尚八日式燒肉店 (已結業)

荃灣有好多唔同嘅嘢食可以算係一個迷你嘅美食之都某天同朋友喺荃灣行街之後喺附近搵食大家都好肚餓所以揀燒肉放題啱唒過咗川龍街食尚八朋友係對食物非常有要求所以我哋揀咗A4和牛燒肉放題位置非常寬敞坐得好舒服唔係好似有啲店舖咁好有壓迫感首先店舖會上一客指定嘅刺身同埋一set有齊各部位嘅和牛而且亦都窩心地指名每一和牛嘅姓名所以當你食完覺得好味就會知道係食緊邊黎以牛肉黎講 種類真係繁多而每種和牛有唔同醃料可供選擇例如有鹽燒、鹽蔥、法式芥末籽等有人最愛鹽蔥😋牛肉亦不錯 挺新鮮厚切相對較難燒熟牛舌係我最愛醃料非常入面嫩口得黎又爽口追加咗幾次除此之外亦有唔同海鮮選擇蜆、螺、廣島蠔、青口等等特別一讚蜆肉係非常新鮮無沙之餘清燒已經有濃濃海水味此之外佢仲有熟悉例如青瓜而且服務亦唔差上菜收碟都非常快手食得滿意🙌🏻

作為食肉獸對於燒肉放題係好alert😆今次經朋友介紹試尚八日式燒肉A4和牛放題😜一入到餐廳非常日式嘅裝修，有2間房用嚟比6人以上使用，最岩成班朋友驗會A4和牛放題2 小時任性地任食，除咗和牛都有海鮮、壽司等選擇，飲品自助🐂A4和牛個人其實比較鐘意A4 ，因為A4 油脂分布最符合和牛食起嚟嘅味道，而且A4 油膩分佈適中，反而可以食到牛肉質嘅甜味~ 當中和牛前肩加單再加單，燒至7成熟，牛富有彈性，肉色鮮紅艷麗，牛味香濃🐂牛舌必點！當中黑椒牛舌係最正，薄薄一片，燒2,3 分鐘就食得，唔可調味料都好勁黑椒味，牛舌非常入味，軟嫩、鮮脆且多汁。🐂刺身坐底無耐就送咗盤刺身，每人一份三文魚厚切夠大片，而且好新鮮，帆立貝食落鮮味濃郁，口感爽脆，雖然刺身冇得refill，但放題包壽司、手卷等，食落都唔錯😆🐂海鮮除咗燒肉，都有海鮮選擇，推薦！燒蜆必食，燒到熟會自動打開，味道非常鮮甜，每隻鮮味！如果唔想隻隻燒，都有清酒煮蜆，一盒十幾隻，放係爐上燒番熱就食得！鐘意食蝦嘅朋友都唔好錯過，呢間蝦算新鮮，而且非常大隻，口感爽口，鮮甜😜🐂熟食除咗燒肉、海鮮等，同樣有熟食選擇推薦！一口芝士~炸到外脆內軟，芝士流心非常濃郁

食物價錢不包括服務質素。食物質素很差,香料醃料選材不符合個人口味。付錢買經驗,不愉快的體驗。侍應應該希望生意淡薄,所以才提供這樣的服務。完............

除咗厚切牛舌好食，其餘肉類令人失望。送刺身每人一片三文魚、半隻帶子、一隻蝦，一杯唔覺有奶成份嘅雪糕。爐網無職員主動嚟換過，於是環保地用完了一餐。但係職員好準時及主動提醒客人夠鐘離場。飲品選擇少。2人是晚總收費$810

今日同幾個fd一齊黎到荃灣試尚八個場唔算full 我地叫左安格斯牛餐（因為見到OpenRice和牛套餐有好多劣評）先講食物質素：牛： 質素真係麻麻 🐮🐮牛肋肉有d雪藏「蘇」味 食左幾舊就無食 🤢一口牛好大粒 燒到出面燶哂入面都仲勁紅😱牛舌味道正常豬：無咩味🐷食左薄同厚既豬腩肉 都無咩味羊架： 又大又厚 用左好長先燒得熟 因為太厚 出面燒到燶哂 入面仲係生 最後成舊燒到勁乾雞：最正常🐔我覺得雞算係最正常 無雪味 香草雞夠味 都唔錯青檬雞翼就無咩味海鮮：🦐🦐蜆：朋友話最好食 無咩沙 都夠鮮甜蝦： 不了 好腥蠔：無咩味其他食物：🥦🥒🌽金菇 秋葵 幾好食番薯仔唔錯🍠🍠菠蘿🍍：有d酸 但夠多汁 全晚就係咁食菠蘿豆腐 菠菜 味道都ok甜品：🍨雪糕好失望 唔好食 咁既價食coco berry 已經海鹽同焦糖都唔好食雪米池正常 都有2粒細細既總結： 賣單 每人$404（已加1）呢個價我寧願加多少少食buffet/食牛角單叫幾碟和牛 燒肉放題呢個性價比真係唔會食第2次🙄🙄

