小瑪哥米線

营业中

休息中

突然間好凍，天氣凍就會好想食米線！呢晚去咗小瑪哥米線 ，原來原店「阿詩瑪雲南風味軒」大有來頭，喺太古開業23年，儲落不少熟客！米線湯底一共有5款選擇，分別係金牌小鍋湯米線、鮮菌蕃茄湯米線、香辣涼拌撈米線、豆花炸醬撈米線及豬骨清雞湯米線。各自都可以揀2-4款配菜，豐儉由人。豆花炸醬撈米線（三餸$72)香港好少地方有得食豆花炸醬撈米線，當然要試吓！ 就咁聽豆花配炸醬好似風馬牛不相及，但食落卻發覺味道好夾！滑溜嘅豆花剛好中和左炸醬嘅膩感，入口仲多佐滑捋捋嘅口感，好食！配菜我揀咗魚腐、白菜餃及彈牙蝦球(+$8)，蝦球略為失望，如果有d調味會更好！金牌小窩湯米線（四餸$79)湯底麻香，第一啖先食到香味，落到喉嚨卻麻麻辣辣，非常過癮刺激，湯底做得唔錯！配料有鴨血、麻辣腩肉、麻辣肥腸同竹笙，腩肉略嫌比較薄切，厚身一點會較有口感！米線都免費跟咗熱檸水或者糯米香茶，糯米香茶值得一試，解辣解膩一流！小瑪哥除咗米線出名，呢度仲有另一個招牌名物—山珍氣鍋雞 。價錢少貴，個確係好足料，吸收晒唔同材料嘅精華，超級鮮甜！飲完成個身都好暖！

早前坐叮叮經過，發現新開了一間「小瑪哥米線」，特登帶風先生來嚐新，餐廳裝修簡潔明亮，樓底高，空間感足，並設有卡位雅座，用餐環境舒適，由於晚餐想食得豐富點，點了一個「二人氣鍋雞」套餐。頭盤小食（8選1）涼拌海蜇（原味）-海蜇爽脆彈牙招牌氣鍋雞-熱呼呼的金黃特濃雞湯，鮮甜可口，一試難忘內有嫩滑雞件、竹笙與雞肶菇，與風先生餐前餐後各一碗，砂窩能保溫，餐後用的一碗，依然是溫熱美味主菜（5選1）酸菜魚-與坊間有所不同，這裡的酸菜魚是一片紅油，但食落並不太辣、微酸，鱸魚片新鮮，魚味極濃，肉質超嫩滑還配有萵筍、薯粉與酸菜，豐富味美主食（4選2）金湯小鍋米線-米線爽口不過淋，湯底鮮而濃郁，帶酸香，屬微辣（平時食開譚仔2小辣），惹味可口，我加配了一份肥腸，入味不羶甜品 （2選1）玫瑰豆腐花與玫瑰冰冰粉-豆腐花豆味濃而滑，冰冰粉配玫瑰乾花，冰涼不過甜，為晚餐畫上完美句號餐廳阿姨好熱情，主動查詢出品如何，是否合口味，又落力地著我們幫忙介紹予朋友，被阿姨打動了。 📣「小瑪哥」現可註冊做會員，有迎新優惠券，滿$60減$10，消費滿$60可儲一個印花，儲夠10個可換優惠券

朋友喺太古城食過呢間，太古城嗰間搬走咗之後一直念念不忘！好彩而家喺灣仔有得食到！裝修都幾舒適！獎涼白肉，這道菜以鮮嫩的白肉為主角，再加上最精粹嘅生蒜豉油同埋青瓜！食出嚟生蒜唔辣！好惹味召通醬雞翼，這道菜有著烤至金黃酥脆的外皮和多汁嫩滑的內在。有啲炸蒜頭喺上邊，味道惹味，其他地方食唔到！紅油水餃充滿了辣椒油的餃子，搭配著鮮嫩的肉馅和精心調配的調味料，好彩唔算好辣！氣鍋雞非常足料而且呢碗湯令我好難忘！經過特殊的氣鍋烹調技巧，使得雞肉保持了原汁原味，並且更加多汁鮮嫩。鮮菌蕃茄湯米線喺呢度嘅招牌菜，蕃茄味偏酸，而且味道唔假！魚腐好大好好食！豆花炸醬撈米線則結合了豆花的滑嫩和炸醬的香濃，必食！百香果蘆薈檸檬梳打

