客家人

营业中

休息中

朋友請食 好開心店幾寬敞 職員都好和善 笑容滿面 款式都幾多，叫左3樣小菜。特地不叫飯，可以食多d.西蘭花帶子 好靚呀 影相好好睇 味道不錯 帶子小小咸 濃味人一定鍾情咕嚕肉 味道不錯 送飯之選 客家讓豆腐正常冇特別總結: 上菜都好快， 但總是覺得菜唔夠熱小驚喜是食完有糖水? 最熱竟然係佢🤣

黃酒煮雞湯（$168）黃酒煮雞湯係非常之適合而家天氣飲嘅一道菜，湯裏面有黨參紅棗杞子等等嘅進補藥材，加埋三魚雞，薑等食材，非常適合女士補身，聽講啱啱生完BB嘅女士都適合飲用。.秘製三杯鴨（$168）三杯鴨份量很多，呢個價錢都算係抵食，三杯醬汁味道不俗，個人很喜歡，唯對鴨本身嘅肉質嚡口有點失望，見openrice都好多人讚，可能品質管制不一，唔好彩罷了。.西蘭花炒帶子（$128）食咗咁多肉當然要食返個菜啦，西蘭花炒帶子有海鮮又有菜，晚飯黎講係一個好好嘅選擇，呢道菜擺盤美觀，西蘭花脆口，帶子鮮甜，炒得都幾好食。.餐廳除咗本身嘅家常菜之外，都有做盆菜，見佢哋嘅價錢同埋材料都幾吸引，有機會下次都想試吓。

話說我呢個客家妹，上星期帶左客家媽去食客家人 😄，點解帶媽咪來咪，就係因為冇得返鄉下食，所以就帶佢來食返d 家鄉野。所以一來到見到餐牌就比媽咪話事😋，我地叫左3樣。⚛ 秘製煎釀蠔豉 ～ 係親戚就知我每年返大陸過節必食的菜式， 用上新鮮豬網油去包實豬肉碎，蠔豉，豬潤，蒸熟後再煎香， 真係好好味。⚛ 秘製三杯鴨 ～ 三杯鴨係客家人一道極具特色的美食，做出來的鴨肉肥而不膩，滿口回香，香而不膩，送酒一流。⚛ 西蘭花炒帶子 ～ 食咁多肉就緊係要叫碟菜平衡返一下啦， 我好鍾意西蘭花的爽脆口感，帶子煎得剛熟岩岩好。🥣 熱紅豆沙 ～ 最後食碗紅豆沙， 解一解客家菜的濃味， 真係好滋味的一晚。

前幾日睇咗一本關於客家私房料理嘅書，突然心思思，好想去食客家菜。上網睇咗好多資料，見有不少人推介長沙灣青山道呢間「客家人」，趁今日有得收早，過嚟試下。餐廳地方好大，佔地兩層，環境開揚闊落，除咗地面用餐區之外，樓上仲設有幾間 VIP 房，私穩度極高，很適合家庭或朋友來聚餐。先睇餐牌，原來除了主打的客家小菜外，餐廳還有粵菜、生猛海鮮、盆菜，甚至私房菜等供應。夥記同老闆娘都好客氣又友善，知道我哋係第一次嚟，仲好熱心咁介紹菜式。言談間得知原來餐廳喺 2008 年創立，已經有成 12 年，原本舖頭喺太子花園街，舊年擴充先至搬嚟長沙灣。我哋點咗三個小菜：黃酒煮雞湯、炆燉扣肉 同 西蘭花炒帶子。藥膳黃酒煮雞湯 ($168/半隻)，黃酒煮雞是客家婦女坐月的傳統食品，湯中會加入木耳作調理身子之用。這裡的版本當然亦不例外，而且湯內還放進了大量補身嘅藥材，好似紅棗、黨參、黃芪等。湯頭味道非常香甜，雞肉嫩滑有酒香，吃罷面孔發熱，肚皮暖笠笠。跟住試下這一道甚考手藝及火候的家常菜：農家炆燉扣肉 ($108)。扣肉用上新鮮五花腩製作，腩層肥瘦相間，入口糜爛酥香，肉嫩不膩。梅菜清甜，香味完全滲入肉中，而且份量亦下得剛

