小草十八怪石鍋米線 (已結業)

又去食 <小草十八怪石鍋米線>貪佢夠多選擇我哋有三個人朋友話想食經濟實惠又大份嘅石鍋米線、涼拌米線、石鍋飯、荷葉飯、串燒、小食多到有排揀..石鍋米線套餐（三餸 $48）: 7款湯底又係選擇困難嘅時候~ 最後揀咗酸菜魚湯底；今次唔自己煮喇，懶~；揀咗薯粉，勁多，食完個湯底仲係冒緊煙黑椒味噌 封門牛柳石鍋飯（$68 連飲品）：上次覺得好食，所以今次再encore串燒翠玉瓜、羊肉串、牛舌、椰菜仔：大約十幾至廿幾蚊一串，每樣叫少少過吓口癮..

呢間米線舖成日見關注組有人討論，而且評語都唔差，所以終於的起心肝黎試下，點知真係中咗大伏🫠。.餐廳係sell石鍋米線，配料選擇都算多，而且湯底都有幾多款，Menu睇落都算正正常常。當日嗌咗三款配料，有蘿蔔、墨魚丸同五香辣豬軟骨，配馬來肉骨茶湯底🫡。拿，呢幾樣餸諗住穩穩陣陣，點知個蘿蔔唔甜之餘竟然係酸嘅又有啲硬，未食過咁難食嘅蘿蔔，食左一舊就已經食唔到落去。🙃 其餘個兩樣餸尚算正常，但份量真係好少。而個肉骨茶湯底好明顯係用湯包開嘅，味道正常但真係冇咩誠意，唔知係咪味精太重，飲完喉嚨唔係太舒服🤢。.另外，想講下餐廳整體感覺唔太衛生。全部配料都係放曬係啲放題用嘅開放式雪櫃度。個雪櫃放係樓面，一有order職員就會係個度夾再上菜。但個雪櫃門基本上係長期打開，啲配料夠唔夠凍去保存就真係唔知，加上見到有啲烏蠅飛來飛去。🫣 而且眼見雪櫃入面有啲牛肉出曬血水浸住，唔知放左幾耐，見到都小驚。.其實呢間米線舖好似係主打自製石鍋米線，姐係比啲未熟嘅配料你放入石鍋自己煮。但係當日上菜嘅時候已經係煮熟曬係碗米線入面，心諗你唔比人煮就咪用呢樣野做招徠😂。呢間野真係不可一不可再，希望大家唔好以身試伏。

D電話一日跌到黑，跌到Mon裂哂😅😅😅好彩有用玻璃保護貼，咁去完先施換Mon貼之後，順便去食飯，想食米線🍜⋯⋯對面就望見咁大間食米線，超方便😋我原本打算叫兩碗自己烹調的米線，點知原來有酸菜魚鍋食，我咁鍾意食魚嘅人見到就發光，咁就叫咗一個酸菜魚同埋一個石鍋米線🍜😋———————————🥣六餸石鍋米線$681⃣️美國肥牛：軟熟滑溜2⃣️墨魚丸：爽口彈牙3⃣️豬潤：軟滑好吃4⃣️黑毛豬梅肉片：滑滑的黑毛豬吃落軟熟又帶口感😋5⃣️花膠：膠原的健康，膠質的滑溜6⃣️豆卜：索哂D汁仲好食😋滾熱辣辣的石鍋米線🍜食到尾都仲係熱辣辣😇正😋——————————-明爐烤海鱸$168（配馬來肉骨茶湯底）足料配搭，價錢抵食 ，鱸魚的鮮甜味美，魚肉夠滑夠鉗，煎香咗再放鍋上，味道更香口，配了酸菜，芹菜、粟米🌽、蓮耦、豆卜、蔥蒜、芽菜……..等等，吃落更加開胃好味😋—————————-環境打卡靚…石鍋烤魚好鬼正😋其實開心🥳簡…單就在你身邊：..食….拍…寫.. 已經成為我生活u中的一部份鍾意食..鍾意拍…鍾意寫..留下美食回憶——————————

