富臨飯店阿一鮑魚

营业中

休息中

因個别因素這頓原來6人的7月生日午餐變成一個虛的飲茶，須然人少了但不變的是依舊吃得開心！而能夠品嚐富臨飯店阿一鮑魚的高質點心就更加稱心了！ 富臨飯店阿一鮑魚連續數年榮獲米芝蓮二星榮耀，食物質素相信是無容置疑的好吧！ 甫坐下檯上放上古早XO醬和陳皮瑤柱豆豉醬，是富臨自家純人手製作均不含防腐劑，從來不愛吃原粒豆豉的我對於齒頰留香的陳皮瑤柱豆豉醬甚為喜愛，喜歡的可買回家品嚐但限量製作想試的要看看緣份了！ 我們先選上數款點心打頭陣有阿一蝦餃皇＄80，澄皮挺爽身但非透薄的那款，內裡蝦肉鮮甜彈牙口感超好。 我從少已很喜歡吃干蒸湯餃但現在要吃真的不易找啊！所以一見有懷舊瑤柱干蒸湯餃＄160也即時點上一客品嚐，皮薄湯鮮餡足吃得我很滿足耶！！ 接著是南澳帶子脆米腸＄90，賣相圓滑的脆米腸擁有外軟內脆的夢幻口感，配合鮮味十足的蝦肉、澳洲帶子、茼蒿等餡料，味道和口感都是誘人之作好吃好吃。 院長必吃推介這北菰炆鵝掌＄60，用上鮑汁來炆鵝掌入味不在話下，那軟淋度亦控制得恰到好處口感很讚，還有滑溜厚肉又足味的香菇，如是以往相信要點個靚仔來佐吃！ 吃了幾款點心都挺滿

My second time here for dim sum. Great ambience and service. Lots of space between tables. Dim sum quality was good. The stewed tribe with turnip was the best in town. The shrimp dumplings were excellent. I also loved the deep fried glutinous ball w minced pork - the outside skin was so thin and light. The deep fried taro, spring rolls and the steamed rice flour rolls were also good.The XO sauce rice flour rolls was average I thought. In order to nicely stack up the rolls, they did not really

晚飯不是常客 但耐不耐都去下 食物質素唔使講 ， 不過 今日同屋企人去飲茶 食點心 ，啲點心 好正， 我第一次喺嗰度飲茶， 我好少冇投訴， 尤其是個鮑汁芥蘭， 真係唔錯, 唯一美中不足係覺得個甜品師傅功力麻麻, 因為叫咗鬆糕 蛋撻 煎堆仔 都好一般甚至唔係太入流, 好似同間酒樓嘅其他食物脫節咗咁

阿一呢個名，細細個睇電視時成日都見佢賣廣告。不過從來都未食過，今次都係第一次嚟食由於世伯生日，所以我地一行六個人一於食好啲，叫咗個阿一鮑魚豪華宴（半席）。先嚟富臨四小碟，雖然叫小碟，份量都唔算細。呢碟燒汁牛坑腩片炆得唔錯，油花分佈平土均，食落一啲都唔韌，食落好軟熟。椒鹽鮮魷食落唔油膩，外層鬆脆之餘，入面仍然保持到魷魚嘅爽滑！呢個滷水珍肝荳腐相對前兩個前菜嚟講，比較普通，同一般潮州店食到嘅差不多，無乜驚喜！松茸菰鹿茸螺頭燉湯超足料，味道好鮮甜，飲得出真係煲咗好耐，唔係溝水之後到鮑汁遼參扣鵝掌菜膽拌，鵝掌炆得非常軟腍，近乎入口即溶；而海參入口爽口、富有彈性，好容易就可以咬斷嚼爛，啱晒老人家食。呢條東星班又係抵讚嘅，蒸嘅時間恰度好處，係啱啱熟嘅狀態。肉質嫩滑，唔洗一陣就比我地食清光！鮑汁遼參扣鵝掌菜膽拌好啱老人家食，鵝掌炆得超腍，近乎入口即溶！而遼參就爽滑有咬口，配埋個鮑汁，令到味道再升高一個層次之係係燒雲腿鴿蛋龍蝦球，請恕我學識淺薄，咁大個女都係第一次食鴿蛋，一開始食以為隻蛋唔熟，所以蛋白係半透明。但切開中間一睇，發現蛋黃係熟嘅！正當我地好奇緊廚師點煮，先可以令到蛋黃熟，而蛋白唔熟嘅時候，

