富臨飯店阿一鮑魚

营业中

休息中

原本可以同人一齊食既話，想試佢米芝蓮三星套餐，但一個人，試試佢午市套餐就算。因好個下眼訓，唔想飲茶，只叫滾水同叫佢上左咖啡先。睇「有啖XX」既片讚佢咖啡好飲，我自己覺普通；比起是但四五十蚊一杯既質素。（再諗返，好似同M記差唔多，無特別😅；唔講究既人，M記即磨已夠。%既已算好個種）我唔識咖啡，甚至係麥當勞嘅即磨咖啡都可以滿足到我😂。但我暫時飲到最好味最合個人口味既係robuchon既餐啡。點心三粒都好好味呀，要有既口感同鮮味都有。係正常size，同埋係適合俾人成粒放入口嘅size。諗起新同樂真係太大件😂。食完三粒個心已想返黎食點心。但個朝胃口唔好，飲完咖啡同埋食完三粒點心已經頂頂地。蕃茄薯仔湯好普通，味道係超級淡，完全接受唔到，茶餐廳既質素都去唔到。淡味唔係落唔夠鹽，而係一飲落就覺得材料好少個種淡，因為自己已頂住頂住，飲兩啖就叫人收走佢。整體好味，但我飽左，只食一細啖海參，三分二冬菇，菜都無食晒。攪到侍應問我係咪唔啱口味，如果唔滿意可再煮。印象中龍景軒服務一般，同埋其他貴中菜一樣，見你食剩都無問你有無問題，都係收走就算。（服務超好，因呢啲係book位既唔想no show；如果係食完係直

聖誕節🎄假期中午起身，想出銅鑼灣飲茶，即刻諗到富豪飯店，打電話訂枱，可惜full 左😞唯有預訂下個假期一月一日，奉勸各位，呢間美味店要早啲訂枱😅.二零二一年一月一日⛩希望大家都有一個新開始🎏疫情快啲過去🎊今日嚟到城中星級食肆♦️銅鑼灣富臨飯店阿一鮑魚♦️嘆茶，只有呢間飯店可以用個「嘆」字，環境舒適、水滾茶靚、點心美味可口、招呼一流😋當然價格亦都一流⋯⋯貴，不過係物有所值嘅👍🏻.兩個人點左：🥢鹵水鵝肉腸粉🔸鵝肉和腸粉一樣嫩滑，每件都佩上一件鹵水豆腐，好特別，其他中菜館沒有的。🥢蛋煎糯米雞🔸蛋汁非常薄，糯米香軟，帶點煙煙韌韌的，唔會一pat 野咁🥢豬肝燒賣🔸好大塊美味的豬肝，蓋過整粒燒賣，蝦和豬肉比例恰到好處，唔似出面全部都係蝦，由燒賣變咗蝦餃🥢煎蘿蔔糕🔸係一碟厚切的蘿蔔糕，每一口都是清甜的蘿蔔，大滿足🥢雞扎🔸大大件「棉花」索曬啲精華，我最鍾意，好食到冇朋友😝🥢蛋白杏仁茶🔸呢個中規中矩，始終利宛做得最好🥢薑汁湯圓🔸好香芝麻味，薑汁亦濃.如果你想食城中最好的點心，呢間一定唔會令你失望。它一直係我No. 1 的選擇🥇🏆🎖

「富臨飯店」、「阿一鮑魚」我自少就已經聽過很多次了，卻一直沒有機會嘗試...直至最近我看到介紹才知道他們推出了「米芝蓮三星套餐」之後，我就馬上有衝動想試一下😚既然是初次去鼎鼎大名的富臨飯店，所以特別安排在我的生日🎂當天去嘗試😋我們原定訂了晚市，可惜最近疫情比較嚴重政府禁止晚市堂食，所以我們只能改為午市了。當天到達餐廳後，我們就被餐廳門口擺放的富臨飯店創辦人及總廚楊貫一師傅的照片吸引，餐廳職員表示楊師傅本來每天都會親身到餐廳巡視、亦會與每檯客人逐一交流，但受疫情影響，年事已高的楊師傅最近已盡量避免親身到餐廳了。我們兩人被安排到一張四人的圓檯，座位非常寬敞👍🏻我們將本來想安排在晚市享用的「米芝蓮三星套餐」改為午市試試😋🥢落單後，職員隨即送上當天為我們主理的行政總廚黃師傅簽名後的餐牌給我們留念，還蓋上了當天的日子。此套餐第一道菜式是「鹽燒北海道帶子伴鱘龍魚子」，鮮嫩、熟度不錯，在帶子上的魚子也不會太鹹。第二道菜式是「蟹肉燒金勾翅伴高湯」，魚翅用雞蛋🥚和蟹肉🦀芽菜炒香，職員介紹用高湯伴著享用。魚翅炒得很乾爽，吃著有蛋香也有一點點蟹肉鮮味，芽菜也很爽脆，高湯味濃😋第三道菜是「阿一鮑魚扣鵝掌伴唐生

