小王牛肉麵 (已結業)

初次光顧小王牛肉麵🤔其實之前都聽過人地講話唔好食，但都想試下，而且係中秋節晚上亦較少人等。例牌order碗牛肉麵，佢有好多唔同combination，例如淨牛腩、淨牛筋、淨牛肉、半筋半肉等等，另外麵條都有分粗麵/幼面。我order左半筋半肉粗麵牛肉夠淋身，但牛筋太過淋，冇乜口感，湯底亦帶有藥材味，有點奇怪唔係太夾，麵質都算ok。另外都order左兩個小食-鹽酥魷魚鬚&鹽酥雞一個字-乾👎🏻👎🏻

所有野都整得好求其，半筋半肉麵，筋冇筋頭，num到好似扣肉，肉又冇牛肉味，好似罐頭肉。個湯就更加系，色就好濃，但飲落完全冇味，搞到d面都冇味。沙爹牛肉拌麵又系，完全冇沙爹味，d肉系罐頭沙爹肉，吾講以為系豬肉。仲要d野食好少份量。雖然鋪租係好貴，但係都要比人食飽先得架。涼拌麻辣藕片，22蚊得十塊好薄嘅，仲差過三哥。真系睇個鋪頭幾整潔先入黎，但完全好失望，好好好失望好失望好失望好失望好失望，一定冇下次！！

星期天的青衣城，很多食肆也要等位。我們兩時多來到「小王牛肉麵」，等了十多分鐘就有位，也算行運吧！小女生鍾情牛肉麵，所以叫了一碗牛肉粗麵，我倆本想吃台式香腸，但今天沒有供應，所以我只好選了簡簡單單的肉燥飯，再加一杯珍珠奶茶 。肉燥飯肉燥飯的份量不算大，女生剛剛足夠。肉燥不會太咸，伴飯吃一流。那三片厚切青瓜，為單調的肉燥飯加添了層次。原汁牛肉麵我們選了粗麵，麵條煙韌彈牙，牛腩份量頗多，而且很厚很淋，伴有少少筋，肉汁豐富，湯底是濃濃的牛肉湯，真的很好味呀！飲品價錢合理，但味道很淡，珍珠也不夠淋，有點失望。比起其他的台式餐廳，這價格屬於中價，食物味道也屬不錯，下次也會再次光顧。

I was starving one day and tried to get food as soon as possible. Throughout the whole marine city, this place was the only place without a line. I usually do not go to places where there's nobody waiting, but I was hungry as hell so I gave it a try.The whole place was very spacious, so it was quite comfortable to dine in here. I randomly picked the Taiwanese style noodle with minced pork and beef soup. It was tea time, so the noodle was only ard $3x -$4x with a drink. The Taiwanese style noodle

之前去完台灣，念念不忘台灣既牛肉麵。返黎香港，口痕既時候，就走去近年先開既小王牛肉麵，頂一頂下個台灣癮。呢間係說是正宗的台灣牛肉麵專問店。以寫紙仔形式落單。除咗牛肉麵，其他款式都好多。講明係要頂台灣癮，當然係要黎食返個招牌牛肉麵。就算係牛肉麵，呢度都有分幾種。有半筋半腩、都有全腩等等。咁我就當然食返個半筋半腩啦。份量都還OK，與價錢相比，都算相宜。個湯，很有台灣感，不會太咸，也算不錯，值得一讚。仲有，筋部份唔會好肥，所以個湯唔會油笠笠的。筋很彈牙，而腩肉部份，係用上牛𦟌的腩位。中間有著Juicy的筋在中間，腩肉很鬆化軟腍。牛味濃郁，入口半化。以香港黎講，食到台灣味的牛肉麵，很不錯了！

原汁牛肉麵 $53，牛筋腩很嫩腍鬆化，而且不痴牙，牛肉味濃郁，麵條類似刀削麵，有點嚼勁，湯頭濃而不膩，更多份香料味。肉燥鹵蛋拌麵 $46，涼拌的很清爽，底部有辣椒油醬油，拌勻再食，味道咸香微辣很惹味，醬料偏少，拌完剛好，麵條同樣帶咬勁，鹵蛋算入味，鹵汁較一般的味道重，很強的香料味。胡椒咸菜粉腸鍋 $65，原鍋上枱微微暖，所以環等煲滾才好味，咸菜太少了，胡椒味也食不出，但有辣椒的辛味和很多薑絲，感覺味道不夠正宗，幸好粉腸乾淨沒異味，質感粉腍。

放假去青衣城食飯搵位簡直係個災難！但係新開嘅小王牛肉麵竟然唔係好多人排隊！食返除咗講味道我仲好注重服務質素！連鎖麵包店嘅服務質素一向都唔好，但係呢間例外！我問店員鍾意粗面同幼面邊個多人叫啲？佢都一一解答！食服務質素都抵左!最鍾意食半筋半肉面我習慣叫佢多冬菜！食物：3.5x服務：5x環境：3x

由於趕飛機，叫朋友先揾位。坐低佢就同我講話有時間限制。一個鐘！一個鐘？點知又真係一個鐘就得喎。叫咗嘢食冇幾耐就已經上曬枱喇！前菜肉鬆皮蛋，肉鬆好甜，皮蛋都切得幾細粒。無左果d 半隻皮蛋或一隻皮蛋咁上，咁有睇頭。肉鬆既甜加上皮蛋果種獨特既味都配得幾好。但皮蛋真係太細粒喇。牛根好林，但係好容易覺得飽。「張」口既。全部都煮林晒。最唔得既係腎。我唔知大家食腎會要求d 乜，但我要既係咬口。呢度既腎一d 咬口都無。真係好失望囉。

