尚鮮海鮮料理 (已結業)

又黎到銅鑼灣食火鍋，今次黎到出名多野食的百樂中心～其實百樂中心呢到除左多日本野食外，仲有間好好食的火鍋店，之前食過佐敦店，感覺都唔錯，今次試下銅鑼灣店～銅鑼灣店的裝修設計很有日式的元素，而且每個卡位都設有電視，不過當晚的卡位已經full 左，想坐卡位嘅記得去之前要book 左先～呢到最出名的係燉湯系列，今次我地點左淮山杞子鮮鮑燉雞湯（$198）清澈的湯底用上大量豬骨和雞熬制，味道超鮮甜，服務員建議打邊爐前先飲湯，而且湯內有超多的鮑魚，大概有6-7隻，食落夠軟淋😋😋特尚手切牛（中）$180打邊爐又點可以缼少牛肉，呢到有牛頸脊，手切牛和安格斯牛可以選擇，今次點左手切牛。手切牛色澤鮮紅，牛味偏濃，食落順滑，脂肪分佈平均，有點咬口。鮮打四寶丸$78四寶丸有蝦丸，墨魚丸，牛丸和豬肉丸，蝦丸夠鮮甜，墨魚丸仲食到墨丸碎，全部都打得夠彈口～田園盛$78蔬菜籃內的都是有機蔬菜，有金菇，粟米，蘿蔔，生菜和菜心，份量十足！豚肉片$45呢個豚肉片真係好食又抵食，五花肉的脂肪和肉層層分明，肥瘦比例岩岩好，食上口油脂豐富，口感溫潤～青檸梳打$26 很有檸橡味，味道偏酸，酸酸甜甜好好飲，加有薄荷葉，飲落好清新！洛神

香港人一年四季都鍾情打邊爐所以就算呢排熱到傻，都要繼續烚吓烚吓今晚就去咗銅鑼灣耀華街尚鮮火鍋海鮮料理打邊爐 可能由於比較早，六點半就上到去，店員很貼心地為我同朋友二人安排到六人座既咭位添，坐得好闊落，牆上仲有個獨立的電視機可以睇電視。慢慢食 慢慢睇 泰式海生蝦 $96香港唔係好多地方有得食海生蝦，見到有就當然整要食啦蝦身都幾肥美，肉質都夠彈牙爽口，另外個汁幾好，唔會太辣喧賓奪主 Deep-fried Dough Sticks百花釀油條 $58油炸鬼脆卜卜，上面舖滿蝦膠，配搭新鮮，仲一味兩食，可以當响鈴放入湯滾幾秒即食又可以點泰色辣醬食。我比較喜歡後者食法，脆卜卜夠香口先好食 Pork Platter (Sliced pork Belly/Pork Liver/Pork intestinal/ Pork Skin/ Pork Blood Curd)五味豚拼盤 $138由於友人唔食牛肉，所以點左個豬拼盤有齊曬豚肉片，豬潤，豬粉腸，豬紅同豬皮豚肉片夠厚，食落口不會一秒就溶左讚!豬潤也切得厚薄適中，最怕豬潤太厚，因為除左好難熟之餘口感亦會變得差豬粉腸本人大愛，有咬口得嚟又有啲粉狀係口，雙重口感

以前去打邊爐多數都會一大班朋友一齊去，揀啲任食放題邊爐，但試過幾次就知道係伏，啲火鍋料、海鮮唔新鮮就梗架喇，有啲個湯底根本稱唔上湯底，唔夠湯就只係加水🤢🤢今日難得放假就約女朋友夜晚一齊打邊爐，朋友介紹呢間尚鮮啲海鮮有料到叫我地一定要黎試下，前一日book左7點鐘2位，一上到去坐低就見到有張台放滿生猛海鮮🦑🦐🦀女朋友話想試下新野，佢平時好鐘意飲冬蔭功湯，就叫左個泰式冬蔭海蝦湯底試下。第一次試咁特別的湯底，香料好足，除左冬蔭功之外仲好重香茅味，入面有齊冬菇、秀珍菇、番茄、海蝦海鮮方面，我地就點左 清酒冷鮑魚！清酒帶出鮑魚的鮮甜，做冷盤一流，好開胃😋😋仲點左 四色丸尚盛，分別係墨魚丸、蝦丸、牛丸、豬肉丸，每款中間都包住唔同的餡料，店員仲提醒我地每款丸煮到浮面後仲要再滾一陣，因為入面好足料，而蟹子墨魚丸要輕壓一下面頭再落鍋，好貼心啊！！(((o(*ﾟ▽ﾟ*)o)))打邊爐的重頭戲當然係牛肉啦，呢到的手切安格斯牛肉，油脂分佈平均，有雪花的感覺，呢種厚度淥8-10秒左右，就啱啱好👍🏻入口即溶的感覺，好回味！火鍋配料方面，我地仲點左自家製響鈴、田園盛，同埋稻庭烏冬飲品就點左青檸梳打同埋洛神花蜜😚☺️醬