今次未有機會品嚐阿一鮑魚和小菜，先來一試米芝蓮三星的點心⭐️⭐️⭐️梅菜豬肉腸：第一次吃到這樣的蒸腸粉，意想不到的匹配，本來以為會很咸，職員話梅菜有事先適當的沖涼水，避免太咸，配搭新𩓙！阿一菠蘿包：剛剛焗起熱辣辣，親餡料竟有新鮮的菠蘿，名乎其實的菠蘿包！炸芋角：賣相精緻，芋角外層炸得鬆化不油膩，芋頭囗感軟腍，強烈推薦😙蝦餃燒賣：用上新鮮蝦，味道不過不失阿一炒飯：飯可以見到粒粒分明，廚師介紹原來沒有加鹽來炒，主要是用金華火腿汁、炸過的瑤柱絲來提升香味！陳皮紅豆沙：讃 👍🏻 陳皮味道濃郁，連糖水都非常出色😬

為家人慶生，選擇了此今年摘取三星店; 電話訂座時順道了解可携蛋糕到享用，回應係可以及主動說出不會收取切餅費的; 各人均抱希望而來，點取了米芝蓮三星套餐，每道菜餚均有水準，端上枱時均有介紹食材、分享烹煑技巧嘅妙處，我們都被其訊息逐點嗅嗅撲香及在口裏分析拆解， 尤其鐘愛是阿一鲍魚扣鵝掌伴唐生菜、陳皮咕嚕禸、金腿蛋白蒸龍蝦球、黄金煎堆; 食材鮮、菜餚味道佳、恰當招呼均令家人满意，係合適時間遞上生日蛋糕，同一時間贈送一籠六個蟠桃壽桃，並主動為我們拍照留念，主廚還親臨桌前打招呼，了解菜餚可令客人滿意否; 最後我們係滿足及歡欣地離去！

此富臨飯店不同彼🔵富臨⚫️不要相提並論。在門口一哥已筆直站着鎮場，同事稱他每天都在💪🏿，大概八時左右便回家。一心到來為了這套餐，絕對沒有失望，由於食物及服務質素實在太出色，席上已參考圍餐及其他散叫餸菜，將會再次到來享受優質餐膳帶子煎得金黃香口鮮甜，魚子鮮味。因不吃翅🦈，餐內的魚翅轉燉湯🍵，湯一點也不油膩，非常夠火候，濃郁且厚身。好歸好，但卻未致WOW一聲的質素。同伴吃的金勾翅，翅與湯分上，同事提醒不要混在一起吃，要一口翅🥄一口湯才達到最佳效果，翅份量不少，那口湯一入口真的WOW一聲，非常濃郁的🍖金華火腿香，不得了的美味，同伴吃得滋味，讚不絕口。第二個WOW聲是🐚鮑魚，阿一鮑魚名不虛傳，超濃厚鮑魚鮮味，味道非常精集，質地煙韌。我見識少，真的未食過這麼出色的鮑魚，很不捨得兩口吃完鮑魚鵝掌一口白飯無懈可擊鵝掌🖐🏿超級大隻，非常入味，鮑魚120分，鵝掌是100分。不容忽略的是那一小口白飯，黏黏韌韌配上芡汁，非常非常好味道，連白飯也是很有質素。🦞龍蝦蒸🥚蛋白，整體沒有什麼特別，原本以為是燉奶的軟滑質感，事實上比想像中高密度及挺身。龍蝦很大件，新鮮鮮甜。牛尾已經弄得鬆軟離肉，非常入味，薯仔🥔亦非一般