「從阿詩瑪到小瑪哥，不斷創新，用心做好每一碗米線」見到呢一句就知道以前太古城嘅阿詩瑪喺灣仔開咗間米線專門店「小瑪哥」，主打氣鍋雞同雲南米線，我同朋友仔今晚就嗌咗個山珍氣鍋雞套餐，套餐包括頭盤小食+氣鍋雞+主菜+主食+飲品，只需$238已經可以試到店家嘅招牌菜式👍🏻金獎涼白肉白肉肥瘦相間，以醬油、辣油去調味，加上大量蒜頭、香蔥，肥而不膩，口感煙煙韌韌，惹味又開胃的一道前菜哈尼牛肉香料味道非常濃郁，牛肉粒肉質鬆軟，份量多，味道有啲似巴東牛肉，但帶點酸辣味，配上一碗白飯最適合不過招牌氣鍋雞湯底呈奶白金黃色，非常濃郁鮮味，氣鍋能夠鎖住雞嘅精華，原汁原味，亦能夠保持雞肉嫩滑嘅口感，加入珍菌、竹笙同鮮雞件去熬製，每一啖雞湯都鮮甜得黎帶有菇香金牌小鍋米線配香茅豬扒湯底味道酸酸辣辣，加入酸菜、韭菜、香葱、芫茜，濃香鮮美，米線滑溜，唔會一夾就散，朋友仔加配咗香茅豬扒，豬扒煎得金黃鬆化，配上蔥油更加香口美味配麻辣腩肉、麻辣肥腸、鮮菌不得不讚呢度嘅湯底，我飲晒成碗都唔會覺得口渴，真材實料👍🏻米線配料份量足，腩肉有厚厚嘅6,7片，入味夠稔身，肥腸食極都仲有😆QQ彈彈有咬口😋📍小瑪哥米線 (灣仔)灣仔莊士敦道2

星期六約左朋友去灣仔電腦城買野, 之後係附近餐廳食野。因為我同朋友都好鐘意食米線, 今次試左呢間新開既雲南餐米線。我哋叫左餐廳既兩人餐, 十分抵食。餐廳招牌既氣鍋雞湯, 湯底配料好多, 有竹笙雞件冬菇等, 十分鮮甜濃郁, 食完都唔會口渴。涼拌魚皮食落好爽口, 非常開胃。酸菜魚既魚肉嫩滑, 有薯粉和萵筍, 份量十足。我哋亦叫左金牌小鍋湯米線,湯底麻香, 味道比其他米線店更好食。 最後叫左豆腐花, 十分香滑解辣呀。餐廳位置幾方便, 地鐵站行過去唔遠, 價錢亦唔貴, 可以再黎試呀。