食過咁多間牛肉麵，佢都真係算最難食嗰間呢到裝修係幾靚，同坐得都算舒服，所以本身都幾期待佢地嘅牛肉麵。但可惜...呢個原汁牛肉麵（$52）首先係湯底唔夠熱，我覺得任何麵都好，唔夠熱呢吓都算係死罪！所以食第一啖時，已經無乜好感講番牛肉，牛肉唔夠腍之餘，仲無乜牛味...失望！而麵質方面仍唔夠煙韌，究竟佢何得何能攞到台北牛肉麵節嘅雙料冠軍呢？真係挖爆頭都諗唔明如果要係香港食牛肉麵，我首選依然係程班長！

系青衣城行完街,夠鐘來個晚飯。除左快餐老麥同炸雞爺爺,幾乎所有都排長 龍…既然都系排,排間招牌有罷氣的!揀左《小王牛肉面》,侍應招呼親切,落單亦爽手,叫了一個鹵肉飯,鹵肉面同三杯雞。鹵肉入味而不會過鹹,亦少肥豬肉粒,啱晒怕肥既人,但飯的汁可以多點,才不至於吃到尾只得白飯。至於卥肉麵,就汁與面份量剛剛好,面條寬身煙澀而不會太飽滯,卥蛋,也是適合香港人囗味,不會太咸～👍🏻到最後三杯雞,反而較為遜色。比暏暏雞還淡味,肉亦不較滑,下以可以留個機會試下其他菜式🙃整體黎講也有70分, 滿意的🤡

牛肉面，面唔得唔Q又粉粉地，卤肉饭冇味，卤蛋白晒晒，红油炒手冇紅油好似猪肉丸包云吞皮，牛肚冇几件下面全部都係豆腐，请问三杯鸡系边三杯呢？如果佢系快餐的话价钱就太贵啦。

原汁牛筋麵  $55  落單後不足3分鐘，牛筋麵已經以迅雷不及掩耳既速度上枱，咁短時間連杯麵都未淥好，小王就已經煮好一碗牛筋麵，令人佩服食店既效率，仲快過快餐店，又或者係因為前期準備工夫做得足？牛筋麵既賣相非常普通，店員用匙羹盛著帶辣的酸菜擱在碗邊。碗中大約有5塊大小不一的牛筋，食落也是軟硬不一，有啲牛筋腍到入口即溶，有啲好似橡筋咁有嚼勁，味道清淡無乜牛味。麵底方面可選粗麵或幼麵，圖中為幼麵，3分鐘上得枱既麵條食落竟然偏軟，令人遐想。值得一讚既係，呢碗來自高雄既湯底味道與港式茶記或粉麵店食到既腩汁湯底截然不同，入口有一陣香濃的藥材味道，其中以八角和當歸最為突出，以中藥湯底配合牛筋麵，充滿寶島風味。 台式炸醬麵  $45  炸醬麵以一隻的骰既小碗裝住，粗身既麵條帶點厚度，食落煙韌似刀削麵。炸醬(正常)偏甜，欠缺了濃郁既鹹香，食客要用少少既炸醬送一兜白灼麵，需要良好既分配能力，否則後半部份只能品嚐麵條既麥香。作伴既青瓜絲食落清新爽口，為單調的醬+麵帶來色彩，亦令炸醬更清淡。  滷豬大腸  $40  一共有9段豬大腸，如圖所見，脂肪釀滿了大腸，食落只有咸味而無滷水味，即使點汁亦難以遮蓋自身既

今天囡囡話想試小王牛肉趟，於是今天中午一試，坐下十分鐘，已定的两碗牛筋牛肉麵巳送上。賣相麻麻，黑色的湯，於是試ㄧ下湯的味道，湯超咸，只是温熱，真是大失所望。牛肉冇味，牛筋冇沬，只是咸和有豉油味。粉是ㄧ早煑好，放在碗內，有客叫才把温熱的湯淋上面，同食車仔麵冇乜分別。總之冇下次，揾笨

這家小王牛肉麵-比起其他分店份量少 味道一般，已經是一個硬傷！一個人等位竟然無故被遺忘，店員服務非常差，給你一個桌子好想很可惜一樣。一個人吃飯有罪嗎。坐下來order 完畢繼續漏單，這家漏了單第一句話就問你還要不要order。原來現在趕客就是漏單！服務態度差，食品味道也差，一家食店差成這樣，為什麼還開在這裡？香港飲食界今時今日難道就這麼好混嗎？沒有一樣東西可以接受。這是一家吃了一次沒有理由再回來吃的小王牛肉麵。

青衣城係我地差不多唯一最近的商場，所以差不多日日都會去食，今次同事想食牛肉面但我話冇飲品喎，佢就話剛剛出左套餐，我地就一行5人去食啦。我成日講仲咩冇午餐終於有啦…平左$3咁多的半筋半腩面，如叫飲品就半價，好似仲有小食果D（但要$20）我就覺得吾抵啦湯底今日再濃多少少，好有藥材和肉骨茶感覺，好味道（我地差不多飲左大半碗湯），面質有口感（所以我地5個人都係叫粗面）而份量多，肉和筋大約每款有3舊，肉好軟身又入味，筋當然吾錯有口感又夠膠質感覺。但這裡的辣椒油堅吾好有期望係完全吾辣。我自己再叫左一杯珍珠奶茶，珍珠有口感彈口吾錯，奶茶始終偏淡但還可以拉受啦，最後一個午餐都差不多$70結帳