香港專食客家菜既地方唔多 呢間客家人本來係係太子 宜家就搬左去長沙灣 地方更大 客人都坐得更舒服😆一坐低店員會先問你飲咩茶 我地就揀左鐵觀音 係店員介紹之下我哋揀咗三個餸 分別係藥膳黃酒炆雞 農家炆燉扣肉同金銀蛋浸娃娃菜😚 藥膳黃酒炆雞煲上 火候十足 雞肉酒味香濃 有足料藥材睇到但又唔會好重藥材味 大人細路都啱食😛 農家炆燉扣肉係經典嘅客家菜 有五大件肥瘦適中既扣肉 再有梅菜墊底 最重要就係做到香而不膩 又唔會好鹹 真係超好送飯🤤 金銀蛋浸娃娃菜亦都不容小看 加左雞蛋同肉碎 用上上湯烹調 娃娃菜非常香甜好味 食飽飽仲有紅豆沙送以後想食客家菜就多一個選擇啦🌟

呢間客家人既裝修好質樸，佢出面睇好似一復既飯店，不過入面都好闊落，坐得相當舒服。而且裝菜既碗都好傳統，用公雞碗，更加有風味，I like it🐒梅菜扣肉飯，肥而不膩。一上黎都聞到好香，五花腩肥瘦相間，入口咬幾啖就口入面融化。梅菜都好送飯，咸咸香香好惹味😛湯飯都唔錯，佢既湯飲得出無落味精，用豬骨同魚熬出黎，好鮮味，我地叫左2個餸，肥牛加咸蛋，仲有娃娃菜，感覺好健康🤤買單2個人先百幾蚊，食到好飽，經濟實惠之選🦖

在長沙灣開店，做的都是街坊生意。人情味與食品美味都同樣重要。客家人店面大，在疫情間各桌空間寬敞，食得自在。在港食店為經營，難以只做一地區食品，這兒亦不例外，除了客家菜，其他常見中式菜式也會在菜單上找到。見在其他食評都說他們的客家菜正宗，我便點了半隻黃酒炆雞，大大煲，黃酒香撲鼻，雞滑嫩。另外點了胡椒客家鹹菜豬肚湯想不到份量非常大，又多料。喜歡他味道平衡，不會太辣太鹹，但味道也足。多吃菜身體好，椒絲腐乳通菜，不會死咸，份量也是很多。總括而言，這兒是家庭口味及份量，適合一家人一同品嚐。每晚還有足料甜品贈送，這晚是木瓜燉雪耳，很滋潤呢！

小時候爸媽有時會帶全家人出外吃客家菜，因為好食，而且抵食夾大件。今天去長沙灣探弟弟，他請我到客家人午膳，不禁令我勾起童年的快樂回憶。該店老闆是客家人，主打傳统加以改良的客家菜。午飯時段，有多款超值套餐任君選擇，包括招牌菜如鹽焗雞，梅菜扣肉，客家蒸魚，香煎貓魚，家傳秘製豬手，五香牛腩等。每個餐跟住家靚湯，飯和熱飲。加錢可轉凍飲，特飲，燉湯或油菜。也可選秘製湯皇飯，自選兩種配料如肉片，魚腩，鮮魷等。弟弟選了鹽焗雞飯。龍崗雞鮮甜，肉香有咬口，肥瘦得宜。點埋沙薑醬好食到停不到口，超正。雞有很多菜伴碟，飯有飯味。合掌瓜豬肉湯清潤。熱杏仁霜好飲。我選了鮮牛肉魚腩湯飯。湯飯是不含味精豬骨鮮魚湯底。鮮牛肉和魚腩新鮮好味，飯有很多菜。這飯很好味，有營易消化，令人有回家吃飯的幸福感。兩個人食得有營又滿足，只是$108，不用加一。經濟不景，希望有多些這樣好的良心小店，為我們提供實惠餐飲。作為精明消費者，我們都應大力支持這些店。下次來吃晚餐，試下其他小菜。