出親銅鑼灣都唔知食咩好唯有上open rice 搵搵到呢間高評分既打邊爐的確不錯價錢當然唔係出面既任食邊爐咁平 但我覺得佢定價都接受到兩個人都食左$800左右 食飽飽真係高質個下開心特別推薦四樣野 1️⃣牛肝菌昆布湯作為女士 就算打邊爐都想健康啲呢個湯底完全滿足到我牛肝菌夠香夠多 雖然我見唔到昆布 成個湯都好有鮮味 唔會死咸似老火湯 仲有好多白蘿蔔簡單既湯底先食得出食材既味道2️⃣油炸鬼係 呢個係我朋友叫來食本身我都忍到口 但朋友勁讚佢好味咁我就忍唔住食左 雖然肥 但肥得值！因為真係好好味 下脆上軟 啲墨魚滑勁多 不惜工本咁 油炸鬼個種脆證明佢新鮮炸起 無論點雞醬食 定係淥一淥先食 都好味3️⃣日本葛粉我叫呢個係因為佢低卡路里 幾乎係零卡咁濟 份量都唔食 感覺抵食過公仔面 烏東個啲爽口彈牙 比薯粉更有韌性再加啲醬料 正啊4️⃣鮮准山 又一健康推薦養顏又好味 高質打邊爐 同朋友吹下水 慢慢食人生幸福時刻～

同朋友行開時代廣場，差唔多晚飯時間，朋友話想打邊爐，於是諗起「尚鮮」，因為在時代廣場後面兩條街，之前食過了，高質素，今次帶朋友去試下。 店員好有禮貌，入到去的裝修風格都是日本居酒屋一樣，燈光好柔和，令人有舒適感覺！ 一坐低，店員就主動放下醬料，豉油可自行混醬，調校自己喜愛味道！😋選了雙拼湯底，點左血池麻辣湯拼姬松茸冬瓜湯底，姬松茸味配冬瓜又可以清熱氣，血池麻辣好惹味，先麻後辣。四色丸尚盛（必點）手打金沙牛丸、甜薯墨魚丸、芥末籽鮮蝦丸、黑松露豬肉丸，全部自家制手打，丸類好彈牙，有特色。木耳鮮蝦雲吞拼西洋菜香菇餃，好新鮮，大大粒，足料又好食，又可以滿足不同味道。牛三拼（手切牛、牛柳粒及牛邊位），牛肉鮮甜，切得啱啱好，牛邊位肥花位好正，入口多汁，牛味重，牛柳粒肥瘦均勻，所以每粒牛都唔會韌。有機田園盛，粟米超甜，有機甘正。鮮炸響鈴夠脆口，即叫即整。飲品點左杯自家製青檸梳打蜜，青檸醒神開胃，蜜糖香甜潤喉；自家製洛神花蜜茶，酸酸甜甜，加片薄荷葉飲落清香提神！埋單前，店員送左羅漢果沖劑俾我們😱好驚喜，真係好有心思的餐廳，值得推介大家去試下。

