富臨薈 (已結業)

好耐無行過沙田新城市，通常好多間餐廳都又貴又唔好食，但行多幾步去到偉華中心，今晚終於比我搵到間非常惹味既川菜。而且呢度裝修富現代感，坐得舒服。🥢蝦浜蟹將點心賣相非常精緻，皮薄，蝦肉新鮮彈牙，睇得又食得。🥢青椒唐心皮蛋辣汁惹味，但皮蛋有點稔。🥢招牌老壇酸菜魚酸菜魚賣相好吸引，魚肉嫩滑，份量多，酸酸地好開胃，而且論價錢，香港黎講絕對低食。🥢富薈海鮮稻庭烏冬盛器好別緻，配料有魚、珍珠貝、蝦。烏冬彈牙，湯底十分清甜，差唔多飲哂。🥢蛋酥脆糍粑表面金黄，，外脆內軟，黑糖醬唔會太甜，味道剛好。🥢燒乳鴿最後見到每一枱都有人叫乳鴿，自己都忍唔住叫返隻，仲抵食過自己去街市買，而且香脆多肉汁，唔怪得甘受歡迎。

有天和大頭仔到了沙田，是了這一間都開了一段時間的新式茶樓。有雞先定有蛋先這個十分吸引我們點的點心，因為好奇之下我們在想這是什麼呢？結論是：雞即是煎堆，蛋即是芒果布甸。還記得來的時候大頭仔問了一句「應該食蛋先定食雞先？」，很是有趣。出色蝦餃出食蝦餃的出色可能就是黑色的意思吧。對從沒有見過黑色牛皮的蝦餃的確有點驚訝，蝦餃的餡料味道不差，新鮮出籠的感覺。黑椒蕃薯牛仔粒這個不錯呢！比起番薯，吃起來時的感覺更像薯仔， 十分軟糯的感覺。牛仔粒亦十分軟滑，配上黑椒的味道好吃！溫泉蛋蒿麥麵如果想吃得清淡一點可以點這一個冷麵。芒椰奶西&蜜桃成熟時飲品也不錯呢，唯冰山量相對上較多。

約左住在沙田的舊同學去行城市廣場，行下行下行左去偉華中心，發現一間新派酒樓，叫富臨薈，比佢嘅時尚裝修設計吸引，所以我們就決定在這𥚃食晚餐。餐牌也與別不同，其中一樣是有雞先定有蛋先，這個冇人能解答的問題，也可以做菜名，即叫即炸的雞仔做得好神似，外脆內軟，餡料惹味。另外雞蛋布丁好滑溜，甜度適中。讚賞一下廚師，真的做得好精緻。出色蝦餃比較大隻，饀料飽滿，啖啖蝦肉好爽口，蝦餃皮加入墨魚汁做，皮薄光滑之餘，又多了一份香味。溫泉蛋蕎麥冷麵：彈牙的蕎麥麵加有半凝固狀態的溫泉蛋、爽口的紅羅白絲和青瓜絲，淋上用芥末做的醬汁，有多重口感又美味。紙包骨：肉排用特製醬汁醃製，用錫箔紙包裝再焗烤，排骨酥軟，可口味濃郁。芒果奶西：好可愛啊！我第一次見飲品這樣上檯，用吹氣動物公仔伴著飲品，既美觀又吸引，用芒果打成沙冰，加上淡奶，味道香甜，奇異果士多啤梨沙冰：可愛的小鴨子伴住沙冰，十分美麗，奇異果味比士多啤梨濃一點，冰凍好飲。

