家傳滬曉

营业中

休息中

今日去左荔枝角分店，本身諗住去用埋啲優惠券。去到首先發現座位下的地下佈滿麵碎，惟有要求換位 換左位之後點菜，點完接近10分鐘都未拎茶黎，惟有自己行出去搵人拎。跟住等左20分鐘都未上菜，一問之下話原來落單部機壞左，無印到單算啦，等到終於上菜，點知隻醉雞完全無味，得酒味叫左杯凍豆漿，點知完來賣晒，個侍應求其擺低杯熱既就走左去，扮晒無野咁，差劣食個半鐘飯，成四/五張枱都投訴!建議大家唔好幫襯!

已經幫襯咗5年,初初幾年覺得幾好食,價錢又合理,但近呢半年真係令人失望. 首先,近半年每次嚟都總有蚊滋仔飛來飛去. 另外,碗碟永遠未洗乾淨,今次我隻碗有粒乾咗嘅飯,朋友隻碗有條乾咗嘅薑絲...茶: 呢度嘅鐵觀音係幾香幾好飲嘅鎮江肴肉: 今日個肴肉好硬丶好乾,似雪咗好耐...擔擔麵: 個湯完全無辣味,無花生香味,反而好甜,唔明白點解要落啲好甜嘅肉鬆喺上面,麵又太腍,總之成個麵食落好奇怪又唔好食小籠包: 唯獨小籠包維持到水準. 皮薄又多肉汁,合格!

今日約左舊同學聚會，由於有大人及bb, 便選了朋友家附近的家傳滬曉。好彩朋友預先訂了座，因為去到餐廳門口聽到前一位想拎位，點知已經全店full booking，已經不接walk in 客了。我們點了香露醉雞、醬燒年糕牛柳粒、上海小籠包（5件）、炒雞菘跟叉子燒餅及楊洲炒飯。香露醉雞：冰冰涼涼、很重酒味、雞肉嫩滑醬燒年糕牛柳粒：年糕很Q很札實、牛柳鬆軟可口上海小籠包（5件）：皮薄肉鮮汁多炒雞菘跟叉子燒餅：把雞菘放入燒餅內、燒餅又香又脆，配搭絕秒楊洲炒飯：炒得香口，材料足

午市套餐有飯餐，有麵餐，飯餐有老火湯跟，麵餐就有豆漿送。叫左個糖醋魚塊客飯，菜飯只需加$5，都幾抵。碟糖醋魚塊係新鮮炒起，份量多，好夠食。另外叫左個排骨擔擔麵，個湯底好濃郁，好足料。炸排骨好厚肉，好脆而且唔鞋口。

另一頓很滿意的團年飯，地點在家傳滬曉。我們去的是荔枝角分店，但其實是靠近美孚站；本來對主打街坊生意的餐廳沒太高期待，旨在與友人聚首兼分享手信而已，但無論是環境或食物，都相當有驚喜，值得推介！ 這晚的頭盤相當特別，是來自沖繩的 Fukugiy 蜂蜜年輪蛋糕！味道真的很好，那陣蜂蜜清香非常迷人，筆時也十分懷念；可惜保質期太短，否則該買上數條回家慢慢嘆的～ 打頭陣是寓意 風起水起 的豐盛撈起！材料非常豐富，包括帶子、蝦仁、髮菜、蠔豉以及比真翅更具口感的素翅，矜貴加分，拌以青瓜絲、雞肉、生菜絲等等，加上麻醬及醬油，在這頗為悶熱的冬日，是款清爽開胃又美味的頭盤。 接著是三款上素小吃，包括其貌不揚但酸爽香醇的香醋海蜇頭、層次豐富、酥脆不膩的脆皮素鵝，以及有點似拔絲蘋果但更有口感的桂花糖蓮藕，入口有陣陣桂花香氣，十分吸引。 我愛吃烤鴨是不爭的事實，這晚也趁人多要了全隻 捲蔥填鴨，並由師傅在檯邊即席片起享用。由於用的是北京來的填鴨，個子不大、脂肪不多，鴨味香濃特別吸引！ 這裡最特別是連同鴨腿呈上，不想吃太多皮的，吃腿最是適合了。我則始終最傾心連肉的香脆鴨皮，拌上青瓜條、山楂條、京蔥、海鮮醬

