容記小菜王

营业中

休息中

約左幾個朋友去露天大排檔食飯吹下水，由於呢幾日天氣太熱🔥🥵，所以就揀左呢間食中菜嘅室內大排檔試下😃最緊要係有冷氣💨 我地一坐抵就有姐姐問我地飲咩茶🫖服務都好快手👍因為臨近父親節👨，所以個餐牌都有啲唔同，可能會貴少少 容記小炒皇｜$138去得大排檔，一定要試吓佢哋嘅小炒皇就知佢哋有冇料到😃一碟好大碟，非常足料，有銀魚仔、魷魚🦑、蝦🦐同埋第一次試嘅好大隻嘅蝦乾，當然主角係炒韭菜花同腰果啦‼️特別咁大隻蝦乾真係好香👍啲蝦又好爽🤤成碟忍唔住一啖接一啖😍 鳳梨咕嚕肉｜$118平時出去食嘅咕嚕肉嗰浸粉漿一定好厚，但今次食呢個個皮好薄，仲要每件都好大件，外脆內軟，加埋菠蘿🍍，味道酸酸甜甜好開胃 薯角牛柳粒🐂｜$198牛柳粒勁香黑椒味⚫️佢每件都好大件，又夠晒淋 ，一啲都唔鞋👍薯仔應該有炸過，外皮有啲脆，又夠晒入味，好正👍 彈牙鮮蝦餅｜$148好少見啲中菜大排檔有泰式蝦餅，即刻叫碟嚟試吓😃佢一碟有6件，每件仲要好大件，熱辣辣，有啲似系自己打嘅蝦滑，好彈牙，仲要有汁係入面🤤點埋泰式辣醬，更加惹味 櫻花蝦海皇炒飯｜$128炒飯好香，炒到粒粒分明，好香櫻花蝦味，但味道略嫌淡咗少少椒鹽墨魚咀｜$138墨魚咀每件都

📍太子 - 【容記小菜王】太子太子道西123號地舖（太子站C2出口，步行約5分鐘)⁡呢日約咗幾個朋友gathering，大家都想食吓中菜，上網見到呢間米芝蓮推介嘅中菜，就同朋友嚟試吓🤣⁡位置方便，太子地鐵站一出行幾分鐘就到，而且門口個霓虹燈牌非常搶眼😆一眼就搵到間餐廳，餐廳有兩層，上層係食客座位，下層係接待處，裝修平實，有卡位有大枱，環境寬敞坐得舒服，而且每碟餸菜都好足料大大碟，適合家人、朋友聚餐。⁡當日去食嘅時候，近父親節，所以價錢係比平日貴咗少少。⁡容記小炒王 $138好足料，有韭菜花、蝦、蝦乾、腰果、三色椒等等，炒出嚟嘅韭菜爽脆，蝦乾大大隻，食落香口有咬感，非常好送飯😋⁡鳳梨咕嚕肉 $118咕嚕肉大大粒，外層香脆，肉質軟腍，菠蘿好新鮮好甜，醬汁酸甜比例啱啱好，好開胃！⁡櫻花蝦海皇炒飯 $128雖然味道有少少淡，但有櫻花蝦味，配料豐富，炒得夠乾身，啲飯粒粒分明。⁡薯角牛柳粒 $198整體有少少油，但牛肉粒好香又好腍，薯角外皮脆甜，綿密入味，加上自己好鍾意食薯仔，默默咁食咗好多薯角🙊好好食⁡彈牙鮮蝦餅 $148大大塊😍，炸得金黃，香氣撲鼻，一食落仲係熱辣辣，好彈牙，食得出係自己打嘅蝦