呢日放假又去左搵住係沙田既表姐同小魔怪玩，例牌玩到咁上下就同埋佢地一齊落街食飯我地黎左呢到食飯既一大原因係表姐上個星期應承左要帶考完試既小魔怪黎食“白兔仔”同“雞仔”呢晚表姐夫要ot，淨係得我地三個，都唔敢嗌咁多，除左有應承左要嗌俾小魔怪食既“有雞先定有蛋先”HKd$38+10%同“棉花白兔仔”HKd$38+10%之外，我同表姐都嗜牛，所以就要左碟“孜然牛仔骨”HKd$138+10%同“黑椒香薯午柳粒”HKd$108+10%，主食就揀左個復活節限定既“溫泉蛋蕎麥冷麵”HKd$68+10%首先黎到既係小魔怪既心頭好，呢個“有雞先定蛋先”其實係咸水角同布甸小雞外型既咸水角熱辣辣，外層Q脆不油，正跟住啲小菜都好快黎到，兩碟都超香！！！！不論係牛柳粒定牛仔骨都好腍，平時唔係好食肉既小魔鬼都好俾面食左好多舊牛柳粒入面既薯粒亦係亮點黎架，入味又惹味呢款喬麥冷麵就好岩夏天食，食落清爽冰涼夠晒fresh蕎麥冷面粗身圓身，食落爽口加埋個温泉蛋同帶有芥末味既醬料撈埋黎食，好快就食清光嚕食食下既期間，小魔怪見到隔離檯有人嗌左啲靚靚特飲就話好想要，但表姐唔想佢飲咁多凍野，所以就叫表姨我揀一杯同佢一齊飲揀左杯“

這天來到沙田巿中心拍拖行行吓又到晚飯時間啦，經過偉華中心看到這間名字叫富臨薈的中菜店，門口裝修得幾有特色，不同一搬的中色傳統酒樓，就入去試吓，坐下來看餐牌點心菜名字時就更加特别，叫幾款試試。點了個點心名字叫(有雞先定有蛋先)來到原來是做成小雞形的咸水角伴有兩隻用蛋殼装着黃色的布丁，樣子可愛味道也不錯。之後就是(出色蝦餃)是三大粒黑色墨魚汁做成皮的蝦餃，蝦餃内函料豐富。跟著的(黑椒香薯牛柳粒)是我最喜歡的一道菜，牛柳粒不但大舊而且咬落無渣，香薯味道又夠香甜而且份量還不少呢。最後再來個(温泉蛋蕎麥冷麵)吃完這個冷麵我們二人已經夠晒飽肚。這次我們也點了兩杯(芒果綿花冰)做飲料，想不到這飲品他們用了最近流行的天鵝水泡裝着上桌，有趣之餘又啱晒打咭放網分享呢，二人吃得始終不多，所以下次我也會帶其他朋友來再試他們其他款式

是晚來到沙田與好友共進晚膳，此位美女友人特愛中菜喔所以都不難料到她所選之地是吃中餐的店子幸而這處有別與一般的酒家，餐單中有不少賣相可愛的點心，更有各款帶有fusion意味的菜！我們只有二人，友人更是小鳥胃的美人兒，實在不敢胡亂點菜....以免浪費我們最終點了一款點心、一份前菜及一碟小菜加配白飯一同分享點心點選了一籠“出色蝦餃”，一籠三件！此餃以型格的黑色外皮包裹爽彈蝦肉，外表出"色"之餘，味道亦為出色接著就是開胃清爽的雞絲粉皮其後就是仍未吃已嗅到黑椒香氣的黑黑椒香薯牛柳粒牛柳香腍，薯粒入味，下飯乃為一絕有說女生總有兩個胃，美女友人正是如此，咸胃雖小，但甜胃則如黑洞，看到賣相可愛的棉花白兔仔便要馬上來客作飯後的一甜點呢三大顆入口即溶的兔兒讓美人也要忍心的把牠們吃光光喔當晚還每人點了一杯少女心的特飲呢咱們點的都帶有莓味的酸甜沙冰果昔，有夠清新解暑呢

通常早上特價茶市，我也趕著上班去，所以也不太留意有什麼優惠。 不過公司突然改了制度，不可累積年假要清假，只好一連放了幾天假期。 早上起來走在商場閒逛，發現晨早時段又真的非常超值，價格令人不可抗拒。 一於約朋友來享受個超值早茶，點心款式也多，而且更有些特色款式。 早上特價時段食物也擺碟靚靚，而且味道也不錯。 裝修佈置及用具也較西化，坐得也舒適。 但沒有了茶壺丶茶杯及全竹點心籠，感覺好像缺少傳統茶樓飲茶溫暖感覺。