早前用信用卡積分換左4百蚊現金券，今日終於同阿爸阿媽黎試下飲茶食點心。即興打去book位都有位，原本1:00，點知趕唔到，再打去改遲D，職員提醒2:30 last order, 要3:00離坐。約1:45到達，仲有幾張枱吉枱。侍應都好似好心急，睇下我地落單未。快快趣睇左點心紙，選擇唔太多，好快就揀咗D點心落單。點心雖然即叫即整，不過都好快上枱。樣樣都熱辣辣，緊係加分啦！飲茶當然要食蝦餃燒賣啦！兩款點心都爽口好味，唔係一般酒樓貨式，叫做物有所值啦！另外，菠蘿叉燒包和海鮮卷都係值得試試。菠蘿叉燒包外鬆內軟，叉燒味道亦適中。鮮蝦黃金卷熱辣辣同脆卜卜，餡料亦都豐富。 棉花雞都好滑，亦都算份量多。唯獨XO醬煎腸粉就好辣，連我食開辣既都覺得勁，老人家緊係接受唔到呢個程度既辣啦！另外，蘿蔔絲煎魚餅就一番啦！除左點心，我地叫左個金蠔肉崧煎脆米。我就覺得幾好味，個汁好有蠔既鮮味，個米餅又煎到脆卜卜。不過老人家就唔太喜歡，覺得D米粉太硬。整體上，我覺得最欣賞就係環境舒服，點心又熱辣辣。不過，老人家就覺得點心都幾好，不過價錢亦唔平，叫做不過不失啦！

入到富臨飯店，一眼就望到呢對字: 「阿一鮑魚 為國爭光」厲害！究竟應該點形容呢位廚神呢？一個字: 掂兩個字: 經典三個字: 楊貫一四個字: 富臨飯店五個字: 銅紫荊星章六個字: 世界廚藝精英七個字: 美國五星鑽石獎八個字: 世界御廚最佳廚師九個字: 世界御廚駐香港大使 十個字: 代法國總統頒贈銀碗獎仲有？11個字: 法國農業部最高榮譽勳章12個字: 阿一鮑魚始創人董事總經理仲有?？13個字: 再唔開飯我真係會肚餓到打人!! (請原諒我心急) 😁😁尋晚呢餐飯， 都可以話係我咁大個仔食廣東菜以來，最好食嘅一餐，絕對係我嘅經典飯局。用心去做，精心製作，上佳材料，超凡廚藝，廣東菜頂班之作，一哥好嘢。最開心係一哥坐埋喺度一齊食，一邊講解菜式，一邊暢談往事，特別是他如何將鮑魚地位提升，從切片碟頭菜升格為原隻食矜貴菜。還有他做菜給達官貴人，國家元首，商界名流等等的軼事趣聞。餸菜出色，故事動人，仲想點？好，首先出場係紅燒雞湯翅，個翅身夠粗夠肥， 但又好滑好嫩，個湯濃得嚟入口清甜，質地滑不留口。招牌菜鵝掌鮑魚又點會失手，日本鮑一定靚，用刀切落去時把刀好似被腍實，要慢慢拖番出來，夠哂溏心。「切鮑魚，你地知

今天同hubby 試試米芝蓮二星的中餐廳。餐廳裝潢摩登，走高端路線，枱與枱之間不會太近。春卷：春卷脆而不油膩，餡料有蘿蔔，沙葛和 瘦肉等，味道平平唔太突出。酥皮叉燒包：肉餡比例較少，餡的蜜汁唔多，整體感覺似食坊間連鎖店的叉焼包一像。蝦餃：十分細粒，蝦餃皮很易破，一如即食點心大小；蝦肉爽，蝦肉比豬肉比例高，但味道唔係咁鮮味。排骨：排骨肉質嫩，唔會太肥太韌，味道很一般，無乜肉味。珍珠雞：糯米軟稔，饀料有瘦肉咸旦王等，但味道普通，汁唔多。總結：是次的點心 午餐味道平平，坊間有更多更好同更價錢合理的選擇。

2016新晉的《米芝蓮》二星粵菜只得兩間，由國際廚神楊貫一先生所創辦，Since 1977年的「富臨飯店阿一鮑魚」是當中最為觸目的老字號名店。在新一年之始，當然要吃最好的，是夜 ‪#‎公子飯堂‬ 包下VIP房筵開三席，與食友們一同品嘗由一哥親自監製的經典粵菜，城中最佳的乾鮑魚汁伴波蘭鵝掌外，以乾瑤柱取上湯的釀蟹蓋也是人生必吃一次的雋品。席上親切隨和的一哥逐一跟大家握手、合照，聽站在粵菜最高端的前輩分享處世之道，較之食物，是夜學懂更難得的道理。千金難換難忘之夜，謝謝一哥善待食友的厚道，亦謝謝食友們的支持與祝福。祝大家2016年事事順利、飲龢食德