6月11日生日朋友幫我訂左呢間餐廳（垃圾）1）一坐低2碟餐前小食（花生）#花生🥜居然可以係淋到冇咬口…咬廁紙咁叫職員換過！跟住換咗兩碟蕎頭…算正常返2）人未齊叫咗兩碟小食…一個青瓜海蜇…一個脆皮燒肉！完全係價錢…對唔住食物。燒肉完全唔脆，青瓜海蜇…青瓜有啲臭…海蜇試完…完全唔想再食…難食嘅海蜇！3）人齊開始叫餸！前後叫咗10個餸連埋2盎湯…首先啲湯可以居然係完全唔熱…吹都唔使吹，直接可以擺入口！跟住已經叫職員換過…黎之前仲係電話問我地…使唔使留兩盅湯！留10盅都冇人飲…冇誠意之作。4）叫咗半隻燒鵝！我極度懷疑廚房拎左琴晚賣淨既燒鵝叮翻熱！完全淋…皮唔脆..肉味清淡！完全係垃圾燒鵝。5）咕嚕肉又係唔脆…完全唔識整…淋阿媽都唔認得6）嗌咗個椒絲腐乳通菜！都可以鹹到不得了…真係食得屎7）芝士焗龍蝦+小炒王 算係勉強合格…放得落口！8）服務態度完全扮出嚟…完全好似唔多想做咁..催命符個個趕收工9）埋單3700…食鯉魚門都冇咁嬲10）公道說話以前食過一次！係合格…但過咗今次…已被列入世界健力士（十大難食餐廳）

椒鹽九肚魚嗰槳唔脆，舊魚又得細細嚿；黑醋骨完全不知所謂，舊骨都唔知炸咗幾耐，肉質又有少少霉，就咁撈埋啲汁就上，個炸粉已經冧晒一pat pat，仲差過兩餸飯，碟菜心正常，黑椒薯仔牛柳粒同福建炒飯，味道普通，但價錢貴，份量少，全餐完全物非所值，冇下次。以前深水埗好好食，真係冇諗過會咁差，唔知啲好評點解有咁多，全餐就係伏伏伏，如果收得呢個價錢，應該大把更加好嘅選擇。唔怪得知星期日晚7:00去食仲有咁多位。

放工之後朋友帶咗我嚟容記食中菜 原來米芝蓮都推介過 見呢度嘅價錢唔算太貴 而且每碟小菜嘅份量都好足 性價比極高彈牙鮮蝦餅呢個蝦餅係部長極力推薦 食完就明佢點解會大推 炸到金黃色嘅蝦餅外皮係非常之薄 而且厚實得嚟又夠彈牙 點埋泰式辣醬食勁夾拔絲鳳梨咕嚕肉咕嚕肉炸到外脆內軟而且甜酸度嘅比例啱啱好 菠蘿好甜好新鮮 仲有三色椒同埋洋蔥 容記小炒王呢款小炒王係朋友嘅至愛 有韭菜花 腰果 魷魚 蝦 芹菜 三色椒 姜等等 好豐富! 滿滿一大碟香口得嚟又夠鑊氣 送飯食簡直一流

星期日與家人一起到容記小菜王飲茶，位於太子太子道西123號地舖。 估唔到十一點仲有早晨孖寶， 價錢都幾抵食。 點了好多點心，眾多點心中我最喜歡乾蒸牛肉燒賣、蝦餃皇和黃金煎堆仔。 乾蒸牛肉燒賣口感煙韌，傳統風味。 蝦餃黃皮薄餡靚，蝦肉爽口大粒。 黃金煎堆仔外脆內軟，奶黃流心。 其他點心正常發揮， 款式多選擇。 容記小菜王地點方便，價錢親民。 🏷️溫馨提示～ 整個用餐體驗均屬個人分享意見， 只作參考😊。 容記小菜王地址: 太子太子道西123號地舖

食了好多次，貪易訂位，但服務態度真差，怪不得越來越小人，初時以為港人北上引致人小，但原來伙記服務態度差。因今午有要事，15钟後問加點點心有未，話要25分钟後，不可取消，又说你以後不來更好。1分钟後點心出了。其实話入去望一望就可，不用吵咀。其實價錢也不平。5人要400元，星期六日要500以上。