唔係誇張呢間富臨薈嘅點心唔係浪得虛明，真材實料！係我食過嘅點心之中最好食嘅一間，無論賣相定係食材都好吸引好新鮮，有圖有真相，去圖:餐廳佈置格調清幽，環境寬敞，地方好大唔使同人迫更加唔使話要搭枱。菜式選擇多，蒸炒煮炸樣樣有齊。呢味有雞先定有蛋先真係落足心機，其實即係傳統嘅鹹水角，不過賣相幾吸引，完全睇到佢份心機，旁邊二蛋殼上嘅係類似芒果布甸嘅甜品，一鹹一甜，idea非常創新,咬開勁多餡料，而且好香口，咬落索索聲，外脆內軟，絕對係即叫即炸！呢味名堂出色蝦餃果然係出色(賣相及味道)，透明皮嘅蝦餃就見得多，黑色嘅蝦餃第一次食，蝦餃皮好薄身，粒粒鮮蝦爆餡料，真心數過起碼有三至四粒左右冇呃你㗎！真材實料，而且好鮮甜。有蝦餃又點會冇燒賣，佢嘅燒賣加咗黑松露調味，同街外茶樓食嘅味道不同，而且燒賣唔會好似出面食嘅蒸到好乾皺晒皮，我諗係有埋左(Hin )令到燒賣冇咁乾身，食落滑脫脱又有咬口感！當然就唔少得腸粉啦，鮮蝦腸粉皮薄晶凝通透，韭黃份量唔會搶走鮮蝦本身嘅鮮味，蝦肉大大粒原粒整！正！推薦！溫泉蛋蕎麥冷麵再加雞絲，蕎麥面軟硬度適中，夠乾身所以撈埋個醬同隻溫泉蛋非常好味不過一碟醬唔係好夠，重口味嘅你可以問

位於沙田偉華中心2樓9A至9B舖的富臨薈，主打粵菜和點心。餐廳會推出不少應節的食物，用膳時是農曆新年，所以有幾款富新春特色的點心，點心的名稱也充滿意頭。首先來到的是豬年包撈起，撈起很適合新年吃，意頭十足，而且賣相也色彩繽紛。食客會一邊說賀年詞語，邊把所有材料攪拌均勻。廚師把各種蔬果切成絲，如哈蜜瓜、紅燈籠椒、青瓜、紅蘿蔔絲等，味道豐富，整體感覺清新。切成幼幼的條狀，不會太大條，口感細緻。發財大桔 - 柚子蝦餃來到了，賣相像一個個桔仔，十分可愛。蝦餃皮有淡淡的柚子味，質感乾爽不黏口，裡面的蝦肉餡爽口彈牙。之後來到的是招財進寶 - 紅豆鹹水角，這款點心的外型像個金元寶，來到時還是熱辣辣，外面脆卜卜，裡面紅豆蓉口感幼滑，甜度適中。甜蜜愛侶 - 麥香醬包的造型像一對小刺蝟，即點即蒸。餡料是麥芽醬，味道微甜，包子的質感也鬆軟，表皮不會又乾又硬。嘻哈大笑 - 陳年醉蝦上桌了，蝦肉質感實淨彈牙，有頗濃的酒味，是一款頗惹味的涼菜。子孫華滿堂 - 花膠蝦子撈麵來到了，花膠的份量頗慷慨，約有五至六塊，而且質感軟軟的，充滿骨膠原。醬汁味道鹹香濃郁，而幼麵的質感彈牙。

