客家人

营业中

休息中

長沙灣呢到啲野食都幾抵食，呢日放lunch既時候就同同事由深水埗行到黎長沙灣開餐，呢間餐廳係專做客家菜，感覺幾特別！午市有啲套餐，都幾抵食！我地一人點左一個餐，跟餐有例湯送，到幾好飲！我點左鹽焗雞飯，鹽焗雞皮薄肉嫩滑，仲跟埋啲白菜仔，夠哂健康，唔錯！除此之外，我地諗住點啲有客家特色既野食，所以就點左個客家人炒麵，炒麵份量好大，麵炒到香口，唔會太油，配埋個醬，正！跟餐分別點左熱奶茶同埋凍奶茶，水準唔錯！

今日行開長沙灣，咁就同朋友一直踩踩到去青山道嗰頭，想搵下啲嘢食，咁就見到有呢一間客家人， 咁平時喺街都好少食客家菜咁我哋就揀咗呢間，入到去其實內裏己寬敞，衛生都唔差，因為其實格與枱之間都隔得幾開下，可以保障返大家嘅健康。藥膳黃酒煮雞湯: 行咗咁耐深水埗就想飲啖湯補充返啲體力，咁我哋就叫咗呢個黃酒雞湯。 飲落已經有幾香濃嘅雞味， 入面有雲耳紅棗 等多種 材料去炮製， 因為其實呢間舖 主打呢個雞湯亦都符合我嘅expectation。 所以呢個湯其實幾適合女士去飲用。秘製三杯鴨： 呢個三杯鴨，我覺得都算幾大碟，而且三杯汁個味道調教得ok ，唔算太咸當然如果你想知邊三杯嘅話可以上網check下， 所以其實呢隻鴨都夠三個人去食。椒絲腐乳炒唐生菜： 咁其實呢一個唐生菜質素亦都算ok， 因為叫咗雞同鴨咁點都一定要嗌多個菜，咁個菜都可以嘅。最後飲埋碗 芋頭西米露咁我同朋友就閃， 其實如果大家行開呢頭都可以試下呢間客家人 我覺得佢個餸都算幾大碟都算係抵食。

大胃之母係客家人，成日都煮客家菜，不過人大咗少咗屋企食，呢次出嚟竟然都係食返客家菜喎，試吓有咩分別啦飲茶消疲勞都係客家人嘅習慣，大胃又飲普洱提神先Office食夠花生，放工再食炆燉扣肉味道始終如一係客家味，好似大胃由細食到大就會feel到，只係呢間煮得冇大胃之母咁鹹，易入口好多近排屋企唔煮白飯，喺呢度終於食到喇，仲要係絲苗米，好感動獅頭鵝屋企一定煮唔到㗎喇，嗰種鑊氣真係要出嚟食先食到而且只有腐竹同少少菜做綠葉，唔會用薯仔掗你胃，絕對食得過估唔到簡單一碟菜都咁有火候，皮蛋好香又冇押味搵日帶埋大胃之母食吓，等佢偷吓師先

某日帶左朋友黎長沙灣行街，佢話想食中菜，路過見到呢間叫客家人既餐廳幾大間甘就揀左食佢，午餐選擇都幾多嫁，而且座位都好多，我地坐左响一個比較靜少少既位置方便傾計，職員安排入座都好快，我地叫左一碟豬手飯，豬手大大舊，肉質好淋跟餐仲有老火煲左4個幾鐘既南瓜南北杏豬肉湯，湯好香濃入味，熱辣辣之後我叫左一碟梅菜扣肉飯，用左傳統公雞碗裝住，梅菜好入味，而且五花腩唔係得肥豬肉，而係食落好有層次感既半肥瘦豬肉，好鐘意佢淋得黎又好有咬口配飯撈汁一流職員親切友善。下次再黎一定要食晚餐小菜，哈哈。