中菜，除左功夫菜以外，燒臘都系重要既一環，今次同朋友黎二訪依間老字號米芝蓮中菜 一 容記小菜王🌟蜜汁叉燒皇 $168(例)叉燒食得出系梅頭肉，肥瘦適中，口感鬆化，帶有小小燶邊🤤👍🏻🌟鳳梨咕嚕肉 $118非常足料，咕嚕肉大粒之餘肉質軟腍，配埋新鮮菠蘿同埋醬汁酸酸甜甜好開胃🤤👍🏻🌟喜慶玉蟠桃 $48/3(個)壽包入面滿滿既蓮蓉之餘仲有小小鹹蛋黃🌟金瑤福建炒飯 $148非常足料，配料有瑤柱、菜芯、甘荀、冬茹、蝦仁等，炒飯底亦有炒得有鑊氣，撈埋個蠔油芡🤤👍🏻📍容記小菜王地址：太子太子道西123號地舖#太子 #容記 #中菜 #叉燒 #老字號 #咕嚕肉 #米芝蓮 #覓食太子 #留港消費 #二訪容記 #食在太子 #太子食乜好 #為食關注組 #米芝蓮推薦 #米芝蓮中菜 #老字號中菜 #容記小菜王 #蜜汁叉燒皇 #鳳梨咕嚕肉 #喜慶玉蟠桃 #金瑤福建炒飯 #香港美食地圖 #九十後行到邊食到邊#HKIG #HKIGER #HONGKONGFOODIE

多年前已獲米芝蓮美食推介，至今水準其實都不錯！地點非常方便，太子站過條馬路就到，大大隻招牌 一定唔會怕搵唔到！餐廳兩層 樓下嗰層等位，樓上全層都有唔少張枱，樓底非常高 ，就算多人都唔會覺得好嘈傾唔到偈仲有海鮮缸，如果點海鮮保證到新鮮👍職員好有禮貌，一坐低就好好招呼，問要咩茶，都好多款茶，可以㨂：壽眉、鐵觀音、普洱等等都有選擇。開位小食有好爽脆嘅木耳，開胃又健康。容記第一咀$98墨魚咀要試！唔係度度都有！外脆香口 ，少少味粉，非常惹味份量非常之多！墨魚咀入口彈牙新鮮😋椒鹽脆鮮魷$128同樣係椒鹽，外脆香口，厚切鮮魷，啖啖肉拔絲鳳梨咕嚕肉$88咕嚕肉好抵食，$88一大碟薄薄脆粉，肉肥瘦適中，新鮮菠蘿紅椒黃椒，放上菜嘅時候，熱辣辣火氣十足🤤不愧為米芝蓮推介！太子呢間坐得舒服同朋友嚟又大件夾抵食強推！全部小菜大大份，性價比高！

容記小菜王係米芝蓮推介中菜館。路邊既霓虹燈牌可以容易就睇到餐廳。座位位於一樓，有大枱又有卡位適合一家大細聚餐。涼拌海蜇手撕雞麻醬同日本芥辣嘅醬汁調較得好平衝，唔會太過分嘅wasab刺激，手撕雞好爽滑，配搭爽口嘅海蜇，仲有清爽青瓜絲。拔絲鳳梨咕嚕肉咕嚕肉炸得火口啱啱好，鎖得住肉汁，外層香脆，鳳梨同埋少少糖收汁，甜味平衡到個酸味。十分開胃。小炒王招牌菜果然名不虛傳，炒功一流，味道鑊氣都好夠，撈飯食真係唔只食一碗。經典大馬站煲即係馬拉版嘅豆腐火腩，底汁改用蝦醬，夠驚喜。比用蠔油做底嘅港式火腩，更加香。我同朋友都鐘意呢個大馬煲

得到過米芝蓮推介既容記小菜王, 位置又方便, 太子地鐵站一出就到, 而且每碟小菜份量非常足夠,性價比幾高, 幾啱約埋朋友嚟吹水食飯.燒腩仔係店舖名物之一, 所以我哋都叫左碟試下, 燒腩皮脆卜卜, 表層鬆化可口, 豬腩肉亦夠鹹香, 配搭埋店舖自家芥茉醬, 難怪係招牌菜之一.拔絲鳳梨咕嚕肉真係做到拔絲效果, 咕嚕肉粉漿夠薄, 炸得夠脆口, 甜酸味均衡, 而且咕嚕肉掛到汁,夠入味.酥炸生蠔選用台山蠔, 隻隻都漲卜卜非常大隻, 又厚身, 炸漿做到金黃通透, 加上新鮮炸起特別香脆.咸魚雞粒炒飯夠獲氣, 炒飯中夾雜著脆卜卜的鹹魚, 鹹香味十足