其實阿一富臨飲茶不貴，比五星酒店還會平少少。但茶每位$30，一碟陳皮豆豉醬$30，一碟金華火腿XO醬又$30。仲有一碟腰果$50。兩個人，連加一未開始叫點心都百幾兩百。但係腰果是金黃烘脆，不是貪快油炸。豆豉醬真係有陳皮，豆豉又不咸可以一顆顆食。XO醬當然又係好嘢啦！點心選擇不多，都係好食的。蝦餃是傳統13摺的，放在嘴裏都覺得幸福。棉花雞在碟底放上荷葉，雞有雞味，當然不是用梳打粉醃制的。豬膶燒賣當然好嘢。這兩樣點心都不用加粉醬，食在口中，只係鮮味！潮州滷水鵝肉腸粉，鵝肉非常美味，仲有滷水豆腐墊底。鵝肝竽角炸得非常鬆脆，餡料除鵝肝外，尚有非常爽口的菇粒。甜品是蛋白杏仁茶，糖水另上，配芝麻煎堆自然一流。壽星公蛋白蛋撻，曲奇餅友，蛋白餡有點流心。阿一老伯伯監場，服務人員貼心，茶冲好就過壷，每次服務哥哥走過都幫忙加茶，自己動手添茶不過三次。就算只係食幾樣點心，無食鮑魚，服務都係一流。自然食得開心！

不用多說這間明星飯店都是對很多人是好奇的，這十年餐牌價錢已經向下調整了不少。但現在這個價格基本上都是標準高級食府的價錢，與泰國的阿一分店相比，一張機票的價錢2000元有找，算係很抵食。以往一餐所費是是一張飛機票加泰國的阿一鮑魚一餐，所以親身飛到泰國食都是化算。套餐上貴精不貴多，每一碟都是黃金陣容，只是有點可惜在後段不能完美結局，就是這個杏仁蛋白茶。當天節日特別安排是紅豆沙，但我想到泰國那間分店就是燕窩杏仁茶，杏仁味香濃，粘度剛好，燕窩也是滿滿，只要你找林經理他是香港人，我會給你一個好的安排，他鄉遇故知。點知尾段這個杏仁茶成為這餐飯的敗筆。服務態度都算殷勤，但食了6000大洋都是自費3小時，42一小時，奉勸大家可以泊時代廣場。至於尖沙咀那間，是另一條專為遊客而設，食物材質服務環境基本上都不是同一級別，但價格卻是非常接近呢，要慳一點還是食好一點，沒有人能阻止你的決心。

幾個星期前，住上環嘅大伯話要請我食生日飯，叫咗我去富臨飯店食飯。其實之前都有去過飲過茶，都覺得好好味，但無認真食過飯，所以都有啲緊張。前菜上枱四小碟，菜式唔錯，魚餅同埋嗰鴨舌都做得幾出色。個燉湯完全係老火湯，非常出味，用料十足，飲完全身都暖笠笠。主菜溏心鮑扣鵝掌，鮑魚做得好彈牙，有口感，鮑魚中間依然煙靭，用刀一切就可以切開，鵝掌入味，加上鮑汁整體非常美味。糯米釀雞中翼，手工繁複，米吸收了雞皮油香，非常可口而皮非常香脆，生熟剛好。最後上的炒飯亦非常香口,有蛋香及有鑊氣，廚師功架盡顯。甜品仲有好多懷舊酒樓甜品，有我最愛的芝麻卷，都好少見到嘅點心。講真價錢絕對不便宜，但係覺得物有所值，因為今晚唔使我自己買單！

去年榮獲三星米芝蓮的富臨飯店，最近大玩創意，將點心年輕化，限定推出為期兩星期的四手點心lunch，只限於星期一至六於午市時段供應。 這個一共有十樣美點的套餐，每位$480，食材頂級，有乾鮑魚餃、鵝肝芋角、鹿茸菌黑蒜湯、鮮蟹肉卷、15年陳皮燉蛋等.....我們不禁邊吃邊驚訝，因為實在是不惜工本。富臨的鮑魚汁實在是冠絕全港，放係碧綠色的菠菜點心裏面，味道極之醇厚。鵝肝芋角是另一令人驚豔之作，沾上桃汁吃，中和了肥膩感。這裏的乾灌湯餃一向出色，正宗皮薄餡靚，加埋黑蒜高湯，味道超濃郁，美味程度爆燈。金湯玉露卷盡顯大師傅公架，將紹菜切薄片，捲着新鮮蟹肉及蔬菜，最後淋上富臨招牌高湯獻汁，味道層次感一流，稀杰度剛好。甜品也有驚喜，用15年陳皮燉蛋，效果非常討好，沒半點苦澀味，燉蛋質地亦做得超級滑溜。富臨的蛋白杏仁茶一向是我的最愛，但這個套餐講到明要創新，杏仁這招牌項目，低調地化身成杏仁脆片，用來伴咖啡喝一流！其實我們什少用咁多筆墨去形容食物，但今次實在太美味了，忍唔住多寫兩句。講返兩位師傅，林國威師傅入行20多年，是富臨的點心部一哥，今次夥拍創意多多而廚藝功夫同樣紮實的周世韜師傅，成功糅合傳統