一家人難得出黎出黎食飯，搵好野食的重要任務落在我身上，四個人最好食火鍋，但是對於嘴刁的媽媽，一定要搵一間高質食材的餐廳，任食放題唔岩佢，所以選了這一間，openrice 食評都唔錯。位於百樂中心8樓，一入到去，好似去了日本居酒屋一樣，卡位間隔非常舒服，私隱度極高，四個人坐卡位好闊落，卡位牆邊還有電視機，一邊打邊路一邊睇電視👍餐牌食物種類非常多，除了火鍋之外還有熟食，刺身，牛肉都有幾個款部位選擇。有按人頭計的套餐，二人餐，我們商量了決定散叫。象拔蚌和章紅魚刺身一個字，鮮。象拔蚌切到厚薄剛剛好，大塊的，非常爽滑，好鮮甜，大滿足。章紅魚肥美，新鮮👍火鍋湯底選了姬松茸冬瓜湯拼血池麻辣湯$88，雙拼加$38，$126。姬松茸冬瓜湯是給媽媽的，上枱飲了幾口，沒有味精，清甜。麻辣湯是我的☺️剛剛開始的時候並不覺得辣，越滾越辣，麻煩後勁。期待的牛三拼$268手切牛，牛柳粒，牛邊位。手切牛好薄，放在湯裏滾兩下，就可以食，牛味重甘香，新鮮👍牛柳粒好肥美，岩曬媽媽鐘意食肥肉位，牛汁泌出黎，牛邊位肥花好靚，好滑好滑。果然高質。百花釀油條$58見到餐牌有推介所以點了試一試，花枝丸魷魚釀入油條中，一上枱，剛剛炸起，

食飯前大約7點半打電話問有冇位餐廳話有位 跟住訂左位不過樓下等𨋢都等左半粒鐘終於上到去經理叫我地等陣等左10分鐘之後經理就話開櫈比我地坐下話一陣羅餐牌比我地叫住野食先再等多20-30分鐘到啦有個待應出黎話應該有排等跟住聽到都扯火🔥我地話我地打黎訂左位架啦喎個待應就話再問經理先再等左10分鐘冇人理我地之後見到經理行過 叫住佢扮聽唔到 衝走左等多10分鐘我地餓等濟自己走左成個過程都差唔多1個鐘其實你冇位就唔好比我地訂到枱我地上到黎真係冇位就講 唔好話開櫈比我地坐最後冇人交待過你番工有錢收我d時間唔通就唔值錢？星期五諗住開開心心食個火鍋諗住食你間野都係比面你點知未食過就有甘差既經驗真係唔會再幫襯

又到每週與好友一聚時間。今次又再來到銅鑼灣百樂中心，由於過了七時才到，排隊上去的人龍已經排到出街，還好不用五分鐘就到我們！一入到尚鮮感覺好像去了居酒屋一樣，四人卡位還有一部電視！可以約幾個朋友來一邊淥一邊看世界杯！餐廳現正進行五週年大優惠，晚市火鍋配料一律七折，十分化算。不過我們比較懶又比較貪心，所以打算叫星級之選套餐，每位328，樣樣都有，適合選擇困難症之人！我們各要了一杯飲料，我要了洛神花蜜茶，好友要了青檸梳打蜜。杯洛神花蜜茶好特別，放了幾粒洛神花上面，一入口好舒喉，不太甜不太酸，適合配麻辣湯底，止辣一流。好友杯青檸梳打我都試了一口，好解渴呀！又無一般泰菜館過酸之味道，甜度適中！好快就上了湯底，我們選擇了姫松茸冬瓜及血池麻辣湯底。滾了滾已經撲來陣陣麻辣飄香，姫松茸冬瓜湯底好多姫松茸同冬瓜，轉眼之間其他配料都陸續送到！先試了前菜: 清酒鮑魚+泰式生蝦鮑魚爽口，陣陣酒香，一試停不了口生蝦一般，汁料較淡，可以辣點會更好海鮮拼盤:有蟶子，鱔片，海蝦及蜆每款都好新鮮，個人比較喜歡當中的蝦及鱔片，兩者都爽口彈牙！手切安格斯牛：雪花紋好多，片片都充滿油香又夠林鮮打豬肉丸+墨丸+木耳鮮蝦雲吞豬肉丸

