富臨漁港 (已結業)

星期五午膳都不用等位一入門口便見到一煲鮑汁扣鳯爪,叫了一碟,勁入味,比傳統鳯爪惹味好多青瓜海蜇的醬汁過份甜星洲炒米雖然表面是淺黃色,還以為好淡,但原來咖喱味足,微辣,炒得好食叫了炸春卷及炸腐皮卷,等了一個鐘都未來,催了都無人理,便要求取消以趕著上班,點知一話埋單侍應便hold起我們張咭去追炸物,還要求我們食埋,當我們堅持取消,立即黑面

美孚分店富臨漁港服務極差,得罪客唔使本.說話難聽,態度惡劣.甚麼是禮貌也不懂.服務應該負10分

我都係覺得稻香好正，但係就千忻唔好去官塘商場嘅富臨，同老公星期五食過好貴，仲係宵夜時段，食左８碟$8,$12同＄１５，１碟５０所為特級肥牛，１０元啤酒，要２８０呀。。。所以去稻香要排隊都係值得架。。

一到星期六日，都知四周都會多人。我地一行三人一早(大約1點幾)到達攞飛等位....個0個知客一路不停叫兩座位既人入座...我地呆呆咁等0左3粒鐘, 係呢3個鐘頭裡面佢只係叫0左3張4人座位入座..個知客真係離晒譜, 十問九唔應, 又扮聽唔到...真係等到咩mood 都冇晒...咁大間酒樓, 唔通全部都係兩人座位？等0左3個鐘...即係3點幾先入到去坐底..叫0左蝦餃、魚湯水餃、炒河、楊枝金露蝦餃- 爛蓉蓉, 皮還皮, 餡還餡..魚湯水餃- 個d 魚湯d 油浮晒上面...成碗黃咁咁..好恐怖.炒河- 好多油又冇味楊枝金露- 好苦又水汪汪...呢度d 服務態度差, 下午茶點心又差....個知客既態度好似係度趕客咁, 黑口黑面...真係好唔掂！

老爸生日, 一家人吃飯慶祝, 食咗1) 燒鵝一隻, 新鮮熱辣, 幾好味.2) 合桃牛柳粒, 牛肉有小小化學品, 不過重有牛味, 可以啦.3) 青班一條, 新鮮, 蒸得幾好.4) 芝麻鹽焗雞, 竟然係鮮雞, 夠入味又唔太咸, 好味.5) 粉蒜蓉蒸扇貝, 扇貝新鮮大隻, 鮮甜好味.6) 上湯龍蝦一份伊麵底, 份量Ok, 但龍蝦無乜味, 不過不失.7) 雜菜煲, 無乜印像.重有Ｄ唔記得.服務就一般酒樓水準, 你擧手實有人埋嚟嘅.

火鍋食物的味道和湯底都普普通通.但咁都唔係重點...最衰是員工的態度.問個女部長借支筆黎用,就已經黑口黑面對你.落單仲竟然叫我同我朋友.下?!我唔出聲點落單呀...真係受氣都飽晒.發誓以後都唔會再去.

根據現行法例，提供超過二百個座位的食肆，需要將最少三分一的面積設定為禁煙區。但係這間酒樓不停地叫左廿幾三十張吸煙枱都冇一張非吸煙枱, 真係好奇怪, 好懷疑佢地跟本冇三分一係禁煙區, 而且仲叫啲攞左非吸煙區飛既人去吸煙區, 唔通呢間酒樓只係歡迎啲吸煙人士?? 其實其他酒樓都係咁攞位,但係都唔知呢間點解咁混亂, 不如唔好攞飛自己入去搵好過!!

2個人去食飯, order了3個, 食唔曬再打包, 好平又ok好食.1) 1斤半上湯焗新鮮游水龍蝦($88斤)平到你唔信..2) 乳豬拼盤(有乳豬, 半肥瘦叉燒, 雞等)超正3) 海參花膠筒燴北菰....超養顏..問清楚龍蝦是本地的, 所以可以平, 但小弟都唔明點解可以那麼平???