依然在那些年的我，某年某日應邀某君的首次約會，於富臨飯店晚膳，本以為是平常一頓飯，怎料吃了一頓唔記得幾多頭的乾鮑、燕窩、班翅餐，溏心鮑魚見識到了，生意人的闊綽亦見識了，每人平均消費五千多元在當年頗震撼，至今記憶猶新。之後再去過一兩次，無咁豪，但都是盛宴。早年國內豪客不乏，我這些小薯，對戴著傳統富豪飯店之名的富臨，心理上總有些望而卻步，因此遷至現址數年，依然未曾來過 ！近日得知富臨推出四手美點，也許想追及時代步伐改改形象，心想，正值重臨之時。 摩登中菜名廚周師傳，在莊館之時我本已慕名，但機緣巧合，閉業前未曾有機會前往，這是我來之另一原因。話說過來我，並不太欣賞什麼四手六手，總覺得貫徹方面容易出錯，不過今次沒有怎様。周六中午準時到達門前，一哥親自招客，當然係我識佢，佢唔識我！坐下來發現每張桌上早已放上兩款辣醬及花生，我們碰也無碰，原來每碟收費$30，三碟共$90！我認為這些不公平收費的做法已經不合時宜，我沒有做過統計，但單憑最近經驗，半島嘉麟樓贈送琥珀合桃，萬豪金殿送上精緻小盒腰果及窩心洋蔥蜜糖水，瑞吉的潤沒有醬芥費，舊派如西苑只收一份芥醬小吃$20，不多說日式、西式餐廳皆努力以小吃感

由於要開始吃低糖低碳生活，友人們好好特登挑選吃中餐。好久沒吃過好吃的叉燒，這裡還不錯吃呢。然後粉絲大蝦，粉絲留給阿女吃！牛尾忟得好香，但感覺下了很多糖。菜有點老，立馬叫他換過，態度還是不錯的，不過不失，開心的晚上😻

市道不景，富臨今星期開始竟然推出中午外賣客飯，只供信和廣場的租戶，$100富臨現時星期一至二不營業昨日同事食過話唔錯，味精不多。我以為老細話星期五請大家食，原來是今日，我唯有明日才食番我帶的飯落單時有問你幾樓，我心諗求其講層數都得啦我去拎飯，因昨日同事受到一位經理和兩位侍應殷勤招待可惜今日無，經理有出來望下今日見到多人訂包娃袋靚今日套餐牛蒡湯鼓汁煮牛肉紅豆沙每一碗用保鮮紙包住我覺得質素一般，不過$100可食到富臨，都值，如果有鮑魚就好！我問可否有款可揀，酒樓話暫時無

This Cantonese restaurant has always been branded as the rich's canteen, with more than 40 years of history, founded by the famous Master Yeung Koon Yat, renown for his Ah Yat's Abalone, which won awards all over the world. Now passing the baton to the next generation, with Executive Chef Wong Lung To leading the team to continue offering diners the great dishes. The restaurant had just been promoted to the Michelin 3-star status yesterday, and so tonight there was a festive mood, with Chef Wong

繼續分享高水準點心：這頓飯已是七月中吃，當時忙著準備旅行沒有寫，回來後又遇上811北角富臨福建人打人事件，為免誤會就暫放一邊。其實，早在1977年創立、以阿一鮑名震天下的 富臨飯店 Forum Restaurant，與1992年才成立的富臨集團 Fu Lum Group 非但沒有關係，前者更入禀高等法院控告後者侵犯其注册商標及構成影射，大家不要搞錯啊！對這間連續數年榮獲米芝蓮二星的富豪飯店，不少人的印象還停留在駱克道的地舖；其實 富臨飯店 搬到信和廣場已經數年了。數月前與院友們來飲茶，一開首就被店內手工製的陳皮瑤柱豆豉醬所迷到，沒想到豆豉醬可以這麼好吃！但售價也是嚇人，在場享用過就算了～還記得鬼才林振強說過「飲茶不點蝦餃，就如如廁不放鬆，徒勞無功。」；何況這裡的蝦餃被冠上楊貫一的簡名，不可能不點。阿一蝦餃皇 $80 甫上檯，澄皮不夠剔透、賣相十分平實；但除了皮薄爽滑，中間的蝦肉更是無比鮮甜又彈牙，果真有料到！三個女人聚會沒點富貴鮑魚了，但每人一份鮑汁 北菰炆鵝掌 $60 不過份吧！不得不說，這裡的鮑汁真的超！級！美！味！鮮美得來非常甘醇，扣在軟腍的鵝掌之中，那份纏綿，難以形容。當然，肥