咁大個女第一次就客家菜農家風味好重 大魚大肉好滿足.✅冬菇炆豬肉呢個係餐廳得獎嘅菜式 攞過好多大獎係沙煲上 上菜嘅時候熱辣辣啲煙走曬出嚟 啲豬肉有少少酒香肥而不膩 入口甘香啲冬菇索曬啲秘製醬汁 撈飯好正✅秘製三杯鴨 半隻分量非常多 鴨嘅外皮先燒過非常香口 再用秘製醬汁炆炆得非常之入味 加上鴨肉好滑 好惹味✅金銀蛋浸時菜皮蛋鹹蛋 夾娃娃菜鍾意食咩口味都照顧到娃娃菜爽甜 配濃味鹹蛋皮蛋互相襯托😘😘.餐廳裝修平實 但食物質素好好應該試下街坊小店啦

返娘家時常常經過青山道近東京街位置，估唔到原來有間客家菜館。店內環境寬敞，原來有上下層，牆身有馬賽克磚瓦設計，燈光光猛，坐得舒服。藥膳黃酒炆雞很滋補的菜式，加入了北芪，黨參，紅棗，黃酒，很補氣又補身。雞件足夠二人食，半隻雞的份量，雞件醃得入味，沾滿醬汁，雞肉嫩滑，炆雞炆至乾身，甜甜地，帶點酒香。客家炆豬肉上枱時已經滋滋聲，豬腩肉脂肪與肉的分佈平均，豬皮很軟糯甘香，豬肉肉質鮮美，咬起來很稔，醃得入味。配上冬菇，枝竹，沾上醬汁，送飯真係好正蒜蓉炒菜心菜心很翠綠，很嫩，份量算多，而且蒜香味濃，菜心很爽甜，不錯。仲有陳皮紅豆沙，熱辣辣，不算太甜很健康，很有果香味道，補氣又健康。

一入餐廳感覺好寬敞而且裝修裝修雅致，餐具用上有公雞圖案的碗碟，好有懷舊feel，食物選擇多元化，我同朋友食午市套餐，干炒叉燒河粉同鹹酸菜海鮮炒米粉，跟餐送冇味精例湯一碗同熱飲一杯，河粉炒得很香叉燒軟淋好味，而蝦仁爽甜彈牙米粉就炒得乾身唔會油膩，再加上一杯香濃即磨熱咖啡，真係好滿足

間唔中都會掛住住家菜味道，所以嚟咗客家人呢度食~ 環境好大好張枱之間嘅空位都幾多，三五知己聚埋一齊就最啱，又唔會好似大排檔咁迫同無冷氣。秘製煎釀蠔豉 ($188)每嚿都好大粒，入邊有冬菇、豬潤、當然仲有最後最重要嘅大大粒蠔豉。仲有極少量髮菜令我覺得好似過緊新年咁，有屋企嘅味道好正。下面仲有西蘭花、生菜墊底，將上面嘅鮮味吸收。腐乳炒通菜 ($78)佢一上菜嘅時候就心諗，依家啲腐乳唔使錢㗎？條條菜都掛滿腐乳汁，攞返撈飯食一流，超級啱曬鍾意食重口味嘅香港人。芋頭西米露 (Free!)本身以為跟餐既細細碗糖水用黎充斥場面，後尾發現原來佢先係今餐嘅主角！芋頭超唸，基本上唔使點咬，重點係湯底好甜，但唔係死甜，係因為芋頭嘅甜融咗落湯度。所以就算好飽，我都係成碗清曬🤣啱啱好掃走頭先食嘅油膩感，petfect池！