之前食過一次，覺得質素都唔錯，所以過左幾個月想再黎食第二次。黎食之前，有上openrice睇睇，發現有唔少人都話質素下降左，所以都有諗過照唔照食。不過見佢搞緊promo送和牛，所以就照食了。結果係失望既⋯以往和牛油花好平均，今次大部份和牛都好一般，周不時食到筋位，咬落仲有點硬。咁多個部位，牛三角已經算油花分佈最平均，入口比較嫩。但次次黎既質素都有參差，有d仲要半舊都係脂肪。其他肉類、海鮮、熟食就一般般，過得去。食A4牛肉放題重點從來唔係呢d....個人最surprise係一人份既枝豆份量比第一次黎食多左好多，唔知以為叫左2+人份。話難食嗎？又未至於俾負評。好食嗎？和牛質素有相睇。如無意外，唔會encore，畢竟2個人食都近千$，兼且坊間選擇唔少，係時候試下其他新野。

趁住生日同屋企人嚟試試呢間日本A4和牛燒肉放題，$388加一呢個價錢食到A4嘅和牛放題我覺得算係相當超值！其實本來對呢間餐廳真係抱住一個嘗試嘅心態，因為普通嘅燒肉放題真係食得多，但和牛放題真係未試過，仲要呢個價位嘅。所以一開頭真係無咁高期待。我哋5點開始入場，呢個鐘數無乜客人所以即刻就有位坐。環境唔錯，唔會太大油煙，但啲座位有啲污糟，可改善。一埋位，職員就極快手咁拎左一碟 A4和牛拼盤俾我哋，仲好貼心咁係上面加左標籤。爐都好夠力，唔使等好耐個爐面就熱晒。由於個爐夠熱，所以其實每塊和牛都係燒2-3分鐘左右就食得，但一定要睇火，唔係嘅話就好易燒得太熟，韌晒就唔太好食。仲有一樣野值得一讚嘅係，呢間餐廳係點幾多就俾幾多你，唔似得出面某啲餐廳咁會偷偷地扣你幾舊。呢度係叫十件就真係嚟十件，呢樣野係我最估唔到，所以最後食到有啲飽得濟，哈哈。另外要讚嘅係佢地嘅上碟速度極快，基本上落order後五分鐘內就會送到，非常出乎意料。講返啲和牛先，雪花均勻同幾靚，燒到7-8成熟嘅話就有入口即溶嘅感覺，牛味好夠，好好食。最推薦嘅係牛三角，牛味夠之餘啲油脂味勁香，仲要入口即溶，我哋都encore左好多round。仲

聽朋友推介所以去試下，第一次去食，叫左最貴既和牛放題，簡直中伏，5百幾蚊一個人，一D都吾抵食一入座就先上左一碟A4和牛同刺身(圖一)，刺身冇特別，但第一輪A4和牛一般般，睇相好靚，呃得下人，但食落冇牛味，尤其係A4一口牛，韌到咬吾到，全家人冇人吞到，吐左。和牛質素都比吾上我之前去荃灣安平燒肉咁好食，心諗GG了，和牛都冇味又韌就知中伏了，其他肉心裏有數。好啦，可能第一輪差d姐，第二輪A4和牛可能吾同既，除左一口牛食吾到(吾會再叫)。叫左第二輪，失望到底，d肉又係得個樣，今次吾係冇味了，係鹹到呀媽都吾認得，鹹到苦，食吾到。重以為和肉燒肉溶雪慢，所以有d雪係肉表面，點知吾係，全部都係鹽，吾怪得鹹到咁，我個人食得濃味都接受吾到，落得咁重手，都吾知係咪想我地飲多d野，食少d。即刻拎翻枝飲品，飲品種類好少，一對手都數得曬，其他酒就要加錢，吾飲酒既我就冇叫了。算啦，食下d小食炸物，種類都係好少，但不過不失。對佢其他燒肉已經怕怕了，但未飽，重係好餓，唯有將d和肉過水，洗走d鹽，冇咁鹹，吾好浪費食物。今餐真係好好好好失望，呢個價錢真係冇下次。順便講埋，第二輪既肉質素明顯比第一輪差，奉勸各位真係要考慮下先