初次品嚐正宗客家菜，原來可以咁好味。餐廳光猛，地方好大，服務親切，人流不算多。原來曾經於太子經營11年，老字號搬到長沙灣。.🔸黃酒煮雞湯(半隻) ($168)⭐️分數: (9/10)用黨參，北芪， 紅棗，龍眼，杞子，雞肉，薑，黃酒。飲落好厚身，好濃，糯米酒釀製顔色，望落深黃色。甜甜地又有淡淡酒味，係糯米酒既醇甜。雞肉嫩，多肉，原來一開始炒香。值得一試！好滋補，係客家傳統，煮比孕婦坐月食，有助行氣活血，去風驅寒，秋冬天飲岩哂。.🔸客家冬菇炆豬肉($128)⭐️分數: (8/10)曾經係店舖得獎菜式，果然出色。豬肉炆到 超 級 稔，輕輕一咬，輕易分開。好入味，豬肉半肥瘦，脂肪食埋都一啲唔覺膩。唯一缺點: 枝竹有啲硬，要用啲力咬。.🔸啫啫通菜煲($98)分數: (7.5/10)上菜熱到個煲咋咋聲，睇圖都見多煙。個蝦乾就咁食都唔覺太鹹，仲甜甜地。通菜仲係青綠色，爽爽地，唔會煮到梅晒，不過唔辣既。

約了朋友在長沙灣食飯，朋友提議食一些平時比較少食的菜式，於是我提議到這間餐廳食客家菜。餐廳環境闊落舒適，枱與枱之間有一定距離。看了餐牌，菜式選擇也不少，也有特別的客家菜式。我們點了三個菜：西蘭花炒帶子：西蘭花炒得很爽脆，帶子鮮甜。客家煎釀豆腐：豆腐釀上豬肉，然後香煎，豆腐很嫩滑。最後是菠蘿生炒骨，喜歡它酸酸甜甜，排骨炸得香脆，但肉質不會乾及柴，再加上彩椒、洋蔥、菠蘿及酸甜醬汁一起炒，有鑊氣又開胃。

「梅菜扣肉」、「黃酒炆雞」、「客家炆豬肉」 ... 這些都是經典的客家菜。客家菜簡樸平實、味厚濃香、原汁原味，一道道經典地道的客家菜式，想起也令人食指大動！客家人這家菜館，從店名看已知是一家客家菜館，店內除了提供客家小菜亦有粵式小炒，但來到這裏，當然要點一兩個客家名菜吧！秘製三杯鴨（HK$168/半隻）👍👍👍👍秘製三杯鴨的醬料是以一杯醬油、一杯酒和一杯水的比例泡製，鴨件色澤亮麗，肉質嫩滑味濃，入口除了吃到醬油的鹹鮮，味道還帶有一陣陣的酒香，下飯下酒兩佳宜。客家冬菇炆豬肉（HK$128)👍👍👍👍👍這個客家炆豬肉除了是客家名菜外，菜館還得過香港客家文化節 - 客家美食之燜豬肉大賽優勝獎。肥瘦相間的五花腩，肥肉部份入口即化，瘦肉部份口感鮮嫩，帶皮的五花腩雖然是半肥瘦，但並沒有油膩飽滯的感覺。韮菜花炒鮮魷（HK$138)👍👍👍👍這道家常小菜韮菜花炒鮮魷，韮菜花炒得清綠爽脆，間了花的鮮魷柔靭得來帶點嚼口，味道鮮香，份量足夠四人用。白飯 （HK$13)茗茶/小食（@ HK$8)/(HK$8)Storefront Interior Menu

