家菜！我們去了"客家人"餐廳的裝飾好有民族風格，有好多講解客家人的智識！👍🏻我們點了師頭鵝煲內面有支竹，雲耳...🤩味道不錯，不過鵝肉比較硬。😓藥膳雞煲內面有豬潤......味道不錯，雞肉嫩滑。🤤🤤🤤🤤天氣凍了食番個䁔䁔熱辣辣的煲仔菜，卜卜卜熱辣辣上桌，超正！😁😁🥰上湯菜心，菜煮得剛好！爽爽翠翠！👍🏻👍🏻總結味道不錯，地方方便近地鐵站！價錢合理

今日專登坐車去長沙灣食客家人食佢哋鹽焗雞跟嘅沙薑醬☺️☺️☺️呢碟沙薑真係今餐嘅主角😎佢係師傅悉心調配出嚟㗎！入口充滿甜香嘅蔥油，沙薑鹹甜適中，香中帶甜，不會搶去雞肉的鮮香，完全係非一般坊間食到嘅味道👍🏻👍🏻👍🏻👏🏻👏🏻！呢度嘅鹽焗雞🐔鹹香、肉嫩，啖到雞味及五香料味，同樣獲得我呢半個客家人歡心🤗🤗🤗🤗👏🏻👏🏻👏🏻👏🏻👍🏻👍🏻午餐仲送足料靚湯，食材要新鮮、火候掌握得非常好！

客家炆豬肉開蓋已經聞到陣陣香氣，豬肉色澤誘人，皮脂肉層次分明，食落夠焾、香口惹味，配料仲有腐皮、冬菇，色香味俱全。金銀蛋浸白菜仔白菜仔用上湯浸煮，清甜嫩滑。雖然菜式看似簡單，但鹹香嘅鹹蛋同口感Q軟嘅皮蛋都係菜式精粹。客家燉豬肉湯湯水甜香足料有唔少豬肝、豬肉，因為知道呢個湯營養豐富，清潤補陰虛，疫情下要增強抵抗力，係不錯之選。最後食埋木瓜雪耳糖水，滋潤一下。其實香港真係好少地方有正宗特色客家菜，呢間餸菜整體份量非常大，價錢唔貴，性價比高。

今晚老豆帶我黎食客家菜，話呢間正宗又就腳喎，老豆發板叫左3樣餸，食飽老豆仲話叫阿媽做冬唔洗煮，黎呢度食都幾好喎！食完認真感到全身暖哂嘅藥膳黃酒炆雞，半隻份量，雞件都幾多下，蔥蒜+藥材同黃酒，有酒香，亦有酒甜，我覺得好好味呀！我地食左未夠一半，老豆同我已經要再叫多碗飯！客家名菜，農家炆燉扣肉。怕肥騰騰？佢又唔係好肥喎，食到中間少少肥肉唔覺油膩，反而食到甘香。底下放左白菜仔吸汁，吸嘅係梅菜汁，扣肉同甜梅菜炆煮完嘅汁，攪到我地又各自ko多一碗飯！金銀蛋浸時蔬，上湯好飲，食到咸蛋香皮蛋香，個菜都新鮮嫩口，唔錯呀！飯後仲問我地要唔要糖水，話今晚可以送我地2碗，木瓜雪耳糖水，so sweet！食完唔口渴，有家鄉風味。唔知店員係咪客家人呢？好客又親切嘅感覺，餐前有中式消毒一個大碗裝好滾嘅水比我地淥一淥d餐具，環境仲幾企理乾淨。

最近喺長沙灣揾到一間小菜館，叫《客家人》坐得舒適😌食得招積🤪服務出色😉入面個個都好有禮貌，又招呼，每次遞上小菜都話小心睇熱，好窩心😘仲有懷舊蕎頭食𠻹🤭我叫咗三個小菜👇🏻👇🏻👇🏻👇🏻👇🏻➡️藥膳黃酒炆雞👉🏻熱辣辣煲仔雞，聞落已經好香濃，煲內有一片片小薑爆香雞件！雖然藥材味欠奉，但每件雞都炆到入哂味，好鬼惹味😋仲有啲青紅椒拌住，令味道提升不少🆙⚠️（品嘗期間，親切嘅老闆娘有介紹過如果想藥材味重啲，可以下次試吓藥膳黃酒煮雞湯！不過，我覺得呢個炆雞別有一番風味😋)➡️農家炆燉扣肉👉🏻肥瘦均勻嘅扣肉，入口油香橫溢，加上滿滿梅菜，惹味可口，送飯一流😋唔好以為扣肉唔健康，原來內有乾坤🤩藏咗好多白菜仔，食到肉之餘，又食到菜！佩服大廚將呢度傳統小菜改為現代人追求健康小菜👍🏻叻👍🏻➡️椒絲腐乳炒唐生菜👉🏻香濃惹味嘅腐乳汁加上一棵棵入口爽甜嘅唐生菜令我唔鍾意食菜嘅老公都愛上呢度菜！估唔到喺度都有飯後甜品，就係滋潤養顏嘅木瓜雪耳糖水，味道少甜但真材實料😍食完都唔夠喉我欣賞《客家人》每碟小菜無論賣相、顏色、擺法都好完美！而且呢間餐廳都十分支持環保，以棄置呢嘅酒樽自製一棵聖誕樹🎄好有創意👍🏻👍🏻

今日帶媽媽黎試下呢間客家人，媽媽表示興奮，因為媽媽係客家人，不過我地係食左早餐再黎，所以都唔太餓，食左一個炒麵同埋一份鹽焗雞米線。雖然呢到係一間中式餐館，但有常餐之類嘅西式套餐，中西合璧都幾特別！豉椒排骨炒麵（$48）：我同媽媽好中意食肉絲炒麵果個脆麵底，黎到問左侍應哥哥，原來呢一款係脆麵底嘅，毫不猶豫咁叫左！炒麵做得好脆，雖然面頭有汁，但唔會令啲麵稔晒。排骨煮得好稔，唔會好硬咬唔開，媽媽無乜牙力都食到，佢好滿意。鹽焗雞米線（$59）：呢一味本身係飯黎，因為唔太餓所以問左侍應哥哥可以轉米線，米線個湯係胡椒湯黎，呢個天時飲好暖笠笠啊！鹽焗雞係客家人好中意食嘅嘢，我重記得果時婆婆成日整比我食架！今次餐廳呢一款竟然有婆婆整嘅味道，令人好懷念！呢兩個餐都幾抵，除左包熱飲重包左例湯，今日例湯係蕃茄薯仔湯，係以前我婆婆好中意煲嘅一個湯，充滿回憶啊呢一餐！

四川菜、潮州菜就食得多專係食客家菜既餐廳就比較少所以經過長沙灣見到餐廳招牌寫住客家人就決定入去試試🔹農家炆燉扣肉一睇就知係心機菜扣肉扣得好入味肥肉入口即溶甜梅菜索咗啲汁兩樣加埋真係好好食下層仲有白菜鋪底叫埋碗白飯撈汁食真係不得了🔸椒鹽鮮魷即叫即炸炸粉做得好薄炸得好香口鬆脆魷魚好彈牙🔹金銀蛋浸白菜🥬白菜鋪得好似花形狀用金銀蛋比起蒜蓉炒緊惹味🔸芋頭椰汁西米露好耐都冇試過食完中菜係有糖水附送好香椰汁香芋味芋頭煮得好溶西米粒粒分明呢個甜度好岩我💬枱與枱之間都有一定距離唔會覺得坐得太侷促無論係味道同店員服務都滿意價錢仲好平民