富臨漁港 (已結業)

之前去了富臨酒家(觀塘店)食晚宴!當然要介紹吓啦!乳豬全體:燒得幾好,好味!芝士焗蝦(伊麵底):芝士幾香!正!珊瑚蚌:幾好,夠爽口!百花蝦球:幾好食!紅燒魚翅:好好味,味夠濃!東星斑: D肉好滑,冇過火!貴妃雞:肉質好滑,掂!炒飯及伊麵:味道一般啦!糖水:味道麻麻!要改善!生果拼盤: D西瓜都不錯!服務及環境就一般!是不失為一間好酒家!

四個人, 食左四送一湯 三碗白飯一坐上位, 只見有一張套餐的單張, 連menu都沒有奉上打算問部長拎啦~點知問完一個又一個, 都無人拎比我地!最後一個男部長先施施然咁拎左一張單點叫送的黎仲繼續hard sell佢地所謂好抵既套餐!我地覺得一d都唔抵, 佢就話好抵好抵, 試下啦!大大話話都講左3-5次話唔arm我地食, 都唔聽! 激死!叫茶叫左普洱+水仙, 點知只有普洱無水仙!!!佢地真係十下十下, 無心機做野! 我地入座既時候, 仲要係無乜人咖啦! 都唔多理我地!可能就係知道我地唔會叫佢地所講既好抵套餐掛! 唉!!!問: 呢個海中寶係咩黎咖?答: 係湯黎咖...問: 我夠知係湯黎咖啦~咁即係咩黎咖先?答: 有雞有藥材囉~問: (心想, 你真係當正我係lulu又文盲呀, 我識睇中文, 張紙上面寫明左係湯啦!!!) 唔該呢個!(真係比佢激到bear一聲, 正如我問佢咩係白切雞一樣, 你不如答我係雞咖既!!!)d送其實ok, 不過就真係service差!最後送生果, 仲要送1個爛既桃駁梨比我地添!!!]所以我一毫子tips都無比!!!

星期一去食晚飯, 叫左個美國桶蠔(炸)..$99 另外有其他野, 燒鵝最快..但食完等成半個鐘先來第2碟...其他野食一般, 要講講個美國桶蠔.....一碟7隻左右, 細細隻大約男成人手指公第一節咁大, 炸粉薄薄,食落去香口,不過食完成隻一點蠔味都冇...我飲淡水再食多隻, 夾d蠔出來試...仍然冇蠔味...係好似食豆腐咁. 豆腐都有豆味啦...加埋一成百一蚊, 美國桶蠔100%冇味而唔係淡味....街市d蠔仔仲有味d, 有時自己打邊爐去超市買d美國桶蠔都好食好多....老闆搞搞佢好喎....

上兩個禮拜又同同事去富臨開餐, 嘩... 果d侍應... 問佢個套餐咩湯呀? 佢依依哦哦... 咩一個螺頭, 另一個係咩椰子咁, 剩係問:係咪要呢個餐?? 我係想問咩湯, 先諗下要唔要個餐丫嘛, 佢好似唔係好明白個"乜野湯"先至係我地個"重點"; 之後我地窮追問, 佢就走去問個著西裝的來答, 哦~~~ 原來係螺頭 加椰子!! 果下唔知好嬲定好笑...不過, 個套餐仍然覺得算係抵食囉.

我地平時lunch去叫開果個商務套餐只係$200已好抵食, 但埋年尾佢地推出左個勁貴(四百幾蚊)o既賀年套餐, 雖然係好貴, 但係有大蝦伊麵, 同埋加埋加埋...原來都幾抵食架喎...不過, 我地果次冇order到.... 只係散叫, 但係... 唉~ 埋單仲貴過個"賀年套餐" TT