農曆年收到阿一鮑魚禮盒，今日假日正好作午餐。一盒有真空包裝鮑魚及冬菇各四只，鮑魚麵四包，每只鮑魚直徑若兩吋，冬菇約吋半，中等面積。註明建議加熱水滾便取出鮑魚，鮑魚汁及冬菇可多煑幾分鐘，放在碟子上用刀叉吃，滿足感大些。可惜未如預期滋味，醬汁濃郁有水準，但鮑魚質感過柔韌性不足，本知道無法與乾鮑相比，但實在清楚嚐出鮮鮑之肉質。飽魚汁伴飯始終滋味，不失為絕配。鮑魚麵幼身爽口有彈性，微微鮑魚香，以清水煑不加調味料似乎淡口了些，不過不失之作。以一哥之名氣，鮑魚禮盒送禮佳品，但論食品質素，有待改進。

富臨飯店的老店, 曾經連續五年得到一星, 新店搬來了信和廣場, 轉眼又得到一星了, 單計這一年, 暫時跟徒弟打成平手. 這天就一家人來飲茶, 看看水準跟昔日相比有沒有大分別.這裡的環境走平實的路線, 但就是幾舒適的. 打開餐牌看, 價位比舊店實在貴了不少, 跟徒弟相比, 當然就是豪華版本了.蘿蔔絲酥餅 $60: 7分, 首先由炸物開始, 蘿蔔絲酥餅新鮮炸起的, 熱辣辣, 但實在偏油膩, 還好的是酥皮是幾香脆的.黃金荳沙煎堆 $45: 7分, 至於黃金荳沙煎堆也令人有小失望, 煎堆皮太厚了, 沒有應有的煙紉感, 不過內裡的荳沙餡料很香甜, 挽回不少分數.龍皇海鮮批 $85: 6.5分, 一場來到, 也要來些推介項目, 在阿一特點精選中, 揀來龍皇海鮮批. 個批本身質感是幾鬆化的, 洋蔥白汁亦算惹味, 但吃來吃去也不太吃得到有海鮮, 究竟為何命名為龍皇海鮮批?蠔皇叉燒包 $45: 7分, 接下來就是小吉時間, 因為蠔皇叉燒包就是為她所點的, 當然, 她吃的只是包身的部份, 夠鬆軟, 很適合她吃, 但叉燒的肉質就不太對辦, 要扣點分.合桃茸甜飽 $45: 8分, 幾款包中, 要數合桃茸甜飽最

每一年的大年初一, 總愛一家人共進午餐, 來個新年茶. 這一年, 雖然小吉出生了, 但是這個傳統, 還是繼續. CEO選擇來這家一星店吃午餐, 起碼單計環境, 一定很適合小吉呢.還記得年前曾經跟CEO在富臨舊店吃午餐, 水準相當不俗, 這次還是第一次來到新店. 這裡的裝修不錯, 我們的位置靠窗, 自然來得更加開揚. 看看餐牌, 點心選擇也不少, 就在當中揀選了我們的心水.蘿蔔絲酥餅 $60先來的是炸物, 蘿蔔絲酥餅, 剛剛炸起, 熱度對辦, 酥皮也幾脆身, 但有點油, 而蘿蔔亦未夠香甜, 好像早幾天在另一新店吃的更有水準呢.黃金荳沙煎堆 $45新年, 也要吃應節食品, 這客黃金荳沙煎堆就很合適. 是炸得幾香脆的, 但是個皮不夠煙紉, 也太厚身. 還好入面的荳沙餡料是幾香甜的.龍皇海鮮批 $85接下來的, 就是阿一特點精選中的推介, 龍皇海鮮批. 賣相不俗, 批身是幾鬆化的, 個洋蔥白汁是幾惹味的, 不過入面的海鮮就不太足料, 叫作龍皇海鮮批, 好像有點名不符實呢.蠔皇叉燒包 $45小吉最愛吃包包, 蠔皇叉燒包就是她的心頭好, 當然要來一客, 且看一星叉燒包她又喜不喜歡呢? 答案是: 她