放假嚟灣仔購物，shopping 完就順便喺附近食埋嘢先返屋企。路經莊士敦道，見到有間新開米線店，裝潢時尚，座位闊落舒適，一於坐低試下。餐廳以雲南米線為主題，提供小鍋、乾拌等多款口味，另外亦有氣鍋雞、風味小食、涼菜、甜品及特色飲品等供應。點咗個二人氣鍋雞 ($238)，套餐包頭盤小食、二人份量氣鍋雞一盅、主菜、兩款主食及甜品或飲品。頭盤選了原味金獎涼白肉，白肉切得工整有序，面頭灑上蒜泥、蒜蓉和醬油，肉片好軟滑，蒜蓉香味充斥著口腔每個部份，入口完全沒有膩感。招牌氣鍋雞採用雲南建水紫砂氣鍋，以氣孔蒸溜法炮製，烹調過程中完全唔會加水，絕對係原汁原味。湯很清甜鮮美，湯料亦下得很慷慨，內有野菌、竹笙、雞件和瘦肉等，分量十足，入口湯鮮味濃，四季皆宜。主菜揀咗香茅豬扒，而主食就選了豬骨清雞湯米線 (+$10) 同 絲苗白飯。豬扒以長碟盛上，肉質很嫩口，香茅味好重，可見店家在醃製上花了不少功夫👍🏻豬骨雞湯鮮甜奶白，飲晒成碗都唔會口渴，米線十分爽滑，內有腐竹同生菜。最後食埋甜品先走，揀咗玫瑰冰冰粉，冰粉Q彈爽滑，糖水有淡淡玫瑰香，入口清新怡人。

呢間米線前身係太古的阿詩瑪因結業後再重新在灣仔開小瑪哥主打以雲南小鍋米線外仲有蕃茄湯及其他特色涼拌米線金湯小鍋湯米線 (二餸)🍜一開始覺得酸辣湯底裡面有種香料唔太中意，後來慢慢適應，但味道偏酸，而辣度揀左小辣，另配2隻鹵雞翼🍗鹵得夠入味又唔鞋口，3隻彈牙大蝦球🦐食落鮮甜爽彈，但要另加$8價錢偏貴🙈，米線爽滑彈牙有嚼勁豆花炸醬撈米線 (二餸)🍜未試過豆花炸醬跟米線配搭估唔到咁特別，豆腐花口感嫩滑，麻辣腩肉🐷份量好足料，每片切得很薄身，肥瘦相間，食落唔會覺得油膩感，3隻白菜餃餡料飽滿雲南糯米香茶 (熱)🍵糯米茶聞到濃濃的糯米味，茶味甘香，感到好健康雲南玫瑰蜜 (熱)🍵飲到淡淡的玫瑰花香，底部有幾片玫瑰花瓣，清甜滋潤整體食物都幾好，下次有機會再訪試埋二人氣鍋雞套餐

之前已經認識阿詩瑪，很多年前在太古城，現在專做米線，親民，美味，環境舒服，幾抵食，值得再來！兩個人整好點一個山珍氣鍋雞套餐 $238，一次過食齊特色。涼拌金耳 溫馨提示，芥末非常攻鼻！點豉油食很爽，金耳比雲耳更有益。招牌汽鍋雞熱辣辣，今日天氣寒冷，正呀！雞湯非常濃郁，非常很有雞肉味，雞肉好滑。皮蛋嘶嘶雞辣的，配皮蛋、粒粒脆卜卜、青瓜，辣辣地唔過份，味道很好。金牌小鍋湯米線 +$10酸辣湯底，有些豬肉碎，重點是米線非常滑，好好食。豬骨清雞湯米線 $10豬骨清湯味香，清清地但夠味，亦好。很喜歡這個玫瑰冰冰粉及豆花冰涼可口，很有玫瑰花香，是特色！

今日經過灣仔見到呢間新開嘅米線餐廳入左去試, 超有驚喜🌟🌟🌟滇池酸菜魚米線首先點左店員推介嘅酸菜魚米線, 辣度BB辣, 湯底辣味比較出最好食得辣先點😋 主角魚塊數量好多仲要每舊都大大塊, texture都嫩滑無咩腥味, overall非常惹味~豆花炸醬撈米線（三餸）另一款試特別啲嘅豆花炸醬撈米線, 配三餸彈牙大蝦球、蔬菜、腐皮, 一上枱呆左超大碗🤣 無諗過豆花mix米線都幾好味, 米線硬度岩岩好唔好煮到漲曬/一pat pat, 炸醬味濃粒粒肉碎分明, 而其他配料都新鮮, 大滿足!!!氣鍋雞另一款主打氣鍋雞, 一人份量來的, 湯嘅雞味超濃, 飲得出係用真材實料而煲成, 除左雞仲有竹笙同菇等, 天氣凍一人飲番一鍋即刻暖曬👍🏻風味涼菜（雙拼）小食風味涼菜，雙拼涼拌皮蛋+陳醋雲南小耳，雲耳醋味好出偏酸，口感都爽脆，而皮蛋就重椒麻味，幾開胃～百香果蘆薈檸檬梳打勁大杯，百香果唔似用糖水沖都fresh，mix埋蘆薈有啲咬口，食完重口味野飲啖balance番😋