攻煮又出巡, 今次俾面老表， 去左沙田。估唔到入面都有平民fusion 菜, 係一間行廣東路線的fusion 菜。有時d fusion 菜又真係估你唔到, 毋須破舊，但亦能立新，在固有的框架上發揮創意，將傳統變成時尚，全靠大膽創意， 悉隨尊便。室內鳥籠設計師別出心裁，或者人人都係一隻愛吃嘅雀仔，餵到埋口即食!開始我地叫左d點心, 係黑金流沙奶黃包。外面似用毛筆寫書法，金筆一揮, 點綴左漆黑既包皮。呢個包主要以外形吸引人, 質感比普通的流沙包更軟實。呢碟鷄仔+ 雞蛋真係摸唔透.....名為「有雞先定有蛋先」，哲學題我唔識，唯有食左先講 。其實係名乎其實既雞蛋布丁，滑嫩順口的雞蛋布丁注入小蛋殼，濃郁香氣撲鼻，口感綿密滑順，滿滿的Valina 味。油炸鬼食得多, 腸粉都食得多,呢個洛神金花紅米腸粉combine 左兩款。腸粉的皮很薄，咬下去外軟內脆, 有d洛神既味道 (我估係山渣), 再沾少少酸甜醬確係幾襯。如果少d油就 perfect 了。一口咬落去就滲透住櫻花蝦的甜味，成口都係，味道出奇地好， 整盤炒飯的靈魂都在櫻花蝦 迷人的香氣, 漂亮的色澤， 已經令人想食了。攻煮通常鐘意食乾身，

之前見到朋友去食位於沙田偉華中心的一間中菜館，俾佢啲食物圖片吸引着，今晚終於有機會幾個人去試吓晚餐。臨近聖誕節仲有一個月就到了，餐廳特別推出聖誕大餐優惠，餐牌上的套餐食物圖片非常吸引，分別平時去飲茶必備的點心、前菜、主菜、湯、主食、甜品同埋特飲，非常豐富。先來點心紅米賽螃蟹餃及荷葉珍珠雞等，珍珠雞一籠兩件，其實遠處已經聞到好香嘅荷葉飯味道，而且粒粒飯都好入味，仲有紅米係入面，又可以食得健康。最期待就是燉湯系列，套餐包括滋補佛跳牆四盅，用啡紅色的瓦煲盛載着湯，原盅燉的。舀一啖已經見到好多配料喺入面，有雞腳、雞件同埋冬菇等，而且好入味，湯很鮮甜，果然真材實料！香草三色丸夠晒特別，碟中的食物黃綠黃綠色間着，就連賣相都充滿着聖誕感覺。主菜方面的繽紛芥蘭炒帶子也是應節食物之一，驟眼睇芥蘭好似一支支聖誕樹枝。當中的帶子有口感，咬到一條條帶子絲，證明帶子很新鮮。除了賣相很可愛的Flamingo桃紅色特飲之外，朋友還選了Mocha Coffee☕️ ，面頭的拉花很靚，咖啡味道甘苦，很濃郁。最後就是忌廉咖啡糕，為呢一餐豐盛嘅中菜畫上句號。

諗緊聖誕節想食聖誕大餐，就同朋友去到沙田附近搜尋下有乜嘢美食。為咗預早慶祝聖誕節，我哋四人就到了一個商場的中菜餐廳-富臨薈，這裏的環境裝修很有氣派，枱面是雲石花紋，大愛啊！餐牌的浪漫聖誕大餐有兩位及四位用，晚餐來說價錢非常抵食。先來點心-紅米賽螃蟹餃，一籠有四隻，棗紅色的外皮入面裝着滿滿的賽螃蟹🦀️碎，食落去蟹肉好有鮮味，而且蟹肉份量都幾多，好足料。前菜的冰鎮鮑魚聖誕樹🎄真是非常有特色，真是很像一棵真的聖誕樹似的，頂部插着四隻很大Size的鮑魚，而綠色的是西蘭花，還有一些三色椒好像陪襯聖誕樹的裝飾物。食落去鮑魚爽口彈牙，女士們必愛的滋陰食物系列。主菜包括有三款，當中的聖誕燒春雞是聖誕節必食的慶祝節日食物。廚師將燒春雞燒得好香，原隻上，果然係即叫即燒，還有一些玫瑰花瓣在面頭，影相一流！食落去外皮非常香脆之餘，雞肉肉質鮮嫩，必食！最後套餐還包括甜品及特飲四杯，就連特飲的賣相都非常有趣可愛。聖誕沙冰是由火龍果及香蕉攪拌沙冰而成，飲落去味道好Fresh，又唔會太甜，大人細路見到都鍾意！最後埋單都只係$1000左右，這一餐聖誕大餐我們都感覺非常超值，而且很飽肚，很滿足！