老友話客家人由太子搬左長沙灣青山道193A號永業大廈地下B號舖，想再食客家菜，餐廳裝修中式風格，環境寬敞， 真有回到國內的感覺。店員耐心介紹菜式，服務態度親切有禮，我們點左藥膳黃酒煮雞湯，有半隻雞、黨參、北芪、雲耳、杞子、薑等⋯再加餐廳秘製釀黃酒，雞肉嫩滑有雞味，黃酒清香甜美，極美味，現秋冬補補至岩 秘製煎釀蠔豉，用碎豬肉、冬菇粒、豬潤包著蠔豉，外層用豬網油包成球狀，食落口感豐富，甘香味美。腐乳椒絲炒通菜，夠鑊氣。雪耳木瓜南北杏糖水，清甜夠滋潤。老友話會再回頭吃。

長沙灣一直都幾多小店食飯，真係唔怕冇選擇。今次男朋友話想食中菜，咁啱經過見到呢間叫客家人，一於就試下佢！首先嗌左個椒鹽鮮魷（$138），暫時係我覺得食過整得最好嘅一間，一黎個炸粉一啲都唔厚，二黎個魷魚真係好新鮮爽口，完全唔驚咬唔到，正！另外叫咗個藥膳黃酒炆雞（$168），依個真係幾特別，平時無咩機會食到依個味！個酒味一上菜已經聞到，食落就淡淡嘅酒香，啲雞肉都好嫩滑。最後食完仲要有埋雪耳木瓜糖水！超滋潤同滿足。依間都幾好，簡簡單單叫兩個餸坐低慢慢食都夠哂！

朋友係客家人話好掛住客家菜，所以就試吓依間順便做下節！首先，上咗韮菜花炒鮮魷，炒得好有獲氣，韮菜花揀得好嫩，所以好清甜，鮮魷好新鮮，好彈牙，雖然價錢有少貴，但絕對值依個價錢！第一道菜太有驚喜，對第二道菜更有期望！係熱辣辣嘅沙窩上嘅圍村獅頭鵝，香噴噴炆鵝，我覺得獅頭鵝比普通鵝嘅肉味濃好多，肉較厚，個汁帶甜，送飯一流！所以加咗一碗飯最最最好食係秘製煎釀蠔豉！一咬落去，有好香濃豬肉味，爆曬汁，仲食到蠔豉嘅咸鮮，仲有鮮豬潤，冬菇香我哋忍唔住問老闆，原來用豬網油包住豬肉，釀入蠔豉，冬菇，豬膶！唔怪之得，有時多層口感同豐富嘅味道！最後，仲有煲到啱啱好起沙嘅紅豆沙作結

近嚟星期五晚放工，我都會繼續發掘深水埗／長沙灣區一帶嘅餐廳。以前唔好食中菜🥢嘅我，口味慢慢轉變緊，變得無咁抗拒。有見及此，我同朋友隨即揀選咗「客家人」。晚飯時段七點幾，餐廳坐滿人，由於而家只可以四人一枱，枱同枱之間安排得比較疏落👍，食客故知然食得安心，坐得舒服。餐廳賣嘅菜式當然係客家菜，其實本身我對呢方面無乜認識，後尾先知原來普通酒樓都有賣嘅梅菜扣肉同埋三杯雞等菜式都係客家菜😳。兩個人，一湯一肉一菜，份量啱啱好。由於想食哂啲餸唔打包，所以我哋只係叫咗一碗🍚白飯($13)。農家炆燉扣肉($108)，梅菜扣肉係非常邪惡嘅食物，我對佢又愛又恨🙈。呢度嘅扣肉真係好出色，因為肥瘦度對我嚟講係完美比例。店員話佢哋特意揀啲唔係太肥嘅豬肉🐷，因為大眾對飲食健康嘅關注多咗。扣肉真係忟至入口即化嘅口感，咁就避免咗肥膏停留喺口腔耐咗而產生嘅油膉味道，好好食呀😋。我第一次一餐食多過一件，再加上其實佢一件都好大件，好長身。下面嘅梅菜就好入味，又唔會過鹹，撈飯食絕配。胡椒客家鹹菜豬肚湯($138)，湯品好大窩🍲，四個人都夠飲，最重要係熱辣辣送入口中。豬肚湯用上好多料煲，呢度嘅鹹酸菜唔單止得酸菜脯，而且仲有有菜葉嘅