先感謝閣下提供觀塘富臨的寶貴意見反映，對以上事情作深切的道歉。為了進一步改善本集團的服務質素，已將閣下的意見上傳至有關部門，並即時要求作出跟進及改善。如日後對本集團有任何意見反映，亦可於辦工時間致電富臨集團顧客服務熱線【星期一至五　早上十時至下午五時】電話：2353 5866，富臨集團將安排專人接聽及聆聽閣下的寶貴意見。再次感謝閣下的支持。富臨集團敬上

同屋企人5大2小去飲茶, 坐近窗貴賓廳, 食物:咸水角---熱+脆, 好味珍珠雞---餡多, 糯米軟熟, 好味山竹牛肉, 春卷, 生炒糯米飯, 燒肉(例), 蘿白絲酥餅---ok油菜---灼得太淋, 菜葉黄晒, 難食蝦腸---上枱時腸粉蒸到爆晒, 淋到夾唔起, 差最差係服務, 坐廳無人加水(要出去大廳揾人先加到水), 無人收碟, 點心又漏單, 漏咗兩樣點心, check單睇到, 叫個女待應cancel又黑面, 埋張單要等30mins, 5大2小食$230, 唔需要嚟呢度囉

先感謝閣下對本集團的意見反映，對於員工服務技巧方面真是有提升的空間，本集團已將閣下的意見交回有關部門跟進，並會向有關員工提出適當的培訓課程，重新教育員工正確的處理手法。如閣下日後有任何問題，可致電到本集團顧客服務熱線【辦公時間:星期一至五　　早上十時至晚上五時】本集團將安排專人聆聽閣下的意見。祝安康！富臨集團敬上

上星期六我男友同佢既爸爸, 媽媽打邊爐, 任食火鍋HK$68.00,再加茶介HK$12.00, 依個冇問題AR..之後我地再加一個鮑魚片, 個伙記就話依個要加錢喎, 大佬..我地又唔係唔識字, 我地都知道要加$$啦..個伙記重講左句, 食D 唔駛加$$ 既咪重好..我地食D咩都有自己既自由囉..幾十蚊會豪比佢地啦..之後我地因為有好多野食..見NEAR 位果D 都有張檯仔..咁我地叫佢比張我地啦..佢竟然話冇囉..咁大間酒樓..唔係MA..6點幾就冇檯仔, 之後好啦..冇檯仔就算..無啦啦有一個伙計又搬左張檯仔比我地...真係好有問題囉..我地只有想食餐開心既晚餐囉,但最後D 伙記令我地以後都唔會去依間野食囉..D 態度實在太狗眼看人低啦..

每週日跟家人飲早茶不二之選. 早上11:30前入單,特選點心HKD9.8 或HKD6.8 一碟選擇頗多,有蟹虸燒賣.鮮蝦腸粉.鴨腳札.潮洲粉菓.鷄包仔.魚翅餃.煎釀茄子.....另鳳爪排骨飯只售HKD5.6一小盅,有鳳爪半隻,排骨5件,飯也有半碗, 味道不錯.十分抵食.另酒家也會不時轉換特價點心,客人不會長久光顧而生厭.二人點了五個點心加一盅飯,連茶水加一也是HKD69而已,真是無可抗拒的飲茶好地方!

星期六晚去打邊爐食到火都黎埋去左第一張單，等左成半粒鐘，d野食仲未黎到，加水都加左2次狂催d侍應、部長都冇用，個個話廚房好忙，執緊架喇，但我眼見個晚打邊爐既人唔算多，真係唔知廚房點做野，連遲過我地叫野的隔離臺d野都黎得七七八八，我地叫d野至黎得二、三碟最後係個阿姐都睇唔過眼，自已入廚房幫我地睇單、拎埋d野食出黎，呢間野係得呢個阿姐幫得下手，其餘個d…結果，去左四張單，只係黎左二張單既野…到埋單個時，個部長"x文x"黑口黑面咁，企定定係度等我地俾錢，叫佢放低張單先喇，我地等一陣再俾，佢個樣勁唔like，宜家又唔係唔俾錢，收錢收得就咁快，野食就三催四請都唔黎，服務又差，佢真係好意思催我地俾錢，差到無論…一個低級職員態度都好過個部長，我真係唔明佢點解有資格做呢個位，反省下喇！