今日相約朋友到沙田食fusion點心，一入到餐廳已經bling bling bling，同傳統嘅酒樓完全唔同，裝修好中西合璧，又可保留返傳統嘅美，用玫瑰露酒和西式嘅deco做擺設，真的眼前一亮！喜歡食流沙包嘅我第一時間就揀咗黑金流沙包，一開d蛋黃醬係中間不斷流出嚟😍！另外，就叫咗個發過豬頭點心拼盤，中間有隻白豬豬🐷嘅包，又有個黃色嘅箭豬，另外仲有啲好特色嘅餃。當我搣開隻白豬豬嘅時候，覺得好殘忍要食佢落肚，但估唔到入邊係紫薯餡，香噴噴嘅紫薯，巧巧味！還有，啲餃有唔同嘅餡，墨汁做皮的餃，內裏包住好juicy的肉汁，yummy! 知道食點心都有啲肥，但又想keep住靚靚，所以就選了洛神紅米金沙腸！廚師真有心思，用咗洛神紅米做皮，紅紅的，包住脆卜卜嘅肉鬆，外軟內脆，很配！最令人回味的是蘭度炒鴿甫！啲鴿甫非常香囗又爽口，味道濃郁而不膩，配合埋芥蘭和櫻花蝦海鮮炒飯就好似隻乳鴿喺嘴裏跳躍！

世事無絕對，想吃精緻新派有創意的中菜，竟不在沙田城市廣場裡那些名牌大牌中菜餐廳，而是在一橋之隔的街坊商場裡。論裝修餐具陳設及擺盤，真的不輸給那些大牌野， 甚至更加好。而最重要有聲色之餘亦有真功夫，食物由賣相到味道亦到家。兩道前菜一濃一淡，蝦餃皮薄餡靚，爽脆有鮮味。皮蛋溏心，汁夠麻夠辣，實屬開胃佳作。主角酸菜魚叫了原味走辣，更能吃到魚片的鮮美與酸菜的化學作用，精華盡在那些湯汁之中。再來主食有星洲炒米， 菠蘿上碟賣相清新討好， 每一啖米粉亦沾上菠蘿的香氣。未夠喉，叫多個紅燒乳鴿， 肉質嫩滑，皮脆多汁，火喉炸到剛好，好功架！最後以脆炸糍粑作結，真正做到外脆內軟， 口感軟糯有溏心效果，沾上黑糖漿同吃，黑糖的甘甜尤其突出，芝麻粒亦為材料簡單的料理帶出幽幽香氣， 確是一道純樸內斂又高雅的甜點

蝸阿牛曾光顧沙田「富臨薈」﹐據說，這間餐廳走年青人路線，提供川菜、新派摩登粵菜，以及各式精緻點心。 餐廳裝潢時尚新穎，以碧綠藍為主色，地面鋪滿花紋地磚，再襯以白色大理石桌面，營造出輕盈素雅且活潑的感覺！ 挺喜歡這一壼金黃的茶，芳香撲鼻，教人精神為之一振。 餐牌選擇多樣化，教人目不暇給，一時難以作下決定﹗ 也許，是因為地點靠北關係，為吸引遊客，餐廳有一系列「尋味四川」的川菜提供，為客人帶來不一樣的味覺體驗。 個人而言，並不太好川菜。然而，蝸阿牛，卻蠢蠢欲試。朋友之間的相處，要互相尊重，盡量在異中求同，方能友誼永固。發過豬頭點心拼盤$68，是童心未泯的蝸阿牛推介的。一籠有六款造形得意、色彩繽紛的點心 - 鴛鴦餃、黑色流沙包、不是粟米包、鮮蝦菜苗餃、出色蝦餃和紫薯豬八戒。 不是粟米包的賣相像極一隻黃色粟米，友人說餡料有菇粒肉碎等。 黑古勒突的出色蝦餃與晶瑩白哲的鮮蝦菜苗餃，餃皮煙韌，一黑一白，一濃一淡，鮮味洋溢，相映成趣。 綠白相間的鴛鴦餃，稍嫌餃皮略為韌了少許，餡料有蘿蔔、翠玉瓜、冬菇等，素食之選。 外脆內軟的家鄉炸酥肉$