尚善

营业中

休息中

去到上環第一次食依間日本料理 環境幾靚 幾靜 就算係星期六日都有好多唔同既lunch set揀 我就豪dd揀左個都成300蚊既lunch set·前菜有個豆腐少少八魚刺身都幾好味手再有鮑魚同油甘魚刺身 正呀 特別欣賞個鮑魚 好鮮甜🤤 油甘魚都算厚切定食就係黃花魚 唔算有咩impressive 最後既湯係用壺咁送上 入面好足料 有蜆有魚 好鮮甜算係不過不失既日本定食～

身為打工仔既我地，雖然得短短一個鐘食晏都要滿足一下自己。今日去左公司附近一間之前食過唔錯既日本野。呢間野lunch set係好多選擇，唔食生野既話都有好多熟食揀。小妹之前食過吞拿魚蓉飯好味，今次就試海膽三文魚籽定食。每個set都有前菜、茶碗蒸、麵豉湯、沙律、甜品同飲品。沙律幾新鮮，茶碗蒸同麵豉湯果d正常水準，至於個主角海膽三文魚籽飯d料都幾新鮮，不過因為落得太多豉油搞到有d咸。不過我覺得之前食果個吞拿魚蓉好味d。同事既刺身定食好似好好食咁...所以話隔離飯香係金句。LOL另外一個食銀鱈魚定食既同事都話幾好。重點黎啦!!就係個甜品!真係好食!!咪睇佢細細粒，黑mum mum，佢係黑糖茶粿，唔會好甜但黑糖味出，入面既餡都唔會好甜，成個味好夾。正!係附近返工既朋友可以去拜會一下。P.S.原來佢係社企，更加應該支持下啦~

本身唔偏愛生野，好驚食到腥味。但偏偏對海膽情有獨鍾，但都唔係好敢食，因為怕食到有臭味……不過，今日終於俾我食到100分嘅海膽淡淡海水味，大大舊有口感，係鮮味（我唔捨得一啖吞哂……）同職員傾談下，原來係日日新鮮運到，無得輸點一點啲芥末，粒粒口感，咦！係鮮磨辣根喎!再加埋跟餐嘅茶杯蛋，同沙律菜嘅構圖，完完全全一幅畫我完全感受到師傅嘅誠意，係誠意上環區這個層次，這個價錢，係物超所值雖然只係一個午餐，但我今日已經好滿足……

第一次來這裏吃晚飯。價錢不低，但食物和服務都算不俗。刺身很新鮮，三文魚腩卷超好吃! 平常我不吃炸軟殼蟹，因為覺得很油膩。這裡的卻很爽脆，而難得保留鮮甜蟹味。炸豆腐很滑，但小心燙口😂 鰻魚還可以，但略嫌腍身了點，若難煎脆表面會更好吃。海鮮湯用壺盛著，有點特色。炸雞翼略嫌乾身了點。豚肉燒火鍋豚肉片有點"鞋", 不夠嫩滑。最後送的雪糕球豆腐味蠻好吃，莓味則也點藥水味。服務員很貼心，臉上掛著笑容。當你每次跟他們說"唔該"的時候，他們都笑著說"唔駛客氣"。服務也很好。若果以食物性價比較，可能覺得裝修可以再精緻一點。不過有這班窩心的員工，感覺還覺得不錯了。

偶然都要豪一次嘅豐富午餐今日跟同事去咗一間叫尚善嘅日本餐廳，同事講到明食好嘢，不過貴少少！見到menu都覺得食個lunch二百幾$300，真係有啲貴！點咗一個七彩魚生飯定食，材料非常之多，係多到你差d食唔晒，其他嘅小食都不錯👍🏼，材料新鮮， 而且CP值咁高因為佢擺得好精美！都算物有所值！

今天和朋友到尚善午餐， 每一個set lunch 都非常豐富， 而且刺身好新鮮，set lunch 價錢大概由$200-$400，不過每當午膳時間就非常多人， 建議提早訂位較好。 😋😋

I had a Grilled American Angus Beef Terriyaki Set @$238 Although they donate most of the resto’s profit to charities, the food quality here is pretty average. The Angus Beef was overcooked and the cucumber slices were dried out and bland. The portion of the food was pretty big but I think this was fair given the prices of the set. The restaurant was relatively quiet and it’s ideal for long talks/ catch-up (but I guess that also explains the very average food quality here).

要諗母親節同阿媽去邊度食， 實在有難度。阿媽對食物有要求，而我地亦都唔喜歡食fixed餐單， 一來無得揀， 二來通常都唔好食。最後朋友介紹尼間食日本菜， 係上環，地點唔難搵。地方闊落清靜。講返食物， 叫左個蟹子沙律，刺身拼盤， 海膽壽司， 三文魚子壽司，三文魚腩壽司， 燒牛脷， 燒雞翼，雜錦天婦羅， 牛肉烏冬。蟹子沙律， 正常， 食得出新鮮爽口。刺身拼盤，尼個堅正， 有深海池魚， 帶子， 牡丹蝦，赤貝，章紅， 仲有其他。 講真， 而家好多刺身都無鲜味，尼盤就全部有鮮味，新鮮貨色。連阿媽都讚好👍👍海膽壽司， 尼個勁鮮甜。三文魚子壽司， 魚子脆卜卜， 絕無腥味。三文魚腩壽司， 我覺得堅正， 又肥美， 滿口油香。燒牛脷， 厚切， 有肉汁燒雞翼， 尼個一般， 無乜特別天婦羅， 脆漿薄， 隻蝦有彈性， 唔會霉晒， 蕃薯好甜。牛肉烏冬， 正常。最後送左三個雪糕球比我地， 意大利雪糕， 咖啡味正， 朱古力濃， 椰子清新。價錢同食物算正比， 因之前去過好多間， 收費貴， 但食物質素差， 價不符實。 尼間整體食物新鮮，熟食質素高， 阿媽都食得好滿意。最後， 尼間係一間社企， 扣除開資， 餘額用來做善事。