好耐冇同哥哥食飯，約咗放工食中菜，佢揀咗呢間位於長沙灣嘅客家菜，話前排同客人喺到食完，感覺質素唔錯。餐廳主打客家小菜，選擇亦非常多，家鄉風味濃郁，而且有唔少少見嘅手工菜。一坐低店員先為我哋上茶同小食，花生香酥脆口，伴上少量鹽粒，開胃可口。胡椒豬肚湯係我指定要點嘅，喺呢種夜晚翻風嘅日子，最適合飲返碗熱辣辣嘅豬肚湯驅寒。胡椒豬肚湯超級足料，幾乎大半盤都係湯料，湯底鮮香濃郁，鹹菜味道突出，稍微掩蓋胡椒嘅味道，飲落唔會太辣。椒鹽鮮魷非常夠鑊氣，鮮魷炸得夠香脆，咬落外層鬆脆，肉質彈牙，加上惹味嘅椒鹽同蒜粒，無論當小食抑或餸飯都一流。雜菜煲份量好足，近乎滿瀉，材料亦超級豐富，有鮮魷、蝦乾、草菇、西蘭花、白菜仔、生菜、娃娃菜、菜心、紅蘿蔔、西芹同粉絲，所有材料用清甜嘅上湯浸住，又好味又健康。食飽飽之後店員仲為我哋送上暖笠笠嘅木瓜雪耳糖水，甜度適中，夠哂滋潤，好適合最近乾燥嘅天氣。餐廳食物質素唔錯，而且份量好足，店員態度亦非常友善，令人有種賓至如歸嘅感覺，好適合一家大細用餐。

四川菜就食得多，客家菜真系第一次食，客家朋友介紹既客家菜，應該好正宗。客家菜好岩大圍人一齊食，碟碟餸都好多，過時過節又多個選擇，最重要d人好有禮貌招呼周到。【農家炆燉扣肉】$108瘦正肥瘦梅竹間花，肥瘦比例恰好，食落完全吾油膩，仲要大大塊又軟腍。梅菜吾會死鹹，超下飯。【圍村獅頭鵝】$168鵝肉勁香口仲帶點油香，不過就比較多骨。枝竹煙韌。【金銀蛋浸時菜】$88金銀蛋系指鹹蛋同皮蛋，仲加左肉碎去煮娃娃菜，特別鮮甜。

今日去長沙灣同男朋友陪佢婆婆食飯 以往都會直奔附近間車仔麵 但始終有食厭既一日 所以決定去搵下有冇新餐廳可以試下一search就見到客家人 淨係個名都勁吸引因為小妹係一個吾識講客家話既「偽」客家人由於早過男朋友同佢婆婆到達 所以就想係出面睇定有咩想食 侍應姐姐一見我就勁熱情招待我 心感不妙 因為通常係無客既餐廳先會係外面招客 再睇下入面得幾枱客 心諗難道今天會中伏十萬個好運就係 啲小炒超好食特別係客家冬菇炆豬肉 軟林無比 調味剛剛好 特寫👇👇另外 佢有個孖寶套餐 魚香茄子煲+豉椒炒蜆 $198你以為佢係小蜆仔？錯！其實係大花甲 抵食到不得了 而魚香茄子🍆煲 送飯一流另外由於婆婆想試下盐焗雞 嫩滑好味 淡淡既咸味輕輕係味蕾滑過 不霸道又帶出雞既鮮味下次再去試下個客家釀豆腐先期待！

豬手飯 ($59)份量充足，豬手同飯量都唔少，豬手皮肉均勻，肉質軟腍入味，嫩滑唔乾身。豬手連骨帶肉，豬皮入口甘香，咬落充滿膠質，每一啖都食到豐富嘅膠原蛋白，但食落唔會有肥膩嘅感覺，口感唔錯。鹽焗雞飯 ($59)雞皮金黃色，入口仲有一種獨特嘅煙熏香味，雞肉入味，嫩滑多汁，雞皮下仲有啲透明啫喱。鹹味亦點到即止，唔會死咸，有鹹香而不失雞嘅鮮味，送飯一流，味道另有一番風味。味道好正宗，嘢食有水準，晚市有得叫小菜，搵晚要再嚟幫襯過呀！