有無試過食燒肉放題，梗係點下刺身，飲下啤酒，再整罐可樂，食到中段再加個翠肉瓜過過口癮。 之後要食返個冷盤中華沙律轉頭 ?? 諗起都爽 ! 但係呢間尚八，以上係完全無。牛肉，超差。豬肉，麻麻， 雞肉，超普通，自已街市買返屋企燒好過啦。海鮮，唔鮮。。。菜。。。 選擇少(翠肉瓜都無你仲想要求咩 !)重點。。。$368 加一， 一條4舊水落樓你俾啲咁野人食 ? 最後： 甜品， 你以為係Haagen Daaz/ Movenpick ? OF COZ NOT !!! 係黎自香港觀塘嘅代表，唔係話唔支持本土。。。但係。。。個雪糕真係粉呀 !!! 粉嘅雪糕。。。我第一次食 ! 想要地獄般嘅飲食經驗 ? 尚八， 係你不二之選。P.S. 歡迎推介俾你仇家

以加埋一五百幾一位絕對唔值呢個價，佢地所謂既和牛，唔知係咪我對和牛既認知有誤解，品質差到一個點，外觀尚可以接受，食落口硬過我條命，又un又多筋，一D牛味都無牛，我好懷疑自己食緊乜，真心求其去一間燒肉店都仲多野食仲好食過呢間，伏到hihi，其他食物少之又少，果個鹽燒虎蝦真係笑死你，你以為大家未食過虎蝦，真係哈哈哈。飲品又少量少選擇，連最基本可樂都無，救命，呢個價錢連杯哈根大師都無得食。大佬，收得禁既價錢，都唔好禁無良心丫，賺到禁盡，點有回頭客，得不償失，免費我都唔再去，嘥左我個胃，完。

• 午市燒肉放題 每位$108另收加一雖然牛肉同海鮮只有固定份量，但係質素都唔差，只係廣島蠔比較腥同埋青口冇咩味，重點位係每人有兩塊A5和牛😋，正！雖然牛肉就唔係任食，但係講真佢地豬同雞質素都好唔錯㗎，而且一般都有幾隻味揀，夠哂滿足😚除咗燒肉之外仲有唔少既前菜，可以參考返圖二～ 而今餐MVP就係...登登登櫈！！竟然係香草牛油燒大啡菇呀，香草牛油啲精華入哂菇菇入面超香超入味，食既時候小心熱同爆汁，必食推介👍🏻

之前係旺角尚八食過,覺得108元放題好正加好抵,最近口痕想食番,但唔想出咁遠,就試下荃灣呢間分店啦~入到去有個女侍應問我有沒有訂位同食咩價位餐，我話冇，食108餐,之後佢安排左座位比我，呢間分店既侍應比旺角分店侍應年輕。我坐低冇耐，佢幫我開左爐，好快已經上左精選頭盤，速度值得一讚。旺角分店隻調味碟係4格，呢度得2格，唔係咁方便，攪到我要2種醬料倒在一格，不能單獨食一種醬料。開始燒了，送既和牛好食，青口燒完size冇變都係大大隻，味道正常，另外個二片牛麻麻，牛舌有質感濃味，正，鐵兜裝住既2隻生蠔有好濃既蠔味,夠哂juicy。我一食哂碟上既食物，侍應勁快幫我收左碟，到我用apps落單點食物，大約幾分鍾就比到食物我，上菜速度好快，我點了蟹籽沙律，胡麻豆腐，炸芝士同二件炸蠔，蟹籽沙律好大碗，可能太多沙律菜，我麻麻地，多d蟹籽同沙律醬,少d沙律菜會好d，炸芝士ok,炸蠔好味，咬落有好濃蠔味另外我上次係旺角分店,因為唔知手羽先係雞翼所以冇叫,我首先叫左一件鹽燒手羽先試下味,點知原來真係好味丫,我就叫埋另外個2隻味,鹽燒都叫多幾舊,另外仲點左幾隻雞肉,味道都好味,D雞肉夠滑。點了岩燒青檸豬拖羅同柚子