陸續的團年飯繼續的瘋狂吃我真係覺得自己好幸福啊！！這一頓在家傳滬曉吃的團年飯更是豐盛加浮誇呢！ 荔枝角的曼坊地真的首次到訪，座落於此的家傳滬曉佔地頗大共有220個座位，但也十分旺場星期二的晚上全場爆滿，想試想吃的朋友真要早點訂座喇！ 步進內一顆桃花搶眼非常，令這頓團年飯更加充滿節日氣氛！ 內裡裝潢以紅、木色作主調滿載中式典雅的味道，罩燈更像大紅燈籠高高掛十分喜慶！ 說到喜慶近年少不了意頭十足的撈起菜式吧！這客名為風生水起材料豐富，加上汁醬調味大家一同撈到風生水起既開心又好綵頭！ 接下來是三款素食前菜，這客脆皮素鵝酥香可口，最重要不會韌切切的，內裡加有點香茹味道就更加香濃了。 這客香醋海蜇頭其貌不揚，不過醋香完完全全的滲進海蜇頭內，咬口清脆味道醇香十分開胃！ 最後這個以外貌看怎也看不出是什麼菜式的原來是桂花糖蓮藕，咬下去外皮香香蜜蜜的，內裡是熱燙燙的爽脆蓮藕，味道口感也相當吸引！ 吃過素前菜這刻來這隻捲蔥填鴨正合時宜，不消一會師傅以熟練刀法的為我們片起全鴨！ 最特別是這兒會將鴨腿也摘下給客人享用，不能多吃皮的我就享用了一腿！鴨肉軟熟肉香滿滿好味道！ 而配料除了京蔥和青瓜外更有

美孚新村曾經是自己夢想置業的地方，因為毗鄰地鐵站，附近娛樂及食肆又多，但距離上班地點卻又太遠，考慮過後唯有放棄。 畢竟地點就腳，今次好友就選了家傳滬曉作團年飯聚。餐廳位處商場之內，由地鐵站過去，都不過幾分鐘腳程，幾方便。 風生水起其實是撈起，配料有帶子、蝦仁、青瓜絲、雞肉、蠔豉及髮菜，澆上麻醬後撈起，既好意頭又惹味。 香醋海蜇頭望落黑漆漆的，毫不吸引，但食落清爽，而且陳醋味不會過火。 脆皮素鵝外層酥脆，內裡雜菌軟稔，怕油膩感的話，可以蘸點一下陳醋。 桂花糖蓮藕並非傳統做法，而是蘸上脆漿炸過，再用桂花糖堆過，但又不覺得膩。 捲蔥填鴨（全隻）即烤即片，然後連同山楂條及京蔥，塗上甜醬，用薄餅皮包好一齊食，真是人間美味之一。 利事大豐收（髮發、蠔豉、冬菇、豬脷、筍片、生菜、燒腩）很傳統的賀年菜色，尤其是燒腩的肉汁滲入髮菜及蠔豉，變得更加惹味，。豬脷切得夠薄，咀嚼起來不會太花牙力。 年年有餘（糖醋大東星班）一般菜館都是用桂花魚，而今次選用賣好幾倍的星班，肉質及味道當然更勝一籌，加上是海魚，碎骨更少，大人小朋友都食得安心，而且甜酸汁的調教啱啱好。

近呢一、兩個月到訪過多家上海菜館，包括：「稻成京川滬」、「上海婆婆336」及「王家沙」，而最後分享嘅一家喺位於美孚嘅「家傳滬曉」，其實喺老婆同姨仔幫小弟賀牛嘅生日飯。但講起嚟都失禮，話晒美孚都算喺小弟嘅主場，而呢家上海菜館都開咗好多年，但就一直未嚟過幫襯。晌美孚，上海菜館就唔喺得佢一家，不過，以佢為較高格調，走進餐廳，極豐中國色彩嘅裝潢，以紅色為主調，掛滿特色嘅吊燈，令燈光柔和，加上通花屏風做裝飾，突顯中國元素。大堂中大多數喺4-6人枱，最鍾意喺卡位，舒服好坐，又自成一角。而靠牆一邊，則喺啲大圓枱，喺大棚人嘅選擇啦。餐牌好大本，亦好難影，好在晌門口有啲菜式單張，掃描晒出嚟就一清二楚。如一般中菜館，選擇非常之多，由頭盤、鮑參翅、湯、海河鮮、家禽、豬牛羊、田園蔬菜、飯麵、點心，到甜品，應有盡有，一應俱全。此外，仲有多款套餐，由2位到12位都有。雖然計落套餐喺底，但我哋3個人，又想自主啲，所以，都喺散點。上海小籠包 $55一客5個，外觀望落啲皮就唔喺好薄，咬落又確喺如此，而且，摺位更喺好厚吓，影響個口感。但還好嘅喺啲肉餡好鬆化，兼且多汁，味道上喺唔錯。脆皮素鵝 $65叫得脆皮，果然無老作，碟

大約晚上六時十五分到，叫左片皮鴨，不過原來漏單，問我地要唔要，當然叫佢幫我地落單，上菜了，配料完成不合比例，問過當晚經理是公司配既比例問題不過經理都知道 其他服務人員都十分講究優質服務，只有經理高人一等不用理會客人意見，斯只跟公司規矩不會變通，可能客人重要性已經不重要，當一位經理最重要是跟從公司規矩做事，來了很多次覺得食物質素非常好，未遇到當晚經理前，一直覺得服務也不錯，不過之後都不會再嘗試了，從未試過有的經歷，希望之後會有改善，令其他客人能夠嘗試一下美食之餘，能有好體驗