作為半個客家人，今晚到長沙灣辧完事，走著走著，見到一間大大的「客家人」就入去晚餐，見到餐牌的食物特別有感覺！入店先量體溫，坐低服務員便拿盤讓我們清洗食具。餐廳空間大，用公雞茶壼及食具，特別有風味，門外放滿餐牌及抵食套餐非常吸引。服務員有禮殷勤，介紹好味小菜。餐牌食物選擇非常多！牆上也貼有食物相片，我們很多款也想試試，最終點了半隻秘製三杯鴨、煎釀豆腐、及蒜蓉油麥菜。煎釀豆腐是經典客家菜，簡單但非常好味，拌飯好，豆腐香滑，釀在豆腐上的肉咸香。蒜蓉油麥菜大大碟，有鑊氣。秘製三杯鴨也非常大碟，味道獨特，一上檯已聞到濃香味道，鴨肉有咬口，非常入味有洒香。吃完更有糖水海帶綠豆沙，雖然已經很飽但也忍不住吃糖水。下次約朋友一起去可多試不同菜式。

🌟🌟🌟🌟🌟🌟🌟🌟🌟🌟🌟🌟🌟🌟🍽 客家人 📍長沙灣青山道193A號永業大廈地下B號舖🌟🌟🌟🌟🌟🌟🌟🌟🌟🌟🌟🌟🌟🌟好耐冇食客家菜呢，因為香港食客家菜嘅地方可以話少之又少，好食嘅更加係五隻手指數得曬，今次好開心朋友帶我搵到間新開有水準嘅「客家人」🥳圍村獅頭鵝 HKD168叫咗例牌，已經大到不得了😱個份量勁多超震撼！獅頭鵝肉質鮮腴，胸位都唔鞋口，而且鵝味好重，推薦！最好味係個醬汁！有淡淡酒香，同個鵝超級夾！秘製三杯鴨 HKD168即叫即整上到黎一開蓋熱辣辣冒曬煙😍三杯雞食得多，三杯鴨真係第一次食😂PS 三杯=一杯醬油、一杯水、一杯酒🤤鴨肉好香😍調味剛好唔會太濃，又唔油，抵讚，但腐竹有d硬🙈🙈蝦醬炒通菜 HKD78叫個時蔬balance翻，又係勁大兜，起碼夠3-4人食，蝦醬味可以再濃d，加左薑絲入去炒我個人唔太鍾意🙈好似我咁唔食薑嘅朋友仔要留意啦～～茶芥每人8蚊，合理呀～食物都幾有水準，會回頭✅✅✅✨如果喜歡我的文章，可以關注我及讚好以作鼓勵喔✨

今晚好難得去長沙灣中式餐廳-客家人食客家菜，餐廳好近長沙灣地鐵站，而且裝修闊落，適合約埋一大班屋企人或者朋友一齊去食！餐具重好有傳統古裝戲感覺，係公雞。🤣我地兩個人叫左三碟餸，分別係秘製煎釀蠔豉、半隻秘製三杯鴨同金銀蛋浸娃娃菜。秘製煎釀蠔豉。餐廳以客家傳統方法製作蠔鼓，用豬肉、豬潤、冬菇包住蠔豉，製成一個豬肉球，口感非常好，材料配搭一流，味道十分出色，非常推薦大家黎食👍🏼👍🏼😍😍秘製三杯鴨，叫咗半隻，估唔到份量咁大！原來餐廳唔會提供例牌，最細都係半隻🙈三杯鴨煮得啱啱好，肉質一啲都唔老，味道仲甜甜地，送飯一流👍🏼👍🏼金銀蛋浸娃娃菜。味道好鮮甜，配埋咸蛋同皮蛋，令味道好有層次，好解到油膩感。估唔到餐廳送埋甜品-綠豆沙。食飽飯，食返碗清涼綠豆沙，可以一解食飽飯嘅感覺，重好足料，唔會太甜🥰🥰