職員態度差, 小籠包賣相已好恐怖, 食落更…….豬頸肉好大片, 但都係唔好食!上菜又慢, 單又亂, 原來未上果D 小點已入晒單收錢,因LUNCH TIME 去, 趕住返公司, 佢\見你走先係咁上晒D 菜!, 我地唯有打包,都唔知有冇搞錯!仲有去食野好煩, 要等幾轉. 蜆介鯪魚球仲差, 奶黃包好似食緊鰻頭!!成日唯一OK 既係蟹粉豆苗! 17 個人食左$1725, 都唔知有冇搞錯~

本來事前計劃在裕民坊食潮州菜.可惜去到,間菜館停電.結果漫無目的,又唔想去APM呢個\"難民營\"排隊食監躉飯,到最後,勇闖工廠區內的\"富臨\",唔係飯店,而係漁港,呢間漁港,係無亞一鮑魚食.只係一間街坊格的連鎖酒樓.一向唔會對呢類街坊酒樓有任何期望,但求有野來肚,食你唔死就算,既來巳則安之.拿拿臨睇下有咩野食,方為上策.今次只會post幾個比較有d野講下ge菜式,因為實在無咩野好講.千貝白玉燉響螺肚皮已經小睡左幾個鐘,連湯渣一樣唔放過.湯渣可觀性更高,因為果一刻真係餓到死去活來.一個闊別n年的菜式,芝士焗龍蝦,記得初初出黎做野果陣,算係叫做有收入,開始有能力去食一d讀書年代無能力吃的菜式.龍蝦係其中之一,90代中,龍蝦開始平民化,全賴漢寶呢個龍蝦大王.令到我果陣成為漢寶熟客.愛芝士焗龍蝦,多過上湯..久別重逢,算係重拾一點點回憶.講番隻蝦本身,肉質一般,無咩味,係咁多,反而個伊麵底,才是皇道.燒腩仔,同海都或利苑比,差好多班,脆皮幾韌,根本同入口即化的海都出品,無得比.一隊億萬富豪車路士,一隊英甲Struggler MK Dons的反別.砵酒火焰鱔球,唯一值得睇,就係呢味菜式,係o

三個人黎飲茶, 點左一碟伊麵, 春卷, 粉絲蒸魷魚, 奶黃包, 0魚球, 燒賣...論質素同鄰近o既好彩比就真係有節距離, 仲要係比以前差左d添, 都要成七十蚊先落到樓, 呢度只係勝在唔駛等位, 睇黎都要花d腳骨力行遠d搵食好過lor ~

寫開晶苑，先記得祖母去年o既生日晚宴是在隔鄰的富臨酒家。若真要比較，個人覺得富臨好味過晶苑好多，起碼龍蝦同燒鵝都好食o的。 記得去年因細叔有兩張免費燒餓券，所以是晚一去到便先來兩隻燒鵝，個人其實不愛吃燒鵝，但祖母生日，便淺嚐了一小塊，個皮燒得頗香，肉質結實，幾有鵝味，最喜歡用來蘸燒鵝的酸梅汁，酸味味的很醒胃；還有很記得在這兒吃的乾隆一品煲，很出色，煲內有裙翅、大花菇、花膠、蠔豉、大頭蝦、發菜、瑤柱、鮑貝…分量十足，最好味是大花菇和花膠，二者都炆得夠火喉，腍得來帶點爽口，而且墊底o既豆苗吸收晒所有配料o既精華，非常美味。其他菜式印象已不甚深刻，不過整體上是不錯的。

星期六去了中午飲茶, 叫了6碟點心, 埋單$108, 都唔算平, 另外原來星期1至7都有下午茶時段, 過2點會平好多

觀塘富臨,高級高齡經理, 叫食客落街市買咸蛋!上樑不正下樑~~~~~素食者的回響...

食物同之前一樣, 但價錢就加左, 依家要每位$88, 但以任飲住食來講都算抵。