呢間野真係超不知所謂!!!早兩日同朋友去呢間野晚巿打邊爐!!你地有冇試過8:15pm 入座,等足半個鐘, 淨係得煲湯底....催左成5次都仲未有火鍋料上到檯呢!?成班樓面淨係識得敷衍你,淨係識講:"得架喇...廚房執緊架喇!!!"班樓面亞姐態度都好少少啊...嗰班著西裝ge所謂部長同經理就真係超不知所謂!一個就十問九唔應,一個就淨係識得敷衍,另一個就黑面!!如果你想貼錢買難受,又或者你真係好想享受下呢d "九流" ge服務, 咁即管去試下!!

小弟和家人一行六人晚巿打邊爐.68位最後收數約110蚊一位其中奇怪的是10蚊茶錢外,有'士'油錢又有酸菜錢.湯底另計...多不聲數...不過如果d野好食咁就乜都抵啦...落單超離譜...起碼入五張單,有蝦有牛有羊有雞好多野最後出來的肉食只有兩碟牛肉(有等於無,出奇地少)其他菜,山根,豬皮...素食...我真係未試過打邊爐無食過肉...出世咁耐~今次第一次!無生意還無生意丫.無材料還無材料丫.任飲任食...我乜都無飲過丫服務阿姊都無乜野算好個d著黑衫個d經理真係不知所謂我都唔想打下去...如果不是這麼多長輩在我一定據理力爭.百一蚊一位吃素菜火鍋我想只有官塘lee一間先做得到我重新多一次...我入起碼五張單只有兩碟牛肉(少許)...其他雞肉羊肉好明顯未捉到,或者在大陸農場你無野無料...和客人講聲...不要拍只要up....真係超勁爆唔開心肥胖的排骨絕筆2007年10月3日服務個2分係比阿姊個d黑色衫真係要再培訓又或者係老闆要下邊咁出食送又或者係個廚房今日失準又或者真係貨源有問題又或者真係真係唔arm時間入去...我真係想唔出原因...

本人覺得呢間野食物水準一般,不過d侍應服務態度真係好難頂,落左order青瓜海哲好耐都未黎,諗住叫人睇下有冇落,個女侍應啤左我地一眼就話'落左啦',跟住同d熟客吹水,check都唔check下,等多成十幾廿分鐘都仲未黎,叫個女部長check,點知仲未落單,真係火都黎,即刻狂'炳'番個女侍應。埋單仲衰,諗住cashier o係隔離,自己找數快d走啦,果兩個收銀望都唔望你,講左兩次'唔該埋單'都唔應你,係唔係真係唔休做,錢都唔收。o岩o岩有個侍應行過先通過佢幫你埋,但係我係企o係佢地櫃檯前面，成個過程一眼都唔望你。話~~~~今時今日服務如此,唔怪得下午冇乜人食啦...

呢度唔係第一次食，食物質素講真普通過普通，唔係因為就腳，絕對唔會頭20個選擇。上星期約左幾個朋友食晚飯，7:30PM去到即時有位，一坐底睇下menu，比以前貴好多，我地未齊人，等人時多次有人問落單，冇所謂！好喇，人齊叫落單，我地四個人，叫左四樣野（有海參、？？骨、上湯蝦球伊面底、炒蛑），點完喇，呀部長棟左響度，咁我地話係咁多，呀部長整句”四樣炸wo”，我地即時無言，我地係客想食幾多就幾多，作為飲食業工作者，冇理由質疑客人食幾多，頂多你介紹多一兩野，冇理咁問人客吓話！講返野食，？？骨（名唔記得）同海參都OK，蝦唔太得但係特價野唔可以太苛求，埋單400幾，我諗呢個價有好多選擇。好遺憾，呢個喊樣走唔甩!