尚善是我經常去的餐廳之一。除了在公司附近還是一間社企餐廳。以前每兩個星期便會過來吃，跟壽司司傅開始混熟起來。 他經常會介紹好吃的給客人，所以壽司吧總圍著熟客。這個月因為腳痛關係很久沒有過來，才發覺壽司師傅轉了人。食物當堂大打折扣。$260 的刺身套餐感覺像是平價貨式。份量也少了1/3。生魚片切得薄。我是掛念這裡厚切魚生的美味才常常過來的。如果老闆繼續給人客這樣貨式，我相信好快人客就會減少一半。$260 我會選擇去吃Sushi Kuu 的魚生飯了。大家可以看看我上載的相片。第一張是以前的刺身套餐，而第二張是現在吃到的。這家打著慈善旗號的餐廳，麻煩老闆們反省一下你們對客人是否有誠意。不要掛羊頭賣狗肉。

今次呢間係上環社企日本料理，原來做社企都有日本料理餐廳，我地一行12人，入到去人不是太多，呢間係係上樓店。 唔係朋友介紹真係唔識得黎。我地叫左好多魚生，魚生好新鮮，料理老板仲過黎同我地傾了一會，原來佢地除了社企日本料理仲有做其它社企business。價錢適中。有機會會再來食。

今日同事last day， 請佢食farewell lunch， 佢揀咗呢間餐廳， 因為我新嚟呢區返工， 所以我第一次嚟咋。間餐廳都幾大 ，有少少日本裝飾， 唔算好日本feel 。我叫咗個銀鱈魚餐， 塊魚扒唔係好大 ，但好滑同唔多骨 ，不過我嫌佢味道太甜 ， 唔知係咪落得太多味醂。同事叫咗燒鰻魚 ， 賣相好靚， 好juicy 咁。有一位同事叫咗滑蛋豬扒飯， 都幾大碗， 見佢清曬 成碗， 應該都幾好食。 另一位同事叫咗雜錦魚生飯 ，都係好大碗 。 個個食完都話好飽 。甜品係一舊啫喱狀嘅嘢，裏面有啲紅豆蓉 ，我覺得麻麻哋好食。餐茶我要咗熱咖啡， 我覺得太苦又唔太香，唔好飲。

剛由日本旅行回來, 仍懷念著日本的美食, 特別係我最愛的刺身同壽司, 價錢實惠又新鮮好味! 在香港要食到新鮮的食材唔容易, 最近有一個好朋友想約相聚, 相約我去上環的一間日本餐廳, 選擇這間餐廳是因為位置方便, 鄰近地鐵站, 加上環境舒適安靜, 很適合把酒談天。介於是抱著一試無坊的心態去附會。言歸正傳, 去到餐廳感覺很整潔, 環境安靜, 侍應先推介一些是日新鮮的刺身, 並介紹了清酒, 今晚選擇了獺祭, 味道很清甜很容易入口, 配搭每日新鮮從日本入口的刺身拼盤非常 match店員耐心地向我們介紹餐廳的食材都是由日本訂的, 由餐廳自己直接入口, 每日新鮮運到, 品質絕對有保證, 由於刺身肥美清甜, 根本都唔需要點豉油, 可直接品嚐到食物原有的鮮甜味道之後再食埋燒物, 我們選了雞翼及牛舌, 店員還提議將蝦頭炸脆, 搭配清酒更惹味整體上這餐飯比一般日本餐廳價格較高, 但水準亦相對較高, 而且服務很周到, 店員的態度很親切有禮, 並給予講解及提供意見, 值得一讚!

踏入餐廳後就感到氣氛很舒適，裝潢設計簡潔明亮、待應服務態度很好而且好細心。特上雜錦壽司精緻，壽司飯的份量跟日本道地手法相近，而且都好新鮮。當中最喜歡海膽及吞拿魚，鮮甜美味。至於黑豚肉雜菜涮涮鍋，薄薄的黑豚肉刷在滾燙的湯裡，短時間就可以吃了。湯底清甜，蔬菜食材亦新鮮，就像於日本農家吃到的的風味。踏出門口，看到關於此餐廳的資料，原來尚善是以社企形式經營，業務的收益扣除營運開支後，全數撥款幫助來自低收入家庭有語言障礙的兒童，讓他們獲得適當治療，積極融入社會。有沒有想過一餐晚飯都可以做善事呢？享用美食之餘，同時讓他人受惠，真的兩全其美。

尚善被同事和朋友稱為上環最好吃的日本菜之一，今天我又到訪解解嘴饞。我點了雜錦魚生飯，朋友點了三色飯，但被職員告之沒有三文魚，會轉成劍魚腩。有少少失望，但是還是期待。不到五分鍾，套餐就送來了，十分有效率！套餐包沙拉、主食、茶碗蒸、漬物、麵鼓湯、餐茶、菓子，十分豐富！我們還另外叫了鰻魚壽司，好好吃！我的雜錦魚生飯鋪滿了魚生，師傅十分慷慨！塊塊魚生都很大片，又新鮮，劍魚、油甘魚、帶子、蝦特別好吃、三文魚子十年鮮甜😋⋯⋯好飽好滿足，期待下次再來。

女朋友生日 提前於app內訂位 餐廳也安排了比較寧靜既位置，安排不錯服務員也有細心介紹各種食材及食物最後點了雪糕，都係抺茶味比較好吃 味道更濃郁我地對呢生日餐都十分滿意