容記小菜王開喺馬路交界超級當眼位，經過一定見到！嘢食來講，好有鑊氣，而且佢嘅小菜款式偏懷舊，不過價錢就偏中上，比平時酒樓食貴一啲。如果家中兩老想食翻舊陣時嘅味道，呢度絕對幫到你！✨ 西蘭花花姿珊瑚蚌 $168 👍🏻👍🏻👍🏻👍🏻好少食到珊瑚蚌，平時食都好似得中菜呢個西蘭花炒。但係我覺得呢個真係清清地得來，好好味，口感又足！😋✨ 蜜薯角和牛粒 $168 👍🏻👍🏻呢一度係功夫菜嚟㗎～我平時好鍾意食！要先炸外面酥脆，再炒！不過我覺得呢個偏油膩～🤣✨ 沙拉汁明蝦球 $148 👍🏻👍🏻👍🏻呢一個食法係我第一次食嘅！超級神奇！第一啖食落口，估唔到沙律醬同啲蝦球咁夾！正🤤👍🏻👍🏻👍🏻👍🏻（最推薦）- 👎🏻（可以唔使試）📍 容記小菜王 (太子)太子太子道西123號地舖#stilleating太子 #太子美食 #旺角美食 #香港美食 #hkfood #hkfoodie #foodie #容記小菜王 #中菜

容記小菜王宜個名之前有聽過 係米之蓮推介 今日就同朋友黎試下 餐廳環境闊落舒適 而且每碟菜嘅份量都幾大😀揚名國際燒肉 $128 細雖然叫左細份但都好大碟 燒肉肥瘦適中 吾會太油同肥膩， 皮仲燒到趣酥炸台山桶蠔 $228一碟有9隻蠔 每隻蠔幾大隻 而且都炸得幾酥脆 炸漿吾會好厚粉 推薦👍🏻拔絲鳳梨咕嚕肉 $88份量超大 肉質吾錯 有埋菠蘿，醬汁酸酸甜甜好開胃 又餸飯 鹹魚雞粒炒飯 $108 個人覺得份量大到足夠4-5人食 炒飯幾有鑊氣 足料 夠多咸魚粒同雞粒 淮杞燉螺頭湯 $48 一位 一壺熱辣辣嘅螺頭湯幾好飲 相當足料 有雞腳螺頭杞子瘦肉等 整個湯都煲得好入味但又吾會太咸 吾錯！

呢隻色澤鮮豔、肉質Q彈、惹味香口嘅蝦，見到都會流哂口水，係咪好想一淡咬落去呢！想食就要去太仔道西 米之蓮 1⭐️ 嘅 "容記小菜王"。(Refer to Page. 2 Video)雖然是米之蓮級數嘅菜館，但是不時會推出一 d 抵食套餐。最近，我就嚟到食左一個特惠海鮮套餐 ~ 原條虎斑三寶。三寶包括有：✨️清蒸原條沙巴虎斑 🐟 <約1 斤> 虎斑烹調時間拿捏得宜，肉質嫩滑，配以鼓油和大量青葱來吃，毫不覺得有腥味。✨️鼓油皇大海蝦 🦐 <半斤> 採用傳統醬油調味，再經蒜蓉和香葱炒過嘅蝦，滋味無窮，無瑕地呈現經典港式菜。加上，蝦嘅本身肉質鮮甜並富有彈牙質感，見到咁靚嘅蝦仔，令人按捺不住、垂涎三尺。✨️蜜汁义燒 🐽 <例> 秘制清甜嘅蜜味醬汁顯然與眾不同，义燒肥瘦相間，肉嫩鬆軟。未入口已經聞到陣陣焦香嘅味道，食落有嚼勁且不會覺得太乾硬，果真係令人趨之若騖嘅黯然銷魂「义燒神」，不愧作為鎮店招牌菜！咁豐富嘅一餐都只係 ＄398/份，慳到嘅$，仲可以食埋甜品。今次我 order 左 蓮蓉西米焗布甸 $28。Tips: 呢個布甸係即叫即焗，需時約20分鐘，如

酒家態度很差，不停推介貴價海鮮，叫其他小菜時態度好差，本來想4人一齊走，但已坐下，所以有一人氣到先走。無生意？ 為你想街客食貴野？但其實小菜唔錯，俾貴咗少少，e.g 螺湯約200補／3碗仔