午巿客钣套餐55元，有前菜一小碟，自家老火汤，主菜一款，叫了四川回锅肉及上海菜钣另加5元，茶费5元。回锅肉颇有水准，惹味兼镬气十足，只是碟头较小，菜饭口感不俗，侍应有礼貌，招呼唔错，值得一讃。

吃上海菜必點單品之一，也是很多人喜歡的小籠包，包子皮簿餡靚，皮子做得很好，筷子夾起，皮不會破。吃時要小心燙口，因為包子內有湯汁，廿蘸一點醋更加鮮味。雞絲粉皮的粉皮煙靭且滑，雞絲、青瓜配上日式芝麻醬，個人喜好中式芝麻醬配粉皮多一點，但日式芝麻醬卻清新一些，輕盈一些。前門店醬蹄，是一道冷盤的切片醬油豬手，豬手切成簿片，有𡁻頭。雪菜肉絲炒年糕，這道炒年糕帶一點筍絲，年糕軟 糯，不油膩，好吃。店員有禮的為大家分砂窩雲吞雞砂窩雲吞雞，原煲砂窩上，熱騰騰的煮至奶白色的雞湯內有鮮肉雲吞，旺菜，還有金華火腿，用料充實，真材實料，在秋凍吃非常合適。例牌有半隻雞，雞肉嫰滑。炒鴨菘子仁配叉子燒餅，叉子燒餅並不多上海餐廳有，把炒鴨菘塞進芝麻燒餅內一同吃，就像滿滿的福袋一樣，又好吃又有意頭。高力豆沙是上海菜中有名的甜品，餐廳還貼心的把甜霜另上，客人可按喜好自行添加。

行左過美孚食晏，之前喺觀塘食開夜晚一直都唔錯見有午市，唔貴就行左入去叫左4季豆$55 跟白飯 有例湯個湯淡而無味四季豆少辣好餸飯，幾好食一啲都唔毑5蚊茶錢，四宝茶其他野都幾吸引，應該會再來小籠包28蚊3粒

有親戚來香港玩所以夜晚同佢哋係屋企附近餐廳食飯，老人家唔鍾意西式，所以都係來番呢間餐廳一湯，一飯，一肉，一菜，好似家常便飯咁，老人家已經好滿足首先係個湯「砂鍋野菌鮮菇腐竹銀杏豆腐」，可能滬菜口味偏重，長輩食完話好口渴lol，但我個人覺得都ok可接受，豆腐同配料都好入味。季節限定既炒蕃薯葉（印象中$7x）。份量較少，4個人食好快食曬，但味道唔錯，蕃薯葉已都好嫩，唔會油膩。真心推介黑醋排骨！酸酸甜甜好好味！炒飯乾身，調味適中，亦值得一試。

這間「家傳滬曉」上海菜館位於九龍美孚曼克頓山私人屋苑旁，在美孚區算是質素中上，店內環境舒適，食物質素也不錯，服務殷勤，生意很好。店家主打新派上海菜，經常創作多款新派菜色。店內裝修以啡色和紅色為主調，紅色及白色吊燈使餐廳突顯家的氣氛，配上懷舊的餐具，別具格調。其中用了不少中式鏤空屏風作為裝飾及間隔，裝潢帶有中國色彩。中間大廳多是四至六人的方桌和卡座，靠牆的位置則是數張大圓檯。地方比想像中要大得多，不過枱與枱之間的距離較窄，感覺有點迫挾。 餐牌基本上常見的上海菜款色都齊全，例如燻魚、烤麩、雲吞雞、樟茶鴨等等，亦有不少素食菜色，而當中麵及飯類選擇也不少，至於點心類如小籠包、紅油炒手、蔥油餅及窩貼等都不缺。 價格方面算得上大眾化，大多菜色都只是數十元起，像一般點心都只是五十元左右，麵食也只是五十多元有交易。店家還有非常經濟的午市客飯套餐，共有二十一款，而價錢均一為HK$55，除主菜配白飯外更附送老火湯和前菜一小碟呢！最近逢星期六日9:30am - 11:30am全新推出特色早餐，可以品嚐新鮮製造傳統上海早點的滋味，有芝麻大餅、菜肉包、油條和豆漿等經典美食，更有黑米粢飯呢！

今日中午約左朋友係美孚食飯，行左去曼克頓商場，可能宜家係放暑假，四週食店門口企滿人，行到家傳滬曉剛好近門口有張二人枱，好自然即刻坐下叫野食😬雖然朋友未到，亦急不及待傳送餐牌給她看看食乜。不須－會決定就選左二個客飯。 糖醋魚塊 - 魚塊炸得好脆口，配酸酸甜甜糖醋汁，非常好送飯。菜脯肉碎煎蛋 - 蛋煎得好香口，蛋夾住菜脯肉碎來煎，非常好味。份量亦很足夠。我本人對煎蛋有偏愛，所以食得好好味。另外這套餐包例湯，－碗白飯，菜飯加$5.豆漿加$10.