同友人係銅鑼灣 shopping 完後，決定黎尚鮮試試。我幾滿意店內裝修，燈光偏暗，環境比較清靜，有種可以同朋友黎傾計一邊慢慢享受火鍋既感覺，同出面既火鍋店快快食完就走既感覺好唔同。入座後我哋就叫左一個二人精選套餐，一杯洛神花蜜，一杯青檸蜜梳打，兩杯都酸酸甜甜，幾醒胃。湯底就選擇左皮蛋芫茜湯底。出面火鍋店既湯底對我來說從來只係得個名，放食物落去煮完都好難食到湯既味道。而呢到個湯用料好足，好濃味! 然後就上手切牛肉啦，脂肪分佈平均，又切得較厚，所以口感一流! 鮮打牛丸及豬肉丸、木耳鮮蝦雲吞拼西洋菜香菇餃每款四粒，分量剛剛好，抵讚既係呢間店自家制作。食落口的確感受到個分別。之後就上脆鯇片同蠔，鯇片爽脆，蠔 size 亦夠大啖啖肉。最後就來個田園盛。食完肉後食返 d 蔬菜，無咁油膩，我幾滿意送餐既次序!本來頭先想追加牛肉的，但食完整個餐覺得分量剛剛好，食物質素比同類餐廳高，整體裝修、食物我都好滿意。下次想食火鍋睇黎呢間係首選了。

我一直都係火鍋發燒友，今次黎左尚鮮一試，值得推介比各位食家 我地兩人點了二人套餐，價錢係$688，先選湯底，佢有牛肝菌昆布，冬陰功，同土鄉清湯三款選擇，我選了冬陰功湯底，湯料好足好濃味 (食到最後我直情飲哂個湯) 。先嚟特尚手切牛，牛睇得出好新鮮，鮮紅色嘅而且脂肪比例都好靚，好重牛肉味，正!!再嚟手打牛丸同豬肉丸，食落好彈牙，肉汁充足，好好味!!海鮮就有脆鯇片同廣島蠔，脆鯇夠爽，又無骨，蠔就好肥美，我本身唔太鐘意食蠔都食左 3 大隻 台式黑椒腸，日本蟹柳，木耳鮮蝦雲吞同西洋菜香菇餃。黑椒腸我第 1 次食，好夠味，加埋個湯底真係無得彈呀。自家制木耳鮮蝦雲吞，包得好靚，又 keep 到彈牙!!食到呢到我都飽左 8 成，差 d 唔記得仲有一大碗菜同一丁麵，最後飽到摸住個肚仔咁走。$700 左右係比外面貴左少少，但食物質素比外面高一大截，我覺得好值得!

受友人推介，今晚黎咗尚鮮打邊爐。地點都唔難揾，銅鑼灣A出口近約十分鐘就到。之後上百樂中心8樓，一開門就到。我地揀咗卡位坐，坐位十分舒服，而且仲有電視睇。蟲草花花膠燉雞腳 ($178)見好多人推介蟲草花花膠燉雞腳，我地都點咗一客。呢個湯非常足料，入面係有豬骨、雞腳、蟲草花，仲有大大隻雞脾，真材實料。店員提醒，可先飲用湯，之然再用黎做湯底打邊爐。湯飲落都非常鮮甜，而且湯料都好好味，我地都飲咗兩大碗。另外，係上枱時，店員話我地知，呢個湯係限量既，今日好好彩先仲有得試。所以如果想試，記得要係Book枱果陣講㡳要留一客。象拔蚌及章紅魚刺身 ($328)超高質刺身！必食推介！象拔蚌非常新鮮，鮮味十足。另一款係章紅魚，我都係第一次食，肉質好彈牙，而且爽滑，好好味！手切安格斯牛打邊爐當然少不了牛肉，安格牛牛味十足，肉質非常嫩滑。中意食牛既，一定要點黎試！店家仲配咗芝麻醬，但個人認為唔洗點醬都非常好味。雙拼．雲吞拼香菇餃 ($75)一款係木耳鮮蝦雲吞，而另一款係西洋菜香菇餃，兩者都係手包既，而且都大大粒，十分足料。雲吞個Size同乒乓波咁大，而且十分扎實，入面仲有大大粒鮮蝦。而餃子個餡係全素，入面有馬碲