依家啲米線舖開到梗有一間喺附近今次又喺灣仔搵到間新嘅米線小店米線湯底除左基本嘅蕃茄 清湯 招牌之外仲有豆花撈米線同涼拌米線最吸引嘅莫過於氣鍋雞米線隨時都食到但氣鍋雞就好似唔係度度都有香噴噴熱騰騰嘅雞湯上檯咩都唔好講即刻嘆番碗暖下身先裡面嘅雞肉仲係保持嫩滑有彈性金黃順喉嘅湯頭令人好想一啖接一啖唔怪得基本每檯都係必點之選套餐除左有氣鍋雞仲有小食主菜同甜品爽脆海蜇幾時都係至愛小食真係估唔到一個套餐竟然可以揀酸菜魚酸菜魚都好大碗嫩滑無骨嘅魚片配上滑溜薯粉同爽口芽菜 正試左個招牌米線酸酸辣辣開胃之選甜品有充滿豆香嘅豆腐花同滿滿花香嘅玫瑰冰粉兩樣感覺都係解辣之選—————————————————————⦾ 氣鍋雞二人套餐 $238

小瑪哥米線 今日同朋友去灣仔行街，到食晚飯時個朋友提議去食米線，就在附近都有幾間米線舖，但有一間好特別，除咗有米線食外，仲有氣鍋雞食，睇到即刻入去食。這間店舖叫小瑪哥米線，位於灣仔莊士敦道211號地下A-B舖，店內裝修簡單整潔，枱椅排列整齊，令人坐得舒服。小瑪哥米線的二人氣鍋雞套餐十分抵食，有一款頭盤小食，一款主菜，兩款米線，兩款甜品或飲品，還有一人一壺氣鍋雞。而頭盤小食有九款由我哋來選，有手拍青瓜拼雲南小耳、涼拌魚皮、涼拌皮蛋、涼拌金耳、涼拌海蜇、麻辣豬耳、金奬涼白肉、召通醬雞翼、蒜蓉孜然烤茄子，真係樣樣都好味，最終由店員介紹涼拌金耳。這個涼拌金耳是一新穎款式，金耳好爽滑，加上用芥末點味，真係好似食魚生一樣，非常特別。主菜亦有五款選擇，有金牌口水雞、皮蛋嘶嘶雞、滇池酸菜魚、哈利牛肉、香茅豬扒，店員話樣樣都好食，我哋就選香茅豬扒。這個香茅豬扒煎炸得好香口又唔油膩，鬆脆好味，用來配合米線吃，非常一流。至於我哋選擇米線，有四大特色米線，金牌小鍋湯米線、鮮菌蕃茄湯米線、香辣涼拌撈米線、豆花炸醬撈米線，又係好難選因為款款都好吸引，最後選咗兩款鮮菌番茄湯米線同埋香辣涼拌撈米線。鮮菌蕃茄湯米線個湯