三月四日 (星期二)在銅鑼灣，早前留意港鐵出口對面的富臨飯店阿一鮑魚已變成翠華原來，是搬到一街之隔的信和廣場是晚得友人相約，前來飯聚，品嚐一下新店的質素頭盤三小碟，雖說是小碟，但份量一點也不少當中最喜歡的，是富特色的福建豬肉捲內裡釀了豬肉,馬蹄和蔥粒，吃起來豬肉甘香豐腴又夾雜著爽口的馬蹄，質感不俗更難得的，是做得不油膩，吃得更愉悅三款中較普通的，反而是挺期待的蜆芥鯪魚球炸成金黃色，質感尚算彈牙，不過魚肉味則稍欠另一道則是開胃的蒸蝦乾頭抽其實這道菜式製法簡單，在家也可以自己弄蝦乾的鮮味與頭抽的咸香挺配合，實在是開胃前菜接著來碗湯水，是晚有西洋菜生魚煲豬踭這碗老火湯非常足料，生魚味道尤其突出，味道香濃不膩入主菜，是其中一道招牌菜天白菇扣鵝掌小丸子不吃鵝掌，只試了其中的天白菇其實一直也不太愛吃菇類，但一試無妨厚身的天白菇，吸收了濃郁稠身的鮑汁，非常美味不得不讚阿一的鮑汁，鮮味滿溢，能大大提昇配菜的鮮味另附上的爽口生菜，放進了鮑汁，頓時也變成佳餚食友們更點了白飯，實行來個鮑汁撈飯愛吃魚但又怕魚骨，這糖醋菘子龍躉球非常適合小丸子龍躉球的肉質嫰滑，炸得不乾身，炸漿也薄薄的再淋上酸酸甜甜的糖醋醬，鮮

2011年尾，黃毛小子XO仔有幸踏足有「富豪飯堂」之稱o既富臨飯店阿一鮑魚，化身成為三小時o既富豪，享用咗一頓「超強VIP 宴」，飯局o既情景至今仍歷歷在目，淨係睇返啲相都足以令細佬回味無窮  。2013年，各大報章雜誌陸續刊登有關「富豪飯堂」因租約問題而搬遷o既報導，年尾名廚阿一師傅更親自出馬，四周圍做宣傳。2014年初，2011年請客嗰位VIP Uncle專程打咗個電話比大肥爸爸，相約去富臨新舖聚餐，仲千叮萬囑要帶埋XO仔添；uncle咁有細姪心，細姪當然係要推哂同女朋友o既約會去做富豪啦  ！雖然兩個舖位同在銅鑼灣核心地段，分隔不遠，但富臨飯店新舖明顯比舊舖更為高級方便。代客泊車服務設於信和停車場口，信和中心內到處有扶手電梯，故食客無需再為行樓梯要擔憂。飯店室內裝修增添咗不少潮味，同時亦不失中國傳統色彩；正門一幅用真皮所雕琢而成o既招牌壁畫  ，及大廳中央o既阿一雕像都令肥肥家族留下咗深刻o既印象。新店比以前光鮮、整潔、衛生，室溫冷暖適中，環境寬敞舒適，格調亦較以前高雅，更有富豪feel 。據悉，新舖面積比舊舖大，樓面亦較高，可容納約二百多位客人。餐廳一樓設有散座及八間大

數年前跟食友去舊店參加過飯局，雖然沒有吃到鮑魚，但菜式水準甚高，特別是燴煮的菜式，醬汁非常下飯，還記得有食友不想浪費而打包回家撈麵。事隔幾年，舊舖因租約期滿，店方決定搬到信和廣場。新店比舊店多了二千多呎，而且斥資二千多萬裝修，更有不少藝術品與名貴畫作，別具氣派。在沒有菜單的情況下，今天完全不知道會吃些什麼，在有點緊張之餘，每道菜式都很令人期待。阿一鮑魚扣鵝掌。記得以前曾經說過，自己喜歡罐頭鮑魚多於乾鮑魚，因為以前未有吃過好的乾鮑，而今日吃到的，就讓我認識和品嚐到什麼是真正的溏心鮑魚。鮑魚中間黏黏軟軟，入口質感柔軟，但仍保持一定程度的彈性。鵝掌炆得夠入味，口感軟潤腍滑，真的美味得想多吃一份。瑤柱焗釀蟹蓋。吃過不少焗釀蟹蓋，但這個是看過最漂亮最金黃色的，而餡料加入瑤柱也是第一次吃到。要在蟹蓋裡釀入瑤柱不容易，而因為蟹腳肉要配合瑤柱，也要撕成一絲絲，足可見其心思。吃著每口都是滿滿的蟹肉與瑤柱，兩者味道平衡得很好，非常有驚喜。蹄香羊腩煲。今個冬天相當有食神，一共吃過三家質素超高的羊腩煲，其中一家就是這裡。羊腩用中型黑草羊的蝴蝶腩去炆煮，一件件排得很整齊，每件都是皮連肉，脂肪不會太多，吃起來肉質

經營成本向來都是餐廳需要面對的難題，就連把香港飲食推廣至國際的「一哥」，亦因為加租壓力而要遷址。新店剛於一月八號開幕，除了鮑魚外，亦試到一些懷舊小菜如羊腩煲、焗蟹蓋取價亦公道，後者釀入瑤柱絲而蟹肉掛滿嘴，又鮮又甜是「名人坊」外的好選擇，一客不過$230，打工仔亦花費得起。