印象中長輩未試過外面食火鍋，當然要揀一間好架啦，於是就來到呢一間尚鮮火鍋海鮮料理一試。一上到去，店鋪不算大，但難得地清靜舒服，我地一家被安排到卡位，自成一閣，每set卡位又有部電視，可以一邊食一邊傾下電視經。一黎首先混醬! 侍應送上醬料盤，所以配料應有盡有，亦都整齊企理，呢 d 小 detail 可以見到店鋪對客人既重視同態度。二人海皇套餐，剩係湯底己經係重頭戲，有龍蝦、大蝦、大蜆、聖子及元貝，個湯滾一滾後，侍應叫我地先飲一飲湯，好好好好味，遲 d 落完火鍋料後再飲真係不得了。Prime頂級牛頸脊，脂肪分佈得好靚，牛肉味充足! 讚!蟹皇餃真係超級好味，一咬 d 汁多到呢... 加埋個湯底，剩係呢樣己經值得再來幫襯了!桂花蚌及珊瑚蚌分量足夠，又夠爽口，好新鮮。最後加埋日本葛絲同菜，份量岩岩好。加點一客小食：百花釀油條，外面脆內面軟，好有趣既口感。最後值得一讚既係店員服務態度真係好好，好有耐心解釋，亦不時過來問有無需要同收走食完既碗碟。

一家人到銅鑼灣行街，一心想父母試試有質素既火鍋店，行經 time square 一於試下呢間尚鮮啦。我地選擇左星級之選套餐，一開始先黎冷盤，小弟一向係生蝦 fans，蝦夠鮮甜又帶微辣，而清酒鮑魚既酒味好濃郁，作為開胃菜認真唔錯。湯底揀左土鄉清湯同田園雜菜湯，你地睇睇相就知道個湯有幾足料，後尾加埋烏冬好好味。手切安格斯牛，話明手切，所以厚度比較厚，食落好有肉味，脂肪分佈個靚，唔會有靱既感覺，岩哂我呢隻食肉獸。海鮮盤擺得好靚，食材夠新鮮，蜆同蟶子都好鮮味，鱔片夠爽脆，蠔夠大亦鮮甜。豬肉、墨魚丸同埋鮮蝦雲吞，係尚鮮自家製，同出面比的確鮮甜同足料好多。掃完肉類後黎左個蔬菜盒，個己經好足料既湯再落埋粟米甜上加甜，超好飲!最後小弟好奇心驅使下加叫一客百花釀油條，超級好味，油條脆到坐對面既呀媽都聽到 XD ，但又唔會油膩，推介! 食完全家己經好飽了，家人好滿意，下次決定再試其他套餐!

今次4個朋友仔去銅鑼灣玩，大家無咩街想行，於是決定去打邊爐！見呢間尚鮮主打日式crossover 火鍋，一於試下！去到侍應推薦4人餐，有海鮮、有安格斯牛又有菜，成個飲食金字塔齊哂，決定唔用腦揀呢個！不過講嘢食前先講講嘢飲，打邊爐最緊要梗係飲品啦！我叫咗個洛神花，另一半叫青檸梳打，味道都好濃郁！不過有少少得嘅嘅係，原本諗住洛神花會好酸，點知係甜度較高；反而青檸梳打酸味重啲，感覺都幾得意！講返主菜，2個湯底一個姬松茸冬瓜一個麻辣，麻辣唔算好辣，但係都好夠味，嗜辣朋友不妨一試！而牛係好色嘅，好有牛味而且入口即溶，唔韌，靚牛必備的條件都有！至於海鮮份量非常足，好多款，聖子又有刀貝都有，係滿足嘅！最後推一下前菜，清酒鮑魚好有鮑魚鮮味，讚！加上爽口，係值得一試！泰式生蝦亦都好新鮮，好甜，連埋泰式醬非常開胃，有水準！下次打邊爐可以安歌一下！

餐廳以日式裝修，唔講真係會以為係居酒屋，直至見到台面個電子爐先知道無去錯地方。對比一般火鍋店唔同既除左裝修，仲有就係座位既舒適度、食材既質量同職員既服務。先講個座位！可能係方便放多種豐富食材既原固，台面設計好寬敞，卡位仲有埋獨立電視，非常適服，岩曬情侶談下心，同香港地一般用盡每一尺位置既既餐廳成好大對比。值得推介佢個星級二人餐。有兩個湯底，既可以做到一人一鍋，又可以做到開心share既效果。食物類型應有盡有，份量足本，由冷盤到海鮮(最衰無送埋甜品)岩曬D唔想諗叫咩既人！湯底夠清，食完無口渴，應該無味精。食材方面，夠高質同新鮮，絕對對得住「星級」呢個名。最正係聖子皇，大大條，肥美又鮮味手打肉丸，彈牙有咬口安格斯牛，雪花均勻，高級野其他食物一樣咁正