上網見到有人推 諗住去試吓 點知就中咗伏一上到去門口嗰個女侍應態度好差💩話我遲咗佢話打過電話俾我冇人聽 但我係從來冇收過佢電話未食已經一肚氣🥴好啦 到啲嘢食嚟啦 完全同人哋其他post影嗰啲相唔同 😰得兩款肉 每份兩塊 冇牛柳粒😑😑😑😑😑我問男侍應點解冇牛柳粒 佢話而家午市冇供應牛柳粒喇咁我都o左嘴架喇😐最差既係 我喺食曬埋單之後 個男侍應同我講話 佢搞錯咗 唔係冇牛柳粒 純粹係今日賣晒 。。。下？！😵🤯🤯作為一間燒肉店 啲肉都唔夠？🤔咁如果係真係賣晒 你係唔係應該俾返其他款式嘅牛肉我呢？ 😡😡😡😡😡而唔係就咁就減少左我個餐應有嘅份量囉。。。啲肉份量少都算 而且質素都好差😐睇啲顏色就知而且我好懷疑其實牛柳粒根本唔係賣晒 係專登唔俾我因為我見到個男侍應同我講完之後 走咗去同看門口果個女侍應喺度講嘢 🤢🤢總之成個用餐經驗好差👎🏻👎🏻 以後都唔會再黎

咁大個人第一次食和牛燒肉放題，今次係見到有YouTuber 介紹，仲要只係$388一位，即刻book位。不過佢係新開張去，所以都有心理準備會無咁好。因為特首唔同嘅關係，只可以食午市。店舖位置係楊屋道街市隔離，荃灣西行去10分鐘內到。一入門口就見到好多和牛放係度，好彩唔洗等位，如果唔係就要流住口水咁等😂鋪面環境寬敞，枱唔算密。燒肉最重要除咗肉，就係抽風，呢度無咩油煙味，幾通爽，同埋要讚下啲清潔，無論地下定枱面都好乾淨，比好多酒店更好，期間見過店員執枱，真係好仔細認真。服務方面無咩特別好或差，正常香港侍應態度。落單係用電話落，環保。飲品出面自己拎，一般放題飲品，但無茶。入正題啦，一坐低就有一碟附送嘅刺身，三文魚乾柴左啲，無魚油甘香味。帶子有帶子鮮味，但太薄身，質感欠奉。同時會有一碟和牛拼盤，每款可以叫嘅肉都會俾你試下先，前面有塊牌仔，呢個好緊要，試過食完覺得好食，但係都唔知點叫返。睇樣大概知質素，油花均勻，肉色鮮，融雪好，切得厚身，食落口感會較有層次。胸腹牛味最濃，外腿油脂味最香肉質滑，前肩最爽口，亦有油甘同牛味，三角冇咩特別突出，牛冧食落似牛柳。部分有少少筋，全部質素都好對板，各有千秋。

餐廳：尚八日式燒肉店 地區：荃灣地址：荃灣川龍街118號百悅坊12樓日期：25/11/2020 時間：5:00人數：2人 等位： 0mins 價錢： ＄776之前咁啱見到YouTuber介紹呢間燒肉店於是就決定生日月份去試下，因為只要做佢哋會員喺生日月份就有九折嘅優惠。由於佢晚市分咗兩個時段我哋揀咗較早時段因為比較平，另外佢嗰度有分兩種放題其中一種係安格斯燒肉放題（$238），另一種係A4和牛燒肉放題（$388），仲有加一服務費。由於生日有九折梗係揀最貴嘅和牛放題食啦🤣入座之後職員介紹我哋要用QR code點餐，120分鐘任食但90分係最後截單時間，入座冇耐我哋點緊餐嘅時候佢哋就送左一份刺身拼盤，及六款唔同部位嘅和牛試食，試完之後可以再選擇自己想要嘅部位。刺身方面幾新鮮，有刺身蝦、三文魚、帆立貝，可惜每人只有一份冇得再嗌，不過佢哋都有手卷及壽司選擇，我哋試左幾款都唔錯。和牛方面，油脂分布平均，肉既厚度適中，口感嫩滑，非常好食冇得頂😆六個部位中我哋最中意食A4和牛三角、A4和牛冧，尼兩款雪花紋好平均，入口即溶，牛味濃郁，值得喪食🤤小食方面，我哋嗌左幾款炸物，食得出係即叫即整，唔會攤到凍哂