本身見到朋友去食呢間餐廳嘅招牌山珍氣鍋雞，但係下午茶時段去好似冇咗呢個選擇，反而比我食到佢哋更加好食嘅！皮蛋嘶嘶雞飯嘶嘶係形容緊食完之後嗰種辣，之後自己會發出嘅聲音，我自己本身都唔食得辣，但係覺得佢哋嘅辣都幾符合香港人嘅口味。佢嘅皮蛋加加埋埋應該有一隻咁多，而雞肉全部好滑身，皮同肉之間仲有層啫喱，配飯一流，我幾乎食晒成碗飯 涼拌海蜇 原味涼拌海蜇有得揀原味同辣味，佢哋嘅海蜇煙靭爽口，涼拌完之後唔會好鹹，都幾開胃。召通醬雞翼3隻呢一款雞翼應該係我記憶中食過最好食嘅雞翼之一，佢哋嘅醃製醬料好惹味，自己食三隻完全唔夠喉，啲肉亦得醃得好入味。

灣仔新式舒適打卡米線近灣仔地鐵站 入到去 環境設計清新 位置好闊落😃👏至岩朋友一齊食飯 好好坐既聚腳點 📌鮮菌蕃茄湯米線+蔬菜+鴨紅+雞肉蕃茄🍅湯底清👏天氣凍熱辣辣🤤好味📌豆花炸醬米線+麻辣肥腸豆花撈米線幾有特色👏幾足料😆飽📌氣鍋雞招牌湯👍幾滋味甜品📌玫瑰冰冰粉白涼粉📍 灣仔莊士敦道211號地下AB號舖🏷️小瑪哥米線 (灣仔)#灣仔 #米線 #氣鍋雞湯

人氣老牌阿詩瑪轉身射返個三分波，係灣仔舉旗進駐灣仔開米線鋪「小瑪哥米線」，佢地米線除左有小鍋系列之外，仲有番茄野菌、豆花炸醬呢D特色口味，呢d風味絕對係要撐，否則買少見少呀！👇🏻📌招 牌 推 介 -▪️ 金 牌 小 鍋 湯 米 線 - $79▪️ 鮮 菌 蕃 茄 湯 米 線 - $79▫️ 我試左個招牌「金牌小鍋湯米線」，揀左四個配菜，包括鴨紅、魚蛋、豆卜、麻辣肥腸，米線非常大碗，米線量極多，米線煙韌有咬口，湯頭濃郁而且中辣黎講岩岩好，加上有d酸菜、芽菜，整體幾有驚喜；我朋友就揀左「鮮菌蕃茄湯米線」，蕃茄湯底夠哂濃郁，加上大量鮮菌將成個湯底更加突出，同樣四個配菜，呢個價錢黎講相當公道。▪️ 山 珍 氣 鍋 雞 - $88▪️ 紅 油 水 餃 - $36/6隻▫️ 呢個招牌菜「山珍氣鍋雞」又係必試，用上新鮮雞熬製，入口極度鮮甜，加上有D竹笙、野菌、筍、真係飲到停唔到口；而「紅油水餃」入口夠滑溜，紅油夠惹味，一定要試！

位於灣仔的雲南米線店，主打湯米線及氣鍋雞，還有供應飯類。地方寬敞，燈光明亮。以電子掃碼下單，十分便利。招牌：山珍氣鍋雞一盅一人份量，以一個個陶瓷鍋盛載湯，氣嘴讓湯汁以蒸氣凝成，減少在烹煮過程中失去鮮味。湯底更加鮮甜，雞湯味尤其濃郁，湯頭食材有竹笙、雞件、菇菌類等，真材實料。天氣寒冷時喝這個湯，相當暖胃。米線四小龍：金牌小鍋湯米線配菜：魚腐、白菜餃、雞肉、腐皮配菜份量由兩款至四款起，本身每碗米線裡已有酸菜、芽菜及豬肉碎。小鍋米線湯底濃郁帶酸，十分開胃。魚腐及腐皮吸收了湯底精華，十分入味。白菜餃有三大粒；雞肉嫩滑。米線相對較軟腍，也很掛湯。指定湯底：滇池酸菜魚米線酸菜魚湯底也是跟小鍋米線一樣，有大量酸菜及魚片，酸菜令湯底酸香，而湯則微微帶辣。飲品：糯米香茶跟米線的免費飲品，熱糯米茶跟平日喝到的中國茶多一股糯米香。