收工同幾個朋友一齊嚟食，夜晚8:00左右落單，人好full，知道要花啲時間等，本身都冇問題，就算好好好肚餓都識體諒…..但直到同行幾個朋友叫嘅米線都開始到，一個二個都開始食..仲要差唔多食完，最後淨低嗰一個朋友嗰碗米線都仲未有影，於是開口叫人幫手睇一睇跟一跟，第一次同一位偏白瘦身材嘅男侍應講，話等左好耐都未有，叫佢幫手追追，佢啲死人態度就咁敷衍話整緊就到，點知到8:30都未有，第二次同個女侍應講，碗嘢仲未到，佢就話得啦幫你睇睇，到8:40都未見影，我朋友忍唔住出去問，點知先話漏左單未整，真心燥左，啲態度衰不特止仲要漏單敷衍了事，最終個朋友8:50先有得食…

前幾天，因為下班太晚了，好多店都關了，平日經常看到這家米線🍜，竟然還沒有關門，於是去試試，沒想到意外的好吃！.我們點了一個荷葉飯，上面👆有蝦🦐，海鮮🦞，魚片🐟等，米飯🍚裡面還有各種干貝，很香，不會絕的乾巴巴。.再說米線，有四五種湯底可以選，比如金湯麻辣，沙爹，酸菜魚🐟等，我們選的金湯，很好喝，裡面的菜也有十幾種可以選擇！.不過蕞好吃的😋是豬軟骨和蝦膠，脆脆的好好吃！不管是單獨吃還是扔進米線里🍜都很棒！

第一次黎既時候已經感覺到員工好無禮貌，但係覺得金湯米線幾好食，所以介紹左朋友一齊黎食。叫左個米線等左40分鐘都仲未上，以為自己去左法國餐廳。其餘3個朋友既米線都到齊晒，其中2個朋友都已經食飽，但係我既米線都仲未到。搵左第一個侍應問，佢問都無問廚房就同我講 *黎緊架啦* 隔左15分鐘再問第2個侍應，話幫我地問之後人都唔見左。之後忍唔住出去問，佢答我因為缺少個餸所以一直無煮到🤷🏻‍♀️但係無員工過黎同我地講，等左40分鐘無一個員工過黎同我地講🤬溝通完唔夠3分鐘就上左米線，問題係我原本叫既餸無一個係缺少喎🤷🏻‍♀️所以……………？漏單咪漏單囉

今日收工後相約左好友到旺角食晚飯 朋友為米線迷 於是我推介佢去一間連新飯期都推薦過既米線鋪😋 就係位於旺角既小草十八怪了！小草十八怪 望落絕對是非一般既普通米線鋪！係門口已經見到好多好靚既燈牌😍店入面亦好乾淨企理！坐位都十分spacious 讚！餐牌上有海量選擇！好在朋友遲左十分鐘到，比左足夠時間我慢慢揀食咩好呢🤭 朋友黎到後 我地就用左QR code於手機落單～很方便第一碟上菜既小食是飄香紅油皮蛋（$18）皮蛋擺盤擺得好靚⭐️ 每塊蛋上都灑上白芝麻 配上特製紅油 超級好味！另外叫左既三款小食包括椒麻炸雞（上，$20）、酥炸檸檬豬排（中，$25）及南乳炸雞翼（下，$22）炸雞外皮炸得金黃 點埋餐廳調製既椒麻汁食 很是過癮！🤩酥炸豬排同樣做得出色 入口肉質還是很嫩 絕對不會乾曾曾 真不錯👍南乳雞翼亦煮得有水準 南乳味很香濃 令人垂涎三尺！😍主食方面，朋友點了一客石鍋米線套餐（六餸）（$71）湯底揀了極品蟹皇湯，並轉了公仔麵，由店員烹煮六款餸包括有響釣、牛丸、貢丸、五香辣豬軟骨、鹵水腩肉、封門牛肉成個石鍋麵線簡單是神來之筆！湯底煮得好香好香 每款餸都十分好食 特別是腩肉片！✅ 而我則揀左瑤柱

今日收工收遲左，所以走去呢間試下去到已經11點35分，樓面姐姐話本來已經截左單，但因為我地已經上左去，就好好人咁話幫我地做埋最後呢單我地真係超肚餓，咋咋臨叫完野食，d野食都好快送上黎同事叫左個荷葉蒸飯，我又想試下燒烤，點知又真係幾好食因為佢地都last order，但樓面姐姐都好Nice咁叫我地唔洗食太急，慢慢食我地臨走個陣收到樓面姐姐比嘅9折卡，先知道原來佢係經理，仲叫我地下次多d黎幫襯，介紹比身邊同事同朋友知道算係OT做到踢曬腳之後收穫嘅意外驚喜

呢間小店隱藏於女人街附近，招牌係佢嘅石鍋米線，有三餸、六餸同埋九餸可以揀，有好多唔同款式嘅配料揀，而且價錢仲要好抵！石鍋米線裝喺300°C嘅石鍋裏面，熱辣辣上枱。可以自己落配料，好似打邊爐咁，靠石鍋嘅熱度即時煮熟啲食材，咁啲配料就唔會浸到過龍或者煮得太耐，保持食材嘅最佳口感！除咗有石鍋米線，主食仲有烤魚、荷葉飯同埋多款特色小食🥟、串燒🍢，食物選擇又多又吸引，最重要價錢真係好抵！------------------------------🍜◖石鍋米線套餐（六餸）◗ $68呢個套餐揀咗自己煮，店員會上咗配料九宮格先，然後拎住個300°C嘅熱石鍋，過嚟教你現場煮麵😂。店員會即場教你落咩配料，再加湯焗下佢，要影相就快手，因為成個過程要好快，但呢個體驗係幾好玩嘅～揀咗極品蟹皇湯同埋薯粉，湯底帶有少少鹹蛋黃，煮出嚟嘅配料有起沙！▪︎ 花膠（+$2）：幾厚幾大塊，但鮮味欠奉▪︎ 嫩滑雞肉：煮得啱啱好，肉質嫩滑▪︎ 五香辣豬軟骨：有兩大舊，係軟骨多嘅部位！▪︎ 貢丸：份量偏少，有一粒半▪︎ 紅燒牛肚：有四大舊，燜得幾入味▪︎ 皇帝菜🍜◖石鍋米線套餐（九餸）◗ $88呢個套餐比店員幫我煮，直接原鍋上，揀咗火腿瑤柱肉

今日收工同屋企人去食旺角小草十八怪石鍋米線，餐廳位於旺角核心地區，地理位置非常方便，餐廳主打石鍋米線，另外提供唔同類型既串燒，荷葉蒸飯，烤魚和川式涼拌食物，食品種類豐富。今次我點左酸菜湯烤魚，烤魚非常大條，煎得外皮非常香口，魚肉不會有腥味，魚肉非常鮮甜，湯底非常鮮甜，烤魚配上酸菜魚湯非常夾，烤魚套餐配上薯粉，薯粉非常爽口，額外加左牛肉，豚肉，豬軟骨和牛柏葉，還有好多配料可以另外點。瑤柱蒜蓉海鮮荷葉蒸飯非常大份，有大蝦，扇貝，魷魚等配料，海鮮種類豐富和新鮮，蒸飯粒粒分明，吸收了海鮮的味道，加咗瑤柱同蒜蓉好香，鍾意食海鮮的朋友可以點呢個蒸飯試下。黎到呢間餐廳必須飲特飲，因為呢度的特飲非常大杯，性價比超高，今次我點咗青檸梳打特飲，非常清甜又大杯，配上食物非常夾。總結餐廳食品種類豐富，性價比高，值得推薦朋友來嘗試。

再次到訪旺角呢間石鍋米線餐廳，上次食過可以自己煮的石鍋米線，今次嚟食串燒同川式涼麵。😝呢度啲串燒真係幾抵食，款式多又可以自己選擇辣度，全部都燒得好香好惹味，海蝦香脆到可以連殼食，蝦肉鮮味；墨魚咀好爽口彈牙；雞軟骨爽脆。🍆原條燒茄子必食！！原條茄子開邊燒，夠晒大條，茄子好淋，加上香蔥同金蒜好惹味，味道啱啱好唔會太鹹又唔會太油膩，推薦👍🏻🍜川式涼麵我揀咗小辣，酸酸辣辣好開胃，再加上青瓜同雞絲好夾，熱辣辣嘅天氣食呢個最正😚🤩呢度啲特飲都超級大杯，2個share都有多，🥭芒果凍頂烏龍茶芒果香味幾濃，中間有淡淡的烏龍茶味，酸酸甜甜好開胃，生津解渴。繁忙時間好多人幫襯，整體食物質素真心唔錯，價錢貼地；環境都幾舒適又夠哂方便，地鐵站一出行兩步就到。

第一次去，叫$48 三餸石鍋米線，鹵水腩肉、蘿蔔、+$3墨魚頭。+$3 墨魚頭全部切到一粒粒，細粒過手指頭，仲要成碗得幾粒 。OMG ！係碗米線到不停咁撈，好難先搵到幾粒，開頭仲以為佢哋比漏咗🙄100磅唔夠嘅我，成碗食完都唔飽。連米線都咁慳…..剩係個鹵水腩肉幾好食，d肥膏入口即溶化。蘿蔔唔冧兼有渣😪個串燒四季豆個汁咸到食其他嘢都係冇味😂櫃桶攞一隻湯羹仲有污積😵‍💫旺角咁多野食，唔明點解咁多人。

小草十八怪石鍋米線，個名好得意吸引左我上OpenRice search 下見到評分都幾高，就決定好晚餐食呢餐🍲🍲石鍋米線$48起叫左三餸(紅燒牛肚、牛柏葉、封門牛肉+$3)有成46款選擇，湯底都有7款要左酸菜魚湯，見到石鍋米線製作步驟，仲有啲期望自己整，不過一上枱已經係完成品賣相一般，飲左啖湯無想像中咁濃酸菜魚湯味，有小小失望😥配料小得可憐😭牛柏葉只得三小小小舊，牛肚三小舊，牛肉三小片，不過牛肉真係好食既，米線點左多米線，唔知有無比多，一個正常人應該唔夠飽🐓川式涼皮$48咁就揀左雞絲萵筍小辣，略嫌唔夠重口味調味可以double ，雞絲得好小，真係得相見到既份量，涼皮質感比較似蒟蒻，旺角/葵芳商場個啲重口味岩我多啲👍🏻串燒幾出色$13起可以唔辣，辣就分左5級🌶️🌶️我就要左中辣，如果平時食開譚仔三小中辣都ok，可以再叫辣小小🐓雞軟骨2串$22 每串有四粒，每粒都好大粒軟骨好脆，推薦！🐙墨魚頭$15 同樣有四粒，相對其款就無咁惹味🐮沙嗲牛柳串$18 食唔出沙嗲味，不過就好香牛味，肉質比較乾🍹青檸薄荷梳打$12(加配價)小甜小冰完全係我口味青檸味好出，淡淡薄荷味，食串燒一定要叫，超大杯唔洗慳住飲

嚟介紹特色餐廳啦🍜發現自己都有一段時間冇介紹過麵食🥹，所以呢排都搵咗幾間有特色嘅麵食餐廳介紹畀大家🫡。如無意外嘅話，就應該嚟緊幾個post都同麵食有關㗎啦🤣。而我今日要介紹嘅就係位於旺角嘅餐廳😎，餐廳就係主打石鍋米線嘅🫶🏻。想知我嗰日食咗咩就要繼續睇落去啦！環境方面☝🏻餐廳嘅設計就係樓上舖嘅性質為主🙌🏻，所以相對地其實佢樓上嘅空間都幾足夠👾，就咁睇都可以容納到好多枱食客❤️。我嗰日就好好彩咁樣有卡位可以坐😬，整體用餐體驗都幾舒服😌。食物方面✌🏻#石鍋米線套餐（九餸）($88)首先第一樣要介紹嘅就當然係餐廳嘅招牌食物石鍋米線啦🥰。講真我就真係第一次見有九餸嘅米線套餐😬，都算係幾surprise🤣。喺呢個套餐入面除咗揀咗啲養生餸（蟲草花、皇帝菜）😎，另外都仲叫咗啲相對地經典嘅餸（嫩滑雞肉、豬膶、墨魚丸、炸醬）。我自己覺得有兩款餸都幾驚艷到我😍，第一款就係五香辣豬軟骨。除咗軟骨嘅部分夠淰，佢嘅份量都夠晒足料，加埋帶有少少五香辣嘅味道，真係整得幾出色！第二款就係黑毛豬梅肉片🐖，肉片唔會切到好薄，所以都保留到應有嘅口感🫡。同埋真係食落就感受到黑毛豬同一般豬嘅分別🫶🏻。雖然我係叫石鍋米線套餐，不過最

俾啲相吸引嚟試下點知係名不符實…$48起3餸，睇落好似好平咁但碗嘢嚟到撩一撩啲餸完全O哂嘴! 顛覆我想像!三餸入面1）加左$3叫封門牛肉，得兩薄片! 好食都無咁嬲...2）又加左$2 叫帶子，嚟到得一粒!3）蘿蔔係最多有3-4細粒! 仲要有渣!糾結緊好唔好問職員問我加左錢要帶子係咪得一粒佢補返粒俾我…有個職員姐姐就大叫已經有一粒啦，係得一粒…再問牛肉係咪得兩片，答係得，我都無嘢好講食到我都無哂心機食…睇我食剩哂啲薯粉就知咩